方叔叔重慶老火鍋 (如心廣場一期)

營業中

休息中

友人食過方叔叔之後經常推介。今日就同朋友去試吓。荃灣如心廣場分店都幾光猛闊落，多枱，食客坐得舒服。8月份做緊勁慳優惠，幾抵食。1. 全線菜單勁減2. 全線免加一服務費手機qr code 落單，食物選擇好多，同埋有啲出面少有，例如黃喉。我哋叫咗個豬肚雞雙拼鴛鴦鍋，普通辣度。入面都有啲豬肚及雞件。豬肚爽口，雞肉幾滑。先嚟嘅紅棗雪耳糖水好好飲，清甜消暑。跟住叫咗：美國Prime牛小排一份。呢個牛味道好正，雪花又靚。好重牛味，少少油脂。😍 推介。手打魚籽蝦滑（半份），呢個整得幾好食，好彈牙同好味嘅。鮮黃喉，本身係淡味，淥熟完好有嚼感。幾特別。牛百葉，爽口但易吞易嚼。稻庭烏冬，煙un 彈牙，吸咗麻辣湯汁食，好正😋皇帝菜，油麥菜，豆亁絲。食返啲纖維，清吓腸胃。 大大杯洛神花鮮橙特飲，個杯大得好誇張。好飲，酸酸甜甜冰涼解渴，解辣。呢一餐好full，麻辣湯底食得好開胃。食物質素唔錯。

鐘意食重慶火鍋一定唔可以錯過方叔叔嘅8周年優惠，因為而家唔止免加一，勁多菜式仲要勁減！食之前會先有免費麻辣鍋真係好足料好夠味冰糖紅棗雪耳糖水食，之後就可以瘋狂食辣！推介：麻辣鴛鴦鍋＋養生花膠雞鍋 好足料份量又多，花膠雞鍋 有唔少雞件，有養顔花膠熬製，雞味都濃郁，所以可以先飲左個湯先😍麻辣鍋有2個辣度可以揀，想過下口癮就可以揀普通辣都夠勁🤩麻辣醇厚鮮香，仲有好多香料熬成。菜點推介：-方叔叔現炸豆皮 —> 好脆口大件-嫩牛肉 —> 食落真係好嫩-功夫萵筍片 —> 30秒就夠！都係一樣好爽口－珊瑚蚌 —> 口感爽脆飲品勁大杯！好surprise!

方叔叔重慶火鍋而家做緊8周年雙重優惠，唔單止1️⃣全線免加一，2️⃣菜單勁減可以低到$15😍好討人喜歡其中一個點係好多菜品都有得叫半份，岩曬咩都想試又怕食唔曬嘅我👍🏼麻辣鴛鴦鍋mix左養生花膠雞鍋 ，一邊麻辣一邊就好滋潤 🤩 用左重慶石柱紅頭茬辣椒、雲南黃口老薑、漢源花椒等嘅香料，十分鮮香～如果唔係食得好辣，可以叫普通辣試下，相對地易入口。養生花膠雞鍋有足料嫩雞，有花膠熬製，感到滿滿既骨膠原！另一個驚喜位就係食火鍋之前仲會送上冰糖紅棗雪耳糖水，可以暖一暖個胃再食辣野冇咁刺激！全部飲品都好大杯，2個人share都唔太過份！所有食材都好新鮮，最後一定要食埋紅糖爆漿粑，炸左少少，一咬仲會爆醬，好食🤤📍方叔叔重慶老火鍋@unclefonghotpothk荃灣楊屋道8號如心廣場一期3樓305號舖

方叔叔重慶老火鍋， 荃灣如心廣場分店, 佈置簡約時尚， 環境舒適寬敞，食材選 料時令新鮮， 擺盤精緻吸引， 人氣麻辣火鍋湯底, 讓人回味。 最近為了慶祝8週年紀念, 全日免加一, 十分抵食! 麻辣 + 養生花膠雞鍋(小鍋)奶白色的花膠雞鍋 , 份量十足 , 雞肉鮮嫩軟滑, 花膠入口 Q彈，好真材實料, 滋補又養生。另一邊， 浸泡著量鮮紅的紅椒， 香氣十足 ， 用來做火鍋湯底， 令到火鍋食材更惹味， 令到麻香鮮辣重慶火鍋的味道， 從現在舌尖上， 越吃越過癮。韭菜豬肉水餃(半份)脹卜卜餃子皮薄而有咬口 , 餡料豐富， 包裹著惹味的韭菜和豬肉, 滿嘴是韭菜清香與豬肉的鮮甜。鮮滑魚麵 (半份)魚麵以新鮮魚肉打成肉醬， 再加入麵粉製作而成， 麵條柔韌滑順, 口感彈牙， 鮮香美味。萵筍條翠綠的萵筍條, 吸收了湯底精華, 清脆爽甜。自家制手打四寶丸 (半份)四寶丸各有特色 , 肉質扎實彈牙 , 鮮味十足。白鱔鰻魚雪白薄切的鱔片， 十分肥美 , 灼熟後， 鮮味帶嚼勁口感， 讓人喜歡。鮮蝦串大隻新鮮的海蝦， 用竹籤串起， 放在冰塊上面 , 只淥一陣，慢慢轉紅， 蝦肉鮮味彈牙 , 鮮

