旦王米線站

營業中

休息中

叫左外賣，發現有隻細曱甴，通知商戶退款被拒絕，最後搵外賣平台幫手，外賣平台反映商戶仍然拒絕退款，而原因係岩岩滅完蟲，不認為有此情況出現，但係我角度，我都不認為呢個係一個原因，因為滅完蟲並不代表完全五會有曱甴，成件事好不合理，亦令我覺得好不負責任，所以我要表達出黎，並不會再次幫襯

本身諗住叫要飲後上 佢當住成家大聲叫 一定要即刻上連張單 要強調寫三次 發生咩事咁唔想服務 咪唔好做lo 不知所謂我見佢對住第二啲客人都係咁差一邊送餐一邊喺度口upup 😥

透過外賣平台 叫餐，確定係店家送少咗個餐俾我哋，打電話去要求處理，店員敷衍了事，態度十分惡劣，甚至直接cut線，完全只係想逃避自己做錯野嘅責任。第一次無故cut線後，我再用第二個電話打去追問，又係講到一半回應唔到我個問題就突然cut線。原來呢間鋪頭解決唔到客人問題係直接cut線處理，根本冇打算一同商討一個我可接受嘅解決方法。第一次食呢間野但已決定永不考慮呢間餐廳，態度有問題點樣令客人對你啲食物有信心。

餐廳內環境不算闊落 二人卡位比較適合瘦身人士坐 平日早上多食客 可能附近餐廳不多關係 早餐麵食 三餸 跟餐飲$34 牛油方包加$1可改做多士 麵質彈牙還不錯 整體合格 係人多 同埋座位排得較密集

睇之前d帖寫衞生差，所以卻步，然後過左一排，又見到有帖寫大窩米線，又見到平時都多人入去食，於是都係膽粗粗走左入去。叫左碗$60既大窩紅薯粉+酸辣湯底，俾個碗既size嚇親，大過譚仔個過橋米線好多。咁多料之中，最鐘意食炸醬同酸菜，依兩樣最有味道同埋好難唔好食。其餘個d肉丸、肉片有陣雪櫃味，最odd係蟹柳，得半條，而且真係原裝無過熱水就放入碗度，但湯既熱度又唔會令蟹柳鬆啲，結果好似食擦膠咁。既然自己叫食，依餐無得冤。但見人地枱叫雞翼牛油西多士，即叫即煎勁吸引咁款，就更加唔想再食碗紅薯粉。幾粒鐘後突然肚痛肚痾，懷疑碗野唔乾淨。本來無諗住寫帖，但到第二朝個肚依然又痛又痾，就真係唔寫唔得。可能其他野食物，不過米線類就算把啦。

佢嘅裝修都幾有趣， 好似代表一個車站咁樣。 普通米線就係有普通米線嘅食法一個套餐兩餸米線， 仲有不同嘅湯底， 我就比較鍾意食辣。 米線粗幼適中， 湯底都算不錯， 算係經濟實惠。 中午醫飽個肚不錯嘅選擇。

同朋友喺南昌街買嘢, 到中午就走入去食碗米線，果然小店都無令我們失望。朋友叫咗一碗酸辣大鍋米線， 我就叫咗一碗清湯牛肉墨丸米線。酸辣大鍋米線 - 非常大碗，好抵食，有十幾種材料，食完滿足晒清湯牛肉墨丸米線- 正常份量，湯底及米線都不錯

呢間酸辣粉喺酸辣粉gp勁多人推🤣❤️原來就係同食過幾次嘅米線鋪同一間黎嘅🤣唔洗好似旺角咁要喺馬路隔離企喺度食🤣湯底唔會淨係得個咸同酸，有小小藥材湯味，薯粉係圓粗身，夠煙韌（重點！）👍🏻👍🏻👍🏻出面食好多時啲薯粉好淋/幼🥲呢間鋪嘅米線都好食嫁❤️食過幾次麻辣米線，豬大腸好味😋湯底有啲似譚仔但帶點甜味覺得呢度嘅小小辣=譚仔4小辣杯咸檸七加$10蚊炸❤️好抵飲👍🏻啲職員態度都好好❤️👍🏻

