日山 (海運大廈)

營業中

休息中

自從喺日本食過一餐正宗嘅壽喜燒之後回味無窮，所以返到香港到處尋覓一D好食嘅壽喜燒，上網見到好多人推介呢一間日山，好有興趣想試吓，點知打電話去book位嘅時候，店員話嚟緊一個月嘅Booking已經full左，可想而知呢一間嘢係幾受歡迎。幾經辛苦之下終於book到！入到門口就覺得好似返咗鄉下（日本）咁，成個環境氣氛好好！餐廳仲俾咗間VIP房我哋，可以望住個維港食lunch簡直就係享受！另外個和牛set都好好味，啲牛肉可以話係入口即溶，但有一塊牛比較肥膩，食落有啲滯。整體而言，都係好值得去嘅！

因為之前冇晚市一個月前book定午餐，所以終於食咗日山。當然呢度個門面有好多女仔都喺度打架，我都覺得上午有陽光影相會靚啲。今日好大霧個景唔算靚，如果天氣好個景都係無敵嘅！我哋兩個人一個嗌咗海膽雜錦魚生飯一個嗌咗壽喜燒，其實之後好後悔點解冇嗌到兩個壽喜燒。首先嚟咗個前菜，除咗嗰粒啫喱之外個薯仔同蛋都好普通，同一般平價日本菜差唔多。個魚生飯海膽新鮮蝦都新鮮，但係我覺得冇乜特別。真係好後悔嗌咗呢一個飯跟住個highlight留嚟喇，有專人煮埋啲和牛加埋日本雞蛋，啲蛋汁好好味，我平時唔鍾意食洋蔥但係我連洋蔥連埋啲蛋汁都吞曬！雖然我話好後悔冇嗌到兩個壽喜燒，但係其實一塊都已經好流啊，因為和牛肥肥哋啲油香好滯。我食完第一啖就諗我想嚟試佢個晚餐吖！最後係個白朱古力蛋糕，好失望。我講咗一句如果喺酒店自助餐你根本唔會去夾，或者你喺自助餐攞完返嚟你食一啖就會擺番喺度。其實我覺得佢俾個雪糕糯米糍我仲好食過呢舊嘢整體來講個壽喜燒非常之出色！非常值得再嚟食多次！不過佢啲配菜同甜品非常有進步嘅空間，又或者佢覺得佢嘅壽喜燒嘅出色程度可以蓋過其他嘢而唔需要再進步啦。

同老公慶祝生日，一星期之前預約，可以坐到窗口位，望住個海景食晚飯真係一流！但略嫌壽喜燒的味道太大， 希望餐廳可以加強抽風系統。我哋order左套餐「竹」，每位$988，可以用商場優惠券。食物方面，每一道菜都好好味，尤其最出名的A5和牛壽喜壽，油脂分布平均，好似去左日本咁享受。各位侍應的服務態度好好，每道菜都有詳盡解釋。老公成餐飯都好滿意，價錢真係值得，有機會會再去食！

訂枱訂左成個月，今日先有位試下這間日式本過江龍和牛店。餐廳的入口是兩行竹，很有日本的氣息。餐廳內部是和風設計，枱與枱之間有一定距離，而且迎面是落地的玻璃窗戶。陽光透進室內，感覺很開揚，而且維港的景色盡入眼廉。午餐有九款選擇，主要以和牛為主，亦有豚肉和銀鱈魚等選擇，價格由$228-$488。曰式燒汁燴A5和牛$248Braised A5 Wagyu with Japanese gravy 本以為就是單一主菜，原來還有前菜、主食和甜品。前菜造型精美，有豆腐球？柚子啫喱和茶碗蒸。豆腐球入口綿滑，充滿上湯風味；而柚子啫喱很晶瑩通透，有著淡淡的柚子清香；茶碗蒸的口感滑得不得了！入口滑啫啫，充滿鮮甜的高湯味和旦香，完全是水感質地，不錯！主菜的燴和牛選用了A5肩胛部位的和牛。和牛炆得極之軟腍入味，有著和風燒汁的甜香，入口即化又不失少少肉的質感；而且和牛也有腩位，半肥瘦，既有肉味，又有骨膠原，正呀！真的好下飯！而且份量剛好，沒有太膩口。白飯相當香軟，而且很滑溜，吃白飯的飯味也不錯。再呷一口面豉湯，雖然味道沒什麼特別，但暖一暖肚子也不錯。甜品是柚子sorbet. Sorbet 入口黏滑，密度很高，完全充

