日作食堂

營業中

休息中

今日經過開源道發現有一間好古色古香、好有日本風既餐廳。喺門口見到果餐牌都好吸引，推門入去睇下先🤪裝修好特別呀，地方仲好大😚😚 喺門外真係估唔到。有好多好似喺小學先見到嘅擺設，真係好特別，好有風味。午市餐牌選擇好多，除咗刺身丼之外，仲有譬如牛小排定食比目魚定食，我就叫咗天婦羅定食😍日式吉列海鮮定食 配熱玉露茶😍😍日式吉列海鮮定食 配熱玉露茶- 有野生大海老、北海道帶子和廣島蠔，海鮮三款都好大隻，仲有肉汁，唔係平價急凍貨色- 仲有兩個前菜漬物，我鍾意帶子裙邊好好味，平時喺出邊餐廳好少食到- 麵豉湯都好出色，入面有兩隻花甲、仲有唔少豆腐同豆卜食物真係正！ 店員又有禮貌！ 黎緊公司team lunch 黎呢度好適合😆😆😆日作食堂 (觀塘)觀塘鴻圖道63-65號鴻運工業大廈地下A號舖

日作食堂位處開源道, 距離地鐵站只約5分鐘腳程,跟住同朋友去觀塘行完街，專登去呢間懷舊日式新開嘅餐廳食晚飯！自家制味噌慢煮和牛面頰定食 $168和牛面頰肉質非常淋滑牛味香濃, 配合紅蘿蔔,蘑菇, 日式味噌慢煮, 炆得夠淋夠入味, 醬汁味道帶甜香的牛肉味, 用黎撈飯食一流, 而套餐仲包2款伴菜, 麵豉湯及餐飲, 非常豐富松葉貝丼 $178齋睇賣相都贏哂, 魚生鋪滿整個碗面, 食材帶光澤非常新鮮, 內有海螺, 蟹爪, 墨魚片, 帶子片, 蟹籽蟹糕等, 尤其帶子及墨魚夠晒鮮甜彈牙, 食材質素非常高呢度嘅麵豉湯亦值得一讚, 材料豐富有紅蘿蔔, 白蘿蔔, 洋蔥, 海帶同埋蜆肉同煮, 令這碗平實的麵豉湯味道昇華更有口感🫶🏻🫶🏻日作的套餐超抵食, 包括了伴菜, 麵豉湯及飲品, 只需佰幾蚊就食到一份有質素嘅晚餐絕對超值餐廳地方寬敞, 裝修簡約雅致, 食品質素水準之上, 兼且價錢親民絕對值得一試

公司附近又開咗間日系嘅餐廳，今日跟同事一起去食lunch 🤭 「日作食堂」環境寬敞，木系再加上舊式校園風，感覺很舒適🥰觀塘又多一間聚腳點了🫢🫢盬燒安格斯牛小排定食，跟麵豉湯，漬物（兩款），冷/熱日式玉露茶 主角牛小排肉質滑嫩，牛味濃.. 配菜是雲耳，秋葵粒，銀芽等跟洋蔥等一齊炒，巧惹味！日作極上丼（中拖攞，油甘魚，赤蝦，北海道帶子，香蔥吞拿魚，三文魚籽）刺身全部都好新鮮，份量足！不錯！麵豉湯好足料又夠濃！

日作食堂📍觀塘鴻圖道63-65號鴻運工業大廈地下A號舖餐廳好有日式和風Style🎎，有部分位置設計到學校咁，有木枱木凳黑板，重有一座跳馬箱添，即刻覺得自己返返去學生時代👩‍🎓👨‍🎓好懷念呀～夜晚6點開始就有晚市套餐，menu都有幾多選擇，有定食、刺身、魚生丼，重有小食同蛋糕可以order👍G 日式西京燒比目魚定食🐟🍚 $168比目魚有兩件，燒得好香😍魚皮脆脆的，食落相當有魚味又 嫩滑🐟配埋檸檬汁再凸出比目魚嘅鮮味，旁邊嘅酸薑又唔會好辣，酸酸地好開胃，好好食😋I 鹽燒安格斯牛小排定食🐮🍚 $ 198可以選擇七成熟或者十成熟，牛肉大約有10片，燒得好靚，中間重係粉紅色架🐮，而且食落重充滿油脂，配埋飯簡直係正呀😋😋隔離重有d芽菜、木耳同秋葵作配菜，都幾好食，仲可以中和返牛小排嘅油膩感👍跟餐重會有麵豉湯、兩款漬物同埋一杯飲品，麵豉湯好足料，入面有兩隻硯、豆腐、洋蔥等等……味道亦相當濃郁👍今日嘅漬物就係帶子裙邊同鹽漬菜，送飯一流😍，飲品方面，我同朋友就簡左左飲凍玉露茶🍵以濃郁的茶作為今晚嘅結尾👍

