搞餃鎮

營業中

休息中

❤️湯養生三拼 花膠准山鮮雞湯有紫菜粟米豬肉餃 帆立貝萵筍鮮蝦餃 准山野菌雞肉餃D餃子真係唔係講笑 粒粒都好足料 粒粒都好飽滿 本身以為餃子會食唔飯 但佢一隻飽子個size 等於人地三隻 真係不得了✅紫菜粟米豬肉紫菜打成蓉 好rich 好飽滿 唔會因為柴菜太大片而痴住喉龍。飽落有好濃既紫菜味 而粟米亦增加口感 加埋新鮮豬肉 咬落去爆哂汁✅帆立貝萵筍鮮蝦餃萵筍切粒 有咬口 鮮蝦彈牙 爽滑 而每隻餃子𥚃面都有原粒帆立貝 配搭新鮮 正呀✅准山野菌雞肉餃雞肉嫰滑 野菌足料 菇味重 准山切粒 豐富口感 ❤️煎松茸蟹籽鮮蝦餃拼香蔥辣豬肉餃 煎餃好有水準 皮好脆 𥚃面爆汁 松茸蟹籽鮮蝦呢個配搭估唔到咁夾 粒粒蟹籽食落卜卜脆 鮮蝦彈牙而香蔥辣豬肉餃惹味 辣辣地既豬肉加香味濃既香蔥 好過隱📍搞餃鎮 (沙田)沙田石門安群街1號京瑞廣場2期地下G19A號舖

去到石門真係好多美食選擇。今日選擇左搞餃鎮。石門站一出站靠右行多兩步就到，店鋪位於京瑞廣場第二期。🔶白菜豬肉餃 $46/6隻; $52/8隻湯底可揀花膠淮山鮮雞湯或秘製香辣湯底傳統口味，餃子厚度適中，唔會好厚好多料，每啖都好滿足揀左花膠淮山鮮雞湯底：食得出無味精，好香，好滋補👍🏻🔶香蔥辣豬肉餃$50/6隻餃子煎得好脆，內餡超爆滿，唔覺得辣，必食推介😍🔶菜甫好麻辣😍；豆板醬好味又唔辣；豉油正常

上網見到介紹，於是星期日下午去了試！特色的咖喱羊肉淮山餃子，咖喱味恰到好處🥰而且羊肉本來「漏」的感覺也給淮山平衡了，非常好的配搭。而黑松露鮮蝦餃更是足料大隻。我們一行三人叫了湯餃和煎餃。説開湯，真的很少有舖頭禁泵本煲個花膠湯來伴餃子，加了上海麵，豐富美味的午餐又夠飽!!由於昨天第一次食，醒唔起影相，但昨天吃完，今天已忍不住去了買生餃自己回家煮。大家快啲去試下，真心正！石門終於出現一間這麼出色的餐廳，太開心🥳

-冷氣吾夠。-餐廳衛生欠佳，位置設計亦有問題。-侍應非常被動，由於醋/碗/餐具匙羹都要另外request，好似好吾想俾你咁。食物：睇圖片都幾吸引，但現實有點落差。石門餐廳多，人客多，希望老闆員工改善問題，提升食物味道，質素，種類選擇，仲有最重要既衛生問題和用餐環境。餃子好大粒，皮非常厚，包得亦吾太好，肉餡調味普通，組合味道奇怪，我都試4種味，無特別。個湯飲完好口渴，應該得顏色，一定吾係真材實料既養生湯。完！

