新森林焗之專門店 (威靈頓街)

營業中

休息中

新森林焗之專門店是我早餐最常光顧的之一，他早餐款式多，店員都算勤力和有禮。今天要了薄牛扒配薯餅，凍奶茶要加$3，但都算物有所值。早餐的牛肉的肉質算好可以，薯餅香脆，滑蛋也不錯，是早餐的理想食店。新森林的奶茶奶味比較重，奶味濃但茶味普通，側重奶味。

今日食晏唔知食乜好，見到這間餐廳門口有很多人排隊，價錢也十分經濟，便排隊試吓。因為裏面有較多坐位，等了幾分鐘便可以入座。餐牌內有很多選擇，價錢也十分經濟。我叫了個西冷牛扒餐，加湯，牛角包和飲品，都只是$50。西冷牛扒真是有點驚喜，我預期這個價錢的牛扒都不會太好，但這件扒十分入味和林。牛角包和湯也不錯。通常午飯時間，食完之後侍應會很快趕你走，他們不但沒有，隔離枱的食客想要我張枱時，侍應對她說客人還未走，不能掉枱。其實我都差不多要走，離開時，侍應向我說不好意思。當這樣繁忙的時候，還有這樣的服務態度真是難得。

今日又約下我另一個新同事食Lunch，大家都係冇乜idea食咩，都係諗住平平哋搵個地方食下飯，吹下水。大家都知中環搵間平平嘅餐廳係好困難嘅事，又要平，又可以坐好耐，又包埋飲品，的確係難事。好彩比我哋發現呢間「新森林焗之專門店」，仲有也好彩哋一入去即有位，當時差不多成12:30 pm左右，正正係LUNCH HOUR繁忙時間。大家一坐低，看下個MENU，嘩!好平下，$39至 $45蚊一個餐，仲有包埋熱飲，真係比個LIKE佢。我叫咗「日式辛口咖哩吉列魚柳蛋飯」加一杯熱杏仁霜，而我同事叫咗「香煎帆立貝伴免治牛肉意粉」都係加一杯熱杏仁霜，我份餐個賣相不錯，啲吉列魚柳好香脆，成2大件，又加埋啲什菜，的確好好味，整體不錯。但杯熱杏仁霜就有D淡，希望會改善一下。總括來說，今日埋單$78，即每人＄39，最開心係唔洗加一，又可以坐得耐，對中環來說，真係好少見。

齋聽餐廳既名都知，佢係以焗野見稱。一講到焗飯，大家都覺得應該係夜晚先會食既野，但大家又有冇lum過下午茶食焗野其實都別有一番風味呢？筆者就基本上每次去新森林食野都係三點三時間，因為下午茶既價錢係中區黎講算係超值，雖然唔夠大家樂、大快活平，但勝在款式夠多夠創新。值得推介既食物有芝士雞翼撈麵、日式焗飯、同港式雞髀薯條。至於野飲方面，我就最喜歡牛乳布丁紅豆冰，香滑既牛乳布丁入口即溶，紅豆冰涼透心。再者，雖然位處中環，但人流亦唔算太多，無需要驚俾人趕，絕對係年輕人下午放學既天堂

今日下午早收工，喺公司附近搵食，同朋友嚟到新森林食下午茶，見門面靚靚仔仔，收費唔貴，入去點咗個吞拿魚火腿三文治餐同吉烈魚柳薯再。吉烈魚柳黃金色，原個薯仔切成再即叫即炸，炸唔會燶又夠脆，正，至於三文治其實無乜特別技巧，但吞拿魚都足料鋪滿全件麵包，最後埋單只係$53超值

