新記雞粥 (筲箕灣道)

營業中

休息中

喺今日下晝2點3左右諗住幫老婆買外賣，因為佢唔舒服，就諗住清淡啲去買粥，本身食開嗰間只提供晚市，咁就去呢間叫外賣。一入去就同阿姐講我要叫外賣，要一碗碎牛粥走青，講完個阿姐問我跟餐要咩，飲咩，完咗之後，我見阿姐冇同對單，我就講多次走青，點知唔講尤只可，一講把幾火，個阿姐大叫同廚房講，喂碗碎牛要走青呀，個客喺我出單之後講，唔關我事架，我即刻出聲，我一講碎牛粥嘅時候已經有講走青，係你自己一路問一路講，完咗冇同客對單，竟然將呢啲低級錯誤推落個客到！好啦，返到屋企，一打開蓋有青囉，心諗你個阿姐已經將責任推落個客到之餘，又冇做到應該要做嘅嘢，其實呢間粥店啲嘢食名過其實，佢跟餐嘅蝦米腸粉韌過橡根，粥稀過咩咁，咁嘅食物質素加個咁不知所謂嘅阿姐，真係可一不可再！

由於清明要去拜山，所以拜完山就去筲箕灣食嘢，見到新記有位便入去食；星期日無餐，所以散叫！$54 干炒牛河都算啦，但呢間餐廳真係好求其，嗰干炒牛河係凍，一睇就知，預備咗一大堆炒河，麵，米，然後再攪啲牛，就叫干炒牛河！之前食過，都有炒氣，有味道，但而家仲難食過好多噏耷嘅餐廳，好多好多倍！$54 呢個價錢，呢碟粉真心唔值，亦唔需要試！明白疫情影響，但唔係更加用心去做？呢間餐廳真係好無心，無心到爆，仲好失望添！

筲箕灣最岀名應該就係可以搭巴士去龍脊呀石澳個啲地方🤣所以今次介紹間食到靚早餐跟住去行山嘅餐廳(小編個日都係諗住去行山🤩)餐廳超多人，尤其係叫外賣嘅人，一入門口見到廚房隔離成行枱都係整緊外賣單，場面有啲混亂同埋極嘈，啲姐姐講嘢勁大聲😂亦都因為多人，啲嘢食都等咗好耐先上枱🥺間餐廳真係有超多野食，覺得好多小食都值得一試😈.🐥馳名貴妃雞粥小編想食呢間都係比個雞粥吸引住😝幾多雞件下而且唔會鞋口🥰粥唔會太稀，有雞味同埋有雞油係面，味道真係唔錯😗味精就一定有落㗎喇，不過陣味又唔會好假，可接受範圍內✨.🐥蜆介鯪魚球第一次去粥店食鯪魚球有蜆介😳賣相雖然係一pat野有啲核突，但係好!好!食!不過啲蜆介好鹹，一定要揾野送/沾少啲醬✨鯪魚球大過粒乒乓波，煎得好香口，估唔到小食咁有驚喜🤣.🐥鮮蝦雲吞麵雲吞麵就冇乜特別喇，食完個粥同鯪魚球啲偏重口味嘅嘢，覺得個雲吞麵少少淡(唔關餐廳調味事)😂.🍽味道: 3.2/5 🏙環境: 2/5‍👨🏼‍🍳服務: 3.5/5💧衛生: 2.7/5💰價錢: 3/5

我在21/2下午約4時半買外賣，收銀員工問我要唔要餐，我問餐跟什麼，佢突然好惡話佢講完我又聽唔到，吩咐我自己查閱餐牌。後來落單後我發現單上寫蠔仔粥，便查問收銀，她說貴店有900幾款粥，單上只是編號，態度極其囂張。我只是想買個外賣，好像欠了他們，沒有下次😤😤😤

今日行完山返到筲箕灣巴士總站隔離，跟住見到呢一間，一個係油菜一個係田雞價錢好貴真係好貴，但係份量就超超小以後都唔會再嚟。價錢貴，份量超小，一個油菜出面正常$20左右但係佢勁少都要$43，白飯仲要另外收錢加$17仲有一個田雞冇咩用大部份都係蒜頭，唔知有冇一隻田雞。仲要收我$73下次都唔會幫襯，以後都唔會幫襯絕對不會幫襯。今日係大年初三周圍得佢一間舖頭係開門嘅，點知價錢貴到痴咗線。第一次係openrice嘅負評俾佢。