呢間係石門新開嘅餃子店🥟以往石門都有另外一啲餃子店，不過款式就比較傳統豬肉配蔬菜餡，今次【搞餃鎮】就多好多新派餡料，配搭亦都多選擇。講返我今次食咗咩款式先🤗🥢 養生三拼【煎餃】 💰$70/9隻 紫菜粟米豬肉餃+帆立貝萵筍鮮蝦餃+淮山野菌雞肉餃🥢 風味三拼【湯餃】💰$68/9隻芫荽馬蹄豬肉餃+黑松露蟹籽鮮蝦餃+芝士粟米鮮蝦餃💰+$8 一罐無糖可樂💰+$12 一杯無糖有機奇亞籽火龍果汁所有嘅餃子都非常足料，好大隻，基本上我食咗五隻已經好飽，最推薦👍🏻係【黑松露蟹籽鮮蝦餃】同埋【芫荽馬蹄豬肉餃】，主要原因係黑松露味同芫荽味好突出，當你食咗六款唔同嘅餃子餡料嘅時候，有一兩款個味道特別突出，就會覺得特別好食，始終餃子嘅味道唔會好重口味。性價比嚟講係幾高嘅，鍾意食餃子嘅朋友可以一試。❌最大缺點係冷氣唔夠，因為佢廚房係開放式，入邊嘅熱氣會攻到出嚟樓面，再加上天氣好熱，食餃子又係熱辣辣，一路食一路流汗，其實呢一樣缺點已經好難令我再次嚟食，所以有興趣去食嘅朋友一定要注意‼️

之前上網睇見到人介紹，今日終於試咗，點了一個養生系列 - 花膠雞湯 - 淮山野菌雞肉水餃六隻。真心有驚喜，湯底同餃子都無乜味精，而且餃子都好大粒，入面嘅料仲好足，完全可以食到淮山，雞肉同野菌，唔會好似有啲情況係切到太細又或者好似食茸咁！真心好食！推介！立即買咗一份生餃返屋企備糧 😋佢哋都有啲好特式嘅飲品，我就點咗杯奇亞籽火龍果汁，都好特別！係石門咁多間餃子店，暫時會推介呢間 ～ 店內環保都不錯，不過夏天就好似冷氣唔夠，坐近門口都有啲熱🥵

📌石門新開張餃子店呢間餃子店呢排非常有人氣🔥就係出名在於佢哋嘅無味精花膠湯底😋分別叫咗一碗兩款餃子嘅湯餃🥟同埋一碟兩款餃子嘅煎餃🥟佢哋嘅餃子係超級大粒嘅～而且標明即叫即整 夠曬新鮮🤤另外都覺得佢哋餃子餡料嘅配搭非常有創意之餘又唔會奇怪～係新奇好食嘅配搭💯🍴兩款湯餃配花膠雞湯底湯餃分別叫咗帆立貝萵筍鮮蝦餃 同埋 芝士粟米鮮蝦餃～🥟帆立貝餃餡料裏面真係會見到原隻帆立貝㗎😱而且都會有足夠嘅萵筍同鮮蝦 雖然鮮蝦食得出唔係新鮮嘅 但係有帆立貝嘅鮮味再加上萵筍嘅甜味味道上好正😍係第一次食到有萵筍嘅餃🥟粟米餃食落去比較多粟米 唔似出面其他餃子店會落好多芝士 所以食落唔會好油膩🕺🏻🍴兩款煎餃煎餃睇相就知道餐廳煎到黃金色🫶🏻非常香脆兩款食落去都爆汁juicy😋🥟咖喱淮山羊肉餃第一次見會放淮山落餃子裏面所以非常有興趣一試🍽️睇相都會見到煎餃餡料裏面真係有一粒粒嘅淮山㗎😝咖喱羊肉餃就成日都見到 本身呢款餃都會比較重口味 而佢哋加咗淮山粒之後 令到成件事冇咁膩之餘又有少少爽口嘅感覺 幾好食🤤🥟粟米香菇鮮肉餃同樣都係粟米餃 但係呢一款夾埋香菇一齊做餡料 個人覺得比較適合煎餃～粟米筒冬菇嘅香味都非常突出 呢款都幾好

