明記海鮮潮州菜館 (天保大廈)

營業中

休息中

今晚三個人去了這間明記海鮮潮州菜館。一開始叫個羊腩煲。價錢是448元(加埋一成$500)。諗住都有返咁上下份量。點知個羊腩煲嚟到。水仲多過羊腩。每人祇有約5件。平均每件超過30元，另外叫咗個生腸墨魚。生腸得10件，墨魚又得10件。另外叫咗兩支啤酒。最後埋單要780元。極度唔抵食。味道一般。以後不會再去😤叫個仕應埋嚟反映一下，嗰仕想答我新鮮羊腩，係咁上下。我話一件要成30幾元，跟住就唔出聲走咗去。食到火都嚟埋。香港有啲咁嘅飯店，想唔死都難。

今日和同事途徑荃灣，同事說想去吃潮式打冷，就想起朋友介紹過的📍明記潮式海鮮菜館，於是走去試試，店舖門面雖然小但上到一樓去地方很大。一進門口已經見到很多食品映入眼簾，潮式的打冷瀨尿蝦、凍蟹、鹵水鵝雜等等連龍蝦都有……相當吸引。坐下在桌面放有花生🥜和潮式的鹹菜🥬，花生香脆而潮式鹹菜相當醒胃。吃潮州菜少不了要點熱門的鹵水鵝片，因此今天叫了蠔仔粥🦪，配一個孖寶🦢鵝片和蒸白鱔套餐。💢蠔仔粥大大碗上檯了，熱騰騰的粥上面灑滿了芫茜滾起來十分之香噴噴。粥内蠔🦪仔很多且非常肥美，配合了方魚碎粒的鮮香味，使湯味道變得很濃美味，而且蠔肉咬落爆汁又沒有腥味，整碗粥水準不錯。💢鹵水鵝片🦢切得很薄刀功很好，而且鵝皮薄沒有肥膏又沒有骨，入口肉質幼嫩沒有粗鞋的口感，配上的鹵水汁味濃惹味亦不會過鹹。下面墊底的花生亦炆得很腍口，豆腐的表皮已索滿了鹵水汁，全部都變得入味又惹味。👍💢豉汁蒸白鳝上檯時熱辣辣香氣四溢，啖啖肉沒什麼骨，只是簡單的用豆豉和蒜蓉來蒸，帶出了鱔自身鮮味和油脂香味，肥肥白白的鳝肉質彈牙，真是吃食不停口。😋🔷️今餐所吃菜式雖然不多，但每款的份量都很足夠，兩個人有點吃不完，售價亦算親民，想吃潮州打冷是一個不錯的

如果想食螄蚶、黃酒雞，第一時間就會諗起「明記」。秘製凍螄蚶（$128）保持水準，醬汁酸酸甜甜，螄蚶肉鮮味。客家黃酒雞（半隻）（$160）湯底酒味濃，材料足，雞件滑，夠哂補。鹵水鵝（$148）份量適中，啖啖肉，冇咩骨，鵝肉唔嚡有咬口，鹵水味唔過咸。豆腐花生墊底。韮菜豬紅（$88）大大碗，粗略估計都有廿粒以上。豬紅有質感唔會一夾就爛，調味醬汁夠哂濃，微辣。少量韮菜有啲韌。菠蘿咕嚕肉（$118）豬柳條啖啖肉，肉質軟腍，無骨，青椒紅椒加菠蘿，味道正常。豬油渣蝦乾生炒菜心苗（$118）火喉差少少，冇乜鑊氣，少少偏濕、偏油膩。1L大凍檸檬茶（$36）超大杯，用大啤酒杯裝。另收加一服務費，沒有茶錢，但有一碟小食（$20）。星期五/六，用餐時間2小時。

明記食物，唔會令人失望。早兩星期已經book 定檯食中秋飯，全場坐爆，雖然有少少迫，都係短短兩粒鐘，可以接受。其實之前食過一次係外賣的，今次堂食。魚皮：食食下覺得好辣，不過好好味蠔餅：超好食，好脆，去到無可能唔食蠔仔肉碎粥：呢個又係好正，去到必點黃金鮮魷：正滷水鵝半隻：面頭一片片，切到好薄，刀工勁，好入味西檸雞：正韭菜豬紅：好味，有少少辣鵝翼：屋企人好鍾意食，食兩次都讚檸檬茶：好大柸，1個人飲唔晒，要share 飲石鍋啫通菜：正蒜蓉油麥菜：正下次去會試下海鮮

