探魚烤魚

營業中

休息中

內地烤魚名店，香港已經有兩間分店，今日同媽咪喺APM行街，即刻試吓先原來都有午餐，只係$98，四款口味選擇，有辣有唔辣，一人一鍋配上白飯鮮青椒爽麻味烤魚，魚柳外皮香脆，鮮青椒湯辣得來湯底比較清，唔會好辣，蔬菜同豆腐吸埋啲湯好好味我哋揀咗凌波魚，大大條多肉少骨，肉質嫩滑，唔會腥，配呢個麻辣湯仲越煮越入味我哋仲嗌咗兩個小食蒜泥青瓜，爽脆魚皮，兩個都好入味，好清新蒜泥青瓜仲可以解辣外邊仲有冰粉自助吧，好多配料選擇之餘，仲可以無限添加，今次太飽，下次要試最後要一讚抽風系統做得好好，食完唔會成身味服務員態度都好好，經常會過嚟加湯或者收碟

今次帶家人再訪探魚！超多款口味烤魚、今次揀咗醬香味烤寧波魚、揀咗少麻少辣、辣度好輕微、醬汁超濃郁、魚肉同樣非常嫩滑！另外加咗探魚鮮豆花、口感跟看上完全不一樣、吃下去真的像豆花、收了醬汁好味喎！香烤花菜好脆口又惹味, 另外仲有好多款小食揀呢～點了蒜泥青瓜平衡一下濃味的烤魚、爽脆清新！加$9就可享自助茶飲吧和任食冰粉！有超多配料 — 原味及蜜桃味冰粉、提子乾、爆珠、麻糬波波等、桂花蜜、一定可以揀啱自己嘅口味！

Tanyu MealThe waiting time was 30 minutes or above, not what we thought. When we arrived, they gave us the smallest table for 6. When the food arrived, even we ordered just mild spicy, it tasted like intense spicy. The rice was very hard that is for sure not thoroughly cooked, so we returned it. The choices of side dish was also very limited. The service was not too good, waiters kept kicking at my chair during my meal as they walked pass. It was very annoying.  And the dessert station seemed qu

一直都好想吃正宗的烤魚，原來觀塘都開了一探魚烤魚！難得來到，當然要吃辣過一過癮啦！( •̀∀•́ )✧這款是鮮青椒爽麻味烤魚，只有2款辣度選擇，中辣和大辣。一上菜確是香氣撲鼻，不過青辣椒的不同在於該種辣不會太刺鼻～烤魚內本來沒有太多配料，想吃薯粉等則需另外自己點喔～小安就沒有再點，反而加點了兩份小食。烤魚想吃滑肉質的就要淩波魚，即使煮了大半小時，魚肉仍然好滑喔～٩( ๑•̀o•́๑ )و小食方面，雖然聽下去很普通，但蒜香青瓜出乎意料地好吃～另一款的香辣椰菜花則一般，有點油膩。飲品建議和朋友分享囂張冰桔桶，超大杯！ჱ̒⸝⸝•̀֊•́⸝⸝) 果茶亦可以幫助解膩喔～

🍊 餐廳名稱：探魚 (觀塘)🐝 味道：7.5/10環境：7/10整體分數：7.5/10💰人均：$1-200———————————————————仲意食辣同海鮮既朋友仔可以去嘗試下，佢地既烤全魚有好多種口味，利用特製調味料令到每一條魚既味道都好濃郁，同埋好啱配白飯食。另外係飲品的話68$可以share到4個人肯定！太大杯，小編同友人一起飲真係會飲唔曬！炎炎夏日，有酸甜的感覺，真係好解熱。🗺️ 觀塘觀塘道418號創紀之城5期(apm)3樓L3-13號舖 🔍#Flavorfortday觀塘🚆 港鐵觀塘站 A2 出口, 步行約1分鐘

第一次見到個門面，好特別，好想入去。入到去，吸引到我的是冰粉區，後來發現每位只加 $9就可以無限食🥣之後點了以下好嘢食🤤醬香味烤魚 $298今次食寧波魚，大骨無微刺，啖啖肉。平日吃烤魚必定點辣，但朋友不能吃辣，好開心今次有醬香烤魚，可以免麻免辣👍🏻我朋友就讚條魚好滑，醬汁和魚好夾，完全贊成👍🏻味道好夾，魚又滑，醬汁微甜，好好味🤤不嗜辣，真的要試。 爆醬鴛鴦糍粑 $58好煙韌好味道，最緊要甜度剛好，不太甜。原來朋友未吃過糍粑，今次一試就愛上👍🏻惊天勾魂鹵味天團 $68一碟包含多款，雞翼尖、鵪鶉蛋、海帶，都好好咬口，下次必點👍🏻海陸空把把燒天團 $68入面有三款食物，最喜歡的雞軟骨和魷魚鬚已經諗定下次食乜嘢我下次要試午餐新品😍醬香魚柳烤魚醬一人餐 & 香魚柳魚一人餐 ，太抵$98! 仲可以包埋五常大米同無限探索冰粉區～～My Favourite 🤩 #四圍開心食 #探魚香港 #觀塘美食醬香味烤魚 $298今次食寧波魚，大骨無微刺，啖啖肉。平日吃烤魚必定點辣，但朋友不能吃辣，好開心今次有醬香烤魚，可以免麻免辣👍🏻我朋友就讚條魚好滑，醬汁和魚好夾，完全贊成👍🏻味道好夾，魚又滑，醬汁微甜，好好味

