新川美食

營業中

休息中

今日同朋友去太子藥房排隊買口罩，到差不多午飯時間，佢話有啲肚餓，問我附近有冇好嘢介紹 ，我就話帶佢去太子好出名嘅四川薯粉餐廳試下啦。呢間我食過幾次，覺得唔錯，所以先敢帶朋友去咋。我哋不約而同叫咗秘製醬汁撈紅薯粉條，因為餐廳嘅秘製醬汁好惹味，又香濃，食過返尋味。 面盆咁大碗先23蚊，邊度搵，而且真係好食㗎喎。紅薯粉條通透晶瑩，顏色透明，沾上秘製醬汁，食到停唔到口，而且入面嘅配料好豐富，有芫茜，蔥花，芽菜，秘製醬汁，炸醬及花生😋

#cassiegomk-瘦編今日行程好緊密，要去旺角攞野，之後又要趕去其他地方，就快閃食碗醫下個肚仔。見到依間「新川美食」門面唔錯，就入左去食啦！😋-望一望Menu見到非常抵食，一碗米線平消消費24元起，取決於所點餸料款式，價錢不算貴，抵食指數滿分！我就揀左秘製醬汁撈米線，材料有炸醬、芽菜、花生、蔥花等等，我另外加左蘿蔔($5)。一上菜見到秘製撈米線份量很多，雖然米線未夠乾身，但醬料惹味，這個價錢來說真係划算！個個秘製撈米線醬料，肉碎好夠惹味，蘿蔔超足料好大舊，一個女仔黎夠已經好飽。🤣-可選餸料款式達四十款，數量很多，但都是常見的配料。而辣度則有分不辣、小辣、中小辣、中辣、大辣，更設麻小辣、麻中辣、麻大辣，好貼心！另外店裏面有養隻貓仔，好可愛，見到啲熟客都同貓仔好熟，依間店應該係依頭好受歡迎。💕-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌗 (4.5)回購評分▶️️️🌕🌕🌕🌕🌗 (4.5)-➡️ 新川美食 (太子)📍 太子砵蘭街414號-

每到月尾必定搵又平又正既野食，今次黎開太子，又想食碗粉，就揀左呢間舖,一出地鐵行幾分鐘就到。呢度主打食薯粉既，但亦有米粉，拉麵，米線提供有湯粉同撈粉兩款選擇。平時食湯粉食得多，今次就試下撈薯粉就叫左秘制醬汁撈紅薯粉條($23)另外加配麻辣豬耳(+$6)，鹵水雞翼(+$6)，雞絲(+6)。嘩，未撈既份量已經好大碗。雞絲佔了一半，豬耳不是幾條都有十條鹵水雞翼非常入味。薯粉好滑口感彈牙而醬汁方面帶微辣，唔咸味道剛好。食到最尾成碗薯粉仍有很多醬汁，所以食落唔會太乾。$41 絕對食到飽住肚走。(舖仔細細，座位都很多，如果遇著食飯時間可能會迫一些)有多款飲品提供

今日行街經過太子突然好想食酸辣粉🤤就去左新川美食食碗面😊位置好方面，係地鐵站D出口一出行1分鐘就到🐌餐牌有好多選擇，但樣樣都係20几蚊就有一碗粉，好抵啊😎我就叫左碗酸辣炸醬紅薯寬粉$24，再加一個餸魚腐$5，total都係$29就有大大碗好味抵食既酸辣粉😏炸醬好惹味又多，仲有酸菜好開胃，再加上有一大棵菜，真係食到好飽😋魚腐好新鮮而且好有魚味😋而我最欣賞既係個紅薯寬粉，好有口感而且份量都好多呢😘

久不久都會來這家太子的新川美食用晚餐每次都會點的一定是撈拉麵雖然這家也有湯麵，而且麵類選擇也很多例如主打的薯粉、還有米線和拉麵等但這家的拉麵口感質地確實不錯，是幼麵但是較硬，我愛有爵勁硬硬的拉麵它的點餐方式就像車仔麵自選材料而且可以自選麻辣程度，愛吃辣的朋友都說很惹味而我自己最愛就是撈麵中配搭了的花生和炸醬頓時令整碗麵又香又濃郁這晚還外加點了炸雞翼和通菜炸雞翼是即叫即炸的 非常香口 脆卜卜勁好吃是太子中我最愛的麵店之一

