新川美食

營業中

休息中

中午去lunch，由坐低落單食到埋單走一共40分鐘，係未食完嘅情況下不停俾店員催促至少3次，要我哋食快d讓台比出邊d客。忙都唔係咁趕客呀嘛員工態度越來越差，係未食完嘅情況下竟然俾說話客人聽，自問我哋都知午市忙，已經儘量食快d，食完都冇坐係度傾解。以後冇咩唔會再食呢間——————————————————————————————-

油尖旺有成過百間米線鋪，今次就試下新川，店員幾有禮貌，仲比左個籃我地放個人物品，餐牌清晰簡約～上餐速度大約7分鐘👍🏻✿秘制醬汁撈紅薯寬粉麻小辣🌶️$30+肥牛$8+$生根$7✨寬粉質感比已往食過既厚糯，唔係煙靱🤣個口感可以用舒服黎形容😂😂咬落去好滑好糯，雖然係厚但唔會咬到口軟，滑嘟嘟好似mochi 水晶皮咁，加埋秘制醬汁，椒麻味幾出，肥牛大大片👍🏻✿酸辣炸醬湯米線麻中辣🌶️🌶️$31+$麻辣腩肉$8+$牛柏葉$8✨湯底顏色比較清，見到有一大pat辣醬🌶️，都幾香，肉碎幾入味，米線質地偏米感同粗唔係滑身個款，湯底無乜特別記憶點，餸既份量都幾足，牛柏葉大大塊，不過腩肉食唔出係麻辣味，唔知會唔會比錯左🤔撈寬粉較為出色，餸既份量好足夠🫶🏻會為寬粉再回頭~

🔹秘製醬汁撈紅薯寬粉 $30（配料：雞絲🐔+$8、麻中辣+1）-寬薯粉煙韌✨唔會去到咬唔爛嘅階段，薯粉十分掛汁，鍾意食薯粉嘅一定會喜歡😝-雞絲正常發輝，肉質唔會好嫩亦唔會太鞋😗四眼妹平時食開譚仔三小，今次嗌左麻中辣，佢嘅麻中辣等於落重咗手嘅三小辣，食到我噴火🥵🌶️ M底人士可以黎挑戰吓🙊🔹湯炸醬拉麵 $30（配料：麻辣豬耳🐷+$8、小辣）-拉麵正常，唔淋但亦唔係彈牙 應該關本身個麵底事🫣-😥豬耳唔夠入味，麻辣只流喺表面，一落湯就散☹️-湯底好正，辣度好夠🌶️每一啖都食到個湯味，再加埋豬耳嘅麻辣😋就算冇叫麻小辣，個嘴都feel到痺🤩四眼仔平時話食開譚仔5小，呢到小辣就等於5小辣🌶️┈┈┈┈┈┈┈┈┈┈┈┈┈┈┈佢炸醬唔同譚仔，譚仔係偏甜同醬多，佢依個反而係肉碎上 粒粒分明，食得出佢落咗豆豉，同譚仔炸醬係兩種風格🔆四眼妹俾炸醬5⭐️好評😚-🔆Bonus: 間鋪仲有喵喵坐陣🐱陪住你食粉😚😚-ᰔᩚ 好味指數：♕ 秘製醬汁撈紅薯寬粉7/10♕ 湯炸醬拉麵 7/10

每次嚟都一定揀湯底米線，加埋秘製嘅肉醬真係超級野味！今次揀左兩餸，麻辣腩肉同埋通菜！一上枱真係份量十足呀！！麻辣腩肉係一道色香味俱佳的中國川菜，加上各種香料和調味料烹製而成，使豬腩肉入味，口感麻辣可口，麻辣的風味能夠刺激味蕾，真係令人食欲大開不過略嫌腩肉有少少”鞋”口但味道都係okay的！通菜質地脆嫩，口感清爽係米線嘅最佳配搭呢度環境十分之乾淨，店鋪仲養咗一隻貓🐱員工態度十分之好，抵讚👍🏻新川美食位於太子地鐵站D1出口步得一分鐘就到！非常之方便！平日下午時段都較為多人可能有機會要搭枱～

