新森林焗之專門店 (威靈頓街)

營業中

休息中

剛剛轉工到上環工作才好幾天就要ot到差唔多9:00, 真係好累. 所以同同事一齊出去食晚餐, 有個同事話新森林下午茶好低食所以就選擇咗佢, 剛入門口重以為已經關門, 因為好少人(三個客人), 但個侍應就話未收, 可能太夜關係啦! 所以都唔諗咁多, 最緊要就係醫好個肚先,。一坐低就見到個晚餐menu幾豐富, 有一人餐同二人餐, 最後我同一位同事選擇咗一個2人餐, 有湯,有多士, pizza, 焗三文魚飯, 一個薯蒜焗田螺同2杯飲品都係–百蚊多啲。講真未食就咁見到個dinner set menu都流口水啦! 點知啲食物一食落口就完全两回事 1) 湯勁咸, 飲完第一啖就已經飲唔落, 心想不如換白湯 我都未出聲我對面個2位同事都已經話個湯好咸(但係佢哋叫嘅係白湯, 咁唔使換啦! 2) 最唔掂就係個pizza, 又硬又少汁又唔熱, 好似食緊個有少少汁嘅硬包 3) 焗飯就唔係話太差但真係只可以俾60分給個味道, 因為啲汁真係咸咗啲, 味道就一般, 以呢個價錢都唔好要求咁高都算ok。4) 薯蒜焗田螺都係好咸。 總結: 最後我哋食剩好多嘢, 真係無辦法味道真係好麻麻同好咸。 價錢唔貴但都唔需要出啲

同你分開幾個鐘之後接你放工，好開心又可以繼續我們聖誕節慶祝的第三餐！ 哋去今日我路經而你一直都推介的新森林焗之專門店。店位於小行內，店面利用大量的LED燈吸引途人。不過入內後餐廳有另一景象，光線充足，像街坊西餐廳的格局。店內位置算多，當晚都有大約八成。 有大約三十款焗飯或意粉，大約四十蚊一個。你點了第一個，特濃芝士醬大蝦焗烏冬加轉了龍蝦湯。而我點了焗牛魔王鴛鴦飯，即係黑椒同咖喱！另外點了薯蓉焗田螺。 每個餐都包一件蒜蓉包，我的餐湯同包先到，但我的包是凍，所以唔脆！羅宋湯足料不過偏辣。你的龍蝦湯好濃味同埋包係熱和脆，好好多！ 你的意粉先到，賣相不錯，大大隻的蝦舖面加上好多的芝士汁，好似好好食。好少有焗烏冬，口感煙煙勒勒，加上不會太重的芝士，很好。而蝦肉質都不錯，明白點解你都只係點這個了！ 我點的相反就較差了，咖喱邊的味道好奇怪，不喜歡。而黑椒邊的太辣，都不喜歡。加上飯好濕，最後，你比了好味的我，而你就要食這個唔好食的了！ 田螺，凍的，拎返廚房翻熱後好好多了，不過我鍾意薯蓉多點。

第一次到這餐廳，覺得最特別的是以焗為主打，因為如果在夏天，不知會否影響生意呢？叫了一個漢堡扒班塊鴛鴦焗飯。從名字及外表看真是不錯的，但吃下去後便發覺有點「不足」了。先是漢堡扒，比手掌還細，味道尚可；班塊也是一般。最強差人意的是白汁，很肥膩的感覺。不單是夏天，其它日子也不太適合的了。

星期六收工，太太有自己飯腳，孤伶伶一支公，所以就拉咗同事一齊食晏，好彩佢都係得一個，原本都係打算食完就各有各散，故此晌同區隨意搵間餐廳落腳就算，行吓行吓就揀定咗新森林，無咩特別原因，只係未試過，兼且以焗飯麵為主打招牌菜，好似幾有睇頭，不妨一試。午餐都有唔少選擇，有每週午餐之選$35-$39，個個星期唔到，每星期共有6款揀，包餐飲；另外，亦有長期供應嘅焗之選、廚師之推介，一律都係賣$39，同樣包嘢飲；平少少嘅都有，賣$33嘅拉麵之選，不過只得一款餸料，另加配料就每款$6，連埋嘢飲。但係有樣嘢比較騎尼，就係午餐要多加$3先奉送羅宋湯或是日忌廉湯連蒜茸包，心態上覺得$3唔係多，都會要埋餐湯試一試。結果我哋叫咗兩個餐，一齊分享嚟食。餐湯同事要嘅係羅宋湯，無問所以唔知質素。我要嘅係菠菜忌廉湯，雖然望落綠綠哋色，仲有啲菠菜碎碎，但唔覺有菠菜味，淨係好忌廉，就連加落去嘅忌廉都加得求其，簡言而之，就係茶記水平。蒜茸包烘得脆，可惜係無乜蒜茸味！芝士白咖喱飯配雞扒（廚師之推介）本應對芝士配白咖喱都有啲寄予厚望，未食前覺得應該幾特別，不過，試咗之後又覺得麻麻哋，芝士味比較淡口，白咖喱亦唔見得突出有特色，事後

