新川美食

營業中

休息中

🍜酸辣炸醬紅薯寬粉（配豬肚肥牛）新川美食主打酸辣粉，有得揀湯粉或者撈粉，而我今次就揀咗湯粉！以前食酸辣粉都係食普通幼身嘅紅薯粉，但今次想試下新野，所以揀咗寬粉～紅薯寬粉好彈牙，比普通紅薯粉更有咬口！湯底有唔同辣度可以揀，我揀咗小辣，下次會挑戰中辣🤣豬肚同肥牛都俾咗好多，好足料🤩酸菜同炸醬係成碗酸辣粉嘅精髓，酸菜酸酸甜甜，炸醬辣辣地好好味！原本舖頭有隻貓貓🐱但可能因為天氣太凍，所以去匿埋咗唔出嚟，希望下次可以見到貓貓啦😆

自從新川嘅紅磡分店執咗之後，好多紅磡街坊都話好掛住新川嘅味道為咗想知道到底有幾好味，我哋特登走咗出去太子嘅分店嘗試我自己叫咗豬紅加魚皮餃撈米線，個人覺得非常之普通，秘製醬汁都係普通炸醬咁樣，冇咩特別，覺得覺得最失望嘅係豬紅完全冇味。。 食完的確係幾滿足，價錢亦都非常抵，不過唔會係特登想出嚟食嘅嘢點知返到去問其他朋友，佢哋都話酸辣粉同埋涼拌粉皮先係新川嘅頭號美食，真係有啲後悔叫咗撈粉食總括而言個人覺得撈粉非常普通得來都係好食嘅，係合格抵食嘅午餐自選 ，下次會再去試酸辣粉的！

第一次食，估佢唔到係一間咁有誠意嘅小店。雖然坐得唔係幾舒服，但食得米線其實預咗，唔好要求咁高。店員有禮貌，上菜嘅時候一定會事先提你小心邊度辣手。湯底好味而且要辣有辣，要麻有麻。蘿蔔又稔又甜又入味，麻辣豬耳爽脆；結果豬腸被比下去。米線軟硬度剛好又唔係熟到粉嗰種。差啲連啲湯都飲晒。最後係難得係連杯奶茶都咁出色，茶底夠濃，奶夠滑，味道剛剛好；仲要比啡糖真係要比10個like！完全係一間尊重自己、尊重食客嘅誠意小店 💛👍🏼

第一次遇到這個美食是在紅磡店的，是讀書時期經常光顧的小店，但最近得知紅磡店無再經營，正當失望之際便發現太子店仍然經營，便馬上約朋友前來。我十分喜歡它的原因除了是經濟實惠外，味道亦非常有質素，同時亦是對這家店有一種情意結。餐牌上可以看到可以選湯或者撈，每次到來我一定會選撈麵，因為撈的醬汁會更濃，而且麵底亦不會過軟。如果想更濃味吸汁的話，選寬粉和薯粉最為適合。今次我選了撈米線加酸菜和魚腐，見到酸菜比其他配料較貴，就知道它一定很出色。撈麵有炸醬，芽菜，花生，芫荽，所以本身已經非常入味，不加配料都非常可口，所以魚腐或其他肉類在這碗麵起不了任何作用。不過加了酸菜真的提升了層次感，酸菜酸度恰到好處，增加了香味同時爽脆度增加口感。米線的口感亦煙靭爽彈，沾滿了醬汁非常濃味，頭幾啖非常滋味，但吃得多便覺得炸醬偏鹹，需要用豆漿緩解一下。吃到底見到芽菜吸盡了醬汁但仍保持爽口感覺，很好吃。這個米線份量超級多，佔滿整碗，性價比程度極高。這家店舖的水準與以前紅磡店一樣出色，絕對會想專程過海再次品嘗。

吃完早餐已经5个多小时，下午四点多先找一些吃完不会太饱的东西。这家店说是四川口味，有卖工薯粉，而且还有一些小吃，正好合我胃口。门外有介绍红薯粉是健康食品，有点吸引力。价格也很亲民，单要粉条已经有炸酱和花生做配料，可以不加其他配菜。这个时段客人不多，环境极清静。服务员很热情地介绍她们的东西，而且不厌其烦的解释。本来是想再点一份小吃，但恐怕吃完太饱，会影响晚餐，只好点了一份捞面。捞红薯粉本身已有肉酱和花生，再加了一份猪腩肉，然后把碗内全部东西捞起来。肉酱的份量不少，它带起了红薯粉的味道，也不需要再加其他调味料。红薯粉是煙韧的，配上花生和肉酱，咀嚼时可以吃出香味。听店员说汤面是猪骨汤，不加味精，下次可以试试。

