新香園

營業中

休息中

今朝諗住去捌哥捌哥食早餐，點知佢改咗11點鐘先開門， 唯有改去別處。 隔離就係新香園， 之前猶疑係唔係真分店，所以都冇幫襯過， 既然捌哥冇開就試下啦。老公叫咗招牌蛋牛治，佢話同舊舖一樣冇乜分別。 我鍾意食舊舖嘅豬手，所以叫咗炸醬豬手麵， 豬手同舊舖係有分別， 舊舖豉油味重啲， 新鋪南乳味重啲，大家都一樣炆得淋， 不過我都係覺得舊鋪豬手好食啲。另外杯凍阿華田，味道濃沃好好飲，好多時茶餐廳都慳住慳住， 落唔夠粉味道比較淡。整體感覺，我係鍾意新鋪多啲，因為舊鋪真係坐得唔舒服， 同埋新鋪選擇多好多。 下次再去試下麻辣蛋牛治先。

一向都知新香園嘅蛋牛治好出名🥪🍳🐮原來係深水埗開咗另一間分店 裝修新穎啲 環境乾淨啲 坐又坐得舒服啲😌佢嘅蛋牛治係我食過最好食嘅蛋牛治😭啲牛肉好入味 係鮮牛唔係咸牛黎架 下次試下佢個 麻辣蛋牛治先🙊 另外呢個温泉蛋炸醬飯又係另一力作 從來無諗過炸醬飯加温泉蛋個味會可以甘夾😍

茶記的蛋牛治，一向都是我的早餐首選，聽說這裡有變種蛋牛治，所以急不及待來試新野。大概11點多來到，不用等便可直接入座，實在好彩，聽說這裡也是長龍餐廳之一。叫了麻辣蛋牛治烘底加一杯熱檸茶, 不消10分鐘食物便來了.......麻辣蛋牛治 - 麻辣味不是太嗆喉，保持了蛋和牛肉的香味，牛肉不是一般的罐頭鹹牛肉，是新鮮的牛肉切碎，很有口感｡熱檸茶 - 很有茶味，不澀口。埋單37個大洋，都是比較貴的，但卻物有所值

今日特登去深水埗食蛋牛治， 拎住電話睇google map， 點知睇錯左新香園新店， 行到門口都再走返去舊鋪堅記但冇開門， 走返轉頭去新鋪既然過到黎試晒2樣唔同既蛋牛治， 原味同麻辣蛋牛治， 2份都烘底。我試左原味先， 果然係真。牛肉， 牛肉嫩多汁又脆底麵包。好食。麻辣蛋牛治同原味蛋牛治張相係一模一樣， 外面睇係分別唔到。麻辣蛋牛治多左一分四川辣香味但少左一分肉汁， 都係普通蛋牛治勝出。見到大家食評關於堅記奶茶都有好評， 到到新鋪都試左， 但就好普通

食完飯一企起身就跌咗個寶貴口罩落地.... 好衰唔衰自己仲踩多腳 .... 老闆娘真係超好，問我有冇Spare， 我話冇啊唔緊要啦，......佢立刻攞咗個私伙獨立包裝靚口罩俾我，話呢啲時候一定要帶住，要小心D！我覺得好唔好意思...但老闆娘堅持！好感動，超好人，一定要表揚一下！未講重點重點：豬手同麻辣蛋牛治都超級好味！豬手夠林夠入味， 肥美.... 麻辣蛋牛治有驚喜！夜媽媽都仲有咁好野食落肚，超開心！遇到有心人..... 老闆娘，好心有好報！保重身體啊！

新香園一直都係老字號，炒蛋鮮牛治一直都係招牌菜，以前細個成日去舊鋪食。不過自從有一次去舊鋪食，見到有曱甴之後，就好多年都冇再去過啦。今次知佢開左新店，就一於去再拾舊夢！新店唔似舊鋪開24小時，佢夜晚都會收工。今次去到見到佢衞生同環境都進步好多，始終都係新裝修。見到個餐牌有新嘢！炒蛋麻辣鮮牛治，嘩即刻叫黎試下先！識叫一定要烘底！第一啖咬，好香麻辣味喎！冇唸過三文治可以加麻辣，幾有驚喜。又冇搶左佢個鮮牛味。佢個辣係越食越想食嗰隻辣，辣得好正！下次一定會再黎食！推薦大家黎試吓！

Vienn好耐冇分享食評啦...原因只介紹好西..伏都介紹（太多打手）😡韓國既文...大家俾d時間😂😂細既有排都返唔到學..慢慢長夜🥱呢個星期隔日就去食 新香園...汝洲街分店❤️原因好簡單，因為好食，同埋冇乜選擇下😭但係分店店員成日用機入單都落錯，真係.....或者考慮用翻手寫單令辦事效率提高🤣🤣🤣🥪#蛋牛治🥪超都多汁，小公主因健康理由戒咗麵包🥯好耐，但放咁長假，就開心下啦...唔係會癲架🥶多汁到個地步係...「你食過就知啦！」😤👈🏾👈🏾小公主次次都好快食哂2件....☕️即磨咖啡☕️算不過不失啦，冇酸,收貨⭐️除口罩前就得消毒雙手，食野前再消毒多次，食完再消毒先再戴口罩😷🥪新香園 (深水埗)📍深水埗汝州街186號地舖#肥dodo食記 #出街食野都變得很奢侈