去開海港城經過見到呢間餐廳幾靚就入左去食lunch門口入去有條長長既叢林走廊，入面嘅座位大部分都望到海景，都幾有feel架！•̀.̫•́✧🔸沖繩黑毛豚肉西京燒（$228）成個lunch set是咁的～🥢（小菜）木魚碎香菇蓮藕 🥢（前菜）梅酒蕃茄凍 - 好香梅酒味 好refreshing🥢（漬物）青瓜 ft. 黃蘿蔔🥢（蒸物）蟹肉茶碗蒸 - 好滑好好味♡食完之後就到主食啦🤤黑豚肉肥瘦適中，唔會成舊柴咁，再以醬汁燒到焦香，好啱送飯食(*´∀｀)碗飯裏面仲有啲栗子粒粒，食落充滿飯香同栗子香～望住海景都食得幾高興🥳下次再嚟就要試下個和牛壽喜燒先！(´▽｀)

上次經過餐廳walk in無位，今次book定位，終於係情人節前夕試咗好期待嘅Sukiyaki ٩(๑❛ᴗ❛๑)۶ 新年嚟到，食嘅係節日限定午市套餐，有頭盤、蒸蛋、刺身、日本米飯、豚肉麵豉湯及精選甜品🍮薄燒A5和牛海膽飯 $538用盒上好似便當咁🍱 賣相好靚睇見都流口水🤤海膽入口好creamy，一啲都唔腥仲甜甜地☁︎( ´͈ ᵕ `͈ )☁︎A5和牛相對比較油膩，就咁入口真係好似食緊油咁😂不過連埋飯、海膽加魚子醬食都叫做啱啱好嘅，食落口感豐富，幾有層次同埋個飯真係好飽肚，兩個人食都有啲滯🥴壽喜燒A5和牛嚴選部位兩片及野菜盛 $598一開始上檯兩塊A5西冷和牛比我地影咗相先再拎去煮👾因為係兩個人share，所以幫我地分開咗兩碗上煮好嘅壽喜燒會連埋野菜加生雞蛋汁一齊上♪和牛油脂分佈平均，食落唔會好似薄燒咁油膩(づ′▽`)づ反而真係做到入口即溶又有口感，口入面仲充斥住好香濃嘅牛肉味再加埋壽喜燒汁，甜甜地送飯真係好好味😋雖然份量望落有啲少，但唔好睇少，食完真係飽到上心口ฺ如果有食物敏感或者有特殊嘅飲食要求，可以同餐廳講定👾味道：7.5/10🔙回頭率：7/10（10分最高）

東京米芝蓮壽喜燒店，總店在日本橋人形町，聽說第１家海外分店，開在香港，落户尖沙嘴海港城！很難訂座，以Open Rice訂座，要等4.5星期！！現在更暫停訂座功能乖乖的等了4.5星期，終於吃上這網紅店！放棄了商家招牌~壽喜燒，因為：1)那天天氣非常好！比較熱！2)壽喜燒是煮好了上桌的，我只喜歡在餐桌上明火煮的壽喜燒。點了薄燒A5和牛飯伴温泉蛋，牛肉片、溫泉蛋、米飯、醬汁都好好味！和諧中更疊加出協同效應，非常享受的午餐！不足的是，我訂座時供應的是毛蟹蒸蛋，等了>１個月，蟹季已過，換成帶子蒸蛋！