新記雞粥一直都好出名，中午晚餐既餐牌都好豐富。比較特色既應該係生滾粥，全部即叫即整，食材又夠新鮮但今日黎到見到佢午市套餐都好抵食！一個飯，加油菜飲品都係70，午餐黎講算中價！xo醬叉燒滑蛋飯！滑蛋配叉燒無得輸，蛋汁又滑又香，加上少少xo醬，微微帶辣非常惹味唯獨飯軟身左少少，再硬身d口感會更好！油菜要左蠔油芥蘭，菜夠青綠，口感脆嫩。蠔油亦好足，唔會唔夠喉飲品要左七喜話梅柑桔冰，酸酸甜甜夠開胃，如果夏天飲一定夠消暑😋

2021年1月25日 星期一今日一早就放咗工，所以就約埋老婆喺筲箕灣食lunch喺筲箕灣行嘅時候發現到有呢一間新記雞粥，行近啲先發現原來係元朗嘅老字號新記係筲箕灣開分店，於是諗都冇諗就入咗去嚟到新記，主打當然係雞粥，不過冇諗到餐牌上面仲有咁多嘢食，除咗粥品之外，仲有滷水同乳鴿食添，於是今次我哋決定叫幾款小食，嘗試一下粥品以外嘅食物等咗大約10分鐘左右，第一道菜就嚟到，係海蜇手撕雞，份量都唔少，完全唔覺得係小食，做正餐都可以，而且味道好足夠，有辣勁，食完之後好開胃，酸酸辣辣，雞肉仍然保持嫩滑，同海蜇好配合之後有酥炸魷魚鬚，嚟到嘅時候仍然出緊煙，熱辣辣，咬落去好鬆脆，炸粉唔算太厚，食得到魷魚好彈牙，而且有咬口，再點埋喼汁簡直一流跟住有凈柱候牛腩，大大煲送上枱面，顏色好濃郁，而且聞落去好香，見到有好多牛筋牛腩，兩個人完全食唔晒，好彩冇叫飯或者粉，但係牛腩汁用嚟送飯應該係一流，因為味道充滿牛肉味，而且食完之後唔覺得口渴，牛腩入口即融，而牛筋就充滿骨膠原，各有各特色然後有鮮蝦雲吞，質素比起一般雲吞麵舖差不多，無論係雲吞嘅大小同味道都幾高質，咬落去裏面見到大大隻蝦仁，而且外皮好薄最後加多一碟菜心，

今日同屋企人講開好耐無食新記，就快快手揸車去筲箕灣間新記雞粥，因為我地3個人，所以就分左兩張枱坐🤪坐底梗係叫最出名既乳鴿同例牌貴妃雞😍😍 ▪️脆皮乳鴿$65食過好多次都係要返黎食，厚肉又大隻，外皮炸到岩岩好，唔會過火，醃料夠晒味唔死鹹！.▪️金牌貴妃雞（例牌）$68雞肉夠滑，叫例牌都有雞髀🍗，仲要加埋個特制薑蓉好送飯。.▪️碎牛粥呢度出名食粥，其實除左雞粥，個碎牛粥都正。話就話碎牛，其實都幾大舊，加上個粥好棉身，冬天食岩晒👍🏻.▪️炸兩炸兩即叫即製，咁油炸鬼先唔會林晒👌🏻腸粉唔痴牙，最緊要點麻醬加甜醬夠滋味！.樣樣都抵食，仲成日要等位，上星期叫外賣仲等左半個鍾鐘，希望佢keep到d野食質素😎👍🏻👍🏻之後再幫襯

第一次試呢間餐廳，差唔多將佢所有推薦嘅菜式都叫晒😂首先係貴妃雞粥，粥底綿滑，而且粥溝埋啲雞油好香，亦都好有雞味，非常推薦一試海鮮粥嘅粥底就冇海鮮味，只係食到薑蔥味，但係成碗都好足料，有蟹，蝦，帶子，魚肉，而且每樣海鮮都好新鮮，蟹仲有蟹膏添本身都諗緊食唔食炸魷魚鬚，因為怕外賣嚟到已經林晒，但係好驚喜，魷魚酥係用上比較硬嘅脆漿，而且食物盒蓋上亦有剪開一個角幫助疏氣，所以嚟到嘅時候仲係好脆，好開心鯪魚球亦係好多人推薦嘅，粒粒都好大粒，唔腥亦唔會過實，同蜆介鹹香十分配搭炸兩我就覺得不過不失，正常粥店嘅水準，可能其他食物實在做得太出色啦

