日山 (海運大廈)

營業中

休息中

日山·竹 $688首先頭盤 有三樣野 當中有梅酒啫喱、和牛串同和牛春卷 首先係食梅酒啫喱 感覺好清新 之後再食和牛片 食落牛味好重 肉質好淋 最後係和牛春卷 春卷既皮薄而且好脆身餡料都好多 頭盤設計由淡味食到濃味 慢慢叫醒味蕾而成晚重點既壽喜燒 職員話今次係用上鹿兒島和牛肩夾肉既部分第一塊和牛係正常煮熟 附上蛋汁 仲有舊豆腐係底 食落好淋身 未到入口即溶但配蛋汁就好唔錯🤩第二塊和牛配野菜包括有冬菇同粉絲 今次塊和牛會比第一塊生少少 有入口即溶既效果 而且野菜可以平衡返個油膩感🥰第三塊和牛係用燒汁做醬汁 呢個係三塊牛之中最濃味既 不過都冇蓋過和牛本身既牛味 呢塊都係煮得冇咁熟 食落入口即溶成個套餐仲有飯同烏冬揀 如果揀飯仲有個和牛麵豉湯送 都幾特別 而烏冬既湯底好似韓國雪濃湯既味 稻庭烏冬食落好彈牙 食落好清淡 個人幾推介烏冬～當晚甜品係白朱古力布甸 配料有柚子、士多啤梨同藍莓 布甸本得好滑而柚子白朱古力既甜膩作一個平衡 不過整體都係偏甜🤢評分: 8.5/10🌟餐廳既氣氛同環境（有大大個海景）都好出色 而食物質素都唔錯 不過無預期中食完會有好驚艷既感覺 所以唔算得上唔試唔得既餐廳 可以有

超級好食既壽喜燒😍呢個係lunch set $438壽喜燒A5黑毛和牛西冷兩片牛肉質素唔洗講店員會幫你煮到啱啱好壽喜燒汁好好味加埋蛋汁可以食幾碗飯🤤真係超級好味暫時喺香港食過最滿意嘅壽喜燒餐廳雖然貴啲但係值得如果想要海景記得早啲訂位我個日淨係得番入面呢間鋪長期都full Booking.*評分*環境: ⭐️⭐️⭐️⭐️味道: ⭐️⭐️⭐️⭐️⭐️價錢: ⭐️⭐️..📍 日山 (尖沙咀)尖沙咀廣東道3-27號海港城海運大廈3樓OTE302號舖

提早一個月前預約的日山疫情都要提早一個月預約的日山貴為米芝連餐廳，的確要試吓Lunch set 價錢around 200-400前菜有沙律、茶碗蒸、梅酒蕃茄啫喱梅酒蕃茄啫喱好特別，食完好開胃主菜叫左個薄燒A5和牛飯伴温泉蛋A5 和牛真係好淋好入味銀鱈魚西京燒燒得岩岩好的銀鱈魚表面金黃，魚肉帶有淡淡甘甜味甜品係柚子雪糕，真係有粒粒柚子肉食落好fresh 好有口感，又可以清清味蕾整體CP 值不高，份量偏少，價錢偏貴

打算中秋節翌日放假同屋企人去食餐好嘅，於是訂咗出名食Sukiyaki嘅日山lunch試吓。大門入口好靚，打卡一流！每日限定十份嘅「北海道海膽雜錦魚生飯」，因為當日冇海膽到貨，所以換咗做拖囉，爸爸食完話好高質，好似係日本當地食咁，可以頂一頂日本思鄉癮！套餐前菜都好豐富：「壽喜燒A5和牛嚴選部位及野菜盛」$488/位肥美鮮甜有牛肉香！師傅煮得啱唔好，每人三片食之前仲怕太少，但當食到等二片就開始有啲覺得夠了仲有柚子雪糕做甜品！好滿足呀！

平時walk in食唔到所以今次就早幾日book定我同朋友今次係食dinner 叫左個 日山。松每位$988 佢嘅價錢同服務質素成正比🧐 食物質素都唔錯 😗 個環境非常ok🥰Menu可以揀壽喜燒或者涮涮鍋🙈我同朋友都係揀咗壽喜燒 俾大家睇吓嘢食嘅相😛不過有啲無影到😝佢會俾咗你睇你份牛肉係咩樣先 然後再入廚房加工整壽喜燒 👍🏻以下就係佢加工完嘅樣😆佢會比你跟飯或者烏冬 而我自己就揀咗冷烏冬 (佢有冷熱烏冬俾你揀) 我冇影到相但係個冷烏冬我覺得幾好食😋佢有個冷麵汁同埋姜蓉同蔥花配搭而我朋友就揀咗白飯 佢會配一隻生雞蛋👍🏻仲有個甜品不過無乜特別整體幾好食 如果係食肉獸嘅朋友一定好啱你哋😃😃

