明記海鮮潮州菜館 (天保大廈)

營業中

休息中

前兩日去荃灣探朋友，晚上一齊去打冷，餐廳在一樓，經過一條長樓梯，起初以為餐廳好細，推門一進，原來都有好多枱，有好多食客。韮菜豬紅，我們點了細的，但份量都幾多，豬紅好滑，但不會散，很入味，辣辣的又不太辣，好惹味，韮菜亦爽脆，比以往食的好味。蠔仔肉碎粥，是打冷必點的，蠔仔都好多，沒有腥味，粥底夠入味，有鮮香，三人食都足夠有餘。潮式蠔仔餅，與台灣的蚵仔煎完全不同，這店的是很酥脆的，帶咸香，蠔仔與粉醬比例通中，加些魚露和辣醬更能提升鮮味，入口非常香脆。小炒皇，用料十足，用大蝦乾、魚乾、魷魚、腰果、韮菜等一齊炒，想唔香都難，加上韮菜夠新鮮，十分爽脆，入口感覺是咸香鮮脆，夠惹味。薯仔一口牛，牛柳粒軟滑，炒得夠香，但主角是薯仔，每件外層都有微脆香甜的感覺，個個都爭著食薯仔。雖牛柳好味，可是薯仔更好味。大檸Tea，果然名符其實超大，一杯有一升，三個人都夠飲，而且有成果檸檬，以前未見過檸茶可以有那麼多檸檬。