新川美食

營業中

休息中

原本想去食豐順餃子，但係依家剩係得外賣冇堂食，唯有去食過第二間，誤打誤撞走咗入呢間舖，原來係黃店💛而且仲有隻肥🐱🐱做店長🥰湯炸醬紅薯粉（🌟93.28/100）💲28（+$7豬心，+$7麻辣腩肉）可以揀湯粉或者撈粉，見人哋話好淡，膽粗粗叫咗個麻中辣，果然係啱啱好（⛑利申食到譚仔二小），紅薯粉好煙韌，好彈牙👍🏻而且第一次見到有豬心可以叫😍😍完全冇豬騷味，反而滑嫩脆爽，越食越好；麻辣腩肉偏瘦，完全吾肥，但係又唔會好嚡，湯底麻香十足，好惹味。整體來講，每個餸都只係$6、$7勁抵食，而且睇落去正常size，但原來勁多配菜同粉，食到底都仲有👍🏻👍🏻👍🏻

又嚟介紹下特色黃店喇💛！今次想同大家分享嘅係位於太子嘅特人氣小店新川美食🤭。其實呢間餐廳有紅磡分店嗰陣我已經成日去食㗎啦，因為佢嘅薯粉真係做得好出色🤩。不過太子分店有個特別嘅賣點㗎，就係會有貓店長坐陣🐱。不過而家餐廳只係提供外賣服務，所以今次都冇機會見到貓店長🥲。食物方面✌🏻#秘製醬汁撈紅薯寬粉（$28）嚟到新川，基本上紅薯寬粉係必嗌㗎喇😍。佢嘅紅薯寬粉真係整得好吸引😚，夾起嚟睇夠晒晶瑩剔透👁，咬落去個口感又夠晒煙韌👍。真係忍唔住食完一條又一條😼。而佢嘅秘製醬汁同樣出色，我嗰日係叫咗麻小辣，個人覺得辣中帶麻嘅感覺真係好正🤪，好似喺口腔內會感受到唔同味道上嘅層次咁🤭。同埋本身個醬汁都夠晒惹味，所以成碗薯粉其實都好開胃❤️。值得一提嘅就係碗嘢入面其實都有唔少配料㗎，所以無論你加得唔多餸，賣相一樣唔會失禮😋。#麻辣腩肉（+$7）估唔到最後會有咁多塊腩肉可以食🤣，仲要每塊都好大片🐖。完全係多到可以覆蓋晒成碗薯粉😬。講返味道先，麻辣腩肉真係整得好入味，而且肉質唔會話好柴😉。以呢個價錢嚟講，真係非常抵食🤑！#大腸（+$7）大腸我覺得個份量比例同腩肉比較就有段距離啦，可能因為餐廳嘅大腸係切成條狀。所以

💛黃店📜”新川美食 (太子)📍地址:太子砵蘭街414號🤍 分店地址: 太子📝評價💬📢 黃店川菜💛係好中意既抵食紅薯粉💛係太子想快又要正又要黃💛🤣有寬粉,紅薯幼粉😍😍酸辣湯必食🤤多款配菜可選擇👍🏻 $6/$7 一個餸 真係好抵☺️☺️環境都還好👍🏻麻辣豬耳值得一試😍😍🤤🏵環境指數:⭐️⭐️⭐️🏵味道指數:👅👅👅🏵抵食指數：💰💰💰💰💰🏵回購指數:❤️❤️❤️❤️

五花腩肉片豬紅酸辣米線 $39五花腩肉片全無調味，勝在用料還算新鮮沒有羶味，肉也不會太嚡豬紅也沒有臭味，也滑也彈。味道上雖有不少酸菜，但整體味道也是較淡牛栢葉冬菇撈粗(小辣)$39冬菇和牛栢葉也是較大件的，但份量也寥寥可數，由於叫是小辣的關係，所以撈汁就擔當相當重要角色，但這是這店調味較淡，吃不到撈汁的咸香。薯粉也偏淋，不夠爽彈煙韌瀝水不夠，太多水也溝淡了整體味道，炸花生也或多或少因而浸得不夠脆口尖椒皮蛋$20雖得是黃金皮蛋，所以叫了一客來試，首先要讚的是，皮蛋沒有＂壓＂味，但尖椒，蒜頭和紅油的味道也從缺，只有濃濃的芝麻醬味。至於口感則正常，夠滑夠爽夠彈。可是20蚊來說，份量偏少，應該只有1粒半的皮蛋份量