今晚我去了一間很有特色嘅餐廳，真係好舒服，位於繁忙嘅觀塘，去到呢間叫日作食堂，聽下音樂，食下美食，可以好好休息一下。地方裝修木系為主，地方大，又乾淨，店員又有禮，menu都好多選擇，我同朋友揀左2個餐， 自家製味噌慢煮和牛頰定食同鹽燒安格斯牛小排定食！先講慢煮牛頰，超淋啊，好食，醬汁又好味很送飯，又不會蓋過和牛嘅味道，有少少紅蘿蔔等配料，都係好入味，個餐個包左沙律， 麵豉湯， 同一碟帶子裙邊，很豐富。另外鹽燒牛安格斯牛小排都好好食，佢切好一塊塊，煎很好香仲保留肉汁，加上芽菜同秋葵，感覺更加健康，好好食。整體感覺好舒服，很想再留下來休息嘅感覺，下次嗌埋朋友一齊來，傾下計食下野應該很不錯。

觀塘新開張既日系餐廳，木式裝修，佈置有校園風，黑板、跳馬箱、桌椅，仿如置身中學年代既Canteen。我哋叫左兩份定食，每款都跟配日本珍珠米、麵豉湯、漬物兩款、日式玉露茶。薯仔蛋沙律：切粒薯仔伴隨著碎蛋及沙律醬，簡單得來又好吃既前菜。帶子裙邊：味道鮮甜，口感爽滑。麵豉湯：配料有大蔥、海帶、蜆肉、蘿蔔、豆腐，味道濃郁，風味十足。日式西京燒比目魚：魚肉嫩滑，魚皮邊位煎到金黃色，火喉控制得很好。鹽燒安格斯牛小排：牛小排特別鮮嫩，油花分佈平均，伴碟有雲耳、大豆芽、秋葵、炸蒜和蔥花，不容錯過。我哋加錢要左2枝神戶直送100%果汁，超級濃郁，清新可口。總結，餐廳環境闊落，空間感十足，員工服務週到，觀塘食肆又多一個選擇。

觀塘周圍都有好多唔同嘢食 今次就嚟咗呢間新開嘅餐廳試下😋見到個門口已經覺得好有日本風 入到去真係比入面嘅裝修嚇親😳裝修以日本課室做主題😍😍有d位係用課室枱凳 好特別 亦有梳化位 鋪位好大 坐得好舒服 睇得出落咗好多心機係裝修度👍🏽我同朋友叫咗一個鹽燒安格斯牛小排定食同一個日作極上刺身丼😋　鹽燒安格斯牛小排一嚟到望到已經覺得唔會唔好食 肉燒得啱啱好 有油花 亦都非常有肉味👍🏽👍🏽日作極上刺身丼有中拖羅、油甘魚、赤蝦、帶子、香蔥吞拿魚蓉、三文魚籽，好豐富 所有刺身都好新鮮 特別一提中拖羅 好有油香 好食👍🏽另外呢個套餐包埋嘅薯仔沙律同麵豉湯都好好食😋😋薯仔沙律口感好豐富，作為前菜一流👍🏽麵豉湯有好多配料喺入邊，仲有大大隻蝦🍤

