新記美食

營業中

休息中

車仔麵嘅靈魂係麵定係湯底定係辣汁？我可以話比你知係啲餸，因為你啲餸會直接影響你成碗麵嘅配撘，你諗下你嗌嘅係牛栢葉，魷魚，係啲白烚嘅餸就會令到成個麵好齋，但新記嘅餸用咗秘製辣汁所以每次叫餸都好放心。今次叫咗豬皮、雞中翼，牛柏葉，記得記得加腩汁啊，每次食都一定要加辣同腩汁，因為真係食唔厭，豬皮啲辣係浸透咗係入面，所以好入味。油麵份量其實對於一個正常男人都係差少少，對女士黎講中午食就啱啱好，所以份量真係要睇清楚。

以前喺銅鑼灣返工，好多時都會食新記，因為我好鐘意食佢個辣豬紅！今日要出銅鑼灣做facial，又心思思想食佢個辣豬紅，所以決定食完先去做facial～我叫左兩份辣豬紅、韮菜、蠔油冬菇油麵飲罐裝雀巢檸檬茶（$60）豬紅個質感似蒟蒻，唔會一夾就碎而且辣汁已經滲晒入去，另外佢個蠔油冬菇都做得好入味！如果鐘意食辣，我極推薦大家食新記。除左d伙計姐姐有時比較惡、店面比較狹窄要迫住坐之外，都不失為一個食車仔麵嘅好地方！

難道是早上已經用光了運氣？晚上竟然接連經歷不好運🤦🏾‍♂️。向來也認為，如果幾樣好彩一起出現，可能不是好彩，是因為特別的安排。而如果接連有不幸遭遇，可能是啟示🤔。晚上再去走榮記粉麵🍜，渣甸街那間，不知為何好像找不着，以去到糖街那一間分店，剛好又關門不做生意了。算吧，既然晚上什麼都不成功，到哪兒吃什麼也沒有所謂。結果便到來這間新記車仔麵，原來就是這一間，門面有小食攤檔，內裏有位置的車仔麵店。到了室內，環境還好，少許侷促，但是不算太熱，大多數都是大圓桌，一個搭兩個搭三個，一齊圍埋車仔麵👱🏻‍♀️👨🏽🧓🏻👦🏾。友人點了一個辣豬皮，我本來對豬皮亦都一般，亦加上這個辣，可說是一味死辣，不覺得特別香，令到整碗車仔麵非常之辣。而我的車仔麵點了一個米線，米線當然極之普通，不會有彈牙的感覺，而且份量也不太多，感覺吃了兩下，已經只剩下幾箸米線。豬大腸雖然份量不算太少，有10件八件，但是每件都碎濕濕，細細粒，不彈牙，不爽口。墨魚卷，可說是浪費了食物，因為墨魚卷呈長條型，就應該想讓食客盡情長條吃下去，但是店方又將墨魚卷切成薄片型，難道你以為是蓮藕嗎？毫無冇口感，亦都不太覺得那是墨魚卷，浪費了。腩肉則較為出色，雖然

自問幫襯新記已經8年有多記得當初係比彈牙既魚蛋 魚肉香既燒賣包括點既豉油同香辣既辣汁 一食愛上但慢慢 車仔麵既味道越來越差還好 一串串既味道辣汁還可記得已經放棄左車仔麵好耐對上一次已經係大約3年前 食左係生既魚皮餃同有蟲既菜之後後就無再食過然後連魚蛋都變得不再彈牙燒賣咬落已經知道蒸左大半日辣汁已經不香濃已經放棄了今日心血來潮 好想食返辣豬紅 講真係得新記先有呢個味結果 一打開 辣汁呢？豬紅呢？同以前既分量相比小了起碼3份1 不過唔緊要 呢個分量女仕黎講係足夠 當然第一口試湯 還好 有辣味 然後一口豬紅咸到 好似食緊一舊味精一樣咁難食 咸到個湯係無晒味 到食第二粒牛丸既時候吞到差不多喉嚨點解介住 即時吐返出黎那一刻我已經好想將之前食左既嘔返出黎因爲真係好難食 再加上以往滿滿既人龍 依家係疏疏落落既店鋪 真的不去改善問題好快就可以結業了！不過一定唔會再比機會再試 希望今次唔會肚痛再加上店員既問題 咁唔優做 態度咁差 日日趕客既樣子 就睇下這店如何生存競爭