住筲箕灣的老友約我Tea，佢必點至愛吃脆皮乳鴿$65，皮脆肉嫩，很入味超美味。蜆蚧鯪魚球，大大粒的鯪魚球有六粒，即叫即炸熱辣辣，勁彈牙啖啖肉，沾些蜆蚧汁更加惹味，真無得彈。豬潤粥+叉燒腸粉$42，粥底棉滑米味清香，豬潤很粉嫩滑又新鮮，份量頗多，叉燒腸粉，叉燒好足料，味覺不錯。真抵食。肉碎粥+炸兩$37，滑滑的腸粉包住炸得脆脆的油條，口感豐富。肉碎粥香滑美味可口。飲品：熱咖啡味道香濃☕️熱奶茶很香滑。地址：筲箕灣筲箕灣道307號地下及1樓

做左行山客，行完龍脊去左筲箕灣食野。估唔到新記雞粥唔係係東大街但都滿晒人。紅燒脆皮乳鴿 ($65)擺盤幾靚連埋頭，皮燒得香脆，大隻而且啖啖肉，幾有油水。蜆介鯪魚球 ($52)粒粒大大粒，外皮金香，入口彈牙，蜆介汁有蜆肉，點少少就足夠，不然就會過咸海蜇手撕雞 ($52)海蜇份量多，手撕雞撕得幼細。手打豬肉丸粥 ($33)生滾粥都夠滑，好多粒豬肉丸，豬肉味都有滲入粥內。鮮蝦腸粉 ($27)每一格腸粉都有大粒鮮蝦，腸粉都滑，厚薄度適中豆漿 ($9)算大杯亦幾香呢度睇黎好受街坊歡迎，一台食完就接住有人黎。下午茶餐都幾抵食，叫西多同奶油豬既人都此起彼落。

新記雞粥筲箕灣筲箕灣道307號地下及1樓馳名海鮮粥 ($73)海鮮粥好足料, 蟹差不多一隻😍, 啖啖肉, 帶子和蝦有鮮味, 幾鮮甜, 非常新鮮, 名副其實👍👍薑蔥爆鯇魚骨腩($54)魚骨腩唔係淨係骨, 好多魚肉, 薑蔥爆得十分香口, 非常大份, 價錢好抵😆蝦醬炒通菜 ($43) 加$17配白飯& 例湯通菜份量超多, 加上蝦醬炒得唔會太鹹, 好惹味。 湯配西洋菜豬骨湯, 好多材料, 好清無咩味精😋海蜇手撕雞 ($52)份量好多, 海蜇比起雞多, 好彈牙爽口, 涼拌好開胃。

星期六行完山， 由大譚搭15分鐘的士來到，門面招牌突出。來到是大約下午3:50左右，等了一陣就有位。叫了馳名貴妃雞粥、香脆炸兩腸粉、酥炸魷魚鬚、香脆炸大腸、紅燒脆皮乳鴿食了咁多野，只系$262，非常大眾化。工作人員非常有禮。餐牌有好多野食，可以之後再來試！因為限聚令，所以將餸菜分開每兩人一份，實質每碟餸菜用料都好足，連晚飯都食唔落

今日收工落毛毛雨，天氣好似突然凍左咁，食粥就最啱。✨乳鴿表皮炸到脆卜卜，雖然凍左，但依然好味。.✨泥鯭碎牛粥好少地方有泥鯭粥賣，啖啖肉，好滋味。.✨魚腩粥魚肉夠滑，粥底夠綿，好正。.✨蝦腸腸粉皮非常厚，不推。.✨油菜外賣自取滿$100送。.🏠 新記雞粥🛤️ 筲箕灣筲箕灣道307號地下及1樓📍 港鐵筲箕灣站A3出口，步行約4分鐘-----

今日黎到筲箕灣食雞粥，不論係堂食定外賣都好多人等緊，店員做到冇停手，完全冇時間去招呼客人，企左一陣先有人帶位其實都幾抵食，一份早餐有粥再配一個小食，可以揀腸粉、炸兩、蘿蔔糕等等，份量唔少，仲跟一杯熱飲，冬天食真係幾保暖－－－－－－1. 生滾貴妃雞粥 $53叫左碗招牌貴妃雞粥，非常大碗，雞件亦有好多，雞胸肉都好嫩好滑，而粥底充滿雞既鮮味，幾甜同有油香，粥質感稠身綿滑，的確不錯叉燒腸粉腸粉食到一半先到，唔係好熱，皮有點厚，叉燒切得比較碎，所以口感一般2. 生滾碎牛粥 $37同雞粥比，碎牛粥有點被比下去，因為用料唔多，肉軟腍但冇咩牛味，粥夠綿炸兩好耐冇食炸兩，所以都有點期待，但黎到發現唔脆口，有少少失望，皮冇腸粉咁厚，不過可以再整好一點3. 酥炸魷魚鬚 $55見到係推介就叫一份黎試，真係好得👍🏻新鮮炸起，皮幾薄同埋保持到彈牙口感，條條都幾大條，都係必點之一