斗滾 (適安大廈)

營業中

休息中

斗滾, 𝙎𝙝𝙚𝙠 𝙏𝙤𝙣𝙜 𝙏𝙨𝙪𝙞🍲Hotpot with family here on the Mooncake Day last month 🥮 The waitstaff were so helpful (funny too!😅) and very attentive, they checked in on us see if we need anything from time to time. Around $300+10% each for all-you-can-eat hotpot, chicken pot (yes! you can do all-you-can-eat for chicken pot too) plus that huge plate of seafood🦐🦞🦀 So fresh and tasty! I just wish that I have taken more photos to share with you all🤦🏻‍♀️.📍Shop A, G/F & Shop AB, 1/F, Sik On House, 54-66 Hill Roa

新開左間打邊爐，打邊爐之前佢會有幾樣野。首先可以任食雞煲，有唔同辣到揀，今次揀左小辣，下次可以挑戰吓中辣。下一樣餸係最期待嘅，就係蒜蓉粉絲蒸海鮮，即使係兩個人個盤都好大，當食完呢一樣之後其實已經覺得有啲飽。係打邊爐之前佢會有個湯底俾你，嗰個係蟲草花花膠烏雞湯，個湯好甜好養生好足料，當飲完個湯之後就可以加水打邊爐。打邊爐嘅料其實都好靚，有牛頸脊，蝦滑，墨魚滑等等。到最後仲有一份甜品，椰子燉雪燕都好好食，所以都要留返啲位食甜品。

本來book唔到，撞正8號風球，冷手執咗個熱煎堆。店舖不大檯數不太多，5人要坐4人檯確實有點迫。先來雞煲，因朋友不能吃太辣所以只叫了小辣。雞煲比我想像中好味 因平時出面食果啲唔係太鞋就太咸。依到啲雞好滑，味濃唔咸好入味。食完雞煲仲問我地要唔要再加雞。 我地唔要喇 咪飽晒打唔到邊爐。蒜蓉蒸海鮮有蝦，帶子，聖子，蜆，龍躉，烏冬。 職員話因打風冇咗鮑魚好唔開心呀。海鮮用荷葉墊底蒸，剛剛熟，好香蒜味 係隻蝦麻麻地太細隻冇咩肉。之後到蟲草烏雞湯。嘩。。正呀，好好味，飲咗兩碗。 其實食到依到已經飽，但仲未正式開始打邊爐。加湯後哥仔拎咗碟牛肉黎，太細碟了 每人得幾塊唔夠喉。飲品及其他邊爐食品在雪櫃取。 款式唔太多，基本野有齊 其實邊爐都係尾聲。都飽咗8成食唔到太多最後黎多個椰汁燕碎糖水 唔太甜都幾好。由於假期前夕要加多30蚊即269+30+10%=$330/位食物質素再加上冇時限，依個價錢可接受。會再番兜

第一次寫評語，首先食雞煲，因為唔想食得咁辛苦，只係叫咗BB辣，好香，對怕食辣嘅人來講已經夠，跟住食蒸海鮮拼盤，當天有六款海鮮，有蝦，聖子，鮑魚，龍躉，扇貝同埋大蜆，每人每款一件，夠晒新鮮，最正係個烏冬，吸晒啲蒜蓉同埋海鮮鮮味！食完雞煲同海鮮，其實已經飽咗一半，跟住嚟咗個烏雞燉湯，首先員工建議先飲湯，飲完湯先打邊爐，我哋每人飲咗兩碗就開始食火鍋，嚟咗碟手切牛，肥瘦適中，好友肉味，最初諗住只有一碟，點知原來暫時做推廣，只要面書點讚就可以任食，係任食手切牛，我都係第一次見！加上仲有好多任食配料，戰鬥力有限，都係食咗兩碟牛就收皮，另外推介墨魚滑同埋蝦滑！一定會返吃！最滿足係食完飯後，每人送一碗椰汁碎燕，一個字，完美😄

以前呢個位都係食打邊爐，啱啱轉左新老闆，食法雖然有啲相似，但味道就唔同。首先，會先食雞煲，而雞煲係可以任添。不過，我哋食完之後都冇添到，因為好戲在後頭，包你食到郁唔到。之後，就可以享用蒜蓉粉絲蒸海鮮。我哋得兩個人食，但個盤就好大，用荷葉墊底。食物有蜆、扇貝、鮑魚、聖子、蝦等。啲海鮮全部都好新鮮好鮮甜，當我哋食完呢一盤嘅時候，已經覺得好飽。壓軸出場嘅仲有蟲草花花膠烏雞湯，我哋先品嚐個湯，感覺好養生同埋好足料好入味，然後就可以加水打邊爐。打邊爐嘅配料都好有質素，牛頸脊嘅份量雖然係限定，但絕對夠你食。老實講呢個價錢真係好平好抵食，依家諗返起都覺得好飽，下次我會再嚟挑戰的。