以前去開銅鑼灣，都會嚟呢間店吉串魚蛋幫襯下，最近嚟食返，真係難食咗好多，啲水魷淡而無味，魚蛋夠彈牙，但唔夠咖哩味，燒賣竟然有酸味，要嗌夠$40/位先可以入去坐，咁生意難做大家都明白嘅，最後兩個人買咗$90入去坐低食。 點知坐咗15分鐘左右，啲阿姐開始眼啤啤，已經無期望過會有服務，點知啲態度會咁差，想趕客走咁款，（嗰時係下午五點幾，未到晚市繁忙時間，舖頭仲有好多吉位，亦都無人等緊位），如果啲嘢好食，咁都死死地氣忍咗佢，但最慘啲嘢又唔好食，食到背脊骨落，咁嘅價錢相信有更好選擇。

我仲記得當日幫襯係打風天，因為屋企冇特別準備啲「糧食」啦，所以一落左風球之後，我地都立即出街，諗住睇下有啲咩鋪頭有飯食。行經新記，有開門，本來都想入去食碗麵，不過男朋友話冇咩興趣，所以我只係喺門口位督左串魚蛋食。其實我都唔係第一次食呢度嘅魚蛋，貴少少，冇左記錯係十蚊五粒。之前都食過，覺得正正常常啦，唔係特別出色，不過辣醬幾過癮，鐘意食辣都應該會鐘意嘅。俾著平時我肯定食一串唔夠，不過唔知點解今日食佢地嘅魚蛋，入口有少少酸酸地，冇平時咁辣。魚蛋質地同平時一樣，都算幾彈牙，唔會太實，只係個醬汁唔知係咪有問題，我食左兩粒都冇食了。

晚上九點半到，大概十點三走。沒有人在等位的。門外一人也沒有。我一向都是這個時間來的，知道人不會多。我埋單時伙記態度好差，說我坐了很久也不離開。我以往經常幫襯這裏，以後也不會再來！以後也不會再來！以後也不會再來！以後也不會再來！以後也不會再來！以後也不會再來！以後也不會再來！以後也不會再來！以後也不會再來！以後也不會再來！以後也不會再來！以後也不會再來！以後也不會再來！以後也不會再來！以後也不會再來！

口痕想喺晚飯前夕食少少嘢，老婆大人提議食新記車仔麵，不過就先自聲明話食好嘢要預左態度麻麻。但唔知係咪非繁忙時間去（假日下午4點幾），可以隨便坐之餘，店內阿姐仲叫我地轉去另一張檯，坐得舒服啲。最低消費$36，我地每人叫左3餸1麵，各$40。老婆嘅組合係：墨魚卷、蠔油冬菇、牛肚、米線，加辣汁同鹵水汁。蠔油冬菇鹵得入味，其他餸我冇食，不過我見老婆都食到唔停得口，應該都唔錯。我就揀左：牛孖筋、辣豬紅、辣豬皮、粗麵，加辣汁同鹵水汁。我呢碗深色好多，因為豬紅同豬皮都係辣的，我再加重口味湯汁所以就變得更重味。辣豬皮同辣豬紅都鹵得好入味，呢度嘅鹵水系列車仔餸果然唔錯。老婆口痕要食咖喱魚蛋（$10/5粒），佢竟然要自己出去買完再拎入黎食，佢話可以分開裝好味啲wor

今日同朋友去食飯,咁上網見間野話OK,就同朋友去試下特色車仔麵,入到去見無咩人就同幾個朋友搵位坐低,咁我地邊傾住計邊諗食咩好,依個時候有個呀姐黎大大聲話喂落得單未. 依個時候我地都覺得奇怪,因為我地坐低左只係幾分鐘.到D野黎,個呀姐大大力放碗野落黎,d湯差d倒出黎,咁我有個朋友出聲話小心d啦,點知佢仲惡過我,話咩你自動唔坐好d關我咩事我同班朋友以後唔會再食依間野!!!

