新南苑私房菜火鍋鷄煲 (海德中心) (已結業)

新南苑很火紅，朋友回港相聚一於帶她去試試！每位$288+10%服務費，有自助飲品櫃，有椒鹽班球、手打牛肉丸、小籠包、手切牛頸脊，當然還有雞煲和火鍋。椒鹽班球很香口，魚肉仍滑，不會咸。雞煲點了麻辣味，雞件多又入味，麻感滋味，辣而開胃。吃罷後沒有添加雞件便轉清湯吃火鍋。加湯後熊仔南瓜蓉便溶掉，湯中亦有蟹件、粟米、薯仔、紅蘿蔔，湯底清甜。海鮮盤有蠔、石班、南非鮑魚、貴妃蚌、龍蝦仔、蝦、脆鯇片、龍躉片，很豐富，肉質彈牙，蘸醬味道更佳。另點火鍋料有手切牛頸脊，肉質十分嫩滑，牛肉味濃。另有小籠包和牛肉丸。小籠包多肉汁（當然不要弄穿），而肉丸鮮味彈牙。另點了：讚歧風手打烏冬，掛湯又煙韌；蠔夠香甜；海膽丸彈牙；韮菜餃味道香濃，一口一粒易吃。門口雪櫃飲品任取。整體很抵吃，要獨立房間的話每位加$20就可以了！

又係一間樓上邊爐平日午市有lunch set 食 主要係炒小菜配飯第一次打邊爐基本上係海鮮同一小部分食物係按人頭供應其他係任飲任食湯底好正有個胡椒湯底 打邊爐既時候食物好香胡椒味食物好高質 連丸類都好有誠意食到大家嘩嘩聲 質素遠勝一般任食火鍋海鮮好足料 性價比頗高

之前有食過其他雞煲私房菜，感覺唔錯。朋友話呢間有龍蝦，聽到龍蝦即刻想試下～仲有張$100 coupon, 無理由唔食既～雞煲都算多肉，三個人食左一round，雖然好想添，但為左之後既打邊爐，都唔敢再叫。小辣愈食愈麻辣，正飲品雪櫃任攞，款式都算多。（唔包酒精）海鮮份量跟人頭數量，每款每人一隻，好爽好新鮮！大大隻龍蝦係後面，啖啖肉！牛肉好好味😱😱😱但每人得兩塊～再叫要加錢。但因為太飽，最後無追加了～d丸好難食有d估唔到，丸得三粒都難食，唔彈牙既～超香～好多豬肚！！！叫左少少免費既火鍋料已經飽到上心口服務有待改善，好多野都要主動問先幫手，無咩客果陣又無水杯又唔幫手整雞煲又唔教我地海鮮煮幾耐。懷疑係未睇唔到我地果台🙈🙈🙈🙈

約了朋友一行四人去了灣仔新南苑食雞煲及打邊爐，這裏的雞煲是可以refill，直至夠喉為止，我們點了小辣，在等待雞煲煮的時候，先去睇下有甚麼飲品。飲品自助任飲，有五花茶、豆漿及汽水等。自助醬汁都是基本的豉油、蒜及葱等。餐廳有自家養魚缸，所以海鮮都比較新鮮。餐廳送的小食龍躉腩，可能炸起了一段時間，所以唔熱，但味道都不錯，魚肉結實有膠質。雞煲點了小辣，但麻味十足，辣味可接受，煮熟後放埋油炸鬼落去，雞肉嫩滑，非常惹味。火鍋要了蟹鍋花甲湯底，有隻milion湯底，湯鍋是薯仔蘿蔔番茄湯，有點海鮮鮮味。海鮮分別是鮑魚、蠔、蝦、貴妃蚌、蟶子及龍躉片，其中鮑魚爽彈，蝦肉新鮮結實，龍躉片更是肉質鮮甜有膠質。手切牛肉牛味濃郁，肉質嫩腍，紋理清晰而且不似肥牛般油膩。其他牛丸、蝦丸及小籠包，其中小籠包最好味，外皮不易散，咬開裏面充滿湯汁。還有其他任食系列。整體質素不錯，價錢中等，喜歡食雞煲的朋友必定要試。

