新南苑大排檔

營業中

休息中

好耐無去大排檔食打冷啦，牛頭角有一間，係市政街市樓上，咁算唔算大排檔呢？！已經食過幾次，今晚收工都已經9點幾，5,6個人一齊開飯，食咗四百八十幾蚊連幾罐汽水，以家叫做經濟架啦!其實肚餓乜都好食嘅，嘻嘻。蠔仔粥一鍋，即係蠔仔肉碎冬菜泡飯，鹹香有味，都幾大碗。椒鹽鮮魷，外皮炸得脆口，魷魚又夠腍，不過欠少少質感。炒蜆差唔多隻隻都開嘅，都幾大隻，味道一般。鵝片分量就係得咁多，鵝肉都好腍夠味。新南苑小炒皇，每一間打冷店都會有自家嘅小少皇，呢度配料足，味道略鹹，送飯OK，可惜腰果加咗落去炒，舖係面脆脆哋會好食D。滷水拼盤樣樣有齊，係好似冇咗大豆芽，全部掃清。

再戰新南苑！上次見到隔離檯有碟吊燒骨，好鬼吸引，我地忍唔住再encore，決定我地會試新菜式！冰鎮芥蘭$168（大）剛好是4人份量（個人認為），芥蘭只不過是鋪在餸底的配菜，關鍵在於上面的凍食海鮮，樣樣鮮甜彈牙，包括：蜆（廚師貼心已逐隻加添醬料）、生蝦、甜蝦、魷魚等，再加芥辣及鼓油，絕配！PS：其中一位朋友話蜆食到沙，但另外3個人卻沒有吊燒骨$75今晚主角出場，果然沒有令大家失望。每件吊燒骨炸得香脆，骨多過肉，再用偏甜的甜酸醬撈在一起，非常不錯！薑蔥炒桶蠔桶蠔大既有6-7舊，香味濃郁，夠鑊氣！我好喜歡食埋蔥及蒜頭，尤其蒜頭炒得特別香腍！椒鹽賴尿蝦 $38/每隻好唔抵食，又冇咩羔肉，可能家中媽媽煮海鮮太厲害，有比較吧木桶豬手 $85？木桶呢？沒有。。。有點失望。不過豬手好好好入味，又軟腍，肉量較少，但好有骨膠原感覺總結（綜合2之經驗）冰鎮芥爛、脆炸小棠菜、炸豬手必點人均$154真係值得再黎架！

大排檔一向出品夠鑊氣，雖然環境麻麻，勝在夠味道，第一次黎到牛頭角用餐，侍應普遍年紀大，應該與呢度一齊經歷了風風雨雨，我只能形容他們好好人，默默付出，用心為人。7點差不多滿座，不知道有沒有訂位服務？餐牌選擇很多，圖文並茂，好吸引！價錢中等，但份量好多，抵食！似足滿漢全席！蠔仔粥$88 ：鮮甜稀粥，好多蠔仔，食完成身熱辣辣。脆皮小棠菜$88 ：由墨魚滑+小棠菜混合再炸，份量大過塊麵，配有沙律醬及甜酸醬，新鮮香脆好好食咸菜豬肚浸大蜆 $108 ：極重黑胡椒味，我喜歡！沒有沙的蜆特別爽滑，豬肚大大件，飲埋濃郁的濃，好暖胃！小炒王！特別有蓮藕加其他食材撈埋一齊炒，勁有鑊氣！脆炸咸豬手$105 ：皮脆肉嫩，肉質唔「鞋」，仲比埋鼓油+芥辣醬，好特別又驚喜的味道！是我食過甘多次，最好味一次！鹵水拼盤$108 ：足料入味一句講哂，我會再黎！

路經一時。穿過街市上到頂層。係一個幾有風味既大排檔。叫了吊燒骨。骨位肉唔多。不過都算香口。甜甜地餸酒一流仲有 砵酒焗蠔。當日冇晒蠔轉左做筒蠔。貴少少。加到150蚊到。不過都有成7~8隻。份量唔少。味道都唔錯。係差少少酒味。仲有好多野揀。下次可以再試不過始終街市大排檔。衛生係差少少。

