新記美食

營業中

休息中

食物有幾好味都不應光顧的一間食肆！只靠味精及一味得辣的食物，有客緣就自以為是，覺得可以以差劣的服務態度對待消費的顧客？只是在拿取串串小食時稍為沾醬數秒鐘，就給一個剛要放下其他食物的店員大聲喝罵: "攞你就攞啦，阻住晒！"除非你喜歡付錢買食物也要受店員辱罵，否則三思如此食肆是否值得光顧！

第一次黎呢間食，感覺好似做左水魚咁😥😥。叫左碗車仔面，因為係男朋友食嘅，所以淨係試左小小餸。墨魚丸比出面嘅細粒好多，無咩味，比較似白魚蛋多啲。雞翼就不過不失，算係最好。不過十蚊一個餸車仔面黎講都幾唔抵食。另外叫左2份牛柏葉1份八爪魚 $10一份係整嘅途中整跌左一件八爪魚，就咁比返粒魚蛋就算🙄🙄🙄（好彩無叫魚蛋，完全唔彈牙）。味道就無咩特別。雀巢/汽水都10蚊一罐，外帶飲品又話要收10蚊，食到最尾我出左去買野飲算🙄🙄🙄。

有一日講開車仔面，同事知道我住港島，就推介左新記俾我，今日返半日，收工就去試下喇～一去到已經有人排緊隊～排左一陣就入得去，爭取時間係排緊隊果陣，已經選緊要咩～😂我選左豬頸肉，牛腩，豬大腸豬頸肉同豬大腸，都好味，好入味，豬頸肉好爽，牛腩都入味，但就無咩特別喇～友人選左豬腩肉，牛肚，牛孖根豬腩肉係咁多個餸，最唔上色的，諗住佢無咩味喇，點知都唔錯，有豬腩肉味牛肚切得好細條，個味唔係好出牛孖根，好'痴'口，好入味～好食整體：好味道～個湯底好好味，一碗車仔面，最緊要就係湯底～呢度要再返黎!！

去開CWB 想食車仔麵既話都會去新記，雖然佢越來越貴，，，：（豬大腸，雞翼必叫，好好好入味，又唔會太咸，一定要試豬皮有放冰糖真係唔同D，唔會有臭味，小甜偏辣爽口，好正牛孖根牛腩都係好入味好腍，但㴠水汁好正！食新記一家要叫辣汁，秘製辣汁，係好辣既，但食得好過癮。魚蛋就咁食就普普通通，但一加辣汁就好唔同，好多時想食新記都係想食辣汁浸味XD不過豬腩肉就好像白烚咁，可以跳過。今次辣得D，叫佐cream soda飲，現家唔係好多地方有dd玻璃樽身舊式汽水飲，唔洗講，飲過都知正！

同台灣朋友黎，諗住體驗下地道香港風味野食無特別，街邊是旦一間同7仔都隨時好食過佢服務態度極差，未食完已經走左一定唔會再幫襯影衰曬香港感覺好差好差好差好差好差好差

位於銅鑼灣旺區的新記, 由開舖到收舖都咁多客係有原因的. 每次去銅鑼灣我都會好想去幫襯, 因為佢D滷水做得好入味, 又且D辣汁真係好正好有層次, 真係會食上癮最好食係佢個辣豬紅, 辣汁同滷水汁好入味, 而翼尖都係非常唔錯的選擇. 佢地個湯底都夠濃味, 食完成碗面雖然感覺辣, 但唔會太咸, 味道做得好好. 雖然$50埋單食車仔面的確唔平, 不過偶然食下解下心頭癮都唔錯!

講真嘅，從細到大車仔麵真係食咗唔少，不過都係咁鐘意食，新記嘅車仔麵真係唔錯，麵好食，配麵嘅料仲好食，麵很Q很彈很爽口，咖喱魚蛋好正，咖喱味超勁，好入味，魚蛋好有料，咬一啖就知道真材實料嘅，唔係街邊果種滿滿係麵粉嘅魚蛋，但係又唔會有腥味，真係好彈牙，放係地上面真係可以當波仔來打吖，（哈哈），豬紅係我嘅最愛之一喇，呢度豬紅都某令我失望吖，滑滑嫩嫩，上面飄DD韭菜，加DD胡椒粉，真係回味無窮吖。豬大腸是滷嘅，入味係一定嘅，軟軟嘅唔會咬唔爛，又唔係軟到無嚼勁像團麵粉，推薦啊～

中學時期初與車仔麵相識，那年代不似現在寫紙仔般冷漠，是每個學生搶著排隊，爭著在翻滾熱燙的爐邊，望著一格格不同款式的餸菜，心急地跟嬸嬸點著兩、三種餸，往事只能獨回味，這年頭銅鑼灣碩果僅存幾間小食店，唯新記比較為人熟識地保留著。可以選擇的餸菜款式有三十幾項，而麵類都有九項，尚算多選擇。價錢二餸一麵為 $36，今日食個三餸的$40，風味依舊可自由選擇醬汁--濃味的牛腩汁是我首選，再配有街頭風味重的豬紅、豬大腸及家中常菜豆卜。每樣餸菜都有大概四至五件，辣豬紅滑度都可以，只是可以再香辣一點更好；豬大腸滷水味重，夠咸但爽韌度欠缺；而牛腩汁只見顏色跟食出味精，未有牛肉濃郁，以致豆卜帶著湯都未夠惹味。整體食物材普通，雲南米線都不太彈牙、份量不多，相對初認識的街坊車仔麵比較失色。