📍太子 新川美食𓇠 秘製醬汁腩肉撈紅薯寬粉 $31 𓇠 想食新川好耐，咁岩去開太子就試下佢😎（平時都食開貴香園）因為我揀咗麻辣腩肉，姐姐就建議我碗薯粉要唔辣，但放咗樽辣椒醬係枱面，話唔夠辣我可以落😉碗薯粉本身有炸醬、芽菜、芫荽、蔥同花生，好足料！腩肉瘦，岩我！成碗粉比較重口味，鹹咗少少，同埋好重花椒油味～Btw 食食下店主隻貓施施然咁由廚房行出舖面，吸引好多客影相😂〰️總結：價錢好抵，足料，鍾意重口味/麻辣可以試下🌶▪️類別：#yinkifoodie_noodles🔺味道：4.5/5🔹服務：4/5🔸環境：3.5/5

平時我最愛吃湯米線今次試試這店的薯粉一試有驚喜🤣🤣佢既薯粉分兩種，一寬一幼寬果種平時甚少有得食今次試了一碗炸醬湯幼薯粉及醬汁撈粗紅薯粉我唔食得辣叫了小辣好彩我食湯粉，因為於我而言小辣都有點後勁🙈（我廢）但真係好味湯底唔似出面咁重味精酸菜都好足料(不過我始終鍾意多酸少辣，所以仲係好似有啲差咁啲啲）🙈🙈另外撈紅薯粉都好正寬薯粉更有咬口非常入味同場加影肥肥貓店主巡視業務🤣真係好大個肚肚整體黎講，cp 值高亦都好好味👍😋會多啲再黎。

價格非常非常平 食物質素和一般車仔麵檔一樣勝在湯底肉碎加分夠辣味店員服務態度亦良好 加上店內有很可愛的小動物非常加分這樣的價位收這樣的價錢沒有什麼不滿意了 希望加餸菜式可以多一些

難得出到太子,一個人食飯,緊係要支持小店。黎到一間門面唔算光鮮,但又充滿人情味既舖頭第一次幫襯,老闆娘已經好好傾。仲有一隻店長貓,肥嘟嘟,唔怕生保。成餐飯都食得好舒服。🟠滷水豬大腸同豬耳撈紅薯粉講返佢個紅薯粉先。紅薯粉份量超多,完全食唔晒。醬料有得自行選擇辣度,因為第一次食所以揀咗少辣,唔算太辣,下次可以嘗試中辣。🌶️辣肉醬一D都唔吝嗇,幾乎每一啖都食到辣肉醬既味道。配料揀選咗滷水豬大腸同豬耳,相當入味。🤔本身仲想試下佢個炸雞翼。可惜,只有一個人去食,食唔晒,唯有留返下次再試。💁🏻‍♀️晚餐黎講,價錢絕對親民,份量又多,唔洗驚食唔飽。

外賣大辣雞絲蘿蔔撈紅薯寬粉🍜紅薯寬粉煙韌彈牙🥰口感十足❗️·炸醬調味出色🤩用料實在食到肉既質感👍🏻·雞絲🐥口感味道正常蛋白質來源✅·蘿蔔大舊淋甜無渣🉐·整體而言，外賣依然好食💯愛辣既煙韌控表示好滿足😇😋

有一日路經太子，突然好想食米線，仲要有黃店，梗係要入去支持下啦。老闆娘好熱情，會同你傾吓計。點左冬菇，腩肉同牛柏葉，麻辣寬薯粉。啲餸嘅份量都好夠多同入味。麻辣薯粉最緊要就係個湯底，我個人比較鍾意食比較麻嘅湯，而呢一間就做到啦！麻未比較勁，辣味都好夠喉！薯粉都煮得啱啱好，因為自己試過係屋企煮寬薯粉，所以知道煮呢啲寬粉真係好需要時間同埋好不容易。最最最最後介紹嘅係，令我印象深刻嘅凍檸茶！雖然我唔係好識形容，唔知係咪飲開嘅凍檸茶都係差唔多款，所以冇乜太大嘅期待。但係嗰日飲果杯，唔知係個檸檬特別新鮮定係點樣呢？杯凍檸茶真係好好飲，有一陣好香嘅茶味同埋好新鮮嘅檸檬味。起初我以為自己太誇張，然後比朋友試飲一啖，朋友都覺得係有啲特別~ 所以可以試吓過去叫佢個檸檬茶，不過唔知係咪咁啱我哋嗰日好彩呢？