平時鍾意食大排檔，貪佢啲小菜夠鑊氣。煎炸既菜式又特別香脆特別好味！今次好放肆，嗌咗三樣餸全部都係煎炸嘅，超熱氣呀！不過唔緊要啦，間中食，好味咪得囉炸雜魚仔呢款菜式係老細推介嘅，既然老細推薦，咁不妨試一試啦。點知真係有驚喜！！啲魚炸得超鬆脆，成條魚連骨都可以食埋，好好味！瓜就有涼瓜同埋絲瓜，加埋個芡汁落去一齊炒好夾。煎蠔餅蠔仔好大隻！蠔餅又唔會太油，煎得啱啱好，好鬆化。脆皮豬手每次食都一定嗌呢隻豬手！ 十年如一日嘅好食！！ 豬手大大隻，炸得個皮好脆！ 成隻豬手啖啖肉，好正！墊底嘅炸蝦片都炸得好脆，而且冇乜油必食！！

帶台灣朋友黎試下香港的大排檔點左半隻雞的雞煲, 再叫左兩三樣小菜.估佢唔到半隻雞份量都OK, 雞好入味但雞身唔算滑, 有好多配菜,莞茜, 蔥,蒜頭,洋蔥等等..叫左個咸菜豬肚浸花甲, 原來都幾大盤, 而且都好足料下但有少少過咸, 飲返D暖立立的湯, 真係好滿足必食:: 脆皮咸豬手真係好脆加埋蝦片, 舔舔脷

今晚陪老公去牛頭角運動場打波，跟住再陪佢同波友去食大排擋，晚上10點半上去新南苑仲係好多人，由於係朋友介紹呢間有個我鐘意招牌菜，所以唔肚餓我都跟住試下。脆皮咸豬手勁大份豬手，皮都幾脆、香口，肉的份量都好多，以$95價錢來講，真係勁抵食小炒王雖然無肉，但種類都好多，有四季豆、腰果、蝦米、蓮藕、蝦仔，特別蓮藕好爽口，唔會太咸，令我食唔停口

收工一班好友去食大排擋天氣凍凍地就叫左羊腩煲都好多羊肉吾錯鵝片併盤又係好多料 鵝片大大塊仲有呢碟骨 甜甜地好好味送飯一流三個朋友去 開左幾支酒 為返百零蚊 其實係好抵可以再黎

一家人去食飯男朋友就介紹去牛頭角食大排擋～一去到又係熟食中心咁樣既 好多人 冷氣唔夠 環境一定唔會係好乾淨個種不過食物出奇地好食！成家人都好滿意啊！！1)辣酒煮螺：都幾辣下，而且份量算多 六個人每人都最少食左五粒！2)脆皮小棠菜：第一次食覺得好新奇有趣，又估佢唔到幾好食3)生炒排骨：同其他大排擋都差不多 不過佢勝在夠鑊氣 4)海鮮雜菜煲：呢樣就比較清淡，不過叫左幾款都比較油 清清地都可以中和翻5)咸魚雞粒炒飯：呢個飯真係好好食，唔知點解好香鹹蛋黃味，份量好大碼 一人都有一碗半食！6)豉油皇炒麵：呢味都係普普通通～7)薑蔥魚雲煲：好香好惹味～！！！8)鵝片大拼盤：都幾好食！總括黎講～雖然睇落好似唔方好食，不過食落又真係估佢唔到，推介推介！重點係價錢都可以，六個人叫左八樣野加幾罐可樂 埋單都係五百九十幾！！

減肥進行左一個月有多, 都減到有好成績(自問自己覺得有少許進展喇)今晚難得地一家人都放假, 一家4口連同男朋友一齊黎呢呢度食晚飯正所謂: 唔食又邊有得減!~~~~ 哈哈哈順便等自己可以放肆一晚, 之後又要繼續努力減肥!5個人一共叫左六樣野食, 份量好足所以食到好飽新南苑吊燒骨(必食)呢個姐姐話係必點, 呢個骨一d都唔肥食落甜甜地但唔係好hi好un, 食落幾香口而且有咬口, 口感唔錯雖然係痴住骨但好易食到, 冇介紹錯!炸豬手(必食) $98呢個價錢食到一隻炸豬手可以係邊度搵~~~個炸豬手冇過份調味只有 少少咸咸地2個汁比大家點: 雞醬 & 日式芥末估唔到點日式芥末味道有少少辣又幾襯bo! 雞醬反而吊唔出個味而且個豬手皮好脆!!!好脆!!!好脆!!! 重要既野要講三次!!!!!個皮脆卜卜而且皮下脂肪已經炸到一d都唔肥膩, 個個都爭住食蠔餅蠔餅炸得唔係好香口, 唔夠鬆脆, 唔知係今次個水準唔好定係點, 個人覺得一般般椒鹽瀨尿蝦呢個味道係唔錯的! 不過瀨尿蝦比較細隻, 食起上黎冇咁多肉食, 不過以$100唔使呢個價錢算係好抵食馬拉盞炒通菜大排檔獲氣好, 所以炒菜係最好食用馬拉盞黎炒通菜, 馬拉