一直食左好多年，間唔中都會去食，今日收工，一個人走去食麵，其實都已經見到衛生環境差左好多，不過諗住岀去食野係咁上下，見到啲價錢，36元两個餸，加餸又10元，都幾貴！我叫左個油麵加大腸牛筋腩，碗麵一到，啲牛得幾粒，又唔見有筋，黎左幼麵！咁我同姐姐講，我叫油麵唔係幼麵，跟住佢俾張紙我睇，我真係圈左幼麵，我知係我錯，我只係好有禮貌同佢講，我唔食幼麵，我知係我圈錯，可以換嗎？哇，我都未講完，啲阿姐就大大聲鬧，你圈錯關我乜事，上左枱冇得換。。。。。不斷鬧，唔換冇所謂，唔需要咁惡，跟住我話我俾錢要油麵，佢keep住勁惡，又話收15元個麵，跟住我真係好嬲，我唔想再食到有肚氣，我咪話咁我唔要啦！（我一直好聲好氣，因為我知係自己圈錯）點知佢變本加厲，不斷人身攻擊，話我一個女仔黎玩野Ar,又話要又話唔要，又講咩呢個女仔乜乜乜，我頂，真係著左，火都黎，我咪話你上左枱我唔可以唔要，你而家個油麵未上枱我都可以唔要😡跟住佢就話唔要大把人要，加一啲難聽說話，我食左一粒大腸，仲要係腥㗎，呢一刻，我頂唔住，成碗冇食，俾錢走人。。我發誓，我係唔會再去食野，貼錢買難受。。（題外話。。我上星期去灣仔一間出名車仔麵，我前面個男

本來約左朋友到銅鑼灣一齊食午飯，誰不知友人有事改食下午茶，但肚餓想食少少野墊底，就想起新記車仔麵。中午來到人山人海，好彩一個人比較容易搵位。坐低就自己選餸、麵同湯底。我選了三款餸，魚旦、牛筋腩及豬頸肉，清湯底配粉絲。因為咖哩魚旦，所以個湯變左咖哩湯底，但係新記既咖哩汁同樣同以前一樣辣得豐厚味濃，魚旦雖然依舊彈牙，但麵粉味略為多一點，有點失望。牛筋腩少許膠質黏感，而豬頸肉爽口微軟，不過不失。粉絲不會太碎，口感幼滑順口，值得一讚。整體來講，水準不復當年。

店名:新記車仔麵地址：銅鑼灣謝斐道501-515號4號舖好味指數:7/10價錢：$36三餸車仔麵生腸，生菜，魷魚米粉這裏的辣汁非好惹味，幾年前同樣是三餸一麵只需$28，而在卻$36，足足貴了$8。粉和配料的份量都很少，吃幾啖就吃光了。湯底不是很夠辣汁，有種清甜味道。生腸很爽囗，生菜很入味，魷魚很碎又無味，米粉很爽口。店名:新記車仔麵地址：銅鑼灣謝斐道501-515號4號舖好味指數:7/10價錢：$36三餸車仔麵辣豬皮，辣豬紅，牛孖筋米線這裏的辣汁非好惹味，幾年前同樣是三餸一麵只需$28，而在卻$36，足足貴了$8。粉和配料的份量都很少，吃幾啖就吃光了。湯底加了很多辣汁，所以惹味十足。辣豬皮很爽口且入味，辣豬紅同樣夠入味，牛孖筋切得較碎，夠腍。米線較腍身，可再爽口一點。 

今晚有節目, 唔想食得太飽, 所以打算食碗麵填下個肚就算其實新記係銅鑼灣咁多年, 真係未試過, 今日就入去試下講真, 而家食車仔麵真係幾貴下, 晒慘好多都唔係太好食我就叫左個秘制豬腩肉鴨腎油麵, 個秘制豬腩肉見到真係有D驚唔好食, 白色唔係秘制過咁 (好天真咁諗住秘制應該係好深色) 點知食落原來係好入味, 有D似係咸肉咁. 個鴨腎就麻麻地男友就叫左個豬耳大腸墨魚丸油麵, 個墨魚丸幾特別, 係就細粒左D, 不過食落好爽, 好似食白魚蛋咁我自己幾鐘意個油麵, 比較粗身, 但唔係太"林"/ 脹, 整體係似舊式既車仔麵檔味道, 話好食又講唔上, 不過可以接受的, 不過都幾細碗下, 計返都$30-$40一碗

銅鑼灣3餸1麵 $36算係咁啦，重點係個辣汁，好好味，但真係好辣，所謂「辣油」其實係辣醬，可以自己寫「少辣」或唔好撈晒d辣醬。另外蘿白都試得過，夠大舊夠林夠入味。但員工太度同氣氛麻麻，食主車仔麵聽「帝女花」都係第一次。

路經銅鑼灣，到「新記」掃街！小時候的我，很喜歡掃街，手上左一串、右一串，邊行邊吃，從拾兒時回憶！魚蛋要辣才吃得過癮，沒有辣味的魚蛋，不吃也罷！魚蛋腍中帶實，稱不上為彈牙，配上惹味辣汁，刺激了味蕾！墨魚入口爽脆，但物價高漲，盛惠$10/串，實在貴得過份！

明白現在鋪租食材人工樣樣貴，但咁既兩餸麵蔥或菜都無條，細碗到好似食麥記魚柳飽咁，我叫左牛腩同牛丸，估唔到佢比3小粒既牛腩我，牛丸仲竟然係凍既，我寧願佢賣貴少少保持質素，都好過食呢種兒童餐又食唔飽又難食，搵笨到極唔洗旨意我再幫襯！