新桂香燒臘

營業中

休息中

桂香燒味出名又貴又香，今日家母買左盒比我做晚餐。佢既馳名叉燒可以話有讚有彈，之前朋友食過講到好差，你無request 既話佢就會比d 頭頭尾尾你，不過家母好醒目話要梅頭叉燒，等我打開見下你個真身！雙拼飯40蚊，打開睇落唔差，餸都幾多。至少d 雞唔係得d 胸，部位都唔錯。先食個飯，唔會太油，有咬口，個薑蔥唔錯，唔會太咸。叉燒味道唔錯，不過都係偏瘦有d 削，有d 燶邊幾香，但未去到傳說中所講既超好食，都係一般貨仔。雞都幾滑幾好食，整體黎講都ok, 想食燒味可以得閒幫襯下，但又唔使突登山長水遠黎買。

日前，有朋友從柴灣知名嘅新桂香燒爉店，替我買咗盒$44的叉燒及燒肉雙拼飯外賣，因為我個人喜歡食瘦，都點了瘦叉及燒肉，叉燒邊有燒焦的，而燒肉皮好香好脆，雖然價錢比起普通燒爉店貴了啲啲，但佢味道質素確實不錯！間中食下好嘢，都不失為樂事

前日(1-10-2017 Sun)同老公一大班人去佢男友人IN屋企食晚飯,我要求有呢間o既出名o既三粒燶邊叉燒,IN就真係去o左買,我o地去到佢屋企,就叫大家食o左先.打開睇,顏色好靚,且有半肥瘦同全瘦,有燶邊,我唔客氣地食燶邊,仍有啲脆,無論半肥瘦同全瘦都好,口感好鬆軟,有蜜糖o既甜但太鹹.IN話凍o左係會變鹹同埋係要送飯.即使係咁,我都食到停唔到口,但諗到仍有朋友未到至停手,否則我諗我會食晒. 而呢個叉燒一啲都唔平,冇記錯好似話$180.00一斤,超貴,我唔知呢盒有幾多.味道: 4.4分,抵食係2.5分

我聽老公話依間好出名，叫我唔好去食開明明好好味既真好x,點知就中伏中到喊！！！一打開個叉燒飯，接受唔到！細個食10蚊燒味飯都無咁差，係咪完全睇唔到一盒岩岩買既飯？好似畀人食左一大忽咁仲要d叉燒全部頭尾尾！難食到爆！！肉又鞋，味又唔好食！仲有兩舊唔屬於叉燒既物体！好似係燒肉？果兩件野仲要肥到痴線！我成世人無食過咁難食既叉燒飯！簡直頂級難食！！食左三分一就掉左！完全浪費哂金錢！仲要咁貴40蚊！完全唔知點解依間野會有好評！名不付實！不會再幫襯！

如果要數港島比較出名既燒味鋪新桂香一定係其中之一😏👍🏻每年到柴灣拜山 必定會去依間老字號買燒肉貪佢夠傳統同保持到水準😋😋「半肥瘦 一條骨/兩條骨！」肥妹已經習慣哂咁叫...😂最愛就係脆皮與燒肉之間嗰層肥膏😭肉質吾會太瘦太乾 完全恰到好處脆皮過左段時間仍然保持到「卜卜」聲😂正👍🏻

看了很多食評 & 廣告慕名而來失望而回. 買了40蚊叉燒回家. 全部都是肥膏. 瘦肉的部分 只有十分一. 這是不是舖頭的特色？ 感覺完全被騙 、很失望。 真的是他們搞錯給了我們餸頭餸尾 還是他們的特色肥叉

昨天星期日，雖然工人姐姐放假，家人決定還是在家煮些簡單的吃 - 煲魚粥和薑蔥撈麵。因為好像單調了點，另外加料買了點义燒。買回來的原來是不久前在報章上報導過的好味义燒 - 新桂香。我一直都想試，今天卒之有機會了。上星期試了一間新式的慢煮义燒，今天的看來是傳統的了，一看它的“背心袋“ 便已感受到究竟味道如何呢？是否如報導的比較結果說No.1 呢？登登登登...急不及待打開盒子先看看...不錯吧! 肥瘦比例看來相當平均，無論外層和內層肉質的顏色顏色都很均勻，只稍嫌义燒的汁比較多油。趁义燒還有點暖暖的，便先下手為強試了再說真的很有义燒的香味，咬下去感覺到外層和內層的分別。外層燒得較內層乾身，一點點燒焦了的香味，包裹着內層相對地較稔身的肉，配合它的肥瘦均勻，真的很有層次感。至於味道方面，本人覺得稍為鹹了一點點。但最重要的燒的技巧和肉的選料，是絕對優勝的整體而言，很好吃，我會想再吃

我哋叫咗一個柴灣名物新桂香叉燒飯share嚟食, 肉質一流， 肥瘦均勻 ，偏甜, 麥芽糖味非常出, 而且有少少燶邊， 飯都沾滿肉汁， 可惜下次如果有想食嘅話，就要特登踢到去遙遠嘅柴灣