\人氣channel 米紙推介石門美食/石門呢排又愈開愈多餐廳，前排見到米紙介紹石門嘅餃子店，餃子口味比較多元化，作為餃控無理由唔過試下( ´▽｀)🥟咖喱淮山羊肉湯餃 6隻 $50 (+$10 配上海麵) 🥛支裝豆漿 $8湯底係 花膠淮山鮮雞湯🍲 呢個湯係大驚豔！好濃好香，飲落去充滿粟米、蘿蔔同杞子嘅甜味，好養生既感覺，而且仲有花膠同雞絲食，大癲～餃亦都係估佢唔到隻隻都咁大隻🥟咖喱味好濃同羊肉味好夾🐑加上淮山好爽口，加埋一齊食口感超豐富～而且皮唔會太厚但又同時有咬口！呢到仲有生餃賣呢～下次可以買番兩盒番屋企看門口！

雖然喺呢邊附近住但係好少喺石門食嘢，最近好想食餃子有朋友叫我嚟呢一度食嘩好大隻好好食叫咗一碗湯餃一碗煎餃湯餃叫咗雙拼，淮山雞肉餃拼萵筍帶子鮮蝦餃淮山雞肉餃超級特別，因為混入左淮山嘅關係成隻餃子裏面都有好滑好黏嘅口感超好食！口感又豐富，雞肉餡了超級多好Juice，估唔到呢個配搭咁好食萵筍帶子鮮蝦餃食落好似食緊點心，味道條配得好好，鮮蝦好爽口再配埋萵筍同帶子呢三樣都有咬口嘅嘢好夾煎餃選擇左馬蹄芫荽餃拼紫菜粟米餃不嬲都係芫荽狂，呢隻餃子入面嘅芫荽係超爆多好滿足！配埋馬蹄增加口感紫菜粟米餃因為有大量粟米嘅關係整體都好鮮甜，配埋紫菜就更加香整體餃子質素真係唔錯而且係勁大隻！所以一碗六隻好飽，佢哋一隻餃子等於出邊嘅兩隻，下次一定要返嚟再試埋其他口味！

今晚唔係好想食飯，想轉下口味食餃子，石門有間餃餃鎭，餃子專門店，同朋友試吓坐地鐵石門站C出口，步行一分鐘就到，非常方便，地方雖然唔大，但坐得舒服，香港食肆冷氣都非常大，真係好想食完快啲走，這裡就剛好。養生三拼湯餃：准山野菌雞肉餃：餡料用咗准山同野菌，野菌質感煙靭，准山滑，配搭一齊好嫩滑，餡料飽滿。帆立貝萵筍鮮蝦餃，帆立貝和鮮蝦很鮮嫩加入爽口嘅萵筍，效果很好。紫菜粟米豬肉餃。紫菜嘅香味，粟米香甜，好夾。湯底用咗花膠淮山雞熬製，好似媽媽煲嘅湯。准山野菌雞肉餃拼咖哩准山羊肉煎餃，由於用咗准山所以個餡好滑，餡料豐富。咖哩羊肉餃，有咖哩香味但不辣，怕辣亦啱食

💪🏻 風味三拼 - 湯餃 ($68)風味三拼包括咗芫茜馬蹄豬肉餃、黑松露蟹籽鮮蝦餃、芝士粟米鮮蝦餃！芝士粟米餃嘅芝士奶香味突出，粟米都好甜，同個餃子好夾。蝦肉都大隻同彈牙！黑松露餃嘅黑松露味道好香濃，內裏亦都好多菇菌！芫茜餃內裏勁多芫茜，味道都好香，當中亦有馬蹄好爽口，令餃子口感豐富！湯底係花膠准山鮮雞湯，飲落好鮮甜，好養生😋！湯底都好足料！而餐廳每隻餃子都好大隻，非常足料🥹💪🏻 養生三拼 - 煎餃 ($70)養生三拼包括紫菜粟米豬肉餃、帆立貝萵荀鮮蝦餃、准山野菌雞肉餃！煎餃嘅外皮煎得香脆。帆立貝餃內裏有原隻帆立貝，用料絕不手軟🤣 餃子亦都有蒜香味！紫菜餃嘅紫菜味好香，舖滿成舊，配埋甜粟米都好夾！雞肉餃有醬油味，內裏都好多菇菌餡料，配埋辣菜脯一齊食味道更豐富！味道：7.5/10性價比：8/10 食住瘦指數：💪🏻💪🏻💪🏻/5