放工後過灣仔與友人開餐, 路經見到呢個宣傳牌, 被相片所吸引, 有感肚餓程度指數都幾高, 決定黎個鷄煲火鍋之夜上到3樓打開升降機門就見到門口, 唔少人已經入座, 咁多客應該質數有番咁上下係等被安排入坐時, 被呢個海鮮缸所吸引住.............海鮮種類唔少又夠生猛 (流口水MODE中..........)今晚食呢個海鮮火鍋半放題 (每位$288, 坐房每位另加$20)坐底無耐除有枱上有小食外, 仲送上老火湯比你滋潤一下先, 今晚呢客係紅蘿蔔蓮耦煲鷄腳, 入口熱辣辣又甜, 放工後有啖湯水係唔同D嘅!招牌麻辣鷄煲 - 惹味醬汁加埋洋蔥芫茜, 打開蓋已聞到香味, 再加埋油炸鬼一齊快炒, 又另一種食法!鷄件肉質幾滑, 小辣程度都有D辣, 油炸鬼口感帶少少脆口, 一個鷄煲, 2種口感!多款汽水, 果汁, 豆漿, 茶類及自家製涼茶任飲, 出去雪櫃拎返罐解下鷄煲嘅辣先食完鷄煲轉去火鍋時間, 湯底係新鮮蟹鍋花甲湯底, 最吸睛當然係呢個南瓜小新公仔湯底材料除左有蟹及花甲, 仲有蕃茄, 蘿蔔, 粟米及芹菜, 仲有以南瓜做嘅小新公仔, 加湯煮番滾就可以開始啦............最歡喜試下頭啖湯,

減肥進行中，好耐冇食雞煲邊爐，朋友話有間係灣仔唔錯問我有冇興趣，我緊狗衝啦！ 288 1位，有雞煲有海鮮，算係咁我遲到一嚟到就見到檯面有呢條串燒，肚餓嘅我馬上放入口，好惹味仲有勁多肉汁！🤤個雞煲一嚟到已經聞到勁香，四個人份量 一啲都唔少。雞肉嫩滑有麻香，食唔停口。 仲有啲脆卜卜嘅油炸鬼，可以撈埋落去食， 吸咗啲汁，好惹味同埋開胃。個蟹鍋花甲湯底就係放啲花甲同蟹落去，然後加啲紅蘿蔔湯底，睇住隻熊仔溶嘅過程都幾療癒。😆好生猛嘅海鮮，啲鮑魚拎到出嚟仲係識郁， 其他都好新鮮，而且仲有龍蝦 ，夠曬豐富😋唔同種類嘅手打丸，粒粒都好彈牙。不得了嘅牛頸脊，牛味勁濃郁。仲有其他打邊爐應該要有嘅野都有最後有燉蛋白做甜品，滿足

官塘重建，有觀塘仁愛圍霸王之稱既新南苑遷移到灣仔同旺角開鋪。今晚食左海鮮火鍋放題，頭盤係招牌麻辣雞煲，再果然名不虛傳，雞煲異常香口入味，待加熱兩三分鐘後加入鬼炸鬼，脆卜卜。附送既椒鹽龍躉，更加顯得小炒既功力十足！海鮮火鍋半放題套餐包括招牌麻辣雞煲，湯底任選一款，生猛海鮮拼盤，共六至八款海鮮。南瓜湯底配花甲蟹海鮮，可愛小熊美美的！ 大量既花甲同原隻花蟹，令湯底鮮味十足！本地手切牛頸脊擦一擦滾湯即食，牛肉十足加肉質鮮滑，正！生猛海鮮拼盤，共六至八款海鮮。有龍蝦、鮑魚、桂花蚌、蠔、海蝦、龍躉、鯇魚。淨係呢盤海鮮已值回票價！頂級任食火鍋配料，涼茶、果汁、汽水任飲！龍躉、海蝦、鯇魚片 都係任叫任食。墨汁墨魚丸和魚旦都非常彈牙。甜品是桂花糕，滋潤一下，不錯。每位288元起，好材料，好價錢，值得一試！下次要黎食小炒！

