探魚烤魚

探魚烤魚今次要介紹一間喺觀塘apm商場有一間川菜餐廳叫「探魚烤魚」，上年已經係沙田食過，呢間最吸引之處就係任食冰粉，上年係$1一位任食冰粉，今年已經去到$9一位，夏日炎炎$9真係唔算咩野，有冰粉任食解暑，今次仲坐喺冰粉自助吧前面，我哋兩個人搞到差唔多食咗5碗，哈哈！1.香辣味烤魚一人餐$98（10/10）最近多咗一人餐，咁樣可以試下唔同味道嘅烤魚，每一個烤魚一人餐都會跟一碗白飯，而呢個香辣味都算大辣，入面有有豆皮、娃娃菜、一條無骨嘅魚等等，份量絕對夠一個人食，正！2.醬香味烤魚一人餐$98（10/10）最近多咗一人餐，咁樣可以試下唔同味道嘅烤魚，每一個烤魚一人餐都會跟一碗白飯，而呢個醬香味有微少嘅甜，入面有有豆皮、娃娃菜、一條無骨嘅魚等等，份量絕對夠一個人食，正！3.棒棒麻辣口水雞$58（9.5/10）呢碟麻辣口水雞唔算好辣，大約有10舊雞件，做一舊雞肉肉質都好嫩滑，唔錯！4.易燃易爆小食天團$68（9/10）呢一盤小食份量都好多，入面有炸椰菜花、炸紫蘇葉、炸蟹柳、炸酥肉、炸蓮藕片等等，啱哂多人一齊分享！5.囂張巨峰葡萄桶$88（10/10）呢桶巨峰葡萄改個名真係無錯，叫做「囂張」，「囂張」到幾乎每一台都會叫，我估容量大約3L，「囂張」入面有提子同青檸，當然唔少得巨峰葡萄果汁，上面仲插滿了薄荷葉，解辣一流！6.凍低糖黑豆漿$19（10/10）呢枝黑豆漿黑豆味香濃，仲要係低糖！7.無限探索（1份）每份$9（10/10）出面有任食冰粉自助吧，有蜜桃冰粉、冰沙、寒天晶球、桃膠、紅糖汁、白珍珠、桂花蜜、葡萄乾、山楂片等等...夏天入嚟真係透心涼，我叫咗兩份，兩個人差唔多食咗5碗！**出面仲有熱茶任飲，茶有兩款，菊花茶同荷葉茶**2人總共價錢$492，其他有加一服務費！個人口味總評分：9.79/10  地址：觀塘觀塘道418號創紀之城五期(apm)3樓L3-13號舖…查看更多

今日同阿囡、好姊妹黎到觀塘食下午茶，我哋選了這間探魚烤魚餐廳，因為我好想食麻辣同烤魚。門面好吸引，橙紅色門口，好有型環境寬敞舒適，燈光橙紅為主。服務員姐姐哥哥都好友善，好細心介紹又幫我哋影相，好用心照顧我哋我哋點了一個兒童餐、一個下午茶餐及一個小食，加3款飲料。先來一桶囂張巨鋒葡萄桶，真係大桶到嚇親。巨鋒葡萄加上青檸及薄荷葉，好香甜又解渴，慢慢拎出嚟飲，好適合一班朋友分享阿囡點了香濃粟米汁，真係好濃郁粟米味道，唔會太甜，好健康又美味我點了熱低糖黑豆漿，好健康唔太甜，暖身最適合我。超營養噠兒童套餐：好豐富又靚靚的賣相，阿囡好開心；有生果（葡萄）、甘荀湯、西蘭花粟米粒沙律、葡汁雜豆雞肉配雞翼及飯飯易然易爆小吃天團：好多款式，烤炸椰菜花、烤雞條、豆角番薯天婦羅、烤蟹柳、烤炸蓮藕片，每款都好特別又好味道我最愛嘅麻辣湯烤魚拉麵：麻辣味香濃唔會太辣，辣度好適合；烤魚好滑又無骨，好安心食；拉麵軟硬適中，火鍋一直熱住，唔怕凍了，配上吸味椰菜，好正最後更可以自己製作冰粉，有不同味道冰粉、沙冰、珍珠丸、黑糖、桂花醬、花生碎等等，可以自行加自己喜歡的價性比好高，抵食又好飽！…查看更多