今日喺呢頭做完野~啱行出門口就見落起雨黎~仲越落越大~我見我的’’姐仔’’已經頂唔順D雨,所以我只好搵個地方避一下~一眼望見呢間店,就乜都唔理行左入去先算了~~入到去地方好大~人唔算好多~整體感覺似一個大飯堂~我想搵個心儀的位置,但比服務員阻截了,佢示意我坐喺近廚房門外的單人位見佢咁堅持,我冇謂反抗,坐下了就開始睇餐牌..枱面餐牌套餐款式算多~可能係做午巿同下午茶~問服務員有冇其他餐牌,佢答我冇..噢~咁唯有睇下呢D啱唔啱食~呢到以飯同意粉居多~兩者都唔係我的心水~所以比較難選擇最後我決定試佢當日的推介,芝士黑松露焗豬扒,仲加左錢轉意粉~(真心唔明白點解轉意粉要加錢,佢又唔係比返D飯我~ V__V 不過算~錢可以解決到的問題就唔係問題了)上枱啦~嘩…真係O左咀,令我好意外!!芝士黑松露焗豬扒意粉 – 滿以為同張相一樣有咁豐富的汁~我最中意食芝士~!!先唔諗係芝士汁定係白汁啦~但都唔會係一D汁都冇既感覺啊~~上枱時係用鍚紙碗己令我覺得有點反感~何解堂食都要用即棄工具咁唔環保?!! NEW NEW下D意粉~覺得唔係好對路,真係好乾~於是問一下服務員係咪未比汁,服務員回應已經加左入意粉一齊焗

自從遷入中環返工後一直都希望找到一家平靚正餐廳食妟，竟然找到了，$50元包餐湯、牛角飽、主菜、飲品都係50元，真係非常抵食，怪不得人龍長長，今天早出去食竟不需排隊，粟米忌廉湯很香，最正係牛角包外脆内鬆軟，主菜點了紅酒豬排配茄汁魚柳意份，由於裝修新淨又舒服，首次光顧後已立即想下次再來！

來到中環，一時間沒有主意想吃甚麼，而且今晚又有飯局出席，故此不能吃得太飽，只有向輕食一點方向思考一下吧。行行吓來到新森林焗之專門店，正想份量是否較少呢？不如入去探個究竟。適逢午餐時間食客頗多，而且地方還好，可是坐位較逼狹，而且餐桌實用面積又較少，不能擺放太多東西。從餐牌中，有焗飯也有意粉，另加四個大洋便有麵佨和餐湯，但由於不能吃得太飽，只可以點來一份意粉，貪其不會太飽吧。羅宋湯是在下午餐必點湯，貪其有蔬菜，菜也很腍，有點辛辣味道，也算是幾醒胃的。麵包是自家製的牛角包，其實午餐有牛角包在一般餐廳中可以常吃到的，可是新森林卻有得供應。牛角包烘得都幾脆內又軟。今天不吃豬和牛，只吃吉列魚柳吞拿魚茸意粉，其實吃二大半已經夠飽了，皆因吉列魚柳一塊都頗大，然而卻又不是太脆，意粉都幾煙靭彈牙，唯獨吞拿魚茸份量不足，幾乎少了三份之一呢！凍奶茶一般啦，都算夠順滑，只是茶味略為稍欠，不過不失吧。午餐時間的中環，下著毛毛細兩，有點不便，吃完便想即閃，返回公司去也。

一向鍾意依個飲食集團嘅焗飯。見佢係中環開左分店，於是走去幫襯下。入到店內，見到個裝修比其他分店遜色，仲有一種亂嘅感覺。既然入左去，便坐底試下佢哋嘅下午茶餐。點左曰式沙律醬汁吉列蝦雞排飯配餃子，賣相絕不吸引，個飯凍嘅，吉列蝦同雞排味道都可以，餃子算係全個餐最好食嘅嘢。熱檸茶等左好耐先到，水吧做嘢太慢！由點餐到杯檸茶到，起碼20多分鐘。令人失望的一餐，服務跟食物質素都比其他分店遜色。

中午2點半吃下午茶可以去嘅地方都幾多，但係如果好肚餓嘅話，又想抵食，我一般都會選擇去新森林，$30幾蚊都吃到好飽，味道都過得去。點左個番茄焗豬排飯，我在這間餐廳的最愛。唔係話超級好吃，不過絕對對得住這個價錢。豬排都幾多，唔會好硬，骨唔多，咬落D汁嘅味道都調配得唔錯，酸酸甜甜好開胃。以前用錫紙盤，最近改成瓷盤，size細左，不過起碼環保一D。個套餐仲有配三隻煎餃子(餃子都整得ok，唔錯嘅餐前小食) and 熱飲。如果加$3蚊仲可以加一個羅宋湯(湯入面料很足，但系個人認為唔夠濃) or 忌廉湯 and一片麵包。分量好夠，吃飽飽

