新香園

營業中

休息中

今朝諗住去捌哥捌哥食早餐，點知佢改咗11點鐘先開門， 唯有改去別處。 隔離就係新香園， 之前猶疑係唔係真分店，所以都冇幫襯過， 既然捌哥冇開就試下啦。老公叫咗招牌蛋牛治，佢話同舊舖一樣冇乜分別。 我鍾意食舊舖嘅豬手，所以叫咗炸醬豬手麵， 豬手同舊舖係有分別， 舊舖豉油味重啲， 新鋪南乳味重啲，大家都一樣炆得淋， 不過我都係覺得舊鋪豬手好食啲。另外杯凍阿華田，味道濃沃好好飲，好多時茶餐廳都慳住慳住， 落唔夠粉味道比較淡。整體感覺，我係鍾意新鋪多啲，因為舊鋪真係坐得唔舒服， 同埋新鋪選擇多好多。 下次再去試下麻辣蛋牛治先。