西環一向多好野食，經過山道斜路見到有新鋪開張，開張期期仲有優惠送，嗱嗱臨入去試下！玩法非常簡單，每位$268，先食雞煲（任食，可再添），後食蒜蓉粉絲蒸海鮮，再飲每星期不同既養生湯，最後再用養生湯打邊爐，聽到都覺得好飽！！雞煲鑊氣十足，雞件雞油味濃重，唔會件件都係骨，都幾多肉食，最重要係食完可以再Encore！不過我地怕無肚，所以食左一轉已經要去下個Step：蒜蓉粉絲蒸海鮮海鮮跟人頭計，有蜆、開邊蝦、扇貝、蟶子、鮑魚同烏冬。海鮮用蒜蓉、荷葉同辣椒仔一齊蒸，有海鮮原始既鮮甜味之外，仲帶淡淡荷葉香味，辣辣地仲惹味啲添，好正！終於黎到最期待既養生湯環節，養生湯每個星期都不同，今日係蟲草花花膠燉竹絲雞。店員話每日都至少用左三個鐘去熬架！原隻竹絲雞用料大方，軟腍入味。雞湯清甜唔油膩，最重要係飲完唔會口渴～食左幾輪，終於落料打邊爐！超級推薦手切牛頸脊，牛味重，入口爽彈，好滿足！

食完呢間餐廳 忍唔住一定要比個好評‼️ 呢度好特別 唔單至係任食麻辣雞煲 仲有一大碟海鮮拼盤 同埋任食養生湯火鍋 食完曬邊爐之後仲有送椰汁雪燕糖水 多野食到嚇死人🙈🙈 仲要樣樣高質 唔係放題就求求奇奇 一大班人食絕對perfect😆麻辣雞煲醬汁勁濃味 最重要係啲雞件好滑 肉質juicy 好食到唔似冰鮮雞👅海鮮拼盤有聖子、鮑魚等 海鮮都好大隻 食得出新鮮 而且即叫即蒸 食到個人暖粒粒😚湯底係蟲草花燉竹絲雞 足料老火湯底 竟然會係任食火鍋🍲見到 湯底超甜 連啲烏雞都好好食😋 火鍋配料除咗牛肉之外 仲有鵝腸、蝦滑、響鈴、魚皮任食 全部都好新鮮同埋洗得好乾淨👌🏻👌🏻

鋪頭晚市而家做緊一個set 食晒雞煲、海鮮、任食火鍋都只係$268起～like fb仲有得任食手切牛肩瘠😱等左一陣 麻辣雞煲就上枱👍🏻 醬汁麻味超香 有供鼻感覺 雞件勁入味 而且炒得火侯岩岩好 肉質嫩滑 仲可以任添‼️即叫即蒸蒜蓉海鮮拼盤當中有蒜蓉蒸帶子、蟶子、鮑魚、大蜆等等 好大盤😆 調味亦夠濃郁 海鮮本身質素一啲都唔差 好鮮甜 盤中間嘅日本烏冬更加係精華 素晒海鮮甜香 正到爆😱最後有一大碗烏雞燉湯🥣 足料到嚇死人👀 有成隻烏雞 仲有大量養生配料 湯底又滑又甜 飲完仲要可以食埋任食打邊爐 養生湯底反而食到食材原味 一讚手切牛肩瘠厚身 牛味重 油花豐富有咬🤤👍🏻加推任夾配料 選舉超多 一樣高質！總括而言 驚喜到尾聲！竟然有椰汁燉雪燕😱😱 呢餐係極豐富‼️咁樣食都係$300內埋單 抵過放題好多😛😛 唔試走寶🤪