以前觀塘有間新南苑，入夜就坐無虛席，自觀塘重建清拆之後，原來舊店在灣仔開了私房菜館，晚市主打半自助雞煲和火鍋。今晚和朋友重聚一嘗新店滋味。內部裝修有不少壁畫，似足街頭塗鴉，營造街邊打冷感覺。三人起可點雞煲，一煲一雞，不夠吃還可添吃，適合大胃王，雞肉嫩滑，香料充足。火鍋湯底選了胡椒豬肚湯，很少地方有這款特色湯底，猶如家常菜，朋友喝了一大碗，胡椒味濃。附送的海鮮盆可謂震撼。新鮮得還在動的鮑魚，開邊龍蝦，無限任refill的生蠔，海蝦，龍躉片，脆鯇魚片。實在令人感動，海鮮款款新鮮，肉質是完全反映得到。生蠔灼熟後不會縮小很多，一樣肥美。另附送的牛肋肉，又是一推薦，肉質鮮美，雪花均勻，一點也不韌。當然，蔬菜，丸類也是任食的，類別應有盡有。飲品方面，涼茶下下火，罐裝汽水解辣。啤酒則另外收費。甜品有奶凍，熱燉奶，冷熱皆有，十分貼心。這餐真的十分滿意，食材很新鮮，款式多，質素高，價格相對高少許但絕對值得。順帶一提，這裏的員工真的十分有禮親切，時不時與客人傾天，有幾個女員工幾靚女🤭可看出他們工作很開心。

今晚一盡地主之誼帶了三位外國朋友來一嘗香港美食，打邊爐！唔可以失禮朋友，又想比佢地對香港本地食店有個好印象，所以帶佢地去一間裝修modern得黎又有香港本土味嘅高質火鍋店！每人叫一個半自助式火鍋餐，包括：1）新鮮蟹窩花甲湯底隻小熊🐻好可愛湯底鮮味十足！2）鮮嫩牛頸脊肉脂分布均勻！3)海鮮拼盤，樣樣大隻兼勁新鮮！4）手打三式丸，無比彈牙！5）麻辣雞煲，惹味火辣仲有好多其他任食配料，但其實個餐包嘅野食已經好夠好滿足！呢餐有冇失禮朋友？梗係冇不突之餘仲比朋友讚不絕口！三百餘塊的港人驕傲值得再讚係店員嘅熱情招呼與服務快捷

今晚黎呢間有朋支食過番尋味ga餐廳打邊邊！店員服務快捷周到一坐底，即刻拎餐牌比我地，作簡單介紹，然後比時間我地慢慢睇！一行四人叫個半自助火鍋餐先來個麻辣雞煲，特別在有得加油炸鬼，更加惹味脆口，增添唔同口感，有創意！食完雞煲等上火鍋時，再仔細望望四周，鐘意店舖裝橫，有自家特色，新穎乾淨得黎又有保留香港大排檔特式，mix and match! like!!!!重頭戲：新鮮蟹窩花甲湯底隻minion湯底真係得意到爆炸！好正！湯底清清地飲到鮮甜！丸食得出係手打，超彈牙！牛肉好嫩好新鮮海鮮拼盤，每樣都好大隻好新鮮！有蟶子、鮑魚、海蝦、大蜆、蠔、兩款鮮起骨鮮魚！上菜快靚正，成晩講得最多係鮮、鮮同好鮮！！店員好attentive，隨時幫手加湯加單！每人三百幾有咁嘅質素冇得頂！會再黎幫襯！

之前老公帶我去盧押道的新南苑食火鍋，他們的南瓜兵工仔我重記得，好想再食過，甘岩今日過去灣仔分公司拎D文件，放工後約埋老公再去品嚐一下美味的半放題火鍋。前菜小食，炸頭腩、花生和豆角蟹鍋花甲湯底：材料新鮮，有花甲、蟹、粟米，還有一個可愛的南瓜兵工仔，當侍應加湯開爐後，兵工仔就會慢慢地溶解，成為一鍋蟹鍋花甲南瓜蓉湯底，湯味鮮甜濃郁。海鮮拼盤：按人頭計，這海鮮是按時令改變，可能有所不同，今次有肥美的生蠔、爽口的脆鯇片、龍躉片、鮑魚、大蝦、貴妃蚌、大扇貝。材料新鮮，味道鮮甜。還有豚肉片，彈牙的手打肉丸、蔬菜拼盤。以上都是按人頭分配的火鍋食材。部份是可以再叫的，還有多款火鍋配料任叫任食的最後還有甜品，燉蛋白，甜度適中。

灣仔午餐抵食嘅選擇之一，每人可以叫一個餐，包一碗飯、一個中湯、同埋一個餸。我哋今日選擇咗茄子煲，蕃茄蛋炒蝦仁，蘿蔔炆牛腩同炸菜蒸雞。番茄蛋炒得夠滑，蝦仁又大隻，蘿蔔炆嘅牛腩肉質鮮嫩唔癡牙，蘿蔔就比較唔夠入味，淡左啲。茄子煲質素同一般嘅差不多，不過嫌佢油左少少。至於榨菜蒸雞就比較特別，未試過咁樣食。每位98可以接受囉。