呢間店平時都幾多人，不過，流動量高，好快就有位。魚皮餃、響鈴、豬紅配紅薯寛粉，等一陣就上枱，大大碗，食到好飽，價錢親民，上粉速度又快。平時順路經過，就去幫襯，過下口癮。

食唔到太辣就叫左個bb辣 點知食食下都係覺得好辣不過唔辣又覺得無咁過癮喎 酸菜甜甜酸酸 為辣味緩和左個單一感 闊寬粉好滑身 如果著白色衫就最好用紙巾擋一擋 因為夾果陣好容易滑黎滑去 🤣整體都幾惹味幾好食

新裝修後第一次去，門面光鮮左好多，裏面都整齊乾淨，座位都算坐得舒服。因為公司喺附近所以今日晏晝同同事去食，我地去到12點半未到，仲有少量吉位。🧡酸辣炸醬米線 +大腸 豬紅 麻辣腩肉（麻小辣）有得揀麻辣/普通小辣，麻辣就會多咗份麻麻哋嘅感覺，少辣我都食到，愛辣人士可試中辣；酸菜香，炸醬腩肉勁惹味大腸入味乾淨 豬紅就一般可以不叫另外見同事叫左個雞翼都好似唔錯。加8蚊有杯凍奶茶，而且短髮既樓面姐姐服務好好殷勤，好有人情味小店既感覺。食完差唔多一點，門口已經排哂長龍了。

While waiting in line outside the restaurant, I overheard someone mentioning that rice noodles have become a local specialty in Hong Kong, and if you're interested in trying them, this restaurant is definitely worth a visit.We ordered a bowl of rice noodles with seaweed and pork heart. The portion was large and generously filled with ingredients. The seaweed was tender and complemented the rice noodles well. The pork heart had a nice chewiness to it and was especially delicious when paired with

淨系開門都比店員鬧，唔會再幫襯，好似唔休做咁，唔想做生意不如唔好做，自己門口又冇寫明道門係燙門，外賣又無單，都唔個邊個打邊個，態度非常差，建議幫襯其他買同類型菜式嘅舖頭

放工一個人唔知食乜好，經過見到新川，但好多人等位，咁就買個外賣返屋企慢慢食見到新出左🍅湯底未食過，一於試吓，餸就揀咗雞絲同豬紅，豬紅都有好多粒，雞絲就正常份量，蕃茄湯底酸酸地幾開胃，如果唔想食辣嗰日食吓蕃茄湯底都幾好

行開太子，冇理由唔食埋晚飯先回家新川已經無數次幫襯，裝修之後第一次過來，環境比之前美觀，坐位闊落，加上有貓店長肥仔駐場，可惜今日緣慳一面🥲例牌來到食這幾樣$531）自選撈寛薯粉-必食👍五花腩，牛柏葉，大腸（小辣）寬粉夠彈，煙煙韌韌與醬汁配菜好夾喎，小辣唔會太辣，下次可試中竦2）脆炸雞翼（原味）必食👍四隻$28睇佢相貌平平，但真係又香又脆，兼人氣爆登💡3）尖椒皮蛋$20個汁好食，但唔係好夾皮蛋4）麻辣豬耳$24正常，麻辣味重

當日友人帶我到呢間食撈寬粉，意想不到挺美味的😋餐廳環境算寬躺，餐廳內還有一隻店貓，時不時會走黎走去，幸運地，牠曾坐在我的位置附近。當日點了：❣️秘製醬汁撈紅薯寬粉（小辣）配料：魚皮餃晶凝通透的寛粉是煙煙韌韌，非常有咬口，寬粉與醬汁十分搭配👍🏻醬汁不會過鹹，是很香，小辣不會很辣，撈在一起，很美味😋魚皮餃只有2小隻，若下次來到，應會選擇第二款配料了。另外值得一讚是花生亦是很香脆、因為有試過其他店舖試到的花生會是軟淋的。總括來說，初次來到試寬粉，整體味道都是不錯的，很值得再試試😋

