新桂香燒臘

營業中

休息中

基本上桂香已經係幾熟既品牌細細個住柴灣已經有食過燒肉出名不過我最鍾意既係生腸宜家有生腸食既地方已經唔多太興之前都有 不過 太興個d淡而無味 唔同桂香 非常之好味我極之推薦呢度既生腸

一向是的粉絲..由10歲(舊桂香) 食到而家30歲(新桂香) 最不能取替的當然是他們舊有的9菜腸紅啦.. 而家只有在回憶才能找到…. 差燒&燒肉都係我每次嘅不二之選昨晚心思思..貪心d黎個三拼> 差燒 +燒肉+燒鵝飯 誠惠$34!! 噢.. 雙拼$24.. 三拼要$34~ ?!算! 食好野.. 要付代價嘅. 返到屋企..一食之下 .. 唉..無盡無盡失望.. 燒又瘦又鞋, 燒肉皮過燶肉又白烚咁好彩有隻鵝肶比我下吓火… 舊日嘅桂香… 你快D返黎啦..

新 桂 香 燒 臘 我 不 是 經 常 去 ， 但 他 們 的 雞 飯 可 算 是 柴 灣 區 最 好 吃 的 雞 飯 ， 雞 肉 滑 嫩 鮮 美 ， 飯 面 拌 了 充 足 的 雞 油 ， 軟 而 不 爛 ， 噴 香 噴 香 。 這 天 晚 上 七 點 半 ， 開 車 到 金 源 樓 地 下， 正 想 找 地 方 停 車 ， 卻 見 到 了 新 桂 香 燒 臘 。 店 面 不 大 ， 簡 單 乾 淨 ， 廚 窗 掛 了 一 排 排 燒 臘， 叫 了 一 碟 雞 鴨 脾 飯 ， 飯 面 上 泛 誘 人 的 油 光 ， 雞 肉 都 呈 鮮 黃 色 ， 也 是 油 光 錚 亮 ， 扒 在 飯 面 上， 隨 飯 送 上 的 老 火 湯 也 很 好 味。

飲食雜誌不斷褒揚這兒的燒肉如何出色，作為傳統廣東燒肉fans的我，已被這些報導撩得心痕痕。奈何這店身在柴灣，路途實在太遙遠了。雖然每年總會有一次機會來 (因要到歌連臣角進行祭祖活動)，但每次都是匆匆而來，匆匆而去，而且一大班人，就算吃午飯都不會選擇到這小店去吃碗燒肉飯啩是日實在按捺不住，獨個兒踏上"征途"，去尋找那傳聞最好的燒肉....拿着地圖找啊找，行至大汗淋漓，在迴旋處中兜兜轉轉，最後花了十來分鐘才找着她。看上去只是極普通的街坊燒臘店格局，開幾張摺枱就坐在路邊吃燒味飯。小弟一向不拘小節，只要食物好吃，再地踎的地方也能接受....看見掛在店外的义燒晶瑩欲滴，色水很對版，口水便直流了但今次主要是來吃燒肉的，也就決定忍痛割愛那麼辛苦一場來到，自然要吃燒腩而非普通燒肉了。一碟要賣四十八大洋，印象上跟中環結志街龍記的價錢差不多，但卻比太興的便宜。慢慢邊喝着那碗沒有太多師傅的紅蘿蔔豬骨湯，邊期待着那碟燒腩....一上枱，登時眉頭大皺，無論怎樣看上去也似是燒肉多過似燒腩。皮是光皮的，跟雜誌上說的芝蔴皮截然不同。小弟一向愛吃芝蔴皮的燒肉，貪其厚而帶粗豪的質感。如豬是剛燒好的，皮咬進口還是熱而且脆啪

好耐無去柴灣, 行過見到d燒味好好味甘, 就坐低背向街, 叫左叉雞飯., 雞瘦無肉, 很鞋, 叉燒又乾又有渣, 又話全柴灣最好食??? 食食吓見到個伙記係入面拿左幾隻雞出鋪面, 其中一隻趺左係地下, 佢竟然若無其事就甘掛番係度???? 可能得我一個客而當我睇五度, 甘都得?? 個地下又肥又油, 下個食左五知會點??? 見呢間鋪衛生麻麻, 就算點好食, 我諗都無下次.

見到之前食家既食評, 小弟都有感而發~小弟大大話話住左o係柴灣三十年, 由桂香到新桂香, 小弟都覺得呢間燒臘店係全柴灣最好既!當中以半肥瘦叉燒同白切雞最好~ 燒肉都唔錯架~

基本上我未試過比桂香的燒味更好味的燒味由興華一期到現在金源店水準完全沒有退步不只是我的家庭我認識不少舊街坊搬家以後也會駕車回來買就算回家後再翻熱也不亞於其他燒味店的燒味

桂香的燒味陪伴著我的成長最少有十個寒暑，叉燒和燒鵝是我的最愛，一個月總要食幾次，但聽聞負責燒味的師傅已不在桂香，可否保持水準便不得而知了

我小時候家住興華邨一期，閒時都會在興華邨果間桂香購買燒味，其中最經典就是紙盒裝的叉燒飯。隨著興華邨一期的重建，果間桂香也宣告結束。而我現在已經搬到小西灣有10年，雖然如此，但是總不能忘記當時搬到宏德居營業的桂香。現在再搬到隔離街，雖然一搬再搬，但是燒味的水準依然維持得好。除了蜜汁叉燒之外，桂香的燒肉都不錯架!!我爸爸最喜歡燒腩，去到都係例牌「兩條骨」!!現在新桂香內部份的伙計，是我們一家人的舊街坊。以前在興華邨一期居住時已經認識，基本上大家已經響柴灣區見慣見熟。

剛認識桂香時它還是在宏德居，那時還在附近一間學校讀中六，到升中七時桂香已經變成新桂香，而且由大舖般小舖，但慶幸燒味的質素依舊地好。自己每次去桂香必定會叫肥叉，再拼燒鵝/鴨或雞的雙拼飯，而且一定要加蔥油；可能是用料靚和製作認真的關係，桂香的燒味無論肉質、味道和口感都比出面那些十蚊燒味飯高幾班，剩係蔥油都新鮮和香過人，總括而言，我覺得新桂香可算是柴灣最有誠意的燒味！

桂香在柴灣原本有三間，一間在興華村一期，一間在宏德居，一間就在呢度。賣燒臘賣左廿幾三十年，好多老街坊都知。以前除左燒臘，也賣鵝紅、菜、鵝腸，叫碟叉肉飯，叫碗三寶，真係好正。而家剩下來的呢間，沒有三寶，只有燒臘。今晚約左兩個廿年波友在隔離泉記食炭爐煲仔飯，路經這裡，仍然人頭湧湧。不少人在買燒臘飯，亦有人在斬料。見有假琵琶鴨剛好似幾正，夠厚肉又新鮮，就斬半隻過隔離加菜。個人習慣，如果合時鵝靚就一定要燒鵝，好像而家鵝期已過，就選琵琶鴨。這裡的琵琶鴨又係另有風味的，絕非美心一般的集團式行貨。六十五蚊半隻，味道好又適合送啤酒，是加菜良品。