新南苑大排檔

營業中

休息中

今日係星期六，6:30pm去到新南苑，已經差不多滿座，好彩仲有一、兩張細枱，同老公即刻坐低。餐牌上有齊各式廣東小菜，仲有潮州打冷，價錢經濟實惠。今日點了「新南苑吊燒骨」和「小炒王」。「吊燒骨」肥瘦比例剛好，肉質表面燒得少少脆，味道甜甜地，很大碟，好滋味！至於「小炒王」，我覺得是一款很有趣的菜式，因為間間食店都不同，每間食店都有自己選擇的材料。這間的「小炒王」用了豆角、蓮藕、蝦乾、銀魚仔、腰果，很大碟，好惹味！其實仲有很多菜式都很吸引，例如「木桶勝瓜浸蟶子」，見到其他顧客食得津津有味，下次我都會試下。另外值得一讚，是店員的動作和回應迅速，而且亦很細心，例如期間有一家人來用膳，當中包括了一位年老的婆婆，店員見到婆婆後便立即搬來一張有椅背的櫈給婆婆坐，很貼心呢！