影片
更多
2022-12-18
335 瀏覽
做左openrice 咁多年cd-rom, 用做下指標睇下去邊食飯，訂下枱，買下外賣. 今次明記真係點着左我團火！荃灣友大部份都知道明記食物質數可以，但價錢一年貴過一年， 仲貴過大鴻輝食任食. 今日家人想食打冷外賣，荃灣區我只諗到明記質素比較有保證，而對上一次幫襯已經係兩年前，唔想家人失望，唯有硬着頭皮頂硬上. 一上到門口收銀，同個四眼阿姐講我買外賣，有冇折，定係好似之前咁夠幾百蚊就送一個雜拼，個四眼阿姐掛住睇賽馬，hea住講我地外賣冇折架喎， 而送雜拼都已經冇做. 算啦咁既然佢咁忙睇馬， 我唯有問佢可唔可以俾個餐牌我睇，佢指住第一張枱，叫我自己行過去攞，但明明佢背脊後面係有餐牌，但係唔想攞俾我囉. 我分別叫咗韭菜豬紅，滷水鵝片雜拼同埋辣酒煮花螺共500 信用卡付款. 係我等待之際，我就上OpenRice睇睇其他人仲有咩推介. 但就俾我發現咗，原來經OpenRice訂係有九折. 我即時問阿姐（指住個App)點解呢度有九折, 佢支吾以對同我講咁你喺邊度訂呀，然後繼續睇馬，好似完全唔想解釋咁. 咁既然我柒咗就要認，而對方都唔係好care 我既反應，咁我只好上OpenRice留我第一個留言
荃灣友大部份都知道明記食物質數可以，但價錢一年貴過一年， 仲貴過大鴻輝食任食.
今日家人想食打冷外賣，荃灣區我只諗到明記質素比較有保證，而對上一次幫襯已經係兩年前，唔想家人失望，唯有硬着頭皮頂硬上.
一上到門口收銀，同個四眼阿姐講我買外賣，有冇折，定係好似之前咁夠幾百蚊就送一個雜拼，個四眼阿姐掛住睇賽馬，hea住講我地外賣冇折架喎， 而送雜拼都已經冇做.
算啦咁既然佢咁忙睇馬， 我唯有問佢可唔可以俾個餐牌我睇，佢指住第一張枱，叫我自己行過去攞，但明明佢背脊後面係有餐牌，但係唔想攞俾我囉.
我分別叫咗韭菜豬紅，滷水鵝片雜拼同埋辣酒煮花螺共500 信用卡付款.
係我等待之際，我就上OpenRice睇睇其他人仲有咩推介. 但就俾我發現咗，原來經OpenRice訂係有九折. 我即時問阿姐（指住個App)點解呢度有九折, 佢支吾以對同我講咁你喺邊度訂呀，然後繼續睇馬，好似完全唔想解釋咁.
咁既然我柒咗就要認，
而對方都唔係好care 我既反應，咁我只好上OpenRice留我第一個留言. 冇諗過我嘅第一次係比明記，一般都知道佢貴，但係冇諗過$50都要玩遊戲.
咁既然賭馬重要過返工，咁我唯有祝佢發達啦， 但我就以後- 明記？ no la.
另外，大家可以圖片欣賞下$200嘅辣，酒煮花螺有幾多，可能貴在辣汁.
鵝片雜拼208 數埋得六片薄切，可能貴在師父刀工.
依個韭菜豬紅可能係取笑我做咗豬，比人放血.
張貼