之前一路聽朋友講話大學站附近有間超抵食自助火鍋！今日終於嚟到～發現佢抵食唔止係自助火鍋～ 佢成個套餐都好抵食～ 個套餐除咗有養生湯底既火鍋之外仲有埋雞煲，蒸海鮮同埋糖水～ 真心第一次見咁抵食既火鍋呀～ 養生火鍋套餐食用次序為1）雞煲2）蒸海鮮3）養生湯4）自助火鍋5）糖水一個套餐足足幸福到分左五個step雞煲要炒4次先可以開吃，雞煲真係會越食越辣架～ 食唔到辣嘅朋友我建議食小辣就好了雞煲超滑味道香濃滋味，辣嘅層次令口感豐富～食完雞煲就到蒸海鮮啦～ 蒸海鮮真係超足料用荷葉包住黎蒸～ 做法令到海鮮鎖住個味，亦都令到蔬菜更入味～ 海鮮仲可以保持到超滑唔老～ 真心要自學呀！個足料養生湯底真係不得了，好味到不得了！有烏雞，魚肚同藥膳一齊煲～ 忍唔住飲咗幾碗先開始去拎料打邊爐。打邊爐嘅材料同飲品都係任拎嘅～仲有響鈴同魚皮都係任拎架～ 真心超級抵咁多唔同材料都可以走去雪櫃拎嚟食～ 連咁靚咁滑既牛肩脊都係任食！到最後仲有椰汁雪燕糖水清一清個胃～ 令到個火鍋有個完美既句號。

今日同朋友入咗嚟呢度食雞煲火鍋，呢一間小店新開，環境舒適有寬躺🥰一坐低店員好細心咁介紹食完雞煲之後再可以換一鍋全新嘅老火湯打邊爐，非常細心，出邊所有食物都是任食💪🏻優惠期間，讚好社交平台仲可以任食牛頸脊，碟碟都係有晒雪花，入口即溶👍🏻 雞煲非常惹味，辣度剛剛好，雞件數量非常多又嫩滑🤤嘆完雞煲仲有湯底，建議可以先飲幾碗🤤足料鮮甜👍🏻出面有大量配料可以任揀❤️最後仲有甜品附送🤤🤤胃部非常滿足😎

好似幾抵食 就book咗嚟試試 有上下層，坐下層無裝修咁濟嘅坐低先上個雞煲（太肚餓唔記得影咗先）唔會係得啲骨無肉嘅雞，調味都唔錯煮緊時已好攻鼻待應哥哥交代兩分鐘撈一次撈四次後食，但佢地係會留意住差唔多夠鐘就幫你整見你食到差唔多會問你準唔準備蒸海鮮（因為要啲時間）蒸海鮮蔥蒜整都好難唔好食鮑魚 聖子 扇貝 蜆 魚 蝦蜆好細隻無乜肉外其他都幾好 加埋有個烏冬餸一餸食到依度已6-7成飽養生湯唔知點解佢無問我地要乜湯不過無所謂 照飲同時上埋手切牛同其他火煱配料個牛肉睇到都吸引食落亦都充滿牛味其他料就無影 唔係最下欄嘅貨但都唔係有乜特別食到依度好full 都無再加牛加火煱料最後送上糖水一碗亦都係無乜特別好過食啲杯裝雪糕最後堆單298+1星期五要+30 依個價依啲食物 非常合理職員又好醒目同helpful如果係268就更加抵食啦

石塘咀山道斜路開咗間新嘅火鍋店叫「斗滾」，見佢係任食打邊爐，價錢亦都唔貴，於是就搵晚放工去十下十下😆。餐廳無十分華麗嘅裝修，不過勝在座位寬敞，而且整齊乾淨。舖內掛咗唔少電視機📺，播緊ViuTV，喺今時今日嚟講實屬難得，佢完全唔驚你坐好耐都唔走，而家連啲茶記都做唔到呢點。有選擇困難症嘅客人喺呢度唔使煩，因為佢得任食同套餐🙈。再者，食材內容就好似廚師發辦咁，餐廳會幫你安排好，每日略有不同。我哋揀咗無限時養生湯放題火鍋($268/位)，店員有先向我哋簡單介紹進食嘅次序👍。枱面張餐紙大大隻字寫住「先飲湯，再火鍋」，咁樣令到我對之後嘅火鍋湯底抱有好高期望。招牌大亂斗雞煲🐔，雞煲好大鍋，入面鋪滿雞件。佢應該係自己斬雞，所以每嚿都連骨，未算大大啖肉，不過好彩並無碎骨。雞肉嫩滑入味，底部仲有豆卜一同索味添。雞煲有得揀辣度🌶，我哋要咗BB辣，隻辣完全係可接受嘅程度，下次要升級！如果佢嘅麻味都可以提升就更佳。蒜蓉蒸海鮮🦐，我本身以為係得一兩款，點知原來係一大盤，見到都飽咗，哈哈😍。如果話呢個海鮮盤係四人份都冇人會質疑，海鮮款式勁豐富，包括鮑魚、扇貝、蜆、開邊蝦同埋魚片，佢哋全部都好新鮮。個人認為用蒜蓉蒸海