經過如心一期見到方叔叔呢排做緊優惠，一黎全線菜單勁減價，二黎全線免加一服務費，咁抵食就緊係去試下啦。今次叫左個鴛鴦湯底，係麻辣+椰子雞鍋，咁就可以同朋友一邊辣一邊唔辣任君選擇。美國prime特級牛小排 (半份)牛小排非常鮮嫩，又唔會太肥，夠牛味。手打魚籽蝦滑 (半份)蝦滑爽口彈牙，而且仲食到一粒粒蝦。珊瑚蚌 (半份)手切鮮牛肉 (半份)鮮牛肉比一般牛肉更加重牛味，無論邊個湯底都係咁好食。老鵝鮮鵝腸 (半份)鵝腸份量好多，同麻辣湯底非常夾，索哂麻辣味勁過癮。娃娃菜 (半份)鮮竹苼 (半份)竹笙索個湯汁好好味，不過注意唔好淥太耐。黃金針菇 (半份)

喺香港諗起想食麻辣火鍋第一時間都會諗起方叔叔因為佢哋嘅麻辣湯底夠正宗、配料又好有特色而且好多配料可以嗌半份啱晒兩個人去食方叔叔趁住8週年全線菜單勁減同免加一服務費真係比平時抵食好多今次湯底我哋揀咗麻辣拼養生花膠雞鴛鴦鍋(小窩$158)咁就有辣有唔辣任君選擇配料方面我哋揀咗八月推薦嘅鮮活海蟶（$45半份）雖然$45得六隻份量唔算好多但係佢哋嘅海蟶真係高質素蟶子肥大肉厚咬落鮮甜無比食麻辣鍋就一定要叫佢哋嘅內臟類本地鮮豬心、大刀豬腰片兩樣都處理得好好豬腰處理得唔好嘅話會有一啲難聞嘅味道但呢度嘅豬腰就無呢個問題另外推薦一定要叫佢哋嘅香滷豬大腸本身滷水已經好入味浸埋麻辣嘅湯汁真係好好食佢哋呢度鴨血有兩款選擇我哋就揀咗比較少見嘅鮮鴨血一上枱見到紅噹噹嘅一碗同平時見到嘅鴨血好唔同未煮之前一定要小心處理因為一夾就會散開但加熱煮熟之後，鴨血就會凝固食落嘅口感極之嫩滑同平時食開嘅鴨血完全唔同推薦一定要俾貴少少食呢個鮮鴨血！

自從朋友帶我食完【方叔叔】，就會有種食完想再食的感覺。今次同大佬經過，見到方叔叔8週年大優惠，咁抵一定要食！ 挑選麻辣拼椰子雞鍋，兩款湯底都好特別！🌶️麻辣那邊用上「老鷹茶」去泡開麻辣底料，有利於緩解因火鍋引起的油膩感及腸胃不適。🥥而椰子雞湯本身鮮甜清爽，但店員拎了「百香果」說可以試試放落湯底，我地第一時間stop，直到差不多完食才放，味道酸甜，btw我不太建議加落湯底。 店內有十八款推薦菜式，入面必點✅爽口的稻田毛肚、肉質嫩滑的嫩牛肉、霞蒲海帶苗、長城小白豬午餐肉等。另外，店內有平時火鍋店少見的配料，如鮮魚鰾、牛骨髓等。仲嗌左潮汕手打牛筋丸、熟鹌鶉蛋🥚、鮮嫩爽口的萵筍條、淮山條（白色爽脆，紫色粉感重）、油麥菜🥬、大大隻美國桶蠔🦪厚肉鮮甜。 除了配料必點，水仙烏龍檸檬茶同紅糖爆漿糍粑都系我必點首選。佢地飲品非常大杯🍹，配火鍋一流！咬一啖紅糖糍粑，入面湧出暖笠笠的紅糖，亦可蘸芝麻黃豆粉，個人覺得淨食已經好惹味。😋😋  ✨8週年勁慳雙重禮包✨1️⃣ 全線菜單勁減2️⃣ 全線免加一服務費