平平地食個lunch 呢間餐龐係個唔錯ge選擇每位大概40蚊 我最鍾意就係個set lunch 會包一份前菜: 2選1..有湯/ 同呢個 我錐意食呢個, 可惜ge係果然真係前菜, 到喉唔到肺!佢地最出名聽講係火局豬排飯... 不過我覺得冇咩特別, 我唔會係呢到食dinner 囉 食物溫度都夠熱! 豬排夠大塊, 有番茄鮮味!服務態度唔係差亦唔係好好... 5分有3分啦;)因為有單冇幫我地入到...

一行四人中午12時食飯，到達齊人即時入座，叫了 2 x 醬油豬軟骨拉麵, 1 x 醬油豬軟骨烏冬, 1 x 炒意粉。炒意粉最快上台，隨後烏冬、拉麵都上台了。我叫的是醬油豬軟骨拉麵，我食第一口已經想放下走人，再食一口醬豬軟骨已可給這小店定音了。醬油豬軟骨拉麵，變成蒜蓉豬軟骨拉麵，做了廿幾年人什麼叫醬油我看我還是懂的，但此湯一點兒醬油味也沒有，如果說成湯底是豬骨湯，也會相信。不要說醬油味連其他的味也沒有 再講麵本身，無哂彈力好像吸滿水一樣似的最後到了滿佈蒜蓉醬豬軟骨了，入口鬆軟但可惜肉既中心是凍的，應該是翻熱不足........... 另外，同事的烏冬則帶有塑膠味 ~最後餐飲有四杯飲品, 但埋單時卻算我們五杯飲品，或許是..... 一時大意吧 ~

以前在中環上班，由於是輪班的關係，每次的吃飯時段也有不同，其中有一更可以吃2個小時飯的，當然包括到銀行辦理一些事務，但足足兩小時夠我到處吃飯了，雖然只有自己一個吃，但我也會到處走，找尋好吃又便宜的飯物啊~在中環的午飯時間很難會有便宜又好吃的餐廳，即使有也會大排長龍~我最開心是可以去吃下午茶，人少一點又可以吃到平一點的食物~這間新森林雖然不是最好的餐廳，但勝在廿多元有個焗飯OR炒烏冬+炸餃子+餐飲($28)，不知現在何價了，以前是廿多元的，也吸引很多要獨自吃飯的人啊~金菇肥牛炒烏冬這個烏冬的肥牛很瘦的，很啱我口味，太肥的肉我很難放入口裡呀，而且很夠豉油汁，烏冬索滿汁很好味的~炸餃子要睇彩數的，有時是即炸熱辣辣的，有時則是炸定了呀~餐飲熱檸茶，沒有甚麼別的~這間店也有很多人來吃，不過單身一人絕對有位坐的~

作為一個星期六都要番工既中環OL，當然每個星期都搵下好食早餐cheer up下自己，食過咁多間，呢間算唔錯 $24 魚腐腸蛋米 + 牛油多士 + 熱飲，係中環黎講算好抵！食物方面，魚腐好正，咬入去仲索左少少湯，推介！湯底不太咸，唔似其他餐廳比既勁濃味精湯，不錯不錯。但杯奶茶就麻麻地，太多奶，滑就滑，但令到茶味唔夠。我外賣自取，佢自動幫我分埋湯，誠意可嘉！

好出奇地尼間餐廳既熱飲堂食都用紙杯，感覺真係好唔環保!! 請三思!放工一個人黎試下，人唔多，因為價錢平就黎試下，我叫左個墨魚汁海鮮焗飯，個飯係就係黑黑地色...不過一d味都冇...連咸味都冇....真係好唔想食....d海鮮都係冇味....真係唔知想點可能佢其他焗飯會好食d...不過我下次唔會再黎!!