報章雜誌或網上(包括openrice)的推介，往往「廣告」成份不少，經驗中失望的例子遠比驚喜的多；但看到報紙、電視多次的介紹，今天終於耐不住到這裏一試媲美酒店級數(媒體推介的用詞)的叉燒。這店不顯眼，若不留意，街外食客定不會知道。找了一會兒，才找到。因為是早上十一時許，所以顧客不多。店子十分細小(又是土地問題吧)，目測約二百多尺，一邊是掛滿各種燒味的工作枱，一邊只能擺放兩張貼牆的桌子，中間僅僅可容一個人通過。 我坐進裏面的桌子，椅子後面是一堆堆發泡膠盒的物件，座位逼狹，十分不舒服。我叫了叉燒飯，並仔細看看店內環境。這店共有四位燒臘工人或老闆，一個中年女士是樓面，另一張桌似乎是熟客，不時與店員閒聊。不時有顧客入內惠顧，絶大部份是叫外賣。先喝湯，湯清清的，只有一塊青蘿蔔，推介不是說豬骨湯嗎？湯淡淡的，真的是「淡」，連鹹也欠奉，吃了一口蘿蔔，不錯！青蘿蔔鮮甜，是這碗湯的亮點。喝光了湯，我看見了碗底有數條一絲一絲的肉，果真是「豬肉湯」。主菜當然是叉燒飯，我先扒一口白飯，可能是喝湯太久，飯有點涼，飯應有飯味，已不敢奢望飯香，有嚼勁，但不該味如嚼蠟……舉起筷子，把一片叉燒送進嘴裏，我叫的是瘦叉燒，

小時候常常都要買燒味飯回家當晚餐，長大後就知道它是很不健康，已經很少食了。這天看完醫生後難得還有時間吃午餐，經過這間就立刻點了一盒叉燒切雞飯拿回家吃！一站在門口就有兩三個侍應來幫忙點餐，效率十分高。可是不停的都有大慨十個人在排隊等外賣，生意真的不錯！最著名的蜜汁叉燒果然沒有讓我失望，肉質嫩滑，鹹甜適中，水準跟以往一樣的好！白切雞是出乎預料之外的高水準，味道不會像其他店太鹹，肉質也沒有煮得過老，配上鹹鹹的薑蓉就可以吃得下半大盒白飯。白飯就是普通餐廳用的混合米，沒有珍珠米的軟綿，也沒有泰國米的香味，就是普普通通。唯一的敗筆之處，就是附送的例湯。用了烤豬的豬頭跟骨頭，加上合掌瓜來煮。喝起來就是過鹹和很油膩，會令人口渴，感覺好像在喝味精湯一樣。45塊一盒燒味飯實在有點貴，也有點不值得，真的是偶然吃一次就可以。

特登平日來食，因為地點問題所以即使想來都太遠。5點來到冇哂叉燒要等5點半出爐，仲好夠哂新鮮滾熱辣。5點半返到黎已經見門市有人龍，我而d堂食既就唔洗等，本身堂食得4張小枱，所以預左有位都好好。半肥瘦叉燒飯40蚊一碟，唔貴因該而間野係少數用新鮮豬梅肉燒叉燒既燒味鋪頭。極速黎到，一睇就知正野，色澤一流，焦邊係哂度，真正半肥瘦，一入口蜜味同咸味剛好，仲有新鮮豬肉先有既味道，略為覺得斬得太薄，但無論味道，色澤同肥瘦程度一流。佢附近有間燒味鋪，從來都好少人，因為你見到都唔會想食，證明好多街坊寧願比貴好多都要揀而間係值既。PS 除叉燒外，其實燒味認真不要抱大期望，因為始終佢招牌係叉燒。

味道唔錯但價錢貴

星期六心血來潮想食义燒就諗起新桂香, 懷住極期代，極肚餓嘅心情2:30pm黎到門口，只係聽到，"义燒賣晒!" 當極失望之時聽到"3:30pm 先出爐！" 唔洗諗呀，等！！！睇見越黎越多人排隊， 大家視線同一方向等义燒出爐，呢個情景其實真係幾好笑3:40pm 千呼萬喚始出來，回頭一望大約已經有30人排緊，呢一剎那排頭位嘅滋味，真係係難以形容一斤半肥瘦燶邊义燒!!! $180 絕對值得，一出門口立即打開個盒，即食!! 彈牙义燒，係! 係彈牙，絕非一般义燒乸到淋晒，無晒咬口！ 再加上面淋上蜜汁，熱辣辣, 企喺門口ㄧ路食，其他排隊嘅人見到都嘩嘩嘩! 流晒口水

作為柴灣人，無人不知的新桂香叉燒飯實在太好味！有一日放假突然間好掛住新桂香嘅叉燒，所以就去咗食啦！果然並無令我失望！新桂香嘅叉燒係我30年以來食過最好食嘅叉燒！佢用古法燒叉燒，令到叉燒有攤銷的朝香！當日我叫嘅係半肥瘦叉燒，肥瘦適中淡淡又香，再加上蔥油落個飯度，簡直就係人間美味！如果大家離開柴灣一定要去試吓新桂香嘅叉燒飯！

香氣逼人 馳名靚叉燒@新桂香 新桂香叉燒十分岀名，相信在柴灣無人不知。 新桂香 叉燒飯: 叉燒外邊脆身，有脆皮焦香(近年要能到有脆身焦邊的叉燒很像愈來愈難....) 叉燒醬具蜜汁甜味，吃下有脂香 加著滲了叉燒油脂及甜豉油的白飯同吃，根本就是魅力沒法擋！Wow factor: 8/10 新桂香燒臘 (柴灣)柴灣柴灣道345號金源洋樓地下17號 ______________________________