有時見呢度係會有人龍, 真係咁ok? 抵食?看看餐牌, 款式的確係唔少。有set 就係連杯熱飲焗黑椒牛扒飯, 黑椒味都幾濃, 仲偏番辣o的, 也就是較為正宗了一點吧? 蛋炒飯底, 唔濕, 但無乜飯氣咁, 焗得好熱氣。牛扒一般般, 唔"那", 肉算嫩易入口多人, 就真係因為貪佢咩都有得焗?

這間店位置在上環與中環之間的威靈頓街，但要送外賣到荷李活道，只是相差兩條街，但已經說笀遠，不能送，店員還說，只送上環！這太令人費解為何要將店舖開在中環而不送同樣是中區的荷李活道呢？可以說服務欠缺全面！

之前，我幫襯完<中華草本茶集>之後，經過新森林焗之專門店，攞咗單張睇吓！ 早餐幾抵食！由 $19 起！早餐種類：湯麵之選、配搭之選、三文治之選.....。我揀咗：吞拿魚粟米蕃茄三文治 ( 烘底 +$1 ) 早餐 配火腿通粉 & 熱好立克 $20最先送上正是熱好立克- 夠大杯，味道 OK! 火腿通粉 - 以一個湯兜盛住，火腿切幼絲，通粉軟硬適中，茶餐廳通常較腍，呢度嘅好食啲！吞拿魚粟米蕃茄三文治 - 勁少餡！ 正所謂一分錢一分貨！蕃茄兩塊、吞拿魚 & 粟米好少呀！不過，超抵早餐食得過 ！朝早唔敢飲凍飲怕傷胃！另見有益力多特飲，令我十分期待！

:huff其實我去過唔止一次，我o係中環返工、我習慣飲凍野會叫小冰，但每次order完小冰之後，果個應該係店長(大概40歲既女人)，都會講，"提返你，小冰杯野飲既份量會相對地小返d"我之前做過五年cafe店長，我都從來無講過或者聽過類似既說話，一杯凍檸茶成本都唔洗一蚊，要比小左一兩淡，係咪真係必要？定係廳餐質素問題？其他大餐廳都唔會咁做...........比我感覺好小家，好無誠意去做好生意

下午茶時段，聽同事說這間新森林幾抵食。早幾年前，我還在佐敦工作，新森林是我第一天與老闆吃飯的地方。心裡的印象是精緻，但細碟的飯餐。這次叫下午茶，試了他們的日式醬汁雞扒蛋炸蝦飯，跟日式餃子。看看張單，十分有趣的寫"雞蛋飯，交子",真係過於簡漏。雞扒細塊，大概得半件，但黑椒味重。反而與日式醬汁相撞了。雞蛋幾好細，是有點塘心蛋的味道。飯就一般份量。個汁就要彈，竟然成大粒生粉上左碟,我起初還以為是甚麼。吃下去原來是個汁礙固了的東西。炸蝦也很細件，不過當配菜還是可以的。如果多一點菜就健康一些。熱奶茶一般，不過有代糖供應不錯。$27唔駛加一，真係幾抵食。可惜呢度下午茶要2:30先開始，如果2:00開始就好啦!!

have 2 meals . bake bacon pasta, taste really really good other dish is bake rice with white sauce .the rice is a bit tiny, and dry. is cute they have starter too , fish ball / salad 2 drinks. one mango yaukult and blue berry yaukult drink.Taste all right is cheap . but i don't like the place. so many working class. sales people. a but regret to go there.I don't mind is take away.

十一月二十六日 (星期五)今日老公仔提議到新森林焗之專門店話時這間店已經開了一年左右一直想去試,但都遺忘了它四十多元的一個焗飯套餐在中環這地方算抵吃了所以知道要排隊,就早點到是日公司進行大掃除,成身污濁,又帶著疲倦身驅向焗飯店進發我較早去到,等老公仔前來點了一個焗飯,一個焗意粉芝士焗石斑豬柳漢堡鴛鴦飯芝士味道很重,一層薄薄的芝士鋪在焗飯面石斑啖啖肉質地鮮嫰漢堡扒與超市買的無異芝士煙三文魚焗龍脷柳伴墨魚汁意粉墨汁意粉加上芝士,兩者味道配合吃起來,麵條比較幼身,煮得剛好龍利份量不多,但是很新鮮三文魚則非常少,差點見不到一件很薄的,吃不到其真味質素是不錯的,而且價錢實惠難怪吸引那麼多人潮到來不過與上環的竺堅相比,我們會選後者