相約同事去咗APM呢間內地過江龍「探魚」食lunch, 呢度平日午市同下午茶都有一人份量嘅烤魚套餐供應, 岩哂人少少又或者想食返合自己心水口味嘅烤魚。餐廳地方闊落, 紅色霓虹燈令整個氣氛火熱。「無限探索」同埋茶水區設自助吧。每款烤魚同埋串燒都有爐興住滾住熱辣辣上檯, 可以慢慢食唔怕d野凍。Lunch-set 逢星期一至五 11:30至17:00供應, 而下午茶供應時間14:30至17:00,重疊時段, 選擇更多。Lunch-set 包一個自選主食烤魚、一碗白飯同埋一次性自助「無限探索」而下午茶set價錢平少少, 但份量比lunch更少, 而且只有一個自選小食。LUNCH【鮮青椒爽麻味烤魚一人餐】HK$98半邊魚已被去骨, 魚肉嫩滑, 配上豆花、娃娃菜同埋大量豆皮, 所有配料盡吸湯汁, 麻辣得刺激味蕾, 辣得過癮, 配上白飯夠哂飽肚, 仲有一碗「無限探索」冰粉, 岩哂解辣!下午茶【麻辣湯鱸魚片拉麵一人餐】HK$58湯底同樣麻辣, 無骨鱸魚片超嫩, 不過份量相對lunch-set少一d, 配料就只有大量盡吸湯汁嘅麵條同埋娃娃菜。下午茶餐不包冰粉, 所以另+$9追加無限任食嘅「無限探索」冰粉。【探魚豆花】HK$30豆花質感近乎入口即化, 豆味好出。【一把滿足魷魚鬚】HK$58每條魷魚鬚串成一串串, 爽彈唔會烤得太乾, 灑咗芝麻, 帶點香口。【一把滿足掌中寶】HK$58雞軟骨口感爽脆, 用上孜然粉調味, 香氣十足!【孜然甜辣土豆仔】HK$48薯仔粒外層金黄薄脆, 內裡軟淋, 咸甜辣味都有齊, 超正!.【香烤花菜】HK$38椰菜花烤至金黃微脆, 略帶乾身, 入口惹味, 但不會太重口味。【檸檬冰桔茶】HK$38甜酸開胃, 邊飲邊食熱辣辣又香辣嘅烤魚, 解辣又能令口中降溫。…查看更多

突然間想吃烤魚，就帶著媽媽來到apm的探魚開餐。這裏的午市/下午茶限定一人餐非常超值，點選午市一人餐更可以於自助解辣冰粉區取冰粉1次，而下午茶一人餐的話，就需另加收費。冰粉自助區的配料不少，包括好像紅糖汁、酒釀、桂花糖、白珍珠、葡萄乾、桃膠等等，食客可自由搭配挑選。金銀蒜香味烤魚一人餐烤魚挺大條，湯底鮮美，帶有濃郁蒜香，魚肉肉質嫩滑不腥，零骨絲，入口啖啖肉，搭配豆腐、豆皮及娃娃菜，佐飯一流。酸菜鱸魚片拉麵一人餐湯底味道惹味酸爽，鱸魚片份量足，魚肉嫩滑，麻中帶香，拉麵富彈性，吃後挺飽肚，自私食份量剛好。百香果無骨鳳爪無骨鳳爪酸中帶辣，入口啖淡肉，爽口開胃。海陸空把把燒天團內容豐富，包括有魷魚鬚、牛肉串及掌中寶，串串帶有燒烤香，而且非常入味，魷魚鬚Q彈有嚼勁，牛肉嫩而不柴，掌中寶外酥內脆，讚。絕絕子爆汁炸雞爆汁炸雞以小紙袋包著，吃時巨方便，炸雞色澤金黃，外酥內嫩，肉汁超多，帶有一股鹹鮮香。爆漿鴛鴦糍粑糍粑入口非常酥脆，又不失煙韌軟糯，蘸上黑糖後，味道香香甜甜，讚。檸檬冰桔茶及低糖紫米豆漿檸檬冰桔茶冰冰涼涼，酸甜解膩；紫米豆漿豆味重，口感順滑，可解熱氣。…查看更多

