明記海鮮潮州菜館 (天保大廈)

營業中

休息中

提早興祝父親節 朋友介紹明記話係一間唔錯既打冷鋪頭，所以就同決定係到食父親飯。我哋一共呢就嗌咗九樣餸，雖然都冇辦法喺度每樣分享哂，咁都精選咗認為值得推介嘅比大家。先講講打冷必點既滷水拼盤，相當豐富鵝腸大腸亦都好入味。下面呢亦都有芽菜墊底絕對係一個唔錯嘅開場小食。滷水鵝都好入味下面嘅豆腐呢絕對係主角推薦大家可以嗌一個試吓。再落嚟呢，仲嗌咗個韭菜豬紅。一個大份呢就已經足夠我哋八個人食，所以大家要睇住份量啦。仲有呢個薯仔牛柳粒，牛柳好軟熟薯仔呢亦都比蜜糖包裹住外脆內軟帶少少甜味。送飯一流。如果大家都鍾意食打冷呢間呢都絕對值得推薦呀。