係荃灣想食鑊氣小炒，我推薦明記， 呢到平日都好多人食如假期來 book 訂位穩陣d。今次來到點左兩個小菜加個粥已經好正。✡️ 滑蛋炒蝦仁 ～ 蝦仁份量多大大隻仲要好爽口，雞蛋又滑蛋汁香濃，令人一口接一口咁食。✡️ 明記小炒皇 ～ 每枱必點的菜式， 每一間店小少皇內容都唔一樣的，呢到有蝦乾，蒜芯，腰果，魷魚鬚，魚乾仔， 材料豐富又惹味唔怪得係人氣之選。✡️ 方魚肉碎粥（細） ～ 唔想咁齋食白飯的話，可以好似我咁叫個細的方魚肉碎粥，我平時絕少食粥，但呢個唔同，其實似湯飯， 佢d 方魚切碎放上去好入味， 呢d 天冇咩大胃口食個湯飯係個唔錯的選擇。🥤 加多寶🥤 可口可樂Zero

兩個人食飯，叫餸真係一個問題，好多嘢想試但係又驚食唔晒，例如好似今晚咁樣，我個friend就想食滷水鵝片，至於我就想食滷水拼盤，不過Menu上面又好似冇咁嘅combination，好彩問一問夥計哥哥，佢即刻話可以滷水拼盤加鵝片，不過個價錢就會比起拼其他嘢貴少少，我哋話冇問題呀，因為滷水鵝片本身就貴啲㗎啦。佢呢個份量唔錯，$208，啱晒兩個人，唔會太多又唔會太少，最緊要係可以一次過滿足晒兩個願望。韭菜豬紅都唔錯，少少辣幾好味。呢度嘅炸鮮奶有驚喜，雖然佢個皮就厚咗少少，不過入面嘅鮮奶又香又滑。

以前讀書時期，一大班人成日食打冷，畢業後就很少，今日同男朋友重拾打冷的味道👅潮式蠔仔餅芫荽味十分香，蠔餅厚度適中，香脆，啖啖咬落都有蠔，而且大大隻又唔腥風味京蔥豬頸肉鑊氣小菜份量很多 豬頸肉爽口，京蔥帶略略甜味，增添香氣，忍不住一啖接一啖豉汁蒸魚雲粵菜的經典簡單的豆豉和蒜蓉便能帶出魚的鮮味魚肉口感嫩滑，男友最喜歡魚雲的半透明膠狀，立刻補充膠原蛋白大大杯檸檬茶 1000mL 真係超大杯！本身打冷嘅檸檬茶無抱太大期望，結果十分有水準，檸檬酸而不澀，茶底又香又濃夏天熱辣辣 一個字：爽！！！分享一個冷知識看到店內的介紹才知道打冷的意思，原來唔係潮州話，是「打round」，以前客人跟店主說打個冷，打個轉，看看有咩好食、再落單。有趣！有趣！

荃灣明記海鮮潮州菜館非常岀名，呢度無論海鮮定係打冷潮州菜都一應俱全，行上樓梯，入邊嘅空間好大👍🏻而且上菜速度好快，落完單食一陣花生就已經上菜🙌🏻滷水雜拼，呢度嘅滷水非常高質出名，而且好豐富，有齊鵝腸、滷水腎、紅腸、豬大腸、墨魚。滷水味道濃郁，但唔會太鹹，突岀到各種嘅食材味道🥰韭菜豬紅，非常入味，而且有微微香辣，真係好惹味😋口感亦好軟滑，配白飯簡直一流😋石鍋啫啫通菜，一上枱就見到熱辣辣，出晒煙，通菜嘅份量多到幾乎滿瀉😝通菜爽脆多汁😚潮式蠔仔餅，去潮州菜館就梗係要食蠔仔餅🤣蠔餅大大塊，煎到金黃色🤩外脆內軟，口感煙韌，蠔仔份量夠晒多，鮮味厚實😍