餐廳門口位於觀塘開源道，寬闊又純樸的裝修，感覺干淨舒服。入到餐廳，空間廣闊，裝修風雅純樸，柔和的色調和漂亮的日本盆栽🍃🪴🍂🍁將餐廳打扮得好有格調，置身其中有種心曠神怡的感覺。靠墻的裝飾更是頗有歷史感，有古老的電影海報，🎑 手風琴，🪗古舊打字機，照相機，📸還有很多不同年代的可樂樽，店主的收藏品不少。🪆欣賞完餐廳的擺設，就開始點餐，有很多套餐選擇，我們點了日式西京燒比目魚定食和鹽燒安格斯牛小排定食，這兩個定食是最多人選的，應該不錯。套餐還包了兩個前菜，麵豉湯，熱飲， 一大碗白飯，🍚份量非常充足。下雨天時我們都選了熱飲玉露茶，🍶原來就是日本綠茶，🍵清香醒胃，準備享受美味的套餐定食。兩個前菜有枝豆🫛🫛和帶子裙邊，簡單的食物卻是新鮮爽口，帶出食慾。我的主菜是西京燒比目魚，🐟兩塊大大的比目魚，燒得少少焦黃，魚油香四溢，伴以檸檬汁🍋和酸薑吃🫚，美味非凡，只是168元的套餐，性價比的確高。還有一碗熱氣騰騰的麵豉湯，🥣裡面有昆布羅白豆腐，一點也不欺場。 Honey的牛小排🐮定食也不錯，這一餐食得舒舒服服，健康又好味。

這間新開的咖啡店位於觀塘，店內環境寬敞舒適，以簡約的木系為主，擺放不少日式及校園風的懷舊擺設，充滿打卡感，適合多人聚會或約會。日式西京燒比目魚定食 - $168兩塊肥美肉厚的比目魚，細緻的魚肉嫩滑多汁富魚脂香，甜甜鹹鹹的西京燒醬汁解膩，更有辣椒絲、蘿蔔蓉、紫薑和檸檬等。鹽燒安格斯牛小排定食 - $198一片片粉嫩的牛小排油花均勻，入口結實富牛味，邊位焦脆特別香口，旁邊更有爽脆的芽菜、秋葵、木耳等。日本珍珠米圓潤分明的珍珠米撒上惹味飯素。麵豉湯香甜的味噌湯富豆香，有蝦肉、豆卜、昆布等配料。漬物(兩款)清嫩的日式菠菜及綿密的雞蛋薯仔沙律。日式玉露茶(熱)甘甜芬香，更有得添飲。長野縣蜜桃汽水 +$28日本出品，用上日本桃子製成特別濃郁有香氣。

要搵間坐得舒服而食物又有質素嘅餐廳都唔容易，而最近新開嘅日作食堂係一個唔錯嘅選擇。佢嘅裝修相當日系，而且地方闊落，可以同朋友留一個晏晝都幾好，食物方面主要係以日式定食為主鰻魚大阪燒配醬油糖心蛋叉燒湯烏冬大阪燒燒得很香，上面嘅鰻魚好肥美，配埋鰻魚汁食幾特別，而醬油糖心蛋叉燒湯烏冬湯底唔會太鹹，食完都幾飽肚鹽燒安格斯牛小排定食牛肉燒得很嫩，口感很好而且有牛脂味，而佢嘅配菜都好清新好啱送飯。醬燒牛肋肉串牛肉燒得很香，配埋醬汁好惹味 明太子蔥花玉子燒玉子燒蛋香濃郁，加埋明太子食有驚喜玉露茶 玉露茶嘅味道很清新解膩咖啡係滴漏咖啡，味道好濃郁

位於觀塘鴻圖道的日作食堂，鄰近觀塘地鐵站，行五至八分鐘就到達。門口係純白窗簾加餐牌，十分簡約。入門口有個玄關位，餐廳內有木櫃展示日本擺設，連黑板同佈置十分像日本當地食堂🤩餐牌係全日供應，午餐時間同晚餐時間用餐，價錢都係同樣的。以定食，刺身，甜品，小食等分類今日我食I鹽燒牛小排定食$198🦣牛小排部位在牛胸前肋脊部的第6節至第8節，肉質較結實一般會食七成或全熟我食七成熟定食有珍珠飯，味噌湯，漬物珍珠飯 十分有咬口，仲有少少飯素🍚味噌湯 有蜆，海帶，十分鮮甜漬物 有兩款 是日醃青瓜，蛋沙律定食選熱或凍玉露茶 係免費的🍵而且職員會為你加茶甜品抹茶卷蛋 $35🧁有一粒士多啤梨拌碟厚切三件好香抹茶味