今日約左久違既朋友去左尖沙咀既米之蓮一星既日山去唔到日本食日本里，都係香港食住先。雖然係平日午餐 ，但由終係米芝蓮關係，同行朋友已經係一星期前就預訂定。但因為坐位有限，訂唔到坐outside 嘆住個維港景食大概13.40到達餐廳。門口服務員探熱後經過一條長叢林走廊再到達餐廳。店內環境舒服，唔會太多人，因為落雨關係，都係睇唔到個view服務員好有禮貌，一坐落已經比口罩套，再都menu, 我地揀左沖繩黑毛豬同A5和牛做個主菜，呢個lunch set包左三個前菜，本人比較欣賞個茶碗蒸，夠和夠滑上菜都上得好快，加上店內環境舒服本人覺得牛好味過豬，先講個牛都幾嫩，配個飯幾開胃。另外個豬我覺得一般般，因為有啲乾。另外都有個湯配埋。最後，個甜品係柚子雪芭，食完個牛有啲咸再食反個雪糕🍦，個人去反好清爽當然最後就梗係埋單走人 如果以米芝蓮一星泥講可以一試無妨，加上店員服務態度同環境都好好。

特別推薦大家✅壽喜燒A5黑毛和牛西冷2片及野菜盛Kuroge Wagyu Sirloin 2 pieces with Assorted Vegetables《壽喜燒A5黑毛和牛西冷2片及野菜盛》牛質上盛，好嫩腍，油脂分布平均，有油脂感👻，雖然每set得兩塊🥩🥩，不過都夠飽，味道有係日本食sukiyaki嘅感覺*記住一定要訂位先呀😛**唔同嘅係，係日本會係你張枱煮，但係依到就會係出面張枱整，擺落口嗰一刻已經冇咁熱，建議可以提議下waiter煮完之後叫佢早少少上碟🥣

今日終於嚟到海港城嘅日山，米之蓮二星嘅sukiyaki。之前見到有人好評有人覺得一般，今次就試了A5和牛Sukiyaki和A5牛扒。漬物每個午餐set都會包左三個前菜，分別有梅酒番茄jelly，日式傳統波菜沙律，毛蟹蒸蛋。店員很有耐心解釋進食的次序。有清淡的梅酒啫喱食起，再食少少冰冷的菠菜沙律，最後先再食熱辣辣嘅蒸蛋👍🏻👍🏻A5和牛壽喜燒 $488之前有得去日本嘅時候都會去食壽喜燒，今次就喺香港試吓🥰點知有點少失望，雖然和牛片也是非常好味😋但壽喜燒並不會在面前燒，同其他人講嘅一樣，只係比你影一影相就收走去個corner位燒🤣🤭因為我哋兩個人share，佢幫我哋分左兩碗。和牛的部位分別有一片西冷牛肉片以及兩片牛肩肉至於那些野菜，都是煮好和牛一齊上黎😋不過份量就比日本的少！燒A5和牛扒 $398店員推介五成熟，五成熟是非常適合，如果叫七成熟牛扒會比較老。我地都不太喜歡這個和牛扒，而且竟然冇比到Wasabi我哋😢同埋牛扒會比較肥，脂肪比例比較多最後因為比較膩所以點了兩杯茶😋最後以柚子雪糕為甜點完結，雪糕不會太甜，也有柚子味 so good

