搞餃鎮

營業中

休息中

呀妹突然app.我重點推介石門有間又好味又抵食餃子店，前二天行過見要排隊嚇親，今日tea time 無乜人就同呀仔去試食間店名「搞餃鎭」系幾搞笑易記，內裏空間比較小，空調不夠，服務員亦少，用手機落單簡易，但等待時間頗長，有些餃子種類亦會賣晒。這裡賣煎餃和湯餃，湯底有麻辣或淮山花膠雞湯，餃子可揀雙拼（6隻$46），如再加面（米線/上海面）加＄10，飲品我們分別選了樽裝豆漿、可樂，各加$8。呀仔本叫煎芫茜馬蹄豬肉餃和芹菜豬肉餃，芫茜餃話賣晒就換左咖喱羊肉餃，我叫了芹菜和白菜豬肉湯餃。終於有得食啦，目測餃子好大隻，有3份2個拳頭大，咬落去，D皮好煙韌，D餡超多，餃入面好多菜，芹菜味好出，多肉汁，白菜豬肉個款就好清，煎餃煎得好香，隻隻金黃色！羊肉咖喱餃無騷，但就無乜羊味，這款我麻麻，個淮山花膠雞湯，飲落真系平時家湯個隻味，飲得出系用心去㷛👍🏻。整體食物有驚喜，外賣會方便D，如堂食要非繁忙時間，希望多D香港人支持小店❤️。

見新開試下新野, 見佢寫到D餡咁厲害, 入去試下, 全程搖扇, 一來太熱, 二來舖入面D烏蠅好進取, 唔理煎餃有幾熱, 高速衝埋去, 同侍應反映好多烏蠅, 佢話： “係吖 ” 即時覺得可能係佢嘅特色添°餃子皮無特別, 餃子煎完有D散哂, D餡跌哂出黎, 點餃子嘅汁亦只係普通醋同辣椒油, 食完仲口渴到不得了°石門一共開咗3間餃子店, 我都係覺得對面嘅餃子皇后好食, 呢間雖然講到D餡有幾高級, 但配套完全唔掂, 改名叫餃唔掂好D°

可能係新店裝修同埋啲坐位就有少少唔舒服嘅但係啲款新奇最緊要湯餃又叫佢煎餃叫松露＆飯立貝＆芫茜＆咖哩羊對佢湯嘅有啲興趣咁結果呢佢個花膠雞湯呢就冇乜味精味雞湯夠清同濃埋最緊要就係花膠冇令到個湯膠住曬餃子呢就都幾多爆皮嘅.....差唔多三分一咁加油啦睇下北方餃子源點樣咁大粒又冇事囉....皮厚適中既我哋懷疑師傅點心出身嘅因為調味好有點心風格好甜，幾好咁不外乎多料同埋煎餃夠滾熱啦30秒內畀到你滾住曬個口辣口咁就最好啦，做到既d料雖然有少少包得實咗啲啦我都覺得還好咁松露類嗰啲落得夠調味咪得，菜系既都夠菜味芝士粟米味就唔夠芝士啦仲有蒜味喺度食唔好加麵底就岩，好大隻

石門一帶越來越多餃子專門店，上個禮拜做完嘢約咗老豆去新開嘅搞餃鎮🥟食lunch，老豆望住店員即包即製一隻又一隻珍寶size餃子，笑住咁話：「咦，你帶我嚟食生煎包？」🤣餃子嘅款式好少見，揀咗4款💁🏽‍♀️養生系列 ($56@6pc)➿黑松露蟹籽鮮蝦餃 身邊都有少少frd抗拒黑松露嘅氣味，我覺得呢款餃子嘅黑松露味都算溫和，我覺得喺佢哋對面食嘅話都應該都冇乜問題🤣➿ 帆立貝萵筍鮮蝦餃 4款之中我最鍾意呢款☺️ 因為我好鍾意食萵筍，冇諗過會搭配帆立貝做餃子餡料，而入面都真係幾多帆立貝粒😍 兩款口感不一嘅配料擺埋一齊好正，口感型會鍾意！下次想試淮山野菌雞肉餃😆 因為淮山同埋菇菌我都好鍾意～風味系列 ($58@6pc)➿ 芫荽馬蹄豬肉餃老豆就最愛呢款餃子🥟 茜味夠哂濃郁☺️ 仲加咗唔少馬蹄粒粒，所以隻餃好juicy！➿ 紫菜粟米豬肉餃喺坊間其他餃子店食過紫菜餃，亦都食過粟米餃🌽 就係未食過紫菜粟米餃，又係有爽爽嘅口感，又juicy，味道相對清甜一點～➿ 麻辣海帶絲 ($24)海帶絲切成粗麵嘅闊度，夠麻都幾辣🌶️ 份量都幾多～ ➿ 牛油果沙冰 (+$12)沙冰幼滑冇冰粒👍🏼 整體幾creamy!➿ 木瓜雪耳

