新香園

營業中

休息中

上上個星期三放咗假，一早出咗深水埗攪事😝 跟住就搵早餐食，之前都有 search 吓，有個咁好嘅 App 緊係要用下😁😁最初搵咗呢間，俾佢嘅蛋牛治吸引咗⋯⋯但到一路行，一路睇都有一兩間想入去。但最終因爲係搵咗呢間，而一經過又咁啱有卡位，我哋就走咗入去！ 佢個早餐都幾好，想要蛋同包先加6蚊叫！因為有時真係食唔到咁多㗎，不過，可能對某啲人就覺得好似貴咗少少咁⋯⋯最攪笑係，叫完哂都未醒起自己最初搵咗呢間嘅原因🤣🤣🤣好彩唔多幾十秒就醒起，即刻取消個牛奶炒蛋，轉翻要蛋牛治😁食物到哂⋯⋯緊係食蛋牛治先啦！都真係唔錯，牛肉切哂粒，又係未去到嘩一聲😅 仲有款係麻辣，但晨早溜溜就唔試住😝 至於通粉，正常，奶茶正常，鴛鴦就唔得lu ... 可能佢用即磨咖啡黎沖，同飲開嘅好唔同🤔

一講到香港美食，比比皆是。究竟邊到邊一樣野最能夠代表到香港美食呢？茶餐廳是一個不二之選🌯🍜🥟🍱，再走了深水埗搜索🔍「新香園」就係今次介紹的香港地道風味菜🥘🍛🥤🥄🍴門外已經有排隊的指示牌，安排排隊的arrangement, 可想而知它的魅力這次星期六中午我們一行三人等候了大概30分鐘才能進場...🤣🤣到了餐廳🍴我們急不及待order 馳名的蛋牛治及牛肉豬潤麵🍜果然沒讓人失望，豬潤爽滑無渣無腥味；牛肉夠淋蛋牛治烘得夠火喉，夠脆，沒有被蛋牛令麵包淋曬。😋😋

到咗晚餐時間，有啲肚餓，但係又唔想食得太過豐富，我就突然之間諗起左深水埗新鄉縣嘅蛋牛治，其實諗下已經流晒口水，因為個包真係烘得好趣，而佢嘅麻辣蛋牛治更加係我嘅最愛，因為真係諗唔到原來麻辣同埋蛋牛治係可以咁架，麻辣同埋牛肉汁係會深入左個包皮，令到成個包都會有牛肉味，以佢啲蛋又唔會炒得太過乾身，食完成個咀都係麻辣，真係好有feel

公司有位叔叔一日突然煞有介事拉我埋暗角，話介紹啲「好嘢」俾小妹我食。好！GOGOGO！專程搭港鐵去深水土步食lunch。試下呢間最出名既南乳豬手麵同馳名蛋牛治(烘底)。呢間實情係分店黎，我一路睇返啲食評，好似話冇本店優質。不過人都入咗黎，食啦講咁多嘢。茶餐廳格局，坐位尚算闊落。是日被安排坐大圓檯(搭檯)。首先上檯的是馳名蛋牛治(烘底)($20+$1)。雖然蛋牛治不算好熱，餡料又有點薄。但咬落居然有一下爆汁，射落我隻手度。呢個moment好正！牛肉咸咸地又恰到好處，不錯但未算好出色。我比較鍾意佢個南乳豬手麵($25)，份量大又足料，童叟無欺街坊價。但同行者批評豬手上的毛未清乾淨。(我嗰碗冇呢個問題)豬手肥美膠感十足，色水又靚又均勻，入口鬆化有回彈感。麵底亦彈牙，湯底清徹，南乳味不算太搶，濃淡滴中。暫時是我食過數一數二最好食的豬手麵。果然要相信饕餮多年的飲食經驗和真情推介啊！小插曲，見到有位黑人客人入黎幫襯，店員馬上拎出英文menu，配合流利的英文有禮貌地解釋各道菜式，幫之落單。既有效率，服務亦令人喜出望外。另外叫咗杯紅豆冰($20)，正常貨色。椰汁冇結塊，及格，但我覺得味道稍甜。總結性價

