新森林焗之專門店 (威靈頓街)

營業中

休息中

中環食lunch都幾貴 想坐耐d仲貴 但e間野可以坐耐d之餘 價錢經濟 食物水準都ok 佢每星期個menu都有d唔同 keep到新鮮感 不過大部份都係煎煎炸炸的熱氣野同焗飯 同埋幾多油 女仔未必個個啱

男朋友食過, 話幾好食要帶我去下. 本來佢既野食唔算好差. 我唔係要求高. 又有折, d 野食又唔係貴, 我地都食得幾開心下. 我地叫左個酸辣無骨鳳爪, 牛利飯, 雞肉長通粉. 我再強調, d野食係ok. 當食到七七八八時, 因為d野食太肉, 所以我食左塊係鳳爪只碟入面既生菜. 有沙. 都算, 我仲吞左.... 再撥開d菜時見到.... 佢係連水都無沖過就拎出黎. d 黑色既泥仲一達達咁係到. 我叫左個經理黎, 問佢係咪沖都唔沖d菜就擺入去. 就算唔預客人會食, 都無理由放係d野食隔離架. 叫人點相信你地處理食物衛生? 我係見果個位無咩餐廳做得長, 見佢d 野食還可以, 算係提下佢地. 個經理話會幫我跟進. 過左一陣後佢行埋黎話已同入面反映左, 同埋會cancel左碟野佢. 俾完錢, 行左出去, 但諗諗下條數好似唔係好岩. 睇返清楚張單, 所來無扣到囉. 個經理已經唔知去左邊, 張台又執左.... 頂!!! 幾十蚊唔係好多, 但條氣勁唔順!!! 有少少被騙的感覺. 無下次了.

今天約了媽媽到中環辦點事,當然 要先醫了肚皮 我對這間食店印象一向不錯 覺得它的焗飯很有水準這次媽媽叫了軟殼蟹焗芝士石斑鴛鴦飯$47與我上次點的辛口咖喱焗大蝦吉列豬扒飯不同我原本也欲點這個 但又不想重覆 所以另點了一個焗飯媽媽說她不太餓 分了半片石斑給我石斑夠香脆 不太鹹 不俗,我給滿分飯亦是我喜歡的焗飯 這個飯真的很啱我口胃我點了焗黑椒牛仔骨飯$44有兩三大舊牛仔骨 黑椒汁香濃而不過辣牛仔骨帶有我很喜歡的肥膏 很有油香很好吃但有少少韌身但整體味道還不錯可惜媽媽戒了吃牛 所以不能跟我分享芒果益力多不會過甜 ,好飲

今日去中環等女朋友收工，女朋友仲話去中環食飯,我心想甘大禍,今次銀包一定大出血啦,係中環食野甘鬼貴,唉...... ! 點知我地行下行下,見到有間野大大隻字寫住65折,女朋友問我試唔試下,我梗係話好啦! 入來呢度食野,我的心態都本著唔係甘好食的啦,不過見到65折呢個折頭就即管試下啦!!!同女友一坐低侍應生就攞左本menu 比我地,當堂就吸引左我啦,竟然有芝士焗龍蝦食啊 我就要龍蝦,女朋友就order左個焗飯芝士焗大蝦至尊海鮮飯,結果出到完全吓左我一跳,嘩真係估唔到今時今日在中環甘的價錢竟然可以食到甘有水準的食物!!!!女朋友個焗飯真係:正,芝士有好香,又多.....我想我以後會多D接我女朋友收工啦,因為我係一個好的男友(心想;其實係我想過多D來呢間餐廳食多d好野啊),那你地啊唔好話比我女朋友知我目的!!!嘩買單時仲吸引,兩個人都係約$100咋!

呢間野好冇良心 我要專登開個ACCOUNT發洩今日第一次去食, 叫左個是日推介 - 茄汁吞那魚+ 帶子. 螺絲粉吞那魚得好小ml而且又碎,...真係好小...最慘係帶子...估唔到佢用平時係超市買到o個D炸帶子.....而且仲要得一粒!!!!! 成個粉既感覺係只有橙色既汁放落螺絲粉, 上面+一粒炸帶子螺絲粉, 西湯, 飲品 -->$40+ 唔好記得幾錢...40幾蚊食汁+粉真係好冇良心....

公司對面開左間新既食店, 見佢新開入面又冇乜人就入去.地方既闊落, 硬既沙發椅.睇下個menu, 一個set 都要$40. 唔太抵食. 先試一次吧黎到當然試焗野. 最後揀左個軟殼蟹焗飯+熱奶茶, 原來有埋羅宋湯送都幾多料. 有點過酸軟殼蟹焗飯白汁食太多有點漏.軟殼蟹用炸粉炸過, 炸粉過厚, 食落只是成口粉又食唔到蟹肉, 完全冇蟹肉味. 加上炸得唔透, 入面層炸粉食落仲係一pat pat.魷魚咬得開對我黎講已經ok炒飯低, 超乾身.個焗飯看落平平無奇, 但食落都幾飽, 食唔晒.$40 兩個人share 都可以了.過左第一日開張之後, 哩間野之後幾日已經有人龍, 甚至比權記條龍更長.唔知係咪貪新鮮