[✨荃灣老字號潮州打冷館🍲]❤️‍🔥#明記海鮮潮州菜館 #打冷 🥢鹵水鵝片 $ 160鵝片起骨切成薄片，肉質嫩滑，就咁睇顏色都知鹵得好入咪! 肥瘦適中啖啖肉，必食推薦!🌟😋🥢脆皮炸鮮奶🐮 $ 108奶香都幾重幾濃，外面炸得好酥脆，入面就好軟熟，口感幾有層次!☺️💗🥢蠔餅🦪 $ 108即叫即煎嘅蠔餅炸到好脆，熱辣辣香噴噴，蠔仔好大粒好厚實，一啲都唔腥仲幾鮮味，好味! 必食推薦! 👍🏻👍🏻💕🥢豉汁蒸白鱔 $ 208鱔片上面鋪滿豆豉，上枱嗰陣都仲係熱烘烘豉香四溢， 鱔片肉質彈牙有口感，用黎拌飯簡中直係一流!🤗💫🥢黃金鮮魷🦑 $ 148鱿魚夠厚身，炸粉唔會太多，薄薄咁包住鮮魷，炸得外脆內軟味道岩岩好，同時唔會覺得太油，好食👍💞🥢石鍋啫啫油麥菜 $ 108油麥菜🥬好爽脆，份量都幾足又夠惹味!😙🥢沙拉骨 $ 118金沙骨質地偏硬，加上無乜肉，個人就覺得呢味麻麻地啦🤫🤫🫥————————♡♡♡♡♡♡————————✨總結價錢黎講唔會話佢好平好抵 (留意返會有+1服務費)，不過呢度嘅野水準又真係有返咁上下，份量亦都好合理，適合同一大班朋友一齊黎食😍以打冷舖黎講環境都算闊落，唔會話同隔離枱貼枱，推薦比鐘意打

上潮州菜館通常係食打冷，今次搞搞新意思，試下啲鍋物。首先叫左個粉絲雜菜煲，全家人都愛吃煲菜，暖暖一鍋搞定，簡單又美味！粉絲能吸收各種鮮味，不管是搭配海鮮還是蔬菜，都特別入味。跟住叫左個薑蔥魚雲煲，魚雲其實是魚鰓的兩邊，帶白色半透明膠狀，能吃的魚肉不多，但口感比魚身嫩滑，懂吃魚雲的人，必定是愛吃魚之人。加上爆香薑及蔥，入魚雲煎至金黃色。薑蔥的香，配上魚雲的嫩，令人胃口大開。最後叫左明記海鮮石頭鍋飯。一鍋飯有齊多款海鮮，每款都好新鮮鮮甜，石鍋令到飯有焦香，帶有鍋巴的酥脆口感，令口感更加豐富

今晚晚飯總共叫左十樣餸，上菜速度都好快而且好大碟。另外，大檸檬茶1000ML都不錯，36元一杯也合理。但成餐飯最最最失望，就係服務。成餐飯食到滾水淥腳咁，樓梯張紙寫明’繁忙時間用餐2小時，5點45分入到去坐低，7點已經叫我哋埋單，去到7點半已經收晒所有野，蛋糕都未食完個阿姐已經係咁吹交台。最後同我地講用餐實則個半鐘，即係用餐時間任餐廳講。佢要你交台就交台。總括：食物質素保持水準，服務態度不斷下降。

🚩荃灣鱟地坊🚩位於荃灣較隱蔽既地方有間隱世潮州餐廳，因為佢門口細細，要行樓梯上去2樓，一入門口已經見到d鹵水拼盆，凍烏頭同d鹵水鵝😀😀😀望到都已經流哂口水🥹🥹🥹🥹🍚潮州粥🪿鹵水鵝片🍱鹵水雜拼🦪蠔仔肉碎粥🐟凍烏頭 🐠凍大眼雞🧆潮式蠔仔餅🥬石鍋啫啫通菜煲🥩咕嚕肉🧆豉椒炒蜆🥤大大杯檸檬茶1000ml💡總結餐廳上菜超快，碟碟餸都大大碟同熱辣辣🔥🔥🔥🔥快得黎，每碟既味道都無失水準😋😋👅味道：4/5💰性價比：4/5📍 明記海鮮潮州菜館 (天保大廈) (荃灣)🗺️ 荃灣鱟地坊72號天保大廈1樓