平時都好鐘意食火鍋，朋友推介黎左呢間位於荃灣如心廣場既方叔叔重慶老火鍋食dinner，佢地6月份繼續推出激減優惠，凡消費滿$200即送$100現金券於下次消費使用，下次消費每消費$200就可使用1張減$100優惠券，無封頂使用（套餐不能使用），有效期為派發起計60天，留意番推廣不適用於中環店一坐底店員會送上紅棗糖水暖胃，好貼心! 湯底揀左麻辣鴛鴦鍋，麻辣味香濃，鴛鴦鍋另一款揀左番茄湯，酸甜開胃另外佢地最近有推出十八大推薦菜，推介藤椒牛舌，入口爽滑彈牙，好鐘意個藤椒味香辣開胃，值得一試鮮鵝腸黑豚腩肉千絲柏葉鵝腸煮10秒就食得，黑豚腩肉肥瘦均勻多肉汁，千絲柏葉一絲絲配上湯汁大滿足串鮮蝦桂花蚌手打魚籽蝦滑海鮮方面都有多款選擇，蝦肉彈牙，桂花蚌鮮甜爽脆，蝦滑夠足料，粒粒蝦肉好有驚喜菜類都有好多選擇，今次叫左娃娃菜，另外仲有包漿豆腐同芝士腸，粉麵類推介武隆苕粉，吸湯後香口惹味甜品叫左紅糖爆漿糍粑，熱辣辣外皮香脆，紅糖爆漿，可以沾上黃豆粉食

今日約左朋友去荃灣西打邊爐，我個朋友超級鐘意食辣，所以就揀左呢間重慶火鍋店💁🏻‍♀️由於我唔係好食得辣，所以我地叫左個雙拼鴛鴦鍋，一邊係朋友嘅麻辣湯底，而另一邊係我食嘅皮蛋香菜湯😂肉類丸類我地就叫左嫩牛肉、熟鵪鶉蛋、牛骨髓、芝士丸、芝士腸、手打魚籽蝦滑等等而蔬菜類我地就叫左皇帝菜、油麥菜、甜玉米、白蘿蔔、鮮腐竹、鮮竹笙！最後甜品食左個紅糖爆漿糍粑，外脆內流心，作爲完美嘅ending💁🏻‍♀️

越來越近炎夏，趁今晚天氣還不算太熱的時候，便來到這間心愛的火鍋專門店。豬肚雞鍋拼成都麻辣鍋$96，藥材和胡椒的味道不算太濃，沒有搶去豬肚和雞件的味道。成都麻辣的辣度比香港一般的麻辣辣到高許多，不過吃辣吃得更加淋漓盡致。麻辣牛肉（一份）$88，麻辣牛肉沾滿了不同辣椒粉的香味，每次來到方叔叔，是必點的火鍋配料，因為太好味，追加了半份，如果是麻辣燙，這個配料必點的。鮮龍躉片半份$78，龍躉片爽口彈牙，味道鮮甜，龍躉魚皮煙煙韌韌，非常有骨膠原的口感。桂花蚌（半份）$88，只需放在湯內掃10秒，便可享用，爽口大牙的桂花蚌了。長城小白豬午餐肉$28，這個午餐肉，非常配合麻辣的味道，雖然知道非常邪惡，忍不住點了這道美味的午餐肉。姬松茸菇$58，味道鮮甜的姬松茸菇，不是很多地方可以吃到，既然來到便吃了這個鮮甜美美的姬松茸菇。鴨血（半份）$48，鴨血放在麻辣鍋內時間越長，鴨血吸收麻辣湯底味道的能力越高，煙煙韌韌，非常美味。油麥菜（一份）$$28、淮山條（一份）$48、萵筍條（一份）$28。

今日我哋表示想食辣野 所以去左食重慶麻辣火鍋 ，味道都唔錯👍👍❤️麻辣+養生花膠雞鍋（大鍋） 麻辣鍋ok,辣得我哋好過癮，推薦👍花膠雞鍋雞味和花膠味濃郁，正👍美國桶蠔（半份） 桶蠔都好大件，新鮮，味道鮮甜鮮滑魚麵（半份） 亦非常彈牙珊瑚蚌（半份） 呢個超級推薦，味道鮮甜爽口，食到唔停口桂花蚌（半份） 非常推薦，味道鮮甜加超級爽口，半分一定唔夠食，應該要叫一份美國Prime牛小排（半份） 正常味道嘅牛小排，嫩滑有牛味功夫萵筍片（半份） 味道正常，爽口鮮龍躉片（半份） 質感鬆散，感覺唔太新鮮，魚有腥味，唔推薦生津止渴楊梅汁（凍） 非常好飲，酸甜開胃，推薦洛神花鮮橙特飲（凍） 飲品味道比較淡，完全冇橙味，味道一般整體嚟講食物都唔錯，服務亦非常好，坐得都好舒服，性價比OK，下次想食辣嘢嘅時候會再幫襯