想閒食一頓晚飯，碰巧遇到朋友，她推薦附近的新輝園，表明蛋牛治馳名深水埗，於是小弟便進小店一嚐。不為他，填飽肚子足矣。興高采烈地點了食物（蛋牛治加紅豆冰）後，驚覺帶不夠錢（欠了零頭），想取消紅豆冰，但老闆不介意。（幸好後來在背包找到了零錢，足夠付單，場面著實尷尬😂）兩者皆具質素，值得一試。建議蛋牛治要求烘，更具口感和滋味。但最令我難以忘懷的是老闆和老闆娘的豁達。那份人情味，是最好的調味料。夠二百字，俾老闆一個好評。👍🏻👍🏻

深水埗汝洲街近北河街和南昌街段，一邊差不多全是專買製衣服飾配件的店舖，而另一邊近三太子及北帝廟一段，就由服飾店舖變成了食店，我已打算全部也試一次，因為工作久不久也會到這裡。今天跑去吃早餐，就撰了新香園。店內裝修參巧傳統的冰室設計，這是近年的食店潮流。早餐選擇很多，價錢也合理，從小到大我都喜歡吃通粉，所以也挑了仿鮑魚絲火腿通粉和熱咖啡。招呼我的男侍應 (也許他是老闆)，熱情地替我落單，見他和其他客人都很熟落邊工作邊聊天，我喜歡這種感覺。很快早餐便送到枱上，通粉很大碗，看到熱灼灼的湯，馬上喝一口，但感覺稍鹹，不覺份量真的很足; 之後再細喝熱咖啡，就是心目中的要求，對我來說濃淡適中，不錯。下次再來深水埗工作，會再看著餐牌上吸引的照片去試試。

環境乾淨 ~ 舒適西多士既牛油竟然係熊仔 ~ 好得意呀同佢講想要煉奶 黎到見到好多煉奶 西多士每一件都浸住煉奶牛油 ~ 好juicy ! 好好味呀黑白涼粉冰，好正涼粉大大粒又好滑杯野又唔會太甜好味 ~ 員工仲好nice 呀 

深水埗老字號多的是, 哩間都要介紹ㄧ吓！ 因為老舖實在太多人，而家過嚟新舖，試下佢有冇唔同先。呢度出名就係牛肉蛋治啦! 佢哋係用免治鮮牛肉加甜甜地蛋汁來做，加上烘脆嘅多士， 絕配! 我哋當然要嚟一份啦!豬手麵亦係另外一款美食， 豬手炆得入味，有南乳香，軟硬適中，充滿骨膠原。只是賣$25ㄧ碗，真係抵食到不得了。牛腩飯就信息咗少少，雖然牛腩炆得淋，但係醬汁比較鹹，唔係好合我口味，餐飲配上ㄧ杯凍檸茶，可以沖淡口中鹹味。

原先諗住响隔離食馬拉嘢，點知人多到哩😅，太肚餓喇，仲話起碼要等半個鐘🙄，所以見到大大張麻辣蛋牛治poster，就走左入去問有冇位，坐滿晒點知又有位比我，咁醫肚緊要😆入到去當然要點麻辣蛋牛治啦(烘底)，加凍奶茶。等緊食嘅時候見到附近個個都食緊南乳豬手麵，又忍唔住叫埋😆第一次食麻辣蛋牛治有驚喜，本身食開小辣嘅我擔心會唔會太辣，但辣味唔算太過，剛剛好，小小麻辣加上鮮嫩雞蛋同牛肉，令食慾大增👍🏻 ，🐂肉仲好juicy 架👍🏻，仲有係佢嘅蛋牛大大份落足料突晒出嚟(請睇相片）😋至於豬手麵都好好味，南乳入味，豬手炆得好腍，而凍奶茶都 👌🏻

