新香園

營業中

休息中

老字號既新香園新鋪位新搞作之後都寫左篇好評俾老鋪，因為佢Ｄ蛋牛治真係令人食到回味。拿，講緊一個蛋牛治烘底係$22呀～宜家新鋪點解吸引到我去試呢？因為其實有老店，就算舊Ｄ無咁好坐，都係會想去返老店，食返個種風味。之所以會特登搵間新既泥試，就係因為佢宜個＂麻辣＂Ｘ蛋牛治！GIMMICK野先賣緊$24，梗係要試試佢！望入去新店，其實都見到乾淨企理好多啦～午飯時間都叫坐滿人嫁～好啦，都係買走食既。等左５分鐘咋喎！比起舊鋪又快手Ｄ播！不過，拎返去７－８分鐘既路程，已經見到Ｄ麻辣汁搞到個多士濕唒。。。宜樣野真係未食已經＂唉＂左聲返到去開泥食喇！嗯！真係幾過癮的真係辣嫁播～不過食食下就會覺得一路都得個辣字，食唔到本身最有風味既蛋同牛味所以我comment係可以一試既新口味，不過都係試一次就夠了～～

新香園舊店喺深水埗屹立左好多年但係我就一直都未去過總店😛始終喺街市中間驚坐得唔舒服所以我知道新香園原來開左間分店之後就即刻同朋友去試一試呢間老字號新店比舊舖再要行遠多少少裝修超新淨亦都有好多位舖頭入面既剪報都話左比你知間舖最馳名就係蛋牛治同豬手麵當然要嗌晒黎試下啦再嗌多個熱咖啡因為聽聞呢間既奶茶同咖啡都好出名架！本身叫豬手麵都驚會食得好麻煩但佢好細心有比埋隻碟仔你lur骨同埋豬手炆得好淋基本上一咬d骨就甩出黎所以都食得好輕鬆！另外同朋友share既蛋牛治口感豐富炒出黎既蛋牛都好大塊！牛肉亦都唔係太碎最重要當然仲有咖啡啦杯咖啡好香好滑上果陣仲有少少泡喺面的確係同普通茶記唔同！

好耐冇落新香園今日落鴨寮街買嘢順便過嚟食個下午茶嚟咗幾次都冇試過呢度幾多凍奶茶今日就叫咗蛋牛治配凍奶茶睇吓呢個組合夾唔夾其實呢度嘅蛋牛治都可以算做我食過嘅蛋牛治裏邊比較有質素嘅佢炒嗰個蛋同牛肉嘅時候其實兩件事個配搭得幾好牛肉又唔會係面試牛肉咁冇口感但係又唔似出邊嘅鮮牛肉蛋治咁大塊咁靱再配合埋加兩蚊嘅烘底麵包咬落去又爽脆去到牛肉都好突然到三文治嗰種豐富有唔同嘅口感至於凍奶茶就一般般啊中規中矩不過要讚嘅叫佢少甜就真係少甜嘅

比起總店，新香園的新店環境較為新淨企理，似一般茶餐廳格局，仲有四人卡位，可以坐得舒舒服服。-南乳豬手麵　$25非常抵食！豬手好林，好入味，枱面仲好貼心地有刀，叉，碟仔俾你慢慢切黎食。份量不是太多，可能男仔黎會唔係太夠。-鮮油多 $12今次冇無試到佢個馳名蛋牛治，嗌左一份簡單的鮮油多。冇咩特別，普普通通啦。熱奶茶　$14茶底好，茶濃奶滑，甜度適中，不用加糖，暫時認為係深水埗區最好飲的茶餐廳奶茶！-價錢都幾抵食，下次再去要試下馳名蛋牛治！

之前已經聽朋友講過新香園既蛋牛治好好味，今日突然興起想食就過左黎。可能食得比較早，唔算好多人。因為太肚餓，自己叫左兩樣野食。南乳豬手麵: 豬手都幾大件，咬落去好大塊皮仲有層脂肪，大部分都係軟骨，痴左少少肉。南乳味都濃既，咸咸地幾入味。湯底都濃郁，食幼麵連到好多湯汁。蛋牛治:非常好味既蛋牛治，會有蛋汁流出黎，蛋都炒得好香，牛肉唔會太碎，會食到一舊舊牛肉係入面，牛味幾濃既。多士都烘得岩岩好，食落有牛油味，就咁食塊包都唔會覺得單調。食完真係又飽又滿足，仲要一啲都唔貴，一定會再黎過。

📍蛋牛治蛋牛治真係一試難忘 烘底嘅麵包熱辣辣脆卜卜 呢度嘅牛肉唔係出面茶餐廳紅色罐頭免治牛肉 係用新鮮牛肉 味道較得啱啱好 同七成熟嘅蛋好夾😍😍😍走嘅時候都打包左一份俾屋企人 老闆娘好細心 打棟兩份麵包放 並提醒我哋唔好閂埋個袋 以免面包冧咗 唔好食🙈📍炸醬面呢度嘅炸醬麵都好出色👍🏻👍🏻📍檸檬茶少甜左嘅檸檬茶味道最perfect 有茶味嘅 略嫌唔夠冰唔夠凍😂😛新鋪頭比舊鋪頭好坐 另外服務亦都好好 見老闆娘同其他客人有講有笑 好有人情味👍🏻去開深水埗不妨去食個下午茶☕️