［米芝連一星壽喜燒］日山 🏔 依間餐廳 小編book左整整一個月有多 不斷係waiting list 今日去到個海景對住個維港 應該係海港城景色最好嘅餐廳之一 不過值得一講係員工好細心解釋前菜食用次序 又會講解壽喜燒食法 相當認真壽喜燒A5和牛嚴選部份及野菜盛 HKD498(包括日本米飯，潰物，麵鼓湯及甜品）前菜：有個頭盤菠菜，蕃茄梅汁果凍 同 茶碗蒸係依個前菜 我自己覺得蕃茄梅汁果凍比較出色因為苦茄嘅水分鎖左係入面 幾特別 甜甜地又酸酸地主菜：壽喜燒A5和牛嚴選部份及野菜盛 和牛方法 今次選用左宮崎A5和牛 店員首先比塊牛 我地睇之後係現場整比我地食主要分兩次黎上 第一次係用京蔥上 第一次上係比較淡汁 而醬汁都係清淡啲店員會係食完之後 先再去煮第二次 務求每次都係熱第二次 味道會比較濃 而會加入左茹 粉絲 同南瓜 煮得相當入味 牛肉方面唔好睇佢得兩塊 其實相當之飽 而且煮得啱啱好 完全唔會overcook甜品:今日就係柚子雪糕 Rating5👍🏻為滿）味道：👍🏻👍🏻👍🏻 👍🏻環境：👍🏻👍🏻 👍🏻 👍🏻 👍🏻抵食：👍🏻👍🏻 👍🏻📍：日山 (尖沙咀)尖沙咀廣東道3-27號海港城海運大廈3

🚪餐廳入口由竹葉佈置，進入餐廳就像穿過竹林一樣。店內以淺色木佈置天花、橫樑和柱，就像日本傳統和屋一樣，簡約中又帶點禪味。🎎店員奉上熱茶，坐下來欣賞餐廳佈置和維港景色，感覺心情都放鬆下來。🎏今次點了`日山和牛壽喜燒丼伴溫泉蛋‘和`北海道海膽雜錦魚生飯‘。🥢店員先送來一組三款的前菜，一如既往介紹食物名稱、產地及進食順序。梅酒車厘茄啫喱🍅：酒味不會太濃、啫哩入口清涼，車厘茄帶點酸甜，令胃口打開。日本傳統菠菜沙律🥬：有菠菜、金菇、紅蘿蔔絲等，簡單調味保留了食材嘅原味道和營養。茶碗蒸蛋🥚：蛋味濃郁再配以冬菇粒和雞肉粒等，蒸蛋表面有一層形成啫喱的上湯，做得出色。🍚主角：🐂日山和牛壽喜燒丼伴溫泉蛋：牛肉味香、肉軟嫩，壽喜燒汁鹹甜適中，加上晶凝通透的温泉蛋，配以米香有嚼勁的新瀉越光米，整碗飯被吃光了。🐟北海道海膽雜錦魚生飯：在以肉業起家的餐廳，北海道海膽和雜錦魚生一點也不遜色。海膽呈金黃色，入口新鮮清甜。牡丹蝦色澤通透，入口爽甜彈牙。還有三文魚子，角切帶子、吞拿魚、三文魚等，配合加入醋的新瀉越光米，又將整碗飯吃完。🍦甜品——柚子雪芭：冰涷不太甜充滿柚子味。💰$308+$398+10%服務費合共$777

自從海港城可使用COUPON後所有餐廳經常排哂隊今次到日山時大約下午3點，LUNCH也可用COUPON～服務方面：招呼我們的侍應都十分有禮貌每道菜都為客人介紹，食完都有問我哋覺得食物如何，我覺得以午餐價錢有呢個服務係超值。環境方面：海港城大部份食店都有海景，呢間都唔例外，有大海景，日式裝修， 加上入門口嘅竹林擺設，打卡位絕對足夠！食物方面：壽喜燒嘅牛肉十分嫩滑，雖然冇得好似出邊食壽喜燒咁可以有專人響你面前燒，但你都可以望到負責燒嘅職員向另一邊幫你，每碟食物燒之前職員都會拎過嚟俾你睇吓同埋介紹。 另外叫嘅燒牛肉飯，就略嫌淡味咗少少，但食到一半時候，有職員問我地覺得食物點樣，我有表達覺得少少淡，佢就幫我問廚房拎左一啲壽喜燒汁👍🏻整體來講成餐飯都十分滿意，午餐價錢的確係物超所值，淨係食個環境同服務都值。同一個商場我食過幾間日本菜，直至目前為止覺得呢一間係最滿意，會返轉頭再食！