終於！！沙田區終於都有堂食既餃子店，唔洗再出九龍先有，餃控表示很感動🥹本人向來是餃控，知道石門區新開左餃子店，急不及待要衝去試下。依加試左返唔到轉頭，2個禮拜之內已經幫襯左3次 🤪🤪普遍味道都好好，水準以上，皮薄餡超多，粒粒都咁大粒，菜多肉少，每一款餃我都好喜歡。湯底真材實料，每碗必包含蟲草花/杞子/粟米/紅蘿蔔，另偶然會食到准山粒同花膠。湯唔會好淡，濃度適中，真心好飲。是有種屋企煲湯既味，我每碗都飲清光。(有沒有味精我食唔出，但起碼食完唔會係口渴)第一次光顧：堂食， 叫左2 set拼盤 (先試云晒所有口味)。1. 風味三拼 $68/9隻  (煎餃，另加 $3跟多一碗湯 )煎餃煎得幾好，香口 (係有少少油，但叫得煎餃就預左，避免唔到)係我喜歡既煎法  (我心目中煎餃第一位依然係 北方餃子源🤫)每碗都跟一碟香醋 及 辣菜脯 <--- like👍🏻2. 養生三拼 $70/9隻  (湯餃，配花膠准山鮮雞湯)紫菜粟米豬肉餃我個人超級喜歡！！呢隻味出面比較少見，食落有種梅菜豬肉餅既味道 haha3. 牛油果沙冰  加配價 $12 帶少少牛油果青味，唔算話好杰嗰種，但都足料，$12黎講收貨

見佢新開 Lunchtime 同同事一齊嚟左試。嗌左煎餃 上海麵 同豆腐。 餃子係好大粒嘅 比平時其他餐廳食嘅仲要大粒 入面都包得幾足料 但唔知係咪太大隻嘅關係 6隻入面有3隻已經開左口 其中一隻仲要已經跌左料出嚟，皮同啲料分離哂，完全唔ok。 上海麵個湯底揀左麻辣，但原來只係普通湯底加辣油，完全失望，我覺得食翻普通就算，另外唔知係咪新開關係，醋都要問先會提供，認真嘛嘛同埋，雖然鋪頭有冷氣，但坐近門口位置個邊都會熱，有太陽愈食愈熱，希望可以開大啲冷氣

📍#搞餃鎮 (沙田)沙田石門安群街3號京瑞廣場2期地下G19A號舖▪️▪️▪️▪️▪️▪️▪️▪️▪️▪️▪️▪️▪️▪️最鐘意食餃子既我，平日都會買唔同牌子既餃子返屋企整🥟今日又踏足石門，比我發現到一間新開業無耐既餃子店「搞餃鎮 」！！！😍主打無味精湯底，老闆堅持每日新鮮熬製，值得佩服。而店內嘅餃子舖頭自家製岀品，誠意滿分💯我哋一個order左湯餃，一個order左煎餃，真係隻隻都咁大隻，真正做到皮薄饀靚🥟👍🏻 每隻都好多料！ 而值得一讚係 #花膠准山鮮雞湯，入口勁鮮甜，飲得岀真係無味精，飲完過後都完全無口渴既感覺。✨#黑松露蟹籽鮮蝦餃🥟黑松露味好岀，鮮蝦口感彈牙，主要都係以黑松露味為主，很不錯。✨#帆立貝萵荀鮮蝦餃🥟裡面確係有原粒帆立貝😍 配上萵荀粒，口感更豐富，配鮮雞湯食一流。✨#芝士粟米鮮蝦餃🥟芝士粟米都好好味！芝士做到微微拉絲既效果，加上香甜既粟米，相信係唔少小朋友喜愛既味道。✨#紫菜粟米豬肉餃🥟加入左紫菜既豬肉餃幾有特色，主要都係以紫菜味為主，粟米相對無咁突岀。✨#木瓜雪耳桃膠豆奶同樣係 勁！足！料！木瓜味好突岀，但唔會好甜，雪耳桃膠飲極都有😝 好滋補。老闆表示呢款飲品都比較受女士歡迎👏🏻😆 ▪️▪️▪️▪️

被松露餃同花膠雞湯吸引而來，餃子餡多選擇，而且部份餡料都係新配搭，幾有新鮮感！同埋雙拼係唔洗加錢👍🏻餃子好巨型！湯底好滋補養顏嘅感覺～黑松露蟹籽蝦餃幾好食，味道鮮甜！淮山野菌雞肉餃同樣鮮甜～芹菜豬肉餃及韭菜餃好香，不過略帶少少臭青味，因為芹菜韭菜呢類餡料需要輕微炒/煮過，先會無咗陣味同埋再鮮甜啲～但整個餡料來講係不錯！⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 7.5/10服務： 7/10環境： 6.5/10打卡： N/ACP值： 8/10推介值：8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

