新南苑大排檔

營業中

休息中

好耐無去大排檔食打冷啦，牛頭角有一間，係市政街市樓上，咁算唔算大排檔呢？！已經食過幾次，今晚收工都已經9點幾，5,6個人一齊開飯，食咗四百八十幾蚊連幾罐汽水，以家叫做經濟架啦!其實肚餓乜都好食嘅，嘻嘻。蠔仔粥一鍋，即係蠔仔肉碎冬菜泡飯，鹹香有味，都幾大碗。椒鹽鮮魷，外皮炸得脆口，魷魚又夠腍，不過欠少少質感。炒蜆差唔多隻隻都開嘅，都幾大隻，味道一般。鵝片分量就係得咁多，鵝肉都好腍夠味。新南苑小炒皇，每一間打冷店都會有自家嘅小少皇，呢度配料足，味道略鹹，送飯OK，可惜腰果加咗落去炒，舖係面脆脆哋會好食D。滷水拼盤樣樣有齊，係好似冇咗大豆芽，全部掃清。