方叔叔重慶老火鍋， 荃灣如心廣場分店, 佈置簡約時尚，座位舒適，食材新鮮擺盤又漂亮， 人氣麻辣火鍋, 令人一試難忘。雙拼鴛鴦鍋：大骨滋補窩 + 麻辣鍋 $76 /2 人 奶白色的大骨滋補湯湯鍋， 清甜又不肥膩，真材實料, 仲有連肉的大骨, 另一邊， 浸泡著豐富鮮紅的紅椒， 香氣十足 ， 用來做火鍋湯底， 令到火鍋食材更加惹味， 將辛香辣重慶火鍋味道, 從現在舌尖上。 黑豚腩肉 $48（半份) 色澤嫩紅的黑豚腩肉， 肥瘦相間, 滑溜軟稔， 完全沒有油膩感。美國牛板腱 $58 (半份)火鍋怎可少得我的至愛牛肉， 薄切的牛板腱，油脂分佈平均, 鮮嫩多汁 , 肉質幼嫩帶有油花。 串鮮蝦 $58 (半份） 新鮮大隻的海蝦， 用竹籤串起， 底部還墊上冰塊 , 只淥一陣，見顏色慢慢轉紅， 蝦肉鮮味彈牙。鰻魚（白鱔）$108 (1份） 雪白薄切的鱔片， 灼熟後， 鮮味帶嚼勁 口感一流。鮮蝦滑魚麵

鴛鴦鍋左：皮蛋香菜鍋右：麻辣(普通)重慶味道好正宗，食左2啖已經feel到唇部有種麻麻的感覺，愈食愈過癮！牛栢葉、鵝腸、鴨血、手打四寶丸、毛肚價格所提供的份量合理，圖中所有都好好食好吸引！蝦滑、娃娃菜蝦滑有鮮味，娃娃菜正常發揮各種牛及豚每款都好易入口，有咬感，豚亦有驚喜！海蟶、嫩牛、芝士腸海蟶有驚喜，好新鮮，會令我想一叫再叫嫩牛有驚喜，比其他牛感覺再好小小芝士腸正常以上為4人晚餐，結帳為$17xx，價格中規中舉，但系系好味的。消費後有優惠券供下次使用，$200-$100，可使用多張，有效期為1個月。消費千七取得7張優惠券，所以下次消費就變得相對地十分優惠了

荃灣呢間方叔叔係家姐最愛，係用QR點餐架，店員每次都會送上餐前糖水雪耳紅棗畀我地。見到依家有折扣，消費滿$200即送$100現金券於下次消費使用，每消費$200可使用1張減$100優惠券，不過呢個推廣中環分店係冇得享用喔。麻辣鍋 × 豬肚雞呢個鴛鴦鍋係必點。半鍋嘅豬肚同雞件超足料，肉質又唔嚡。麻辣湯底真係食得辣先好叫呀。海鮮方面叫左紐西蘭青口同鮮活海蟶，個人覺得海蟶真係新鮮又鮮甜，而青口個人不大推。次次黎必叫嘅特色迷你燕餃，我次次都叫兩份就知我幾咁鍾意食😋，內餡肉鮮嫩，皮超級無敵簿，次次食都有說不出的滿足。肉質嫩滑又彈口嘅牛蛙都係必叫，食落新鮮，而且好少打邊爐有得叫。飲品叫左$48洛神花鮮橙特飲，我每次都係兩個人share,因為佢真係超級大杯。甜品我次次都叫可解辣嘅紅糖爆漿粑，$68八舊，食落好有咬口架。仲有次次都必叫嘅熟鶉蛋、鮮腐竹同鮮嫩鴨血，都推薦大家叫喔。食飽門口仲有部除味機添。

首先,重慶麻辣湯底味道非常出色,麻辣十足但不會發苦,越吃越上癮。菜式方面也很有特色,方叔叔推薦的菜品大多值得一試。另外,所有菜式都可以選擇半份,可以嘗試多種菜品。 首先必須推薦的是毛肚。肚片爽口彈牙與麻辣湯底絕配。另一必食菜色是功夫萵筍片,30秒的淥熟,非常清脆。 武隆苕粉粉條軟糯可口,另外,滷製入味的豬手和嫩滑的牛肉同樣值得一試,肉質鮮嫩,配上麻辣湯底,讓人回味無窮。 最後,絕不能錯過的是招牌甜品 - 紅糖糍粑。外殼酥脆,內餡紅糖清甜。 整個用餐過程,服務周到,環境舒適,這家火鍋店無疑是重慶美食的最佳代表,值得一訪