呢間由細食到大嘅潮州打冷應該荃灣人都一定食過嘅舖頭之一雖然咁多年嚟睇住佢加價份量都唔算係話少咗好多所以覺得多人食除開之後性價比幾高每次去都會食個孖寶餐睇吓想食大眼雞定蒸白鱔仲有豉椒炒硯同蒸蟶子但食過兩次炒硯份量好少後來好少嗌想食硯嘅話會覺得不如嗌東風螺我比較鍾意揀屋企好難煮得到嘅嘢食所以蠔餅都係一個我每次去都想食嘅餸而且佢係炸到好脆口好熱氣嗰種愈邪惡愈想食喺屋企真係整唔到佢嘅鵝片鹵得好勁有時會太多肥肉不過百零蚊呢個份量又覺得幾抵食真心唔太建議嗌鹵水拼盤因為好似將啲餸頭餸尾擺埋一碟咁不如揀返佢嘅椒鹽系列仲好沙拉骨同沙拉蝦球都唔錯我覺得好食嘅我打晒出嚟㗎啦😆

女友小熊話有段時間無食潮州菜，想食螄蚶.唔知點解，潮州菜先有螄蚶?我係屯門出差，小熊係香港島收工，於是揀個兩者中間位置開餐，中間位置係荃灣，上網睇睇，明記係荃灣有分店，於是上明記開餐.旺角明記唔只幫襯一次，所以放心幫襯荃灣店. 另外仲有個目的，旺角店舖嘅凍0茶有粒熊仔冰粒，女友小熊好鬼鍾意話佢好Q，所以想會吓粒熊仔冰粒!唉.... 我有時對住小熊，都會頂唔順佢D傻勁! @_@:荃灣店就無熊仔冰粒供應，但有大大杯凍0茶而且圍圍枱都點，成個啤酒杯咁大杯，我同小熊兩個人點一杯都係啱啱好飲哂，依家天時暑熱，有杯咁巨型嘅凍0茶絕對加分不少，只係賣36蚊! 出面D茶記，差不多賣成20蚊仲要得果丁咁細杯份量，即刻將果D茶檔比下去!加分地方仲有兩點，第一係D小食花生，明記花生夠香口夠脆，有D餐廳嘅花生一入口，唔夠脆入哂氣，相當無引，雖然問題小小，但如小小問題都忽視，質素好極有限，大大扣分.第二點係個螄蚶夾，試過用D螄蚶夾，爛都俾客用! 有D就用得多有損耗，開螄蚶唔夠乾淨利落，今次螄蚶夾好好用! 一開就攪掂!等我開多幾隻俾女友小熊食先! 易開!螄蚶用酒醃制，仲有蒜香同莞茜香，又鮮嫩又爽口，食到停唔到口，

朋友介紹一間潮州菜-明記，環境裝修都好有傳統特色，我同朋友都鍾意食大排檔，就過來試試。滷水鵝滷水鵝肉一定係必點，鵝肉充足其獨特肉香味，薄切排盤,  墊底用了滷豆腐,  口感係結實帶少少咬口嗰種，而且索哂啲滷水汁，必食呀，鵝片好入味,  肉質油脂感豐富, 正宗潮式滷水鵝超級，肉質軟嫩，好好食! 方魚肉碎粥食潮州菜又點可以不叫方魚肉碎粥呢，已經有一大鍋，粥底係潮州粥但飯粒熬到好綿嗰種，有少少似湯飯嘅質地，反而幾有咬口。蠔餅即叫即煎旳蠔餅，熱辣辣香噴噴，色澤金黃吸引，餅入口香脆，煎得不油膩, 脆中帶點煙韌,  蠔仔飽滿,  味道鮮美