新森林焗之專門店 (威靈頓街)

營業中

休息中

平時喺中環返工都好苦惱午餐食咩好🫨🫨因為附近嘅嘢食唔係貴就係唔好食 偶爾有一日同事介紹咗呢間餐廳 專係食扒飯同埋焗飯 睇埋個價錢覺得唔係好貴就決定去試下我叫咗個炸魚柳+雞扒意粉 配蒜蓉汁 本身都冇咩expectation點知！無論係扒定係意粉嘅質素都好過坊間其他茶餐廳 魚柳新鮮炸起 雞扒嫩滑油汁🤤再加咗杯凍奶茶飲 都係$60有找 🥺🥺🥺性價比極高 勁推!!!!🫱🏿‍🫲🏻🫱🏿‍🫲🏻🫱🏿‍🫲🏻

✔️M851 餃子拉麵🍜
拉麵彈牙，湯底濃郁但不油膩，整體味道均衡，港版日式拉麵的feel✔️白汁焗魚柳意粉
白汁香濃滑順，魚柳外脆內嫩，配料和調味都恰到好處✔️日式咖喱焗豬扒飯
豬扒煎得香脆，日式咖喱濃郁而不過於辣，豬趴超級大塊，份量感人！✔️薯條（孜然燒烤）
現炸薯條外脆內軟，有濃濃的薯仔味，停不下口啊。✔️雜菜春卷
春卷皮薄脆，內餡的新鮮蔬菜口感爽脆，調味適中✔️西米波波
挺有特色的甜品，西米顆粒適中，甜味剛剛好，但一人一粒足矣。

抵食下午茶👍個門面睇落冇乜特別，食過先知個味道幾吾錯，真係平民焗飯，值得推薦，$39已經食到飽，杯奶茶幾濃夠哂味。見到有素焗飯又系平民價錢，期待下次試食素嘢，正

呢排中環返工又食返通常下午茶時間好上次叫咗葡汁雞皇飯覺得味道淡咗少少，但個羅宋湯都好好味今日睇相 發現溫泉蛋免治牛肉飯賣相好吸引🤩見到佢下午茶set有依個 即刻叫另外再加咗個黑松露薯條，呢個餐都只係$39 雖然佢個下午茶焗飯個份量唔係正常size但以女仔嚟講啱啱好個飯好好食 雖然我覺得個味道唔夠鹹，但係都其實啱啱好，而且啲汁都非常多亦有芝士🧀性格比高

中上環地區，環境光猛寬敞冷氣夠，員工態度友善（好多客時趕啲都明嘅），食物質素正常（如果你鍾意焗飯多汁），50-60蚊食餐晏，性價比唔錯啦。員工之間應該頗熟稔，有空檔時會笑笑鬧鬧，個人喜歡呢啲vibe，聽吓都幾開心。惟獨凍熱飲都用即棄餐具，對於環保人士就有啲心塞。建議凍飲的膠匙、飲管、熱飲的木棒，可以和鐵刀叉匙羹一齊放枱上，讓食客自己取用。有心人自然幫你用少啲。當然，如果你肯換埋啲膠杯紙杯就更好啦！

最近無意得知有呢間餐廳，返咗兩年工都無食過，於是就食下，午餐可以自由配搭，可以嘗試多啲唔同花款，無咁悶食咗幾次，第一次食葡國雞飯，之後兩次都係食白汁焗雞皇飯，飯是迷你的，對於細食嘅我是剛剛好食得哂而又夠飽。焗飯有幾舊大雞皇，白汁面有少許焗芝士，但唔多，所以都唔膩，個白汁又好好食，啱我口味，所有野都剛剛好一次係配羅宋湯+蒜茸包，之後係配沙津，個人認為沙津比較好吃，而且份量原來都幾多，本身以為係細細一兜仔。凍奶茶也很不錯另外一提就係收銀員態度好好，有禮貌又叫我坐低等外賣

今日黎到中環做野，竟然俾我係港島區揾到間性價比幾高既茶餐廳，保得住我個小錢包🤭💰💰同兩個同事，一行3人去到餐廳食野，每人一個套餐，加加埋埋叫左3個前菜2個小食，重有3個焗飯。佢分別有A/B，兩種套餐。A包括迷你焗飯+前菜 $52B包括迷你焗飯+前菜+小食 $58蛋黃係半熟狀態，流心蛋黃撈埋酸甜既免治肉醬，入口順滑，又有牛肉香味，而且米飯因為烤焗過程已經吸晒所有肉汁，超好食😋白汁普普通通，但雞肉嫩滑🐥，配合白汁既忌廉帶出雞肉甜味，加上米飯，每啖雞肉都鮮甜可口。味道就正正常常👌🏼，因為材料都係加工食材加沙拉醬，但份量好足，蔬菜都新鮮。奶油豬呢個糖油混合物，加上個包烤到脆卜卜，係一定好食的！！🤤🤤🤤牛油🧈充分滲透麵包，加埋上面既煉奶，絕！！呢個奶皇包有小失望，咬左個包入面冇溜芯奶黃，呢個位要扣分。個表面係炸到金黃香脆，點煉奶食都唔錯。魚柳一啲都唔腥，魚肉🐟炸完重係嫩滑，而且魚柳非常厚身，性價比一流！👍🏻豬排唔會乾，但都唔係非常多肉汁，贏在大大塊，調味都足，唔會過咸。炸粉夠薄，唔會覺得食粉，幾個人share一大塊岩岩好😋店面夠大，客人多都唔會覺得逼。待請做野爽手，有禮貌，食物上得好快，keep