朋友介紹呢到食sukiyaki 超好味！🤤🤤🤤本人真係好中意日本。無得去唯有係香港搵食🇯🇵有人介紹更係去試下啦😍無得walk in一定要book嫁，我早左成個月前係OpenRice book 超級方便👍🏻（建議book早啲時間可以坐到窗口位）遲啲嘅話就會坐喺個場中間位冇咁好feel嫁啦～一入去有個竹林好多人都會係咪到打卡，又幾靚既。食個香港景色都飽飽🤣🤣🤣（真係早啲去到先有窗口位嫁）開始食啦🤑🤑🤑🤑🤑🤑🤑個頭盤有驚喜🌟賣相好簡單入邊超好食😋車厘茄啫喱估唔到咁好食！其他都好食㗎不過呢個贏咗🙈同埋如果做member會送小食🥰自己都叫咗一個雞脯魚干，然後佢送咗個魔鬼魚干。所以呢，我同我老公就叫左日本清酒☺️☺️☺️到主菜✨✨✨和牛！！！！！！！佢會俾你睇吓個碟肉，之後會拎走，幫你整埋同埋啲待應好貼心🥰你差唔多食完一舊，先會再整第塊俾你。唔會凍哂到最後有甜品食，不過唔記得左呢個係乜。有d細舊都好食嘅☺️我地食左2000元左右。如果食和牛黎講呢個價錢都合理，同埋服務態度都幾好。又有靚景，朋友推介唔錯！

朋友極力推介去日山慶祝紀念日，仲話一定要食壽喜燒牛上網搜尋了一下原來日山是米之蓮一星餐廳Gogogo前菜中的梅子果凍唔錯，有酒香味...其他就一般般...茶杯蛋唔夠熱這就是傳說中必食既A5和牛壽喜燒果然名不虛傳！！牛肉完全無筋，慢慢溶化在口中混合蛋汁是絕配，醬汁唔會太濃搭，唔會搶左牛味，恰到好處真係好好味呀！！但這個A5和牛扒就比下去了....唔係唔好食，係先食壽喜燒再食....口感無咁驚喜。

米芝蓮餐廳首先，作為米芝蓮餐廳，我認為除了食物水平外，服務都很重要的，日山這餐廳，我已經是第三次幫襯了，由帶位，介紹食物，細心地問客人有沒有食物敏感外，侍應們的反應都十分好，基本上你一舉手，5秒內已經有人來到，呢一點十分難得食物方面，點了銀雪魚西京燒。。北海道海膽雜錦魚生飯。。。先講前菜，可能係lunch set 關係，只是一般但主茶又另一回事了，首先銀雪魚燒得恰到好處，皮脆肉滑，再配上白飯真係一流！！再黎北海道海膽雜錦魚生飯，以牡丹蝦，赤身，三文魚，劍魚腩，當然仲有新鮮嘅北海道海膽，我可以用新鮮同甜去形容。。基本上係唔需要點豉油同芥辣的兩個字，滿足最後，這個set lunch以一個柚子雪糕作為總結

首先，book枱打去無人聽去voice mail, fine, 留咗言等覆。隔咗個幾鐘打嚟問booking, 話即日到2月7都無位，即唔想人用coupon ，諗住灑走我。咁唔緊要無coupon 我話照book 2月8；跟住個waitress 就好驚訝叫我等陣，然後飛咗線，消失咗

這間店愈來愈難訂位喇每日上網 check才訂到今天，慶祝生日。限聚令二人，餐廳安排了坐在房間內，靜靜的難得來到，沒理由不吃和牛吧，menu早已review過，壽喜燒是必試的，雖然有點貴‼️負責人先拿來過目（其實是拍照吧），才拿去即席烹調，一片肩脊肉，二片西冷，油脂均勻，軟林林的，真係無得輸，以為三片很少，其實都夠飽架再加一客溫泉蛋和牛飯，肉質鬆軟，真係好好味（好掛住日本米啊）簡單兩客午餐🥣，由於沒有晚市，材料都不敢入太多，沒有a la carte，所以想吃生牛肉都沒有～～有些雞尾酒竟然也沒有，只有一款signature，是清酒🍶cocktail 🥃值得一提的是前菜車厘茄jelly，造型好靚，正方形的，酸酸甜甜