深水埗📍好似去咗食#放題 咁 全枱都係好好食嘅嘢🌟～～～～～～～～～～～～～～～～🌟✳️炸#魚蛋 好#韌 ❗️✳️#豬手 #牛筋 好好味 食完個嘴黐立立💋好鍾意呢種感覺 🌟😁✳️仲有竟然有豬雜 夠#麻甩😈✳️#蛋牛治 #烘底 好#juicy 🥪✳️啲#麵 超彈牙食到有啲攰 哈哈哈哈哈 🍜✳️仲要留力食#炸雞 㗎嘛 🐔*~*~*~*~*~*~*~*~*~*~*~*~*~*~*~*~*~*~*~深水埗 開咗新分店 唔使驚冇位啦🙆❗️🌟Overall scores:7/10

成日以為自己眼花, 經過新依間先發覺原來真係有2間新香園.. 桂林街舊店食過一次水準相當不錯, 今次即管又試下分店有冇佢嘅水準先環境來說, 依間遠離街巿當然比較乾淨企理, 裝潢都係以懷舊風為主。餐廳選擇都算多, 有三文治有飯有麵, 今次鬼掩眼無試到佢個馳名蛋牛治(後悔中), 叫左個京都炸醬麵 🙈個炸醬麵話好吃又不算得上十分, 是港式那種味道吧.. 而熱奶茶算唔錯嘅，價錢就好厚道, 無記錯個麵只係廿幾蚊 .. 但對比起來無論食物還是感覺我都係喜歡街巿嗰間舊式茶記多D ~

位於深水埗汝洲街的新香園，新香園很多社交平台都有介紹過，他們家的蛋牛治就很有名，出名多蛋汁，還有是用新鮮牛肉製作，這次點了這款麻辣口味的蛋牛治，就有點小驚喜，脆脆的麵包外層夾住多汁蛋牛，加上有點微辣的味道，更好吃更開胃。 夏日炎炎再加添一杯冰涼紅豆冰～涼透心😌🔸烘底麻辣蛋牛治 反而這個撈麵就非常普通～撈麵試一次就夠嚕。

上星期六同女朋友去深水埗行街，想食個Tea，見到呢間叫新香園，裝修好似幾靚，所以就入咗入去叫咗個麻辣牛肉多士。同埋一個豬手撈麵。麻辣牛肉多士真係我好驚喜，肉嫩多汁，多士外脆內軟，麻辣辣到適中，三姐配合真是一絕。豬手撈麵，豬手整得口感非常有柔嫩，且非常有交感，值得推介。

今日下午約三時到小店，店內有好多人食！店內餐牌已經有熱門推介，唔洗煩惱諗食咩，例如南乳豬手麵、蛋牛治、紅豆冰。無錯！ 我係跟住嗌左黎食既！紅豆冰-個人覺得可以用粗管，紅豆冰有d 過甜，但男朋友說剛剛好，紅豆冰係要甜，幾好飲！南乳豬手麵- 好入味， 豬手好淋！ 比較其他店舖之下，呢隻豬手有較多肉食!蛋牛治有烘底-烘底食好正！-個人覺得加番餐紙會更好-咸度剛剛好，好足料！食完覺得好幸福！(未食之前以為係有少少蛋汁）

深水埗區美食眾多，百花齊放。剛巧今日喺鴨寮街買買嘢，自然選了這檔老字號茶記作我今天的第一餐。蛋牛治份量十足，配上烘底幾惹味，但同時亦很熱氣，最好有同伴ＳＨＡＲＥ一半。豬手麵的豬手炆得很香，仍然維持一定咬口，不會過淋，出色！值得注意的是店內環境頗為擠迫，拿著大袋東西的建議你還是外賣較適合啦～

搭巴士經過好多次，以為係舊店執左，今日見有時間多行入去試下。黎到一定要食蛋牛治，上次為左慳一蚊無試到烘底，今次就會一會呢個名物。試過佢嘅烘底真係返唔到轉頭，外脆內軟一啖咬落去，熱辣辣嘅蛋汁標出黎，非常美味。所以真係唔好慳個一蚊不過雖然蛋治好好食，佢其他產品我就覺得有啲貴，尤其係飲品我覺得唔值得呢個價，如果佢推出套餐咁有另外一個講法。我識嘅新香園最出名係蛋牛治，唔知係咪因為我嗰日食嘅時候已經下晝五點幾我見個個都愛粉面冇乜人捧場個蛋牛治。

來到深水埗，當然要食新香園蛋牛治啦！今次特意來佢地既分店，地方又大又光鮮，吃的舒服。重有handsome服務員添😜！很好禮貌。吃左個公司三文治， 入边有蛋牛，火腿，同埋餐肉。我自己加多左块芝士，真系食到舔舔脷。饮咗个香芒凍檸茶，芒果加柠檬甜中带小小酸配得啱啱好，爽！Also 听讲个麻辣蛋牛治净系分店有。都几popular, 钟意食辣嘅朋友不妨一试，吃上口條脷麻麻地好得意wor。揾到好嘢梗系同朋友分享啦！下次一定带埋佢哋嚟食，试埋佢哋其他特色嘅食物 😍

新香園係我的最愛餐廳之一 成日都去食蛋牛治出名不在話下啦豬手麵都十分好味早幾日餓到飛起想食飯叫左個牛筋飯牛筋好稔但略嫌咸左仲有一份細嘅淨豬手 一直都咁好味不過今之食到有毛😖😖就唔係咁好了仲有食左牛腩麵佢d麵一直都覺得好味 夠爽又彈牙 仲叫左份蛋牛治 滿足晒不蛋牛治無影到相 呢間環境好過舊鋪 所以一直比較中意食呢間