探魚烤魚

探魚烤魚今次要介紹一間喺觀塘apm商場有一間川菜餐廳叫「探魚烤魚」，上年已經係沙田食過，呢間最吸引之處就係任食冰粉，上年係$1一位任食冰粉，今年已經去到$9一位，夏日炎炎$9真係唔算咩野，有冰粉任食解暑，今次仲坐喺冰粉自助吧前面，我哋兩個人搞到差唔多食咗5碗，哈哈！1.香辣味烤魚一人餐$98（10/10）最近多咗一人餐，咁樣可以試下唔同味道嘅烤魚，每一個烤魚一人餐都會跟一碗白飯，而呢個香辣味都算大辣，入面有有豆皮、娃娃菜、一條無骨嘅魚等等，份量絕對夠一個人食，正！2.醬香味烤魚一人餐$98（10/10）最近多咗一人餐，咁樣可以試下唔同味道嘅烤魚，每一個烤魚一人餐都會跟一碗白飯，而呢個醬香味有微少嘅甜，入面有有豆皮、娃娃菜、一條無骨嘅魚等等，份量絕對夠一個人食，正！3.棒棒麻辣口水雞$58（9.5/10）呢碟麻辣口水雞唔算好辣，大約有10舊雞件，做一舊雞肉肉質都好嫩滑，唔錯！4.易燃易爆小食天團$68（9/10）呢一盤小食份量都好多，入面有炸椰菜花、炸紫蘇葉、炸蟹柳、炸酥肉、炸蓮藕片等等，啱哂多人一齊分享！5.囂張巨峰葡萄桶$88（10/10）呢桶巨峰葡萄改個名真係無錯，叫做「囂張」，「囂張」到幾乎每一台都會叫，我估容量大約3L，「囂張」入面有提子同青檸，當然唔少得巨峰葡萄果汁，上面仲插滿了薄荷葉，解辣一流！6.凍低糖黑豆漿$19（10/10）呢枝黑豆漿黑豆味香濃，仲要係低糖！7.無限探索（1份）每份$9（10/10）出面有任食冰粉自助吧，有蜜桃冰粉、冰沙、寒天晶球、桃膠、紅糖汁、白珍珠、桂花蜜、葡萄乾、山楂片等等...夏天入嚟真係透心涼，我叫咗兩份，兩個人差唔多食咗5碗！**出面仲有熱茶任飲，茶有兩款，菊花茶同荷葉茶**2人總共價錢$492，其他有加一服務費！個人口味總評分：9.79/10  地址：觀塘觀塘道418號創紀之城五期(apm)3樓L3-13號舖…查看更多

心血來潮想食烤魚，唔想返大陸食，次次首選都係揀探魚～佢哋一人餐一向好抵食，今次去仲出咗新嘅一人餐單，選擇更豐富🤣我哋兩條友食咗三個餐，可以一次過試到唔同口味，夠晒滿足😝朋友唔想食太辣，所以今次叫咗兩份唔辣嘅烤魚～整體味道都唔錯（不過我個人覺得辣嘅始終更吸引）😉日光蕃茄烤魚一人餐：蕃茄香濃帶少少孜然味，入面配咗勁多豆皮；烤魚以原條魚柳上枱，最大優點係冇骨，可以慢慢嘆～👍醬香味烤魚一人餐：同樣適合唔食辣嘅人，醬香濃郁；配埋原條帶皮魚柳，味道相當正宗，愈食愈開胃😋爆炒香辣牛蛙一人餐：真心唔錯！牛蛙爆得香口惹味，辣度唔算太進取、容易接受，而且鑊氣十足～下次可以再 encore！🔥🐸土豆泥烤雞：第一次見呢個菜式～餐廳用雞髀位，肉質幾嫩滑，表面烤得香脆、皮薄👍醃味偏甜甜地，整體OK！香烤花菜：每次嚟都必點，孜然加辣椒調味，烤完唔會太乾，口感保持到～另外叫咗支低糖紫米豆漿（樽裝），係西龍傳香飯團品牌，味道正常～🥤而家一人餐仲可以去冰粉探索區無限食，荷葉茶、菊花茶亦都任飲～以午餐嚟講真係幾唔錯嘅選擇，性價比高又滿足☺️…查看更多