一睇就知我地幾個火鍋友又出動🉐一黎會有人頭一串燒，肉品入味但會有筋，但都幾高質🉐三人以上有雞煲，嗌左小辣，都幾香同幾辣，雞件都夠多🐥加埋油炸鬼都好香口🤤花甲蟹湯底有個熊仔湯冰同唔同料🐻都幾豐富人頭有海鮮拼盤，有海蝦、蠔、魚片、龍蝦同鮑魚🦐🐟🦀仲有牛肉，好鮮嫩，一淥就熟🐮仲有手打丸，有牛、墨魚同豬肉丸🐷任食火鍋料都唔少野揀，我地嗌左響鈴、沙拉丸、墨魚丸同餃子，餃子都幾高質🐵最後仲有個3.6牛乳燉蛋🐛飽

由店名已經知呢度主打晚市雞煲，但午市小菜其實質素幾高。 凍凍地自然想食中式野暖身，無論人少少或公司聚餐我都會考慮新南苑。 五香梅菜扣肉 lunch set ($98)除左茶餐廳外，好少地方午市會有扣肉揀，所以我好珍惜每一次食到既機會。食過幾次都係為左扣肉而黎。 難得五花肉炆得嫩滑軟腍，入口甘香又唔會有成口肥膏既不適感，豬皮尤其香口。墊底足一碗既梅菜咸度適中，連埋帶甜醬汁我可以秒速清哂成碗飯。扣肉起碼有6大塊，幾個人分都好滿足。鮮茄咕嚕石斑柳 ($98)夠膽自稱為石斑而冇暗中用返銀鱈魚我都會暗暗讚好，食到一梳梳新鮮到可以拎去清蒸既肉質，醬汁開胃得黎唔會太酸，配料亦好新鮮爽脆，略嫌唔係好夠熱。套餐包例湯、白飯同有heart甜品。 豬骨蘿蔔湯夠鮮甜，奶凍味道濃郁。免茶芥得黎每日會有唔同款既茶。今次係星期四，我就飲左甘香既荔枝大紅袍，整體都係誠意之作。座位以圓台為主，人數少要預左搭台，但都坐得幾舒服，會安排兩組二人既客人坐一台，唔會好迫。另外仲有幾間包廂不設最低消費，試過十人左右預約包廂、散叫午市套餐都可以，大家都幾滿意。 牆上有色彩繽紛既壁畫，氣氛幾輕鬆，增添左用餐趣味。店員服務唔錯、有禮，

天氣一冷一熱真係好難適應，今日又開始涼涼地，又突然間想食雞煲。早排好友女朋友介紹我地去一間近排她非常喜歡的雞煲火鍋店，今晚就決定去試試吧！餐廳位置在灣仔酒吧街附近，四周圍都非常熱鬧。估唔到未到7:30pm , 已經差不多坐滿哂人，而且門口有好多生猛特別嘅海鮮提供給食客選擇。枱與枱之間不算太迫，而且裝修仲好精緻，環境舒服。先上麻辣雞煲，再付上油炸鬼。店員先幫我地每隔2分鐘左右炒一炒，大約6分鐘左右就落埋油炸鬼兜勻，蓋一陣就食得，雞煲是乾身的，有別於其他雞煲做法，雞皮炒到焦香脆口的，雞肉鮮嫩多汁，好好食呀油炸鬼吸收咗啲麻辣雞汁，保持脆口仲好惹味再上新鮮蟹窩花甲湯底打邊爐，湯底造型係可愛熊bear bear , 好得意，店員加上上湯煮溶湯膽，加埋蟹件，花甲，非常足料。生猛海鮮拼盤每日都會提供大約6-8款當日精選海鮮，扇貝大大隻，厚肉鮮甜。貴妃蚌竟然同扇貝差不多大少，超巨型，而且肉質鮮美又軟嫩多汁。鲍魚爽口彈牙，非常新鮮。生蠔淥完之後完全無縮水，好juicy呀！另外2款魚類有龍躉片，卷成花花型，外型討好，入口魚肉鮮嫩滑溜，魚皮仲好有彈性。脆肉鯇肉質鮮美又夠爽脆，而且魚味濃郁。本地手切牛頸脊牛肉