入到去坐底，未抹枱，用塊有酸縮味嘅枱布抹枱，好得人驚，衛生情況差食米線，凍熱飲要加$，有味精肉質麻麻，超咸，懷疑啲豬肉唔新鮮🤢同枱食常餐的同事都覺得所有食物過咸。吃完後有隻超大曱甴地上走，叫知他們職員，其中一人拿地帚掃走曱甴，食完之後，我跟同事都不會再進內午餐。

本身唸住食車仔麵，但係好多人又趕時間所以入左呢間新開既米線當時2點未到，只係坐左4張台呢幅牆好特別，係香港地圖上面仲會標示地鐵站名同當地區既特色大鍋米線 （$59） 麻辣小辣湯底一般，有好多芽菜餸菜都係大路野我通常2個人去食米線都會叫大鍋米線蒜泥白肉慎叫屋企人好喜歡呢道菜，去親食米線都會必叫但呢碟真係好吾掂首先上面既蒜泥有好勁既苦澀味白肉係屬於好大塊，但一半都係勁肥既肥膏而且係完全冇醬汁所以真係好難食

已經唔係一次係咁，平時嗌開外賣自取，試過嗌炸醬冇炸醬，熱飲變凍飲，最過份一次係嗌米線變左公仔麵麵底，呢個會唔會過份左？😡真係冇乜事唔建議呢間，要吃都check清楚落嘅單同比嘅係咪一樣，唔好好似我咁每次都返到屋企先發現🥲

環境：小卡位比較迫，夏日炎炎卻中門大開，路邊巴士停留排出的熱氣都進入店內，如店主關關趟門更好店內有一陣陣不知似牛雜定係似漂白水嘅小味道😓食物：-雞肉，豬紅紅薯粉（小麻辣）-豬潤，豬紅米線（清湯）總括而言，湯底全都偏鹹，都不敢再飲左多啖，辣都份量亦算正常，不是大大碗的！紅薯粉是圓身煙煙韌韌的，豬潤都幾爽幾彈，豬紅都夠味嘅。進餐期間都留意到不少學生和街坊前來購買外賣，街坊小店都值得支持一下試一試嘅！

成日都覺得石硤尾冇咩好食🙈唔講都唔知原來在行去jccac途中有間米線小店經過咁多次都冇留意到哈哈仲要味道都唔錯.▪️麻辣微辣 配肥牛 豬大腸肥牛有3/4件😍豬大腸乾淨，吸湯.▪️麻辣小辣 配腩肉 自制韭菜餃腩肉係1cm厚度😍口感爽嫩，入味韭菜餃好好味，多菜少肉仲帶有鮮肉汁🥰好香好好味.Btw好多米線食完又冇口喝仲要埋單只係$9x好抵好正～

今日無無聊聊放病假 咁就去附近食個早餐呢間茶餐廳附近嚟講都 係有水準30零蚊一個早餐 唔可以要求啲乜嘢。首先即叫即整 炒蛋 都幾滑溜 配上午餐肉都幾 夾得嚟之後就輪到呢個沙嗲牛麵 沙爹牛肉醃得幾好 牛肉 都幾 淋淋地 沙嗲汁都幾夜咩 缺點就係個麵底 唔係出前一丁 而係普通福麵。凍檸茶 小冰 總共用上 四片檸檬 檸檬係新奇士檸檬 所以飲落唔會苦苦澀澀叫佢 小兵佢的確畀少咗 仲畀少咗 甜仲有兩片方包 配上牛油 其實食曬都已經幾飽值得一提就係佢哋可以轉多少 只係加一蚊 所以我下次都會轉

今日同朋友出去睇展覽，求其入咗間米線食lunch疫情關係，店裡面有裝隔板，食得安心啲！米線有小窩同重慶酸辣粉選擇，我同朋友就決定下唔share一個大窩米線，唔駛苦惱揀咩餸🤪再叫一份尖椒皮蛋。大窩米線超！大！碗！！！睇吓我隻手掌🥶湯底揀咗酸辣湯，有好多餸啊，啱晒我哋呢啲選擇困難症。咁啱撞正下午茶時間， 我哋再叫多份西多士即叫即製，熱辣辣，而且裡面仲有花生醬，正！米線同下午茶都可以跟餐，我哋都叫咗特飲紅豆冰（好多豆）同檸檬利賓納，消消暑～