最近Lunch真係好難book啊，要食都要等到兩三星期之後～滿心期望緊嚟食，本身有少少擔心因為見佢都有不少負評，不過依家食完，真心覺得無論服務定係食物質素都冇令人失望！先講食物，叫咗一個沖繩黑毛豚肉西京燒set$228，同埋壽喜燒A5和牛嚴選部位及野菜盛$488。午餐定食都係包左前菜、頭盤、蒸蛋、漬物、飯、麵豉湯同埋甜品嘅。頭盤有一個蕃茄梅酒啫喱，幾清爽，甜甜地好美味！菠菜沙律就冇乜特別，茶碗蒸好足料，蒸蛋配合埋啲湯汁，又甜又滑！主菜方面黑毛豚肉燒得好香，又唔會肥膩。A5和牛壽喜燒雖然未至於入口即溶，但係個牛肉都靚，係份量少左啲。甜品係柚子雪糕🍦上面有啲柚子皮，口感清爽。服務方面完全就係五粒星，員工服務超好，門口帶位嘅好有禮貌，入邊員工又會逐一介紹啲菜式，食到中途仲會過嚟small talk，完全係高級餐廳嘅水平，佢哋仲會好留意你需唔需要添茶、食完有冇嘢要收之類，非常細心。再講下環境，環境一流真係冇得輸望住成個維港，座位又唔會好迫，坐得都好舒服😌整體來講，絕對對得住佢lunch個價錢~

終於試到黎間東京開黎嘅米芝蓮一星🥰每次經過都覺得門口個竹林走廊都覺得好吸引😂去食lunch 會有齊頭盤、主菜、甜品！由頭盤開始介紹💁🏻‍♀️有小菜、番茄啫喱同埋蟹肉蒸蛋，我特別鍾意佢嘅蒸蛋，食落好滑👍🏻番茄啫喱都幾特別，初初以為佢就係鹹鹹酸酸，點知食落係甜嘅😂雖然有啲似食緊甜品，但係食食下都幾好食!/Sukiyaki A5 Wagyu with assorted vegetables $468/黎日山又點可以唔試佢哋嘅sukiyaki🥰兩片和牛嘅脂肪分佈都好平均，食落好嫩，牛肉味道重！sukiyaki 本身甜甜地嘅醬汁加埋蛋漿更加好食，我幾鍾意佢個醬唔會太鹹！唯一失望就係唔係係你面前煮😅上次係日本食實在太大陣仗，成個set 放係你面前😂可能今次係我期望太高haha.... 不過整體黎講係好食嘅👍🏻/Grilled A5 Wagyu Steak with Wasabi Ponzu Sauce $338/牛扒燒到好香，皮脆肉嫩，仲好多肉汁，我個人覺得唔落汁就咁食好食啲😋最後有個柚子sobet 做甜品，酸酸甜甜好好食！做飯後甜品啱曬🥰

星期日，要去海港城買嘢，就想睇吓日山多唔多人，之前想上網訂位，見已經full了，喺7月31日前，我所見的網上訂座數目，都已經full了！幸好，今天比較早到海港城，大概12點前，已經可以入座！可能疫情嚴重左的關係，裏面還是有兩三張枱是沒有客人的，又或者是我們太早到達！我們分別叫了A5和牛的Sukiyaki，及A5和牛扒！由於午餐嘅關係，分別有前菜、冷盤、蒸蛋！除主菜外，還有漬物、日本米飯、麵豉湯以及甜點！梅子果凍漬物蒸蛋除咗壽喜燒他們分別把和牛放到我們跟前，讓我們拍了照以後便拿走，取出去由經理為我們烹調，完成烹調所有牛肉及野菜後，便會送回我們面前，以供享用！期間，經理亦會問我們需要添飯否！雖然日本的米很美味，但由於午餐的關係，其實吃不落太多飯！所以我們便沒有添飯了！而和牛扒，職員建議我們食五成熟！果真沒有說錯，真的很美味Sukiyaki 前及後日式芥末配和牛，中和了A5和牛的油膩，很好的一個配搭最後以柚子雪芭來終結今餐$1000 有找Next time can use harbour city coupon Dining Coupon B n $500 coupon can be use

今晚去左海港城日山食飯～仲可以順便用埋海港城食滿$1500用$500 cuopon！但大家記得早d book位話要海景啊因為我冇講低所以冇左望住個令景食飯😭😭入去餐廳前好似有個竹林走廊～🤣好有feel餐牌有幾個set dinner同一d散叫嘢～我同男朋友分別叫左一個set同散叫～（🌟我覺得今樣好d～因為set其實好幾樣都一樣，反而佢散叫d飯好出色！不容錯過！）🌟以下係竹set（$888）🌟和牛刺身 & 時令果凍 & 大葉和牛春卷 和牛刺身好清新你會食到淡淡牛味～但又5會太「漏」時令果凍入面係酸梅好開胃～春卷入面係碎和牛比一般牛更濃🌟A5和牛壽司（3件）1⃣️ 第一件係和牛包住d海膽救命勁好味！！！d海膽好新鮮而當你口入面ge熱力溶化牛的脂肪個種口感比拖羅不相伯仲但就冇咁heavy個質感～2⃣️第二件係火炙和牛擺入口ge油份充滿口～真係好正！～但就冇拖羅停留咁耐同油3⃣️最後係蔥吞拿壽司lee個就冇咩特別啦～🌟時令魚伴春野菜我5記得左條魚係咩😂😂😂😂但係鮮甜ge冇咩特別🌟壽喜燒A5和牛（2片）你5好以為得兩塊好少～其實好滯因為佢會幫你用蛋醬煮～而d牛又好大片～d大蔥/洋蔥/粉絲吸收了d肉汁好入味！🥰