向來喜歡吃四川薯粉，中意口感滑溜Q彈，朋友最近介紹我去太子的新川美食，話cp值極高，二十幾蚊就有交易，仲好飽肚添，真係窮人恩物。我喺湯麵同撈麵之間，掙扎咗一陣，決定揀撈麵，就是秘製醬汁撈紅薯粉條。比我想像中更加大碗，就算唔額外加餸都好飽， 裏面有芫茜，香蔥，芽菜，花生，同埋好多炸醬肉碎，味道好香，唔會太油膩，或者過鹹，啱啱好。紅薯粉晶瑩通透，食落口好qq。餐廳環境都唔錯，乾淨企理，卡位夠闊落，係有誠意嘅小店。

今日去太子搵裝修材料，順便覓食，經過見到這間"新川美食"，看門外的宣傳單和Menu都幾抵食，一於入去試一試先。看Menu，主打薯粉，有寬粉、薯粉條，亦有拉麵、米粉和米線選擇；湯底方面，用上豬骨濃湯，也可選秘制醬汁撈。秘製醬汁撈紅薯寬粉 $23未試過撈薯寬粉，滿滿一大碗很吸引，我點了蘿蔔$5、雞絲$6、麻辣豬耳$6，本身配菜有炸醬、芽菜、花生、蔥花、芫茜和秘制佐料，蘿蔔腍軟入味，雞絲份量足，重點在於個炸醬，味道香濃，整體不錯。寬粉十分Q彈且不易斷，最喜歡其質感。可樂 $6油菜 $12有一磚腐乳伴碟，好有誠意。下次再試下其他款式先。

這間新川美食之前在紅磡吃過，抵食又不錯，20-30元就已經有一大碗有餸川麵，飲品都只是$5-7。今晚星期五不想煮飯、又難買到餸菜，於是走到新川美食位於太子的分店用膳。地點極方便易找，只距離太子地鐵站D出口一分鐘。餐廳整齊光猛餐牌簡潔易明。有點像川式車仔麵，麵類有拉麵及紅薯粉有粗/幼選擇，然後配料都是$5-8，有不辣和辣度選擇。湯紅薯粉條 $24 （自選不辣）本身已配有炸醬、生菜、蔥花、芫茜，然後配料選了豬紅（$5 ）、鹵水雞翼（$6），還有通菜（$5）。整碗都是滿滿的，分量很大。紅薯粉很多而且十分彈牙，另外配菜好味又提味；滷水雞翼入味，菜多又吸湯，好味！因為看到通菜有原粒腐乳，所以忍不住要另點一碟通菜 （$12），很抵吃！黑豆漿一支 $7

之前偶然係到買過一次外賣之後覺得一定要再試下堂食！！個人就好鐘意食酸辣粉既，無謂圓既粗既扭紋既細既都試過，但呢款扁既寬薯粉真係第一次。我發現好吸湯汁，麻辣味同薯粉真係好夾，係一大驚喜。而佢比餸既份量都算ok充料，係呢個lunch平均要50蚊既社會黎講，40蚊有3個餸都算唔話得啦，期待下次再黎。

收工經過好肚餓叫外賣返屋企食呢間餐廳整食物好快，5分鐘內上碟可以揀湯麵/撈麵麵可以揀粗紅薯/幼紅薯/米粉/米線...鐘意濃味可以揀 撈麵鐘意熱啲、飲湯可以揀湯（都係濃味架）可走青揀好麵就可以自由揀餸啦！好多款揀，大致都係車仔麵咁上下形式！一個款+$5或者+$6另外可以加罐裝汽水/豆漿開頭以為豆漿係自家製後尾叫左一次發現係樽裝連鎖😂😂😂笑死成碗既精華味道在於炸醬即係左下角肉醬湯/撈麵都會有炸醬！少少辣，惹味麵就可揀辣度，有唔辣，但係炸醬冇得唔辣架豬頸肉半肥瘦，口感不錯伴碟既炸花生好香口，脆身，但留意！撈麵先有花生，湯麵冇架！想加一份花生+$3

依家有越來越多嘅辣味餐廳湧入香港可見香港人係越嚟越鍾意食辣嘅嘢呢一間野相信大家都唔會陌生佢就係主打正宗雲南酸辣同埋麻辣口味嘅食肆而且佢有好多面可以俾你揀有粗嘅薯粉有嘅薯粉仲有拉麵米線可以話應有盡有而且立美亦都有小辣中辣大辣不過建議啱啱嘗試嘅朋友就要揀小辣因為都唔算容易挑戰呢間餐廳最可取就係價錢非常公道而且要加送嘅話都只係+5至$10其實都算係一個合理嘅價錢平時食得多譚仔食少少另類風味辣味嘅嘢都係一個好好嘅選擇