早餐B $28雖然唔咪貴，相中有蛋,圖中沒有，問過店員，說是相片效果，同相差太遠了吧，有薯條和粟米可以選擇,二話不說就來了粟米...旦牛治好食嘅！奶茶都好飲價錢可以接受

蛋牛治都要進化！新香園系香港老牌子食店名子字，細細個食到大，陪住好多人成長，舊式檔口/店家一般都比較懷舊。今日呢間會比較新裝修啲，野食都有啲特別！麻辣蛋牛治，蛋牛足料，夠大唔小氣，蛋邊香脆，中心軟滑帶汁，麻味辣味都食到，我覺得岩岩好，面包微脆帶軟，一口接一口，好快就食晒，滿足。中間有少少錯覺以為食緊水煮牛, 可能因為店家用牛肉絲，有咬口，值得一試！當然要配返杯奶茶啦，呢個組合不論早餐/下午茶都係一個好選擇！

今日經過很久沒來的深水埗，因為很懷念「新香園」的蛋牛治而來😋雖然只是中午12:00 ，但已經座無虛席。來到一定要點的就是「蛋牛治」（烘底）蛋牛治一定要加一蚊烘底牛肉滲出淡淡的沙嗲香味，很滑很好味！蛋香濃郁！唯一缺點，是牛肉汁什浸到麵包上有少許諗，所以一定要即刻吃。另外點了這兒令一樣出名的菜式「南乳豬手撈麵」但這個就有一點失望，雖然豬手夠林夠入味，但味道不算特別出色。幼麵雖然很彈牙，但是鹼水味很濃，扣分！但配撈麵的湯，胡椒味很濃，我很like!!另外這兒有一樣東西很出色的，就是這兒的「茶膽」無論是「凍檸茶」和「熱奶茶」茶味道很香很濃郁正！！兩個人又食又飲，都係$88 ，尚算抵食！總結：食物味道：蛋牛治及茶膽都做得很出色，其他食物味道一般。環境：很有舊香港情懷，乾淨企理服務：服務員有禮貌，未見有令人不滿的地方價錢：價錢非常合理，抵食！

奶茶偏濃再用奶中和，不像茶王冰室用茶香方式，可能这也是港式奶茶的源头，好飲之餘重要偏重成本，麻辣蛋牛治味道不錯，祗是炒蛋时再干身一点更好，或者可試下用黑椒，可能吸引到一些西式食家。

蛋牛真材實料，唔知做咩好多水流出黎，蛋汁又好似太希，味道算ok，但未到遠近馳名級數，牛腩面啲腩太瘦，開頭寫住出名所以試下，啲面好太簡水味，豬手面可能好啲，服務態度就抵讚👍

招牌菜：蛋牛治這餐廳不會主動提供清水，需要的話請揚聲，滾熱開水隨後送上。這餐廳也不提供餐巾，即使要求也沒有。本來這也不是大問題，但她的招牌蛋牛治太好味了，公司蛋牛治更正，多汁到滴，冇餐巾就必定滴到四圍都係。餐巾就冇啦，要就兩蚊包自己買啦，當然，自備都得。飲品：茶走一般茶餐廳都巿茶走，但時好時壞，但她的茶走水準平均，沒有驚喜，也從未令我失望。座位：必須搶卡位如果搶不到卡位，我這種冇乜腰骨的人就受罪了，是關佢幅有條橫壆，整到個背脊唔舒服。

搬咗嚟深水埗就每日嘗試唔同餐廳，發掘新美食，今日去咗新香園食個late lunch .呢個抵食喎$26咋喎，就左碗試下佢真係唔差喎，魚蛋好彈牙同埋都幾滑，冇碎骨，有香魚肉味，魚片頭冇油益味，都係勁彈牙！幼麵一啲鹼水味都冇，符合晒我要求，麵質爽口，加返辣椒油同埋醋就perfect! 湯底清清地有啲蝦子既味道，好味😋西多士中間有層咖鴦，比較甜，所以落少量糖漿就已經足夠，炸得啱好唔會太燶，外脆內軟，金黃香脆牛油味，加多左糖醬有點過甜，不過糖漿份量係自己落，可以控制返甜度。紅豆冰都勁大杯，紅豆偏甜，不過都好好飲。呢間幾好，平靚正又快👍🏻

行過好多次，日日都好多人排長龍終於今日唔使排隊，直接入去坐低叫嘢食，所以入去時心情都靚啲人人都叫蛋牛治$22，所以叫左一份，加左一杯$20紅豆冰。心理上覺得嘢食平過嘢飲好多。蛋牛治味道一般，個人認為唔值得排隊食，不過廿零蚊，其實都算不過不失。紅豆冰一個字，差，D豆好硬，我相信如果係老人家嚟食，應該有D困難，成杯嘢只有奶味，好似飲緊有冰既奶水，成杯野（冰丶奶丶紅豆）完成分開好唔夾。好奇怪既飲品。希望下次會好D。