☕️ 食物：👍🏻👍🏻👍🏻 👍🏻/5  💰CP值：👍🏻👍🏻👍🏻 👍🏻/5🤵🏻 服務：👍🏻👍🏻👍🏻 /5  🛋 環境：👍🏻👍🏻👍🏻/5 川菜既酸酸辣辣總叫人一再回味，係附近上堂要黎個快食，上網就搵到呢間咁唔起眼既川菜小食，雖然門面好簡單但裡面既食物都隱藏左驚喜！酸辣紅薯水晶粉紅薯水晶粉口感煙韌，配上惹味既酸辣湯底，真係幾惹味，叫左兩個餸，雞翼一般，不過不失，不過聽介紹炸雞翼都幾唔錯，下次上堂會試下，另外，小店推介既腩肉，真係幾唔錯，薄切既腩肉，好易入味，最重要係佢既腩肉唔係又肥又油，而係肥瘦適中夏天怕熱，唔想食湯食，亦推介食撈食，一樣出色 ！

-{黃店💛太子撈薯粉🥺}太想念嘅情況下黎左太子食新川晚飯😍🤤幼薯粉撈🤤 ($46)有最愛肥牛豬大腸😋再加蘿蔔 個個都好足料又大碗😎🥳 有芫茜 蔥同花生撈 炸醬勁大pat一定撈倒每條薯粉都有醬🤩薯粉依舊彈牙豬大腸好重味超多😂😂肥牛份量又係好多😢要食到抹眼淚了👖褲評: 9.3/10太子店嘅舖位大好多 但味道依舊好好食😭有好多料 未試過嘅一定要去🥰性價比: 9/10服務: 8.6/10環境: 7/10🚩新川美食🚩地址: 太子砵蘭街414號 #fuudjai #fuudjai黃店 #fuudjai中菜 #fuudjai太子

成日都鍾意食辣野今次係試酸辣紅薯水晶粉 好多街坊都話佢平 $26一碗粉 多種麵可以揀本身有跟炸醬肉碎 所以我叫左半份炸雞翼$13同雲耳$6就算喇！聽聞撈麵好食啲 但係我想要湯 酸辣湯加麻辣 辣度唔勁嘅 不過我覺得湯底就咸啲！炸雞翼 我一個食唔到咁多，好彩老闆比我叫半份！一試真係驚為天人嘅脆卜卜！真係要拍片先聽到佢幾咁脆！冇乜醃肉嘅味道，但係絕對皮脆肉嫩！😍食到中途貓店主肥仔走咗出嚟🥰我摸左佢2下好乖啊 🐈#💛良心店

好多人食，打工仔、學生哥都有，有叫湯粉又有叫撈粉，不過好似冇乜人叫拉麵。*7. 秘制醬汁撈紅薯粉條($26) 麻辣豬耳($7) + 雞絲 ($7)配送：炸醬、芽菜、花生、蔥花、芫荽、秘制佐料世一炸醬！鮮香鹹，滿滿嘅新鮮肉碼，完全冇油膩感，完全係餐牌上標榜嘅”真材實料”。一定要叫辣，我叫麻小辣，麻為主，但唔會麻到痺。紅薯粉條煮到啱啱好熟透，撈嘅時候唔會黐埋一舊，夾就滑嘟嘟，咬就非常彈牙，配埋炸醬、脆花生、爽芽菜，口感豐富又惹味。麻辣豬耳切細絲，粗幼度適中，彈牙又唔會韌到咬唔開，少少辣停留喺舌尖，唔會太麻。雞絲反而失色，乾啲嚡啲，要撈埋醬汁炸醬一齊食。