✨醬香味烤魚🐟 $298朋友大咗肚，所以就叫唔辣嘅！凌波魚肉質好嫩滑，唔腥，啖啖肉，醬香相比起辣味，就唔會cover左魚嘅鮮味同埋入邊都已經好多菜!加寬粉 $38✨孜然土豆 $48好惹味，我覺得所有carbs + oil 就已經好好食~上面仲有啲辣粉，勁惹味每次食親大陸嘅，一定叫~✨海陸空把把燒天團串燒 $68 有牛，魷魚，雞軟骨蘸上孜然粉幾惹味~次次食烤魚都一定要叫!另外仲有$9任叫冰粉，我就冇叫啦，不過我見到在場好多人都食得好開心，好似以前Pizza Hut整沙律咁 hahahah

宜家好多人都鍾意北上覓食，但其實好多內地餐廳都進駐香港🇭🇰，今次就來觀塘食出名既——探魚。首選一定係烤魚，呢度烤魚不得了，又大條又香又好味，唔食辣既，就可以試下醬香魚柳烤魚，有三款魚選擇，就點左最抵食既凌波魚$298，肉質一樣彈牙，沒腥味，而且嫩滑，不錯推薦👍🏻雞絲拌拌麵🍜$35 拌拌麵口味香，食少少澱粉質，又唔想食太多，呢個可以試下。囂張冰橘🍊桶 $68 解渴首選，影相📸有看頭，味道👅清涼，食烤魚比喝🤤爆漿鴛鴦糍粑 $58 兩個口味，煙韌有黏口好好食😋甜品一流。

🐟🍲🥢烤魚一人午市套餐🔔QR code 點餐，有紙巾提供✅金銀蒜香味/香辣味烤魚一人餐 -$98蒜香味唔辣，但蒜蓉極多都好惹味。中意食辣嘅話香辣味都唔錯，除咗湯底唔同之外，其他嘅配料大致上都係一樣，兩款有大量嘅娃娃菜、豆皮，而蒜香味會跟埋豆腐。午市套餐嘅魚係用上魚柳，無骨食得好方便，皮脆肉嫩，而且都好大份，性價比都幾高。職員亦都會不斷問要唔要加湯。另外套餐包左碗白飯，都幾飽。✅易燃易爆小吃天團 -$68呢個小食有五款炸物，包括炸四季豆、炸椰菜花、炸蟹柳、小酥肉及蓮藕片。蓮藕片好薄，而最好味反而係四季豆，因為仲有啲紫菜芝麻調味，其他都好食，不過真係好油膩。🆗香烤花菜 -$38香烤花菜都好油膩，都脆口好食嘅但碟底全部都係油，上面有啲辣粉，但我就覺得拎去浸湯食都唔錯😂🆗飲品有菊花茶同埋荷葉茶嘅茶包提供，然後只可以沖滾水，要攤凍都要啲時間。店家都係想你加錢飲野。✅冰粉午市套餐都會包一碗冰粉，冰粉有水蜜桃味同埋原味，另外都有大量嘅配料可以自己添加，我自己就幾鍾意桂花蜜。

之前在深圳食過探魚，阿囡一直都想再食。發現原來官塘APM新開咗，就假日過嚟試試。叫咗個花椒麻味凌波魚（中麻中辣）（$298）加寬粉（$38$，串燒（$68），烤花椰菜（$38）。每人加$9有冰粉任食。魚好大條，3個人差啲食唔曬。湯汁好野味，幾多辣椒同花椒，都辣，小麻。有都幾多件豆腐，吸咗湯汁幾好食。串燒細細串，一般，$68小貴。花椰菜一般，無咩味，比較油。冰粉好食。埋單3人，$500。番大陸食可能吸引啲。

