影片
更多
2023-08-10
642 瀏覽
係中環放lunch要搵到間快，靚，正，仲要大件夾抵食嘅餐廳真係唔易，新森林就係一間滿足晒以上所有願望嘅平價焗飯餐廳🍚🥐葡汁焗豬扒飯+羅宋湯+即炸墨魚丸（5粒）（套餐B $57）焗豬扒飯嘅豬扒質地好嫩滑，好容易就切開，豬肉亦都好有肉味，唔會係一陣調味料嘅味道。而葡汁都唔會太膩，撈住啲飯同豬肉一齊食，撈撈下就好快食晒成碟飯🫣而炸墨魚丸俾我嘅第一感覺即係好似BBQ燒嘅墨魚丸咁🍡，不過如果佢可以更熱，同埋燒得外皮更加脆就好了😙🥩厚切煙鴨胸伴西冷牛扒（伴白飯/意粉）（$59）平日去茶餐廳食牛扒最怕食到啲無味但又好硬嘅扒。新森林嘅牛扒煮得恰到好處，亦都好有牛嘅鮮味。我切嗰陣都差唔多全塊切得晒，唔會剩返好多食唔到嘅根🔪而佢亦都有唔同嘅醬汁揀，啱晒送飯😋額外一提，套餐小食入邊嘅即炸吉列魚柳好大件而且啖啖肉，唔會有太厚嘅炸粉🍤好值得試！同事每一次嗌，我都會偷偷食佢少少，因為實在太正但又太邪惡🤣
🥐葡汁焗豬扒飯+羅宋湯+即炸墨魚丸（5粒）（套餐B $57）
焗豬扒飯嘅豬扒質地好嫩滑，好容易就切開，豬肉亦都好有肉味，唔會係一陣調味料嘅味道。而葡汁都唔會太膩，撈住啲飯同豬肉一齊食，撈撈下就好快食晒成碟飯🫣
而炸墨魚丸俾我嘅第一感覺即係好似BBQ燒嘅墨魚丸咁🍡，不過如果佢可以更熱，同埋燒得外皮更加脆就好了😙
🥩厚切煙鴨胸伴西冷牛扒（伴白飯/意粉）（$59）
平日去茶餐廳食牛扒最怕食到啲無味但又好硬嘅扒。新森林嘅牛扒煮得恰到好處，亦都好有牛嘅鮮味。我切嗰陣都差唔多全塊切得晒，唔會剩返好多食唔到嘅根🔪而佢亦都有唔同嘅醬汁揀，啱晒送飯😋
額外一提，套餐小食入邊嘅即炸吉列魚柳好大件而且啖啖肉，唔會有太厚嘅炸粉🍤好值得試！同事每一次嗌，我都會偷偷食佢少少，因為實在太正但又太邪惡🤣
張貼