💛新川美食💛一入去就有貓貓迎接，所以好開心🐱🤣秘製醬汁撈紅薯寬粉（小辣）呢個小編覺得唔差。好多地方嘅紅薯寬粉都係唔煙韌，但係呢個係OK，幾有咬口。味道正，夠辣，夠麻。肉醬都好多，好正。花生又脆口，增加整體咬口，好好食🙈酸麻辣炸醬紅薯寬粉，另加豬耳雞絲（中辣）呢個好麻，好正。唔知係米因為係湯嘅緣故，所以冇咁辣？感覺上呢款中辣比起撈薯粉嘅冇咁辣。不論係雞絲定豬耳，都有勁多，好足料。薯粉都係一樣，好咬，煙韌。尖椒皮蛋呢個小食份量就比較少。小編本身唔太愛食皮蛋，但呢個小編完全接受到，可能因為皮蛋味唔太重。辣度剛好，少少麻。味道同譚仔嘅尖椒皮蛋完全唔同，所以小編覺得大家可以試下，不過呢款性價比就低少少。總括然而，呢間餐廳屬於快食，所以都好適合香港嘅節奏，而且味道幾好，份量又好多，性價比高，絕對會再幫襯。

以前紅磡的新川美食一星期至少食三次自從紅磡分店摺左之後就無再食過薯粉了因為太想念新川美食，所以就特意去太子店！店舖面積雖然不大，但係都算闊落，檯同檯之間唔會放得好逼，同以前紅磡分店完全不一樣！呢度仲有水吧，可以叫奶茶咖啡飲！唔知大家認唔認同，就係呢類薯粉米線舖頭普遍都唔會太乾淨。但係新川美食打破我一向既體驗，店入面嘅清潔都尚算可以，加上冷氣夠凍，我認為呢間薯粉店係可遇不可堂食的！坐低第一件事當然係睇餐牌酸菜係我嘅最愛，因為係其他地方食唔返呢個style!! 仲有冬菇同芝心丸，呢2個都係我最愛。但係食3餸又略嫌少貴，加上會太飽，食唔曬會浪費食物，唔捨得浪費薯粉但因為太少黎太子呢邊，無乜機會食到，所以照叫2餸！！期待已久！！！！！！！！！！味道都係咁好！酸辣適中，同以前係紅磡食嘅一樣咁好味！老公話昔日情懷返曬黎！鐘意薯粉係有紋路的那款，好似「S」形咁，特別索到汁，夾又易夾啲，唔會走來走去再配以肉碎同湯一齊食，每一啖都係享受！以前係紅磡食時無食過小食，今日見到有就梗係要叫個食啦叫了一碟尖椒皮蛋呢度嘅尖椒皮蛋同某連鎖店既唔同，係黃色的，而唔係黑色個種。老實說我對皮蛋就無研究，唔知道兩者嘅分別呢

一日一黃店-太子平民撈麵新川美食 店入面仲有隻肥貓 全程瞓咗喺個櫃頂 冇細心留意既朋友 可能會誤以為係一隻公仔（店內有小小貓貓文宣 海賊王擺設等等）.講講野食 呢間餐廳 主打川味 麻辣薯粉米線最平唔加餸 淨麵都係$26淨麵聽落好似好單調其實有唔少配料（炸醬花生 芽菜 芫荽等等）份量大碗 男仔食都會飽 真心好抵食😅非常適合窮L 學生 糧尾人仕.呢日叫左⭐️秘製醬汁撈紅薯粉條$26 小辣加左2個餸菜 麻辣腩肉$7 麻辣豬耳$7😋底下麻辣醬汁好惹味 夠香 夠麻 少少辣👍🏻麻辣腩肉 半肥 唔癡牙👍🏻豬耳爽口 冇so味👍🏻薯粉軟硬適中有咬口.再加左支黑豆漿$8.整體評價又平又抵食 仲有貓貓睇 滿足.#hkfunfoodrecord窮遊香港#hkfunfoodrecord_太子#hkfunfoodrecord黃店.#新川美食 (太子)地址：太子砵蘭街414號.⭐️評分：味道：4/5 環境：3/5 圓枱唔算大 枱同枱之間都有空隙既服務：3/5抵食：4.5/5