係中環放lunch要搵到間快，靚，正，仲要大件夾抵食嘅餐廳真係唔易，新森林就係一間滿足晒以上所有願望嘅平價焗飯餐廳🍚🥐葡汁焗豬扒飯+羅宋湯+即炸墨魚丸（5粒）（套餐B $57）焗豬扒飯嘅豬扒質地好嫩滑，好容易就切開，豬肉亦都好有肉味，唔會係一陣調味料嘅味道。而葡汁都唔會太膩，撈住啲飯同豬肉一齊食，撈撈下就好快食晒成碟飯🫣而炸墨魚丸俾我嘅第一感覺即係好似BBQ燒嘅墨魚丸咁🍡，不過如果佢可以更熱，同埋燒得外皮更加脆就好了😙🥩厚切煙鴨胸伴西冷牛扒（伴白飯/意粉）（$59）平日去茶餐廳食牛扒最怕食到啲無味但又好硬嘅扒。新森林嘅牛扒煮得恰到好處，亦都好有牛嘅鮮味。我切嗰陣都差唔多全塊切得晒，唔會剩返好多食唔到嘅根🔪而佢亦都有唔同嘅醬汁揀，啱晒送飯😋額外一提，套餐小食入邊嘅即炸吉列魚柳好大件而且啖啖肉，唔會有太厚嘅炸粉🍤好值得試！同事每一次嗌，我都會偷偷食佢少少，因為實在太正但又太邪惡🤣

官網睇完餐牌 打去叫外賣 $40  去到餐廳果個餐牌就寫$49明碼實價唔係問題標個舊價錢 等人去叫外賣去到就收個貴既價錢 咁樣做生意？？幾年黎都斷斷續續有幫襯今次真的令人失望完全被欺騙的感覺

中環的Lunch Time, 又到咗要諗午餐食乜嘅時候，午餐得一粒鐘，食完想訓吓，為咗爭取時間，新森林焗之專門店可以預先在OpenRice 買餐，飯焗好後先落街拎👍。鮮茄肉醬芝士汁魚柳鴛鴦焗飯：一般魚柳；係炒飯底✌️，焗飯必勝。鴛鴦汁可以一次過滿足兩個願望，選擇困難症都適合；比較鍾意鮮茄肉醬汁，可能香濃惹味啲配飯好吃。份量好足，食飽先有力氣繼續工作。熱檸水：檸檬片多，不苦澀，包裝衛生。

已經FP左3次啦🥰每次送到上黎都係熱辣辣包裝好好唔會瀉曬出黎啲湯同杯野都唔會整到周圍都係夠味，唔會啖叫芝士焗飯嘅話仲有好多芝士😋😋好味外賣係足料大大份，食晒啲飯都未食完個排下次一定要堂食先得，我估堂食仲抵食🥰P.s.今次平時叫咖喱雞扒、蕃茄豬扒雙拼焗飯不過我個人唔係好鍾意食豬扒今次要求佢可唔可以成個飯都係咖喱雞扒飯咁佢都免費幫我改因為係FP個餐牌係冇芝士焗咖喱雞扒飯Thank you～～會keep住幫襯

平時門口都多人排隊，因為喺中環黎講算係平靚正，地方又夠大，唔洗等太耐。焗飯專門店，餐牌自然係滿滿的澱粉，揀左主食，仲可以揀埋小食同前菜。免治牛肉窩蛋飯，熱騰騰的焗飯，好香，呢個配搭一定唔會錯。窩蛋可以生多啲啲，會更好撈飯。個餐仲跟埋吉列豬扒，豬扒比較鬆，唔係點需要咬，冇咩豬味。無骨鳳爪就唔錯，啖啖肉好方便。日式叉燒烏冬就可以pass，湯底係出前一丁的豬骨味精，日式叉燒好肥，調味過重，食完好想飲水。

記得呢間餐廳專門係食焗飯但係因為今次 出席時裝騷時間比較緊急所以嗌佢嘅下午茶！嘩！ 估唔到除咗日正餐之外仲有兩個小食可以揀 再加杯嘢飲👍 成個餐都係五十蚊咋仲要我覺得全部嘢都係超級好食今次嗌咗個蝦多士, 蝦肉味道好足 多士外脆內軟, 十分香口！然後再叫咗個 肉醬芝士焗飯肉醬加芝士本身就係 非常之夾 但係味道偏甜 我最愛！ 然後叫咗個泰式鳳爪非常酸甜開胃！ 香辣椒鹽墨魚丸 仲要加咗特製蜜糖 點完之後 非常彈牙香味仲有一個羅宋湯再加兩杯特飲完全係非常滿足嘅感覺！真係 平靚正！

落單要鮮茄牛腩飯，結果比佐個咖哩牛腩我，仲要冇比餐具🥲真心覺得有D失望囉～味道黎講，中規中矩，冇得冇失，真係提醒下，攞外賣都要老老土土咁自己check單check餐具.

冬天特別想食熱野，除咗食湯麵仲可以食焗飯。快快脆脆買個外賣先。明明叫大胃王飯但唔知點解嚟咗意粉。司華力腸最好食，其他肉都拿到淋晒。肉係偏多嘅，不過整體都唔會太飽。下次應該會試吓其他汁。