去食嘅前幾日見到阿祖share呢間太子嘅小店抱住應該唔會食到嘅心情默默save低左點知咁啱接👦🏻收工!!! 喺正隔離!!!三點先食都值🥹🫵🏻張相睇唔出但係佢成兜都係薯粉食左好耐好耐 食極都仲有🤣我餓到升仙所以食晒 然後托住個B走🤰ᴺᴼ‧¹ 湯炸醬紅薯寬粉 $28⋯⋯麻辣豬耳+$7冇諗過抵讚嘅地方係湯底雖然只係清淡嘅豬骨湯 再配炸醬但就係唔會好似出面啲米線舖咁較到個湯底一係死鹹一係死辣寬粉就唔洗多講 超好咬🫶🏻ᴺᴼ‧² 秘制醬汁撈紅薯寬粉 $28⋯⋯麻辣腩肉+$7都香口 但個人覺得下次應該揀米線個人覺得寬粉唔太適合撈嚟食🤔

今日嚟到太子食新川美食🍜🍲秘制醬汁撈拉麵(麻辣腩肉，魚皮鮫，墨魚丸)($51)湯炸醬紅薯寬粉(蘿蔔，牛栢葉) ($44)野食一上到枱面就即刻嘩一聲！有冇咁大碟架，真係要多多支持一下。🫡🫡我叫左碗秘制醬汁撈拉麵，麵質係煙煙韌韌個種，幾彈牙！🤓而腩肉就同平時譚仔個種有啲唔同，係屬於比較薄個種。食落唔算太辣，而家幾香口，食唔到辣都唔怕叫。另外魚皮鮫就係大大舊個隻，比起四海個啲都仲要好食👍🏻👍🏻。我另外叫左碗湯炸醬紅薯寬粉。蘿蔔係必叫嘅食物，一嚟佢吸收哂湯汁，咬落去又多汁又夠淋。😍😍二嚟蘿蔔係測試間餐廳好唔好食嘅其中一個餸，而餐廳嘅蘿蔔一啲渣都冇，絕對係合格有餘！😗評分：8/10❣️地址：太子砵蘭街414號

以前讀書食開紅磡舊舖，收地關左之後就一直都冇食過，但其實都仲有旺角店，門面都好新淨，入面坐得都舒服，開放式睇到廚房入面做野。🍜秘製醬汁撈紅薯寬粉 $44★★★☆☆餸簡左麻辣豬耳、豬紅，個紅薯粉口感超級Q彈煙韌，加上係寬粉食起上黎都費勁。秘製醬汁我諗主要就係個炸醬，當日廚房可能落得重手左，撈完之後太過咸，特別係食到中尾段，真係要整走啲炸醬先食到。麻辣豬耳幾爽脆，帶微辣，唔錯。豬紅就冇特別，冇咩味道本身，但起碼唔會有腥臭味。🍜湯炸醬紅薯寬粉 $52★★★★☆餸簡左豬皮、蘿蔔、五花腩肉片，湯底叫左佢清湯走辣即係豬骨濃湯，叫左清淡D。飲落都幾舒服但又唔會唔夠味道，加埋佢本身都會有炸醬同埋酸菜，所以都超級夠味道。豬皮爽脆但冇咩味；蘿蔔可以再炆淋少少，都算清甜；五花腩肉片都幾好食，真係肥瘦相間一半半，有豬味，加埋少少帶酸湯底幾好食。呢碗唔知係咪湯嘅關係，個寬粉食落淋身少少，我覺得呢個口感啱啱好。🌟總括：撈同湯個味道都好食，但撈當日太重手太咸，同埋個薯粉可以再淋少少。配菜就都係平常車仔麵嘅野，正正常常叫番自己鍾意食嘅就得。價錢相宜，正常小店。