新南苑大排檔

營業中

休息中

平時鍾意食大排檔，貪佢啲小菜夠鑊氣。煎炸既菜式又特別香脆特別好味！今次好放肆，嗌咗三樣餸全部都係煎炸嘅，超熱氣呀！不過唔緊要啦，間中食，好味咪得囉炸雜魚仔呢款菜式係老細推介嘅，既然老細推薦，咁不妨試一試啦。點知真係有驚喜！！啲魚炸得超鬆脆，成條魚連骨都可以食埋，好好味！瓜就有涼瓜同埋絲瓜，加埋個芡汁落去一齊炒好夾。煎蠔餅蠔仔好大隻！蠔餅又唔會太油，煎得啱啱好，好鬆化。脆皮豬手每次食都一定嗌呢隻豬手！ 十年如一日嘅好食！！ 豬手大大隻，炸得個皮好脆！ 成隻豬手啖啖肉，好正！墊底嘅炸蝦片都炸得好脆，而且冇乜油必食！！