一向都係去舊店，雖然我對蛋牛治印象一般，另一半卻幾喜歡佢地嘅豬手麵。去年底原本想食馬拉野，但人多到不得了，只好轉移到新香園，呢次係我地第一次黎新店。裝潢企理，闊落得多，初始印象良好。餐牌大同小異，三文治、粉麵、飯等麻辣蛋牛治 $23/烘底、凍檸茶 $16蛋治即點即製，賣相比起桂林街嘅吸引啲，起碼眼見多左啲麻辣汁加持，蛋治唔會又乾又老。麵包烘至硬脆，鮮牛肉以麻辣油炒，再加蛋煎，牛肉嘅部份做得唔錯，保留肉汁，略嫌雞蛋嘅存在感低左啲。麻辣油令蛋治更惹味，對於乜都鐘意有少少辣嘅人黎講係福音。豬手麵 $25腩汁牛丸麵 $24麵食價錢唔貴，而且夠大碗，豬手麵係另一半至愛。雙蛋餐肉一丁 $33純粹屎忽痕先會點餐蛋麵，一丁淋到不得了，而且湯底好淡，認真唔抵食。

個日實習要去深水埗 冇lunch但就有藉口去買小食(?!).🐣蛋牛治 烘底$22🐣雖然即整 拎上手仲好暖粒粒但望到都幾失望😭😭因為個蛋牛都太薄同乾啦仲要5份都係咁 唔關失手事啦😭個蛋牛係煎得幾香 牛肉有沙嗲牛嘅風味🐮係好味嘅 烘底亦不錯 但試完一次就算了😢

一家去主題樂園玩之前，想食個飽飽的早餐於是近近地去新香園可能係平日早上既關係，唔洗等候，鋪內都係六、七成客滿，所以可以揀個座位舒舒服服咁坐同老公一人嗌一個沙嗲牛麵，再加$6有一份炒蛋烘麵包(這份加來是給兒子吃的)配杯熱奶茶，再加份蛋牛治跟老公share。店員親切有善，會再覆一次單。不消一回，熱奶茶已到，奶茶的茶奶比例很好，金黃色的，很滑。隨後，沙嗲牛麵都到，沙嗲濃郁香口，麵條軟硬適中，溝埋湯都唔會變得太啖，牛肉爽口。蛋牛治爆汁，烘底香口，好食!

呢晚放左學同幾個同學仔嚟到位於深水埗汝州街嘅新香園食晚飯。餐牌上麵飯類選擇唔算太多，不過對我嚟講，好唔好食先至係重要，多唔多選擇係其次。會唔會再嚟幫襯，取決於好唔好食，而唔係多唔多選擇。我叫咗個黑椒雞扒飯 ($45)，飲凍奶茶 (跟餐+$2)。黑椒雞扒醬汁十分美味，辣度適中，雞肉嫩滑，又夠大碟，好食又抵食。凍奶茶亦十分唔錯，茶味同奶味均勻，口感幼滑。幾個同學仔都覺得自己嗌嘅嘢好食，相信我哋一定會再嚟幫襯！

之前都無去過新香園，只聽聞旦牛治好，今日同小朋友去深水埗買嘢，揾食時見到佢有位，同幾闊落下，再望有咩食先知係新香園分店。點左旦牛治烘底，牛腩飯，牛脷飯同凍飲兩杯。旦牛治係好味嘅，旦夠香脆牛又淋滑，$21其實抵食，牛腩飯$40，雖然普通料但都好味，牛脷就有陣雪味，黑椒汁又行嘢，但都夠淋，OK啦，雖然我整得好味Ｄ。叫左凍奶茶同凍朱古力，奶茶好快變淡唔夠味，朱古力我阿女飲，無試。整体OK，招呼幾好有禮貌，唯獨是去洗手間經過後欄，乾淨嘅但濕到好似水浸，要行得好小心。

呢度好似係新裝修GE 鋪位? 新D 坐得C 服D。唔食牛,所以一樣係叫左豬手, 今次試豬手飯, 有3,4舊大GE豬手, 好林, 好入味。 另叫左陳皮炸魚蛋, 最初以為係出面一串串果D, 原來係自己整架, 但陳皮味無乜, 熱辣辣即炸, 夠香口, 唔算好油。薑味柚子蜜比較淡。