日山響3樓LCX嘅盡頭，呢個位睇海景真係一流！食飯前二日打電話去查詢星期六有無lunch set先, 職員服務超好好貼心問，因為最近海港城都好多人，需唔需要幫手訂枱，禁我就毫不猶豫決定試吓先。餐廳門面好靚好好彩被安排到坐響窗邊位Interior 前菜: 凍蕃茄白酒啫喱，菜同茶碗蒸朋友揀咗一份$488 既和牛sukiyaki野菜盛，職員介紹喺鹿兒島和牛。一共3大片牛分左2個唔同既部位。職員會俾你影咗相先，然後再攞走幫你烹調，咁就確保唔會煮得太過熟或者過生啦。我就揀咗A5和牛牛扒配日式芥末酸汁個牛都ok，不過個人prefer 壽喜燒多啲包左一個柚子雪糕，雪糕有柚子粒，感覺都幾清新，因為食咗一個豐盛嘅午餐，雪糕份量好細，剛剛好。今餐試到壽喜燒好滿意

一年一度男朋友諗爆頭帶我慶祝生日的日子又來啦 一如以往 作為日迷，今年都係想食日本野。男朋友決定帶我來到海港城嘅日山食壽喜燒 疫情嚴峻，大家都唔想去太逼的嘅地方或者食太多生冷野，呢度自然成為我哋嘅最佳選擇。一到門口見到長長嘅竹林走廊，親切的店員已經即刻過來為我們帶位。坐在窗口附近，欣賞住海景食飯。由於第一次來食 咩都想試下，我倆都決定叫dinner set <日山。松>。後來我哋發現其實當日食既野同menu上都有啲出入，大家係點菜之前都可以問問店員。前菜：和牛春卷、生牛肉洋蔥卷、龍吐珠啫喱首先由最清淡的龍吐珠啫喱開始食，龍吐珠帶微酸，啱晒我哋開開胃。生牛肉洋蔥卷伴上薑蓉，微辣的感覺加上生牛肉剛剛好。和牛春卷就無乜特別生牛肉他他賣相十分可愛！仲以為上面有隻迷你煎蛋，其實係鵪鶉蛋黃加山芋，傍邊係蕃薯乾同蓮藕乾配生牛肉食。撈好的生牛肉軟滑 配埋脆脆的蕃薯和蓮藕，好食！刺身：新鮮唔會有腥味，油甘魚同牡丹蝦都係我嘅最愛🧡清酒煮鮑魚：汁煮鮑魚配想清清地嘅清酒汁，一般但夠𣺉香煎帶子：帶子用牛油煎到半生熟，上面嘅紫菜質地好似小老闆😂夾埋都幾好食，仲切好一嚿嚿魚湯：唔係好識欣賞日式魚湯，

今日去了日山食壽喜燒，疫情下去唔到日本，在香港都要試吓有冇日本嘅感受。日山的booking好full,差不多兩星期前先Book到今日去食，今日試嘅係lunch,佢有其他唔係壽喜燒，不過一心想食，便叫兩set和老婆自私食，前菜除梅酒番茄啫喱比較特別，另外兩小碟一般，之後到主菜壽喜燒和牛，牛望落去幾靚，一片特選部位，一片牛肩肉，佢哋同日式唔同係令一邊燒，唔係好似日本咁係自己張枱燒，不過無緊要，最緊要好食，兩片牛質地一般，特選部位睇落去靚，不過有啲煤，牛肩肉有咬口，不過唔係好牛味，燒汁如果香港人可能可以，不過比起日本帶甜和入味黎講就唔同層次，感覺一般，份量也比較少，試一次無防個種。