早前同男朋友去西環食Cafe個陣，見到山道附近開左間新店，新開張期間仲可以Like 社交平台任食手切牛頸脊添。-一坐低，店員就介紹斗滾既食法。先食麻辣雞煲、蒜蓉蒸海鮮，後飲養生燉湯，再用養生湯做湯底，落料打邊爐。-麻辣雞煲可自選大中小辣，炒完一開煲蓋，麻味超香～～～～～雞件非常入味，而且斬得夠細件，唔會食到成嘴都係醬，食得辣既建議叫中辣以上，會再過癮啲。同埋可以任添，好抵食～～～-等蒸海鮮既期間可以去自助區攞定火鍋配料，自助區以丸類、蔬菜類同麵類為主，亦有鵝腸、豬皮、牛百葉、水魷魚、皮蛋等等。-自助飲品區大約有10款飲品，比較特別既係有自家製涼茶飲！涼茶唔會太甜，好有屋企既味道。-蒜蓉粉絲蒸海鮮有龍躉件、花甲、蟶子、扇貝、鮑魚仔、粟米仔同烏冬。海鮮配以荷葉同蒜蓉蒸，帶荷葉香之餘，鮮味十足，連烏冬都好好食，完美咁索哂海鮮既鮮甜味！-蟲草花花膠燉竹絲雞非常清甜，蟲草花香氣濃，竹絲雞啖啖肉，入口即化，足足飲左半煲先肯停手。-之後就正式打邊爐啦，鵝腸新鮮爽脆，蘿蔔、粟米同娃娃菜配清甜既養生湯岩岩好，令蔬菜更甜。不過最推薦嘅都係手切牛頸脊，入口軟腍爽彈，牛肉味非常濃，但又不失其油脂香，超級推薦。

朋友住西營盤，探完佢之後佢就帶我去食好野啦！佢話無限時養生湯放題超抵食，我地食完雞煲有超新鮮既蒸海鮮，之後仲有超足料烏雞燉湯飲完就靚牛任叫任食打邊爐！食完曬邊爐之後仲有送椰汁雪燕糖水，個放題火鍋餐抵食既程度係百分之百，怪唔之得咁多人排隊😂放題餐第一款就係可以自選辣度既雞煲，我要左中辣，其實都算辣，由於我朋友好食得辣對佢黎講係無感～個雞煲要炒4次，愈炒愈香，食落新鮮又惹味，個雞煲份量真係好大，我地未食完職員就話可以無限♾️添加，我地表示夠了😂好食都食唔到咁多第二款就係蒸海鮮啦，我諗係食完濃味雞煲就上番個蒸海鮮平衡下油膩嘅感覺，蒸海鮮係用超大塊荷葉包住黎蒸，鎖住海鮮既水份，亦都令到粉絲同烏冬吸到海鮮既鮮味！海鮮有超大隻帶子同蟶子，仲帶蒸節瓜，粟米，鮮蝦，烏冬，超滑既魚，鮑魚同蜆～講真估唔到任食餐仲要有咁大盤新鮮高質海鮮！海鮮就唔係放題黎，純粹個餐包蒸海鮮第三款就係養生靚湯啦，成煲湯大大煲有大大隻烏雞同埋好多藥材，仲有瘦肉魚肚等，職員話煲湯煲咗3-4個鐘，可以直接飲，超好飲，中意飲湯既我飲左2杯先去拎料打邊爐，其實佢有好多野食架，不過我地已經好飽啦😃所以食佢個任食靚牛肩隻同食多小小丸同菜就夠啦

呢間位於西環超近地鐵站嘅餐廳，有得無限時任食養生湯火鍋，仲要係蟲草花花膠燉竹絲雞。食之前仲有雞煲，在包埋海鮮拼盤等等，真係講極都講唔晒。首先一入到餐廳就已經有一排嘅飲品同埋醬料俾你任攞，亦都有唔同嘅丸類、蔬菜等等，真係應有盡有。佢仲送埋蒜蓉粉絲蒸蟶子，蒜蓉味好香，而且啲聖子都好大條好新鮮。$300都唔使有晒咁多樣嘢真係好抵食！睇吓佢哋社交平台 like左之後，就會直接可以任食牛肩瘠，佢每一塊都好厚身，食得出好新鮮，就算煮完之後都仲係咁有光澤！而佢嘅海鮮拼盤亦都有大大隻嘅鮑魚、龍躉、扇貝、蜆等等，放入去養生湯底入面再加埋啲花膠一齊食，真係好滿足。