=========================📍超大碗抵食紅薯粉 -- 新川美食🍜💛Bookmark咗呢間粉麵舖好耐啦，前排終於同咗朋友一齊去食，終於一嚐呢到嘅紅薯粉🥰呢到仲有紅薯寬粉簡，不過今次就食咗普通嗰隻先🤪------------------------------⭐️雞絲·白蘿蔔 ·紅薯粉（$37）紅薯粉嘅份量好多，細食嘅朋友share食都無問題🙈湯底清清哋唔會鹹👍紅薯粉口感滑捋捋好煙韌😍麵底附送嘅炸醬好有驚喜，食落好惹味😍雞絲比湯浸過後好入味，但有少少鞋口🙈蘿蔔有四大件，食落好清甜，而且無渣👍------------------------------整體嚟講呢間真係好抵食，配料又多選擇!!小編一定會再食🤪中意食米線嘅朋友都不妨試下🤭另外店入面有隻肥喵喵，貓奴們可以同佢selfie下🤣🐱------------------------------賣相：7.1/10味道：8/10性價比：8.5/10回頭率：8/10------------------------------店舖資料名稱：新川美食地址：太子砵蘭街414號前往方法：太子站D出口

知道而家疫情嚴竣，好多黃店更需要香港人支持！喺ig 見到有人力推呢間紅薯粉，話紅磡店貼左唔歡迎狗嘅告示，我地去嘅分店喺太子，雖然無呢張告示，但舖頭播viutv, 起碼食得舒服先！叫左魚腐腩肉紅薯粉，個酸辣湯層次分明得嚟又水乳交融，好味呀😗😗😗紅薯粉煙靭彈牙，正！豬腩肉就係一般食米線嗰啲腩肉，無話特別好今，當然，唔難食，keep到水準囉！但係魚腐我就RR地頭喇，魚蛋嚟㗎啵🧐🧐🧐唔知佢比錯定點，但我無乜所謂總括嚟講 係好味嘅紅薯粉

位於太子地鐵站D出口附近，地理位置方便。星期六午飯時間尚有空位，所以就進去試了。秘制醬汁撈紅薯寛粉(唔辣) $24 加豬肚+$7 點了餐後大概等了3-4分鐘就有了。先攬勻了醬汁和寛粉時，透着有微微熱氣♨️不能吃辣的我沒有點飲品，所以不敢點辣，店員則提醒如果想加辣，可以用桌上的辣椒醬。由於吃下去真的沒甚麼味覺上的刺激😂所以我就加了一小匙的辣椒醬~這款辣椒醬的辣只會停留在舌上，相較其他店的，這款不是特別香和惹味。說回寛粉，質地厚身煙韌，而且容易咬斷。肉燥帶點甜，有點像家裏的味道😂另外還有芽菜，花生等配料~我加了豬肚，煮得很稔，加分!

用心經營的小店，標榜不加味精。米線每碗$24起，可選米線、米粉、拉麵、薯粉，甚至可以揀菜底，餸每款$6-7，份量十足，如果唔扣底，普通女子好難食得曬。配料特別推薦雞絲、紫菜、炸醬。雞絲雞味濃郁，手撕得十分幼細，有咬口但不柴，凸顯店主處理食物的誠意；紫菜爽口無沙，即使食到尾都不會發漲變淋，選料很好；精心烹調的炸醬味道濃郁，令湯頭更惹味。店主堅持不用味精，湯底雖濃但不會令人食後口渴，抵讚。新川美食除左米線外，小食都十分出色，尤其係炸雞翼，外脆內嫩，又醃得好入味，有人話日本「世界之山」雞翼好食，但如與新川美食嘅雞翼相比，我認為後者完勝，屬世界級好食，無得輸。雞翼控一定要黎試試。不過溫馨提示，由於係即點即炸，雞翼送上枱時香氣撲鼻，熱辣辣的，試過幾次太心急食，俾啲雞翼肉汁燙傷個咀，勸大家真係要放涼少少先食。另外，店主整嘅尖椒皮蛋亦非常美味。佢哋特別揀選用成本較高的黃金皮蛋，沒有普通皮蛋的腥澀味，配上特別調配的尖椒辣汁，惹味而不嗆喉，開胃之選。同場加映：店內養了肥貓一大隻，貓咪個性溫馴，愛貓食客可以隨便抽水。