可能大家都有食米線嘅習慣，要揀一間又平又有質素嘅米線，可以試下新川美食。落單型式同各間餐廳類似都係叫個麵底加啲餸，我推介食雞絲同埋腐皮，因為個份量真係好多，唔洗40蚊就可以一碗麵配杯飲品！

米線鋪頭開到成街都係，成日食米線又食到厭，呢間鋪專門賣薯粉，米線外另一佳選！同其他米線餐廳差唔多，都係揀個湯底，再揀餸，鍾意食幾多叫幾多。平時米線鋪個麵底都係得幾條九菜，幾塊腐皮，呢間唔同呀，淨係個麵底已經有炸醬同生菜，正到！我個人唔鍾意食酸辣，唯有叫左2號湯幼薯粉走酸走辣。黎親一定係叫佢個招牌麻辣腩肉！碗野真係好足分量！腩肉味道神奇地正，冇乜邊度食到呢個味道。幼薯粉堅堅韌韌，又唔會咬唔開，D湯掛係薯粉度放落口，享受！炸醬撈埋食，味道昇華。連碟菜都大份過人，抵！

《秘製醬汁重慶酸辣撈紅薯粉》$23！！ $23（加餸另計啦親）—講緊係堂食價呀痴孖筋🤣🤣 試問香港地而家既粉麵店除左魚蛋粉之外點搵到咁既價錢？無辣不歡既小編見到即刻狗衝左先！！ —— 呢間outlook係一間完全不起眼既舊式粉麵小店，而且位置都唔算旺街，所以比較少人知？😶一坐低叫完等左大概5分鐘就有得食喇！ —— 最正係佢有市面好少見到超闊紅薯粉！！ （小編係荃灣某間小店都必叫呢款同款薯粉，有興趣下次介紹埋） 一上已經聞到個香辣味🤤份量好大碗，醬汁唔姑寒，足夠拌完成碗麵都仲有凸，薯粉烚到剛剛好，超彈牙🤤🤤配埋個醬不得了，好開胃，一條接一條，不過我叫左小辣，覺得唔夠辣🤪食得辣既可以叫中辣～ — 整體性價比、味道黎講$23無得輸🤤 但當日旺場時段去食都無乜人😕 旺角太子區食店換畫速度係光速，每幾個月就一堆有心做味道不錯既小店消失，但係大集團劣食$50-60一個工場飯就每日排哂隊🤷‍♀ 每次見到有D鍾情既食店結業都會幾心酸，同D東主傾計亦都知好多小本家庭式經營都唔會識做宣傳（例如旺角既某間已結業烏冬店🤦🏼‍♀😭）避免有質素小店陸續消失，行過既，見到有D有heart小店不妨用你準備買大家x既一

這新川比起平時的川味，門面也不算差別很大，但是吃來，應該是獨立鋪頭🤔，與川味那些分店有所不同。這次點了一個蘿蔔豬耳的撈拉麵。由於這次，等待其他友人來到，然後打麻將，但是肚子亦不算極之肚餓，因此沒有很好的胃口想吃腩肉，而且如果吃得急促，吃太多恐防會肚痛，於是就點了個沒那麼多肉的東西。😏撈拉麵看起來份量不少，麵條多，而且夠熱燙，湯麵條的份量，滿載整個腕子，相當爆滿。蘿蔔都應該有三四件，切得太大件，而且外皮都清得挺乾淨，不會留下少許根，以致影響口感，蘿蔔切得夠乾淨，起上來就會覺得甜味濃郁。豬耳的味道亦都正常，不算太過辣，但是又有點香辣的麻味，配合撈拉麵，相當過癮。由於內裏大部份位置都已經坐滿，我坐在門口那個單人位，但其實這個位置，有點兒反智。🕵🏾‍♂️因為單人匹馬來，大多數人都打算自成一角，或是不讓別人知道，反而，這個單人位是向着門外的行人路，那麼，不就會讓其他路過的人士，看到你形單隻影的低頭在吃米線？而且，既然店內有電視，更加應該將這個位掉轉，讓客人看着電視，背對門口，更見理智。😉