今日係星期六，6:30pm去到新南苑，已經差不多滿座，好彩仲有一、兩張細枱，同老公即刻坐低。餐牌上有齊各式廣東小菜，仲有潮州打冷，價錢經濟實惠。今日點了「新南苑吊燒骨」和「小炒王」。「吊燒骨」肥瘦比例剛好，肉質表面燒得少少脆，味道甜甜地，很大碟，好滋味！至於「小炒王」，我覺得是一款很有趣的菜式，因為間間食店都不同，每間食店都有自己選擇的材料。這間的「小炒王」用了豆角、蓮藕、蝦乾、銀魚仔、腰果，很大碟，好惹味！其實仲有很多菜式都很吸引，例如「木桶勝瓜浸蟶子」，見到其他顧客食得津津有味，下次我都會試下。另外值得一讚，是店員的動作和回應迅速，而且亦很細心，例如期間有一家人來用膳，當中包括了一位年老的婆婆，店員見到婆婆後便立即搬來一張有椅背的櫈給婆婆坐，很貼心呢！

因應同唔同朋友既聚會，聚會既地點都唔同！今晚同一班老友鬼鬼去happy。同呢一班朋友，我哋都唔太介意餐廳嘅環境，好食就乜都得。我很喜歡和這一班朋友出去享受食物之餘，又可以暢談呢！這裏有火鍋，打冷，小炒等等。。各式各樣！羊腩煲，份量都不少。啲羊腩好淋好入味，個人應為有少少''蘇''味先至似食緊羊。招牌脆皮咸豬手 $88皮脆肉嫩，仲要配埋蝦片，錦上添花不過啲豬手咸左少少。錫紙砵酒焗生蠔$78我至愛嘅薑蔥，啲蠔大大隻冇縮水椒鹽九肚魚$55南乳粗齋煲$65師傅條膠呢個汁比較水汪汪，唔係好夠南乳香。暫時我仲未喺街外食到一個似住家煮的齋煲。啫啫菜心煲好有鑊氣！肥牛，用嚟打邊爐。啲牛都好靚。豉油王炒麵，即叫即炒！夠熱辣辣。我哋每人都係百零蚊埋單！同埋依度唔算太多人唔使點等位。

老公臨放工約我去九龍灣食飯, 係Mtr join左佢之後就沿行人天橋左穿右插去到呢個熟食中心(如果冇老公帶路我自己一定搵唔到@@)冇諗過呢度平日都咁熱鬧, 我地2個人都要企左差唔多10分鐘先有位。掛出黎呢d老公全部冇點@@餐前小吃有花生同酸菜, 不過兩個人食哂的話驚食唔落其他野呢個豬手見好多人點, 所以我地都點左份, 真係好好食, 皮脆肉嫩, 蝦片好香脆, 不過當然冇食哂d蝦片啦^^呢個聖子都唔錯冇叫白飯, 點左個芝士西蘭花伊麵, 芝士味夠濃, 不過份量太多, 好飽, 食唔哂@@

新南苑之前同老婆兩個人黎食過, 不過兩個人只係試左個豬手同聖子已經飽到食唔到其他野。今次一於約埋爸媽黎開餐，一來可以叫多菜食, 又可以同佢地懷愐一下小時候我地常常食嘅大排檔我地4個人叫左6樣野, 不過份量實在太大份, 結果唔叫白飯都食唔哂, 呢間D野食真係唔錯, 不過跟單就有待改善, 有2個小菜追左幾次都未黎, 結果全餐飯我地坐係天橋食左2個鐘頭先食完個豬寸骨唔差, 香脆不過肉唔多呢度個招牌豬手配芥辣豉油好好味海鮮什菜煲正常通菜油膩左少少個滷水拼盤份量十足

已經是第三次來食，每次的朋友都讚口不絕 的好食 小抄王，胡椒豬肚花甲，都是必食的今次請店員推薦食物，新南苑豬手 又是一傑出的作品 買用蝦片襯低。想讚一下員工服務好好，好nice，我的酒杯到尾段有蚊子飛進去，傍邊有個杯但蠻髒的，女員工看到我們沒舉手，就拿個新杯比我，還用熱水沖過一篇