湯底勁咸，豬皮咸到嘔，吃了二談沒吃！好差，沒下次！又貴又不好吃，真不明白有什麼出名！員工態度差，問二句好似要吵架！貼錢買難受！永沒下次，不會再光顧，超難吃，超難吃！

今日去柯打左碗麵，我要鹵水汁同辣汁既麵，佢第一次已經俾錯隔離枱個碗我，因我啲送同隔離枱個客差唔多，之後佢只是將錯的送轉做啱既送，但個汁成碗根本係咖哩汁，我同佢講，佢居然話係呢個無錯，跟住我直接話咁我唔食喇，居然幾個在哪裡工作的姐姐話整好左喇喎，有無搞錯之類既說話，講真，真係唔好侮辱客人既智慧，同埋真係唔係第一次食你地既野，係咩樣既我心中有數。其實錯左，整返碗啱既我唔會覺得有問題，但明係你地有錯漏，居然講到我錯咁，食氣都食到飽啦，祝生氣興隆

雖然價格較貴，常常黎cwb都會吃，但服務太差，永遠不再光顅，寫了少辣完全冇辣，也不願意再比，第一次見，價格不是正比，下次寧願幇襯第間x記，想生意好就改善下..............................

每逢落銅鑼灣，諗食乜都會浮現嘅選擇之一：「新記美食」車仔麵。之所以咁深得我心，除咗佢入味到盡頭嘅滷水，當然仲有佢辣到流鼻水嘅咖哩魚蛋。每次坐低都劃三餸一麵，是日就欽點咗咖哩魚蛋、豬大腸、豬紅加油麵（照舊）。由於無法食太辣，叫個咖哩魚蛋都足以加辣整碗麵！所以唔食辣嘅朋友要注意（！）一如既往，滷水豬紅同豬大腸入味到啡啡黑黑，睇見就安心，最鐘意一口餸一口麵喇！話說，麵身平日應該更為入味，但當日失準，所以有種湯同麵抉別分開咗嘅感覺。希望下次試嘅時候，水準會回復喇！總結一下，我嘅口味都算狹窄，所以識食辣嘅朋友應該都清楚新記除左滷水，辣醬都非常出名！無錯喇～鐘意辣嘅你未試過新記，可以一試佢個辣汁加滷水汁嘅車仔麵！哈哈！

由老細到員工 全部冇禮貌到過份 對客人呼呼喝喝 俾錢俾慢啲 個姐竟然話再慢啲收多我十蚊 好嘢！呢啲服務！而且十蚊一份餸 但份量少到 ！四十蚊一碗淨餸 但全碗嘢得十幾粒嘢一。一食到一肚氣 絕對不會再去 吾想食到一肚氣 建議大家都吾好去！

每次經過銅鑼灣,除早已約定的飯局,我便愛來這間新記車仔麵!它的辛辣比較特別!最愛是那入口即溶,很有口感的豬大腸!食材很多種，有粉腸、魚皮餃、咖哩魚蛋、起司腸、辣豬血、魚丸、滷雞翅、冬菇、滷蘿蔔、豬大腸、貴花餃、牛腩、牛筋，琳瑯滿目!!開業超過四十年,入內的裝修是港式懷舊味濃的擺式!簡單俐落的佈置,令人舒式!這裡的姐姐不理你的，自由發揮，吃東西去！haha~去多了新穎時髦的地方,久不久來坐一坐!生活疲倦的心,有點偷休的感覺呢~那天去點了個殉大腸+豬紅+牛孖筋,要滷水麻辣!誠惠港幣40相對其他車仔麵店來說,它的價格小貴!不過以座落在銅鑼灣這地標.它的價格算是中下了!單是賣相已令人食指大動!大家有機會要去try try~^^