同朋友上完手語課之後佢帶咗我嚟食呢間呀😊開心嘅除咗係食物唔錯之外仲有隻好肥嘅「鎮店之寶」貓貓聽講佢叫肥仔我叫親肥仔佢都會眼碌碌咁望住我🐱🐱🐱🐱🐱超級萌架😍😍😍😍言歸正傳呢度除咗湯麵之外仲有撈麵當然係揀最出名嘅薯粉啦而薯粉都有唔同質地自由度好大😁佢啲麵好多肉碎架酸麻湯底入味得嚟唔會口渴唉呀作為花生迷嘅我叫咗湯麵就有啲蝕底啦🥜🥜🥜🥜因為撈麵有好多好多花生呀當晚我叫咗粗紅薯粉湯麵配紫菜豆卜同冬菇紫菜無沙質地較南記有咬口但好似有少少草青味啲薯粉好抵讚😍煙韌度剛剛好亦好吸湯底嘅味其他配料推薦海帶同肥牛同樣咁好食💛💛💛另外仲叫多咗個皮蛋同一般皮蛋唔同係黃金皮蛋嚟💛比黑色果種多咗種咸香而同碟嘅尖椒一啲都唔辣幾爽甜加上灑面嘅花生粉仲再香啲一個唔小心自己食曬成碟無留俾朋友添😅

。 新 川 美 食 。/秘製醬汁撈紅薯寬粉 $24+豬頸肉 $7 =$31 ONLY勁多配料!!!!!! OMG !!!!!! 啲薯粉食極都仲有超煙韌又有咬口*^O^*抵食呀 好夠飽叫左小辣 無咩味 下次試下麻辣+幼薯粉先～

我第一次食係四年前，搵朋友去咗黃埔，係當時嘅黃埔店到食。個次一試，我就返唔到轉頭啦我超級鍾意佢嘅薯粉，而且係幼粉（2號）。啲幼粉呈螺絲狀，掛汁之餘亦都好易夾，唔怕夾夾下滑走。而且啲幼粉韌度適中，超好咬至於辣度方面，由於我本身唔好麻辣，所以我只食酸辣。佢嘅酸辣好過癮，唔會好似其他鋪頭咁樣麻辣蓋過酸味，而係兩者都好平均，我好鍾意！料都比得足，酸菜芫茜生菜肉碎等等都比得多，性價比高！另外，店內有隻貓周圍行，推薦貓奴嚟enjoy下

.📍新川美食📍 #饅頭去太子 #饅頭食中式菜 呢間小店小編之前喺紅磡食過，奈何冇幾耐就執咗😔，冇得上完堂之後想食就食，前幾日有啲掛住佢嘅味道，所以特登走去太子回味下。Btw，店員阿姨好nice，小編走嗰陣仲關心下我夠唔夠飽；另外店鋪仲有一隻小肥貓😺，佢好嗲好鐘意用條尾撩小編隻腳，毛茸茸咁好舒服。------------------------------雞絲肥牛大腸酸辣炸醬紅薯寬粉 ($46)⚠溫馨提示：佢哋無論係餸定薯粉嘅份量都畀得好慷慨😚，如果嗰日唔係真係好肚餓嘅話，唔好好似小編咁嗌咁多嘢， 因為一定食唔曬。首先講番碗薯粉，湯底 小編嗌咗麻中辣，材料豐富，酸菜同酸汁嘅酸度足夠，食食下會發現佢嘅麻同辣味係越嚟越勁抽👅，仲有花生、蔥花同荽茜增添香味，加上粒粒半肥瘦嘅辣炸醬肉碎，口感味道層次都好豐富；薯粉煮到晶瑩剔透✨，食落滑捋捋又煙韌😍， 而且索到濃郁嘅湯汁，食落唔會冇味，就係比較難夾起。配餸方面，雞絲切得好細碎，冇雪藏味同腥臭，浸喺湯頭掛湯惹味😆，但口感有啲乾同嚡；肥牛感覺瘦肉部分偏多，味道就正正常常冇咩特別；個人好推薦佢哋嘅大腸，會去除多餘嘅油脂，咬落爽口無異味😋。整體嚟講好滿意啊