觀塘出名人多野食多今日放lunch 成班同事見到間唔太起眼嘅餐廳，好似新新地，就入去試下。入面靚裝修，幾舒服可能新開嘅關係，所以人唔算太多可以直入，唔洗排隊似係行高檔日式風，價錢都貴過平時觀塘打工仔嘅lunch 價錢我叫左個I) 鹽燒安格斯牛小排定食 $198律跟配日本珍珠米套餐包含麵豉湯•潰物(兩款)•仲送熱/冷日式玉露茶，想飲其他野就加錢黎到十分靚仔牛小排煎得啱啱好有日式鐵板燒嘅風味紅紅地，入口夠淋簡單嘅調味，仲有d 菜仲有飯，同d 配菜，再有個湯唔嘅$200, 間唔中食貴小小都值得地址: 觀塘鴻圖道63-65號鴻運工業大廈地下A號舖

餐廳位置係觀塘鴻圖道63-65號鴻運工業大廈地下A號舖，係地鐵站行過去好近，餐廳係以日本風格為主，主要係木系為主，好有style! 我同朋友都係幾鍾意呢一個日式嘅風格，坐落去亦都非常舒服，唔會有好迫嘅感覺，餐廳嘅空間感十足，唔似其他啲小型嘅cafe！午飯時間都幾多人，不過好彩都唔使等位！！首先推介嘅鹽燒安格斯牛扒定食，一嚟到份量都幾多，而且牛肉燒得非常靚，中間仲係鮮嫩嘅粉紅色，安格斯牛扒亦都油花平均，咬囉唔會有好肥嘅感覺，而且識落非常有肉味，配埋飯，再加佢嘅飯素食，簡直係一流 跟餐仲有一份薯仔沙律，同埋帶子裙邊，我就比較鍾意食佢嘅薯仔沙律，佢嘅調味做得非常唔錯，酸酸地非常好食，作為前菜非常開胃！帶子裙邊亦都煙煙韌韌咁，我都覺得唔錯！朋友就食咗另一個套餐，佢就比較鍾意食魚，所以叫咗一個比目魚定食，比目魚燒得好香，識落魚香味亦都十足！食得出餐廳淨係用嘅食材原料都唔錯，作為一間小店嚟講非常高質！最後我就飲咗柚子汽水，夏天熱辣辣飲，正！餐廳好新，店員都好friendly，有機會一定會再返嚟幫襯！

在(觀塘)日作食堂🌸開餐，裝潢好有日本style, 有部分學生時代枱櫈好懷念呀!還有懷舊一座鞍馬🥰食堂座位也很寬敞好relex♦️鹽燒安格斯小排定食 鹽燒過後，上方配上滿鹽 葱，肉質含細緻油花，柔嫩腴 香，醮上醬汁更添美味♦️日本🍚黏稠適中，較清爽，吃起來有嚼勁，不會太軟。♦️薯仔碎蛋沙律軟綿綿的薯仔蓉帶微粒，混上濃郁蛋香味，再加入酸酸甜甜沙律醬，開胃醒神♦️日式帶子裙邊鮮甜美味，爽口彈牙口感煙韌♦️麵豉湯材料好豐富，鮮甜花甲，滑溜溜豆腐……等，口感順滑喝汁濃郁♦️日作極上(刺生)丼❣️中拖羅神級美食，鮮味又帶油香❣️油甘魚腩肉厚滑，油花散佈均衡，入口即融❣️赤蝦甘甜粘糯，鮮味十足❣️北海道帶子厚身又細密，味道鮮甜濃郁❣️香葱吞拿魚蓉勁有魚油香味，伴飯一流👍👍❣️三文魚籽帶濃郁的醬油味帶有甜香，絕無腥味♦️蒲燒白鱔串無腥味，肥美豐富油脂，清香鮮甜，軟嫩滑順♦️酥炸吉列廣島蠔鬆化，蠔味頗鮮，口感嫩滑飽滿

新開的日本料理，性價比高的定食！環境是以日本課室做主題，有一時間去了旅行的感覺！前菜及麵豉湯好味，沒有味精，有誠意！主菜都好味，原隻魷魚是最吸晴，其他水準也很高，仲有茶是免費添飲