這間烤魚專門店地方闊落，菜單堪稱豐富，無論是午餐還是下午茶，主食和小吃，均能滿足對味道的所有期待。午餐：醬香味烤魚一人餐魚身浸潤在香醇的醬汁中，鮮嫩的魚肉與醬香的完美結合，每一口都讓人感受到那股香氣，搭配清新的時蔬，讓這份午餐不僅色香味俱全，更添了一份健康的滋味。下午茶：藤椒湯烤魚拉麵湯底的香氣撲鼻而來，帶著微微的麻辣，藤椒的獨特風味，令人食指大動。麵條滑順，搭配鮮嫩的烤魚，使這道菜成為一種享受。下午茶：酸菜鱸魚片拉面酸菜的爽脆與鱸魚片的鮮美交織在一起，形成了清新的口感。配菜的美味加分土豆泥柔滑綿密，搭配外焦里嫩的烤雞，讓人欲罷不能。香烤花菜則以其獨特的煙燻香氣，為整個用餐體驗增添了一層風味的深度。雞絲拌拌麵的嚼勁十足，川香辣鹵肥牛的濃烈風味，讓這頓餐變得更加精彩。搭配冰凍汽水，解油膩之餘更添清爽。…查看更多

探魚烤魚， 又係一間國內連鎖品牌既餐廳， 之前係深圳食過，都有掛住佢，之後發現原來觀塘APM 都開左哩間， 就決定同朋友試下。我地一行3人，叫左醬香烤魚, 要凌波魚 $298 ，跟住叫左海陸空串燒 $68仲有一D小食。 小酥肉 $58, 孜然甜辣土豆仔$48。 野飲就叫左囂張巨峰葡萄桶。 $88個湯底好香， 配埋條魚好好食。 個串燒就唔建議叫啦，我地枱同隔離枱，當個串燒黎到個反應都一樣, O左嘴， 原因係: 少得可憐 ..哈哈…. 唔值小食方面, 小酥肉建議浸埋落湯底度一齊食，正。 就咁食就冇咩味。孜然甜辣土豆仔正正正，我地叫左2次。野飲望落好大桶，(岩打下卡用) ， 實際冰多，飲得慢就好快沖淡野飲。我地都叫左兩桶。之後加左個蔥油麵，正常野，都唔錯最終買單人均 $300左右。 食飯日為閒日， 晚市都唔算好多人， 同朋友聚下都唔錯。 又冇限時。 間唔中食下都ok…查看更多

突然間想吃烤魚，就帶著媽媽來到apm的探魚開餐。這裏的午市/下午茶限定一人餐非常超值，點選午市一人餐更可以於自助解辣冰粉區取冰粉1次，而下午茶一人餐的話，就需另加收費。冰粉自助區的配料不少，包括好像紅糖汁、酒釀、桂花糖、白珍珠、葡萄乾、桃膠等等，食客可自由搭配挑選。金銀蒜香味烤魚一人餐烤魚挺大條，湯底鮮美，帶有濃郁蒜香，魚肉肉質嫩滑不腥，零骨絲，入口啖啖肉，搭配豆腐、豆皮及娃娃菜，佐飯一流。酸菜鱸魚片拉麵一人餐湯底味道惹味酸爽，鱸魚片份量足，魚肉嫩滑，麻中帶香，拉麵富彈性，吃後挺飽肚，自私食份量剛好。百香果無骨鳳爪無骨鳳爪酸中帶辣，入口啖淡肉，爽口開胃。海陸空把把燒天團內容豐富，包括有魷魚鬚、牛肉串及掌中寶，串串帶有燒烤香，而且非常入味，魷魚鬚Q彈有嚼勁，牛肉嫩而不柴，掌中寶外酥內脆，讚。絕絕子爆汁炸雞爆汁炸雞以小紙袋包著，吃時巨方便，炸雞色澤金黃，外酥內嫩，肉汁超多，帶有一股鹹鮮香。爆漿鴛鴦糍粑糍粑入口非常酥脆，又不失煙韌軟糯，蘸上黑糖後，味道香香甜甜，讚。檸檬冰桔茶及低糖紫米豆漿檸檬冰桔茶冰冰涼涼，酸甜解膩；紫米豆漿豆味重，口感順滑，可解熱氣。…查看更多