石門呢排瘋狂開新餐廳，呢間一出地鐵就係，本來無咩期望，因為對面都有間餃子😅但超有驚喜！餃子超級大粒！爆晒餡仲要啲口味好特別👍🏼唯一有啲美中不足就係望要食餃子，其他食物種類就唔算太多咁🥲.🍴黑松露蟹籽鮮蝦餃and帆立貝蒿荀鮮蝦餃$56/6隻 (可單/雙拼)餃子勁勁勁勁勁大粒😂😂 呢兩款餃子都好特別，平時出面無咁既配搭，感覺好高級😂🤭「黑松露蟹籽鮮蝦餃」有淡淡黑松露嘅香味同蟹籽嘅鮮味，餃子皮煎得恰到好處，黑松露唔會太濃遮左個味，鮮蝦爽滑鮮美，重點係煎餃🥟好好食！個皮脆得黎唔硬。「帆立貝蒿荀鮮蝦餃」裡面有帆立貝同蒿荀鮮蝦，味道搭配得好好，感覺好有蝦餃feel但又多左隻帆立貝，總知就必點！.🍴粟米香菇豬肉餃and白菜豬肉餃 $50 隻 (可單/雙拼)湯餃主要欣賞個花膠湯，無味精，好香雞湯味，而呢兩款湯餃都好有風味，肉餡肥美多汁。粟米香菇豬肉餃內有粟米嘅甜味同香菇嘅香氣！白菜豬肉餃則更加清爽！啲餃真係好大粒😂一個人食6隻都好飽。.牛油果沙冰$12 (加購價)個人好鍾意食牛油果，入口比較淡啲，呢款沙冰好清新，濕濕地又唔會太甜。

屋企附近新開嘅餃子店，外賣咗兩碗湯餃，一個白菜餃，一個羊肉咖哩餃。 餃子好大隻，非常足料，羊肉餃食到粒粒羊肉， 好味。 餃子皮煙韌啲會更正~最有驚喜係個湯，飲得出好足料，淨飲個湯都好好味！下次再試其他口味😊

湯底/餃子超足料！新鮮！超巨型！嗌左一個養生系列既雙拼：8隻$66、6隻$56、嗌8隻好似抵食啲～餃子好大粒、男士可以加麵/米線+$10、女士食8隻一定夠飽！或者可以6隻配生菜底！！！有唔同口味、新款小小既黑松露鮮蝦餃同帆立貝萵筍鮮蝦餃！好鮮好甜芝士餃拉到絲出黎湯底有花膠跟重有蟲草花/杞子粟米紅蘿蔔食材真係好新鮮之後嗌左杯木瓜雪耳桃膠豆奶！木瓜蓉佔7成、重食到好多桃膠、飲落唔似糖水、真係足料木瓜味

今日見到新開就試下啦QR code 自助落單，店員好好，可以幫我地分單。3點左右餐廳基本無客，但落完超過15分鐘先黎第一碗，有啲慢。朋友叫左香辣湯底，非常之香睇落都好似好辣甘，唔錯。我叫左風味拼，只係黑松露餃唔錯，呢個我下次會再，湯底亦飲落唔似落味精，甘既價錢竟然都有小塊加花膠。另一位朋友叫煎餃，另外上一碗細湯，但比錯左隔離台新黎既客人😅佢話煎羊肉咖喱餃都唔錯呢。湯餃個皮唔得，下次加錢試下煎餃先另外餃子比起對面皇后餃子大一倍，價錢暫時落單都仲做緊九折，九折合理啲。希望run一排會好啲順啲，唔會甘錯溜白出啦。同埋石門無餃子食，餃子癮起呢間都唔錯既，多個選擇，可以一試。

本來都係餃控既我， 今日中午見到間新開餃子就去試一下同問落單個哥哥有咩推薦， 佢大推帆立貝，結果點左個養生三併，其實姐係帆立貝萵筍鮮蝦餃，淮山野菌雞肉餃同埋紫菜粟米豬肉餃各三隻， 仲點左個秋葵上枱果陣仲多左碗湯， 落單個哥哥仔話覺得有緣送既😂餃子好大隻，煎餃黎覺好乾身， 皮唔厚，自問唔係細食， 但都食到飽飽講番餃子， 食得出無咩味精， 同埋啲料好鬼新鮮， 絕對唔係揸流攤呢個鋪頭推薦既餃子一食即刻好驚喜， 真係有隻，仲要係原粒既帆立貝係入面， 而且個具味好出， 又軟身但都爽爽地， 總之就係新鮮既感覺， 同埋好多肉汁而我最鍾意就係紫菜粟米豬肉餃， 簡單得黎味道好香， 紫菜粟米都唔係咩新鮮野， 但佢個紫菜好味， 好夠味， 簡單配搭番新鮮粟米已經成件事好完滿淮山餃子呢， 就比較清啲，但鍾意食淮山應該會覺得唔錯， 淮山同配料既味道同質感好夾， 食到淮山味道同質感， 同時野菌同肉另成件事多左層次後尾同個哥哥仔傾， 佢話呢隻轉登清啲，養生呀， 唔好食咁濃味😂😂😂 配料傳統啲， 但係都算新配搭， 可以營合番年紀長一啲又鍾意試新野既顧客， 野野又辣又芝士又帆立貝， 唔係個個腸胃頂到。 另外佢個菜莆係少少