見到多foodie介紹 行過就去試下但本人唔推介….間店仲好新 希望見到cm會留意🙏🏻講左優點先1）餃子大隻 口味有創意 味道正常偏咸2）員工夠多 有笑容3）菜蒲好食缺點就令我唔會回頭1）餃子皮餃得超差 黏口 一夾就散哂 食餃子食到肉碎咁好無癮 圖中未食皮已經少爛2） 花膠雞湯d foodie講到好正 但事實飲完兩啖湯會口渴 可能個人口味問題 朋友無哩個情況 但花膠比餃子細 想食花膠既朋友會失望3）竟然無醋跟（外賣） 餃子無醋真係失色哂

夜晚做完運動，要食蛋白質補充，最後試左呢間新開餃子店。如其他評論所講，冷氣真係唔夠，可能係間店人唔多所以較細冷氣？因為睇YT話好食，食完失望。叫左個養生餃，$70 9隻。真係好大隻，我食到第6隻已經飽左。用料多，味道都幾好，但要我形容，佢地係有餃子既外形但冇餃子既靈魂。皮厚唔緊要，北方餃子都係皮厚，但口感真係麵粉，有兩隻個皮煮完係穿左個洞。咬一啖，餡會散，同個皮會分離。湯方面飲落唔錯，有見到花膠。只不過，成碗食晒埋單走人，去到地鐵站個陣開始口渴，然後勁口喝，第二日都仲要飲勁多水，到夜晚排出體外7788先舒服返。

週末同爸爸媽媽👨‍👩‍👧去沙田行街街，之後我哋就去咗石門附近覓食🏃🏻‍♀️。餃子餃子🥟全部都係餃子呀！🤩我哋一坐低😉就見到旁邊有幾位師傅摩打手咁密密包，🥹三幾吓功夫就包咗一大盤餃子喇，👍🏽而我哋都急不及特要叫返幾款嚟食下。😼首先我哋就叫咗1️⃣傳統四拼湯餃，分別有▶️芹菜豬肉餃、韭菜豬肉餃、白菜豬肉餃同椰菜豬肉餃，每款各兩隻。🤠隻隻餃子🤓都皮薄多料，而且每隻都脹卜卜，超大隻。😋而湯底係非常足料嘅花膠淮山鮮雞湯，係媽媽煲嘅味道，😍絕對係真材實料，飲哂成碗都唔會覺得口渴。🥳除咗傳統餃子之外，呢間餐廳🍴都有新搞作，就係2️⃣養生三拼湯餃，分別有▶️紫菜粟米豬肉餃、帆立貝萵筍鮮蝦餃同淮山野菌雞肉餃，每款各3隻。🤤呢三款餃子完全打破我對餃子嘅一般概念。😚紫菜粟米豬肉餃 🥟➡️ 用紫菜嚟包餃子感覺好新奇，味道又出奇地夾。帆立貝萵筍鮮蝦餃 🥟➡️ 非常足料粒粒都有帆立貝同鮮蝦，加埋萵筍，非常爽口。淮山野菌雞肉餃 🥟➡️ 有養生淮山加上香味十足野菌，好味道。其實相比起湯餃，我個人就比較喜愛煎餃🥰，因為外皮煎同脆卜卜，非常香口。🤭今次就叫咗3️⃣風味三拼，包括有▶️芫茜馬蹄豬肉餃、黑松露蟹籽鮮蝦餃同芝士粟米鮮蝦餃，每款都有3隻。

不停收外賣平台單同接外賣單但又做唔切個場勁混亂堂食嗌煎餃等左半個鐘先知漏單上到枱 隻餃仲要係生嘅再等多10分鐘咩都無最尾趕時間要cancel 總共40分鐘6隻煎餃都岀唔到到埋單Cashier 姐姐話收60蚊話每人低消要30蚊上唔切單岀左係生嘅仲好意思收低消？咁佢又幾貼合佢鋪嘅名喎