第一次忍唔住要寫食評,因為我未試過俾錢買樣咁難食嘅嘢食其實當晚其他嘢食例如湯,焗長通粉,泰式鳳瓜都係普普通通,唔會好食亦唔太難食但個"青咖哩豬頸肉雜菜"真係經典,望落係黃色,食落係酸酸臭臭我嘗試將佢同我以前食過嘅青咖哩比較,但真係搵唔到共通味道我都想知佢用咩調味唔好意思,冇影相習慣另外奉勸唔好貪佢多花款,又法式又泰式又中式又焗嘢好多唔同選擇,到頭來所有嘢都係唔湯唔水冇樣好食

廚房水龍頭爆了，那即是意味著今晚無水煮飯，晚上約了師傅來家中更換水喉和抽氣扇，放工後來這裡買兩個飯盒回家，原來晚上六時前仍是下午茶時間，每份茶餐還有小食奉送，於是點了炒烏冬和焗飯各一，外帶回家當晚餐吃。日式金菇肥牛炒烏冬 ($28) -- 本來到這間自稱為焗品的專門店，首選當然是焗飯或焗意粉，但我愛吃香口食物，所以揀了這個炒烏冬，回家打開飯盒，唉，單看賣相已知絕不對辦。首先甚麼金菇肥牛竟然連一條金菇也沒找得著，取而代之只是幾片椰菜、青椒和洋葱。其實吃肥牛，肥瘦度一定要適中，可惜這裡的肥牛入口一點也不肥美，甚至有點嚡口，相信是牛肉沒有用上慢火炒，所以很快便熟透，因此入口較韌。至於烏冬，如果一開封便即放下鑊，烏冬會炒得較乾身，入口亦會較鬆，但這裡的烏冬，很明顯是犯了外面食肆的一般毛病，是先將烏冬淥熟才下鑊，所以每一條都較黏口，汁料更做得非常稀薄，毫無食味可言。鮮茄焗豬扒飯 ($28) -- 吃過令人失望的炒烏冬，對這裡的焗豬扒飯未敢再抱任何期望，豬扒飯被蕃茄和醬汁都鋪得滿滿的，茄汁味道略酸，而且鮮茄香味不足，醬料份量雖然很多，但入口感覺頗為稀薄。至於焗飯下面雖然是炒飯底，但飯粒吃起來又黏又

是日食一頓富豐既早餐好讓自己安心上路. 到新森林買個set 好多野都係$24.唯一敗筆係等得較耐... 趕上班的一族係比較麻煩d.我個set 有個火腿通, 選了跟煙肉, 牛油粟米, 熱香餅, 炸魚柳, 熱奶茶... 真係好多野奶茶飲過好多次了, 唔錯既, 茶味足!同佢講火腿通湯唔駛分開上. 好彩哩個餐個通粉太細唔會分上. 上次買過個麵餐分開上真係好麻煩, 有排搞.牛油粟米係用鮮牛油, 好香好味!炸魚柳擺左半日仲脆呢... 都唔係好油.其實最想講係個熱香餅... 真係估唔到大塊到咁... 成塊面咁大. 仲好厚, 味道就... 還可以啦. 又冇比蜜糖o個d. 所以都冇乜野可以吊下味. 其實佢咁厚都驚入面煎得唔透. 好彩都冇事.哩間野開業到依家幫襯過幾多次, 一隻手都數得晒. 平時lunch時間超多人, 加上佢d 午餐真係唔係好得... 但早餐就大件夾抵食仲好多款揀又唔係難食! 真係唔錯既

與舊同事聚舊，選了這店，貪其環境清靜而晚市又有六五折優惠。兩個人，叫了兩客焗粉麵、加一客餐包和餐湯、兩杯飲品。芝士焗煙三文魚石斑墨汁天使麵($49)：三文魚和石斑份量不少，質感和味道都不俗。汁的味道很特別，但麵略為乾。加拿大凍蝦伴茄汁焗吞拿魚長通粉($41)：侍應拿來時，我們見沒有蝦，於是查問。他拿回廚房跟進。不一會，他出來說：「對不起，廚師放漏了幾隻蝦。」那是同一碟，但上面多了三隻蝦。情景有點搞笑～　以為凍蝦是類似刺身的那種生蝦，但其實是熟蝦放涼了。雖然與期望有出入，但蝦很鮮味。茄汁很開胃，吞拿魚長通粉好味，如果長通粉再煮得焾一點會更好。忌廉湯及蒜蓉包(+$5)：（沒有吃）凍菜蜜(+$5)：（沒有喝）熱話梅青檸柑橘(+$8)：失望的是只有一粒話梅，但整杯飲品酸中帶鹹兼有少許甜味，像鹹柑橘，很開胃也好飲。計算六五折及加一後，埋單$84。食物ok，也十分抵吃。