香港飲食業唔好再問點解香港人要北上吃喝，係香港隨時都食到一肚氣😤職員態度差冇禮貌，係咪要上深圳training 完先入職？真係不寫不快，上深圳玩必食，欣賞佢有態度，有口號，有回應，又抵食又好食，鍋內有配菜，又有9格小食盤👍我先聲名我亦有上深圳南區或其他福田區食米芝蓮餐廳食飯，係因為人地態度好地方又大又多打卡位，用幾千蚊係香港同大陸嘅體驗真係差別大。😡講番呢間探魚有位男仕戴眼鏡著白色衫應該係經理，其他職員都是ok，問佢1010 coupon點用唔知道，連公司有乜promotion 都唔知，態度回覆勁差，😡埋單冇講多謝已經係前線嘅不應該有的態度 ， 食物質素差同內地完全有差落🤢咸同油，條魚癡底，爽魚皮又係油食品選擇亦很少，其實我唔介意貴過大陸，但係你收得咁既價錢，俾唔到食物質素同服務態度，點解而家反而啲香港人服務態度咁差，真係自己檢討下，唔好再賴飲食環境經營困難，係你地自己員工攪到餐廳經營困難，老闆請完人又冇follow 質素，所以不會在香港食🙅‍♀️

間餐廳既通風做得唔好，當枱枱都有一鍋既時候啲味攻到你所有，係所有隨身物品都有一陣探魚味，味道甚為濃烈，連我部電話都感染埋果陣味。氣味都可能後話，正如其他食評咁講，的確入面食緊既時候又會熱啦，同埋亦都相當焗促。所以未講食物質素，單單係環境已經大扣分。當日等候條魚既時候間由落單去到上菜係超過40分鐘。條魚既味道都大同小異，唔係特別新鮮，味道頗為偏咸，一食就係啲味精既咸咪，孜然粉味，可以話對我嚟講偏重口味，我都食鍾意平時地鋪果類烤魚起碼調味冇咁重值得欣賞既係呢度有任食冰粉，係吸引既

一直很想試探魚、知道APM開了分店就即刻來試試。平日中午原來有午市套餐$98一人鍋、就算一個人來都無問題～先點個小食～孜然土豆仔、甜甜辣辣~我地點咗蔥蔥蔥聰明烤魚、好大碟嘅烤魚！凌波魚肉質好嫩滑、成條魚都接受冇骨、啖啖肉、好啱我呢個怕食到魚骨嘅人～可自選辣度、我地選了少麻少辣、辣度剛好、用來蘸京蔥吃好味！難怪咁多人都北上吃烤魚～ 另外仲有魚丸、都幾爽滑彈牙～海陸空把把燒天團可以一次過諗三種串燒— 魷魚、牛肉串串、雞軟骨。一口一串蘸上孜然粉幾惹味～另外加$9就可享自助茶飲吧和任食冰粉。吃完辣正好吃碗冰粉涼快一下、有原味及蜜桃味、配料也超多、提子乾、爆珠、麻糬波波等

「爽辣無極限 開心吃魚！」以前次次上深圳都會食嘅探魚！自從佢喺香港開咗分店之後，以後想食烤魚就方便咗好多🔥🐟今日去咗觀塘APM嘅探魚分店，食咗幾款平時都必點嘅嘢食～🐟醬香味烤魚（鮰魚）（$338）其實食邊款魚對我哋呢啲冇研究開嘅人嚟講真係唔知點叫好，不過抱住一個最貴一定最好食嘅心態就叫咗呢款鮰魚（試過嚟到見到最貴嗰兩款都賣晒，繼續深信貴嘢一定好食啲😂）果然佢嘅魚肉香滑得來一啲都唔腥，像香味仲令到個烤魚好惹味，我哋食咗唔辣嘅，個人覺得相比起其他有辣味嘅烤魚，叫唔辣就少咗個層次，所以建議大家下次可以加少少辣令到佢再好食啲💓🍹囂張冰桔桶（$68）食重口味嘅烤魚又點少得啲冰涼嘅嘢飲，淨係叫一杯一定唔夠飲，呢個足足有一桶，兩個人飲一定綽綽有餘！而且味道清新香甜，解膩解辣一流！🍧無限探索($9/位）最後推薦大家一定要加$9叫無限探索嘅冰粉同埋茶🤩只係$9就算只係食到一碗冰粉都抵返晒🥰食完烤魚嘆番杯冰粉或者冰沙，仲可以自由挑選自己鍾意嘅醬汁同埋配料，唔夠喉仲可以飲返杯熱茶，絕對可以為呢個晚餐畫上一個完美嘅句號🥂📍觀塘觀塘道418號創紀之城5期(apm)3樓L3-13號舖💰人均消費：約$250

其實我真係好怕食有腥味嘅魚而響呢一度食魚係絕對冇呢個問題。因為無論你揀寧波魚又好或者其他黑魚片又好佢都會徹底咁煎過先，然後就再落醬炆，所以基本上唔會有腥味呢件事。另外今次叫咗魚皮同滷水拼盤做小食，我自己就好鍾意食爽脆嘅魚皮，因為佢同黃椒紅椒絲一齊食，真係好爽口；至於滷水拼盤我覺得有少少失色，因為佢嘅滷蛋有啲硬，同埋啲筍個人認為可以唔需要咁重口味（當你其他嘢已經好重口味嘅時候）所以如果我下次去嘅話可能會叫烤串。