喺觀塘apm嘅探魚，真係一個唔可以錯過嘅美食天地！今日我試咗幾款招牌菜，無論係賣相、香氣定味道，都令我忍唔住想大力推介！😋首先，金銀蒜香味烤魚一人餐，魚身金黃，表面微微焦脆，散發出濃郁嘅蒜香味，真係一出來就吸引咗我嘅注意！每一口魚肉都嫩滑多汁，配搭上香脆嘅蒜蓉，真係一個完美嘅組合，令人食過返尋味！🍽️接住嚟係「海陸空把把串燒天團」，我試咗牛肉、雞掌中寶同燒魷魚。牛肉串外焦內嫩，每一口都充滿肉汁，簡直係肉食者嘅天堂！雞掌中寶嘅口感彈牙，加上特製醬汁，簡直係唔停口！至於燒魷魚，外脆內軟，搭配上少少辣味，真係令人食到流口水！🔥最後，我仲試咗金湯酸菜牛蛙一人餐，牛蛙肉質鮮嫩，金湯嘅酸酸辣辣，帶出一種非常開胃嘅感覺。酸菜嘅鮮甜與牛蛙無縫結合，每一口都令人感受到食材嘅新鮮同搭配嘅精妙，實在令人驚喜！🌶️食完之後，我個心情都好似食咗個大滿足，真係好想再返去試其他嘅美食！探魚唔單止係一個食嘢嘅地方，仲係一個可以放鬆心情、享受食物嘅好去處！下次約埋朋友一齊去，肯定會食得開心！💖…查看更多

而家要食正川菜吾洗返大陸，內地品牌《探魚》進駐APM, 提供多款烤魚、川式小食和串燒。店內裝潢以橙紅色霓虹燈襯托黑色牆身和枱凳，店內面積都幾大，座位寬敞。設有自助茶水區 和「 無限探索」~ 即冰粉區(+$9)。✨️囂張巨峰葡萄桶上枱時已經 Wa Wa 聲，有生果點綴，非常美觀。飲落仲好好味。✨️醬香味烤魚1人前醬味令魚香味更明顯，醒胃味鮮。✨️藤椒湯烤魚拉面1人前本擔心大辣，幸好落單時發現可自選辣度，分大、中和少辣，三種辣度。藤椒香四溢，拉面夠飽肚。…查看更多

今次又嚟到觀塘apm嘅探魚烤魚，主打一人一鍋烤魚，無論自己鍾意咩味道都可以跟心情揀，成件事舒服自在！我試咗鮮青椒爽麻味烤魚一人餐，原片魚柳，魚皮爽口，湯底麻中帶辣，非常開胃！醬香味烤魚一人餐就最啱怕辣嘅朋友，醬香濃郁，魚柳夠嫩滑，唔會覺得單調。小食方面，棒棒麻辣口水上枱似個波波咁幾得意，入口微辣惹味。蒜泥青瓜蒜香十足，帶微微陳醋味，唔辣，啱晒唔食辣嘅朋友。香烤花菜椰菜花烤得香，唔辣之餘仲食到菜嘅甜味，旁邊仲有辣椒粉可按自己口味加。另外脆爽魚皮用椒絲、洋蔥同芫荽拌勻，魚皮Q彈有微辣感。雞絲拌拌麵有花生、蔬菜，醬汁甜甜地帶醋香，份量唔多，做小食啱啱好。飲品方面有低糖五穀米漿（凍）同低糖紫米豆漿（熱），米香濃郁，解辣一流！如果想一個人歎烤魚，真係唔使等人，自己都可以食得好開心～…查看更多

今日父親節 好多地方都已經一早Full Booking行經APM 就想試吓香港嘅探魚👨🏻🎉之前喺深圳試過 好辣好重口味喺香港嘅麻辣程度都照顧到我哋本地人今晚叫咗幾樣菜式慶祝父親節• 鮮青椒蔥蔥烤魚 - 小辣 - 凌波魚（無乜骨）• 把把燒天團海陸空• 易燃易爆小吃天團 • 蔬菜黃金組合• 鮮腐竹• 寬面• 極巨Size巨峰提子凍飲個魚連埋個醬汁真係好惹味🥰配飯一流 佢個魚好滑好鮮啱晒我呢啲唔識lun骨嘅人另外佢嘅炸物都好出色配埋啲辣粉好好味🤤不過啲配菜就有啲貴同埋少整體嚟講平均每人埋單$200左右老竇都話幾滿意🍻…查看更多

每次北上都會去食探魚😆而家唔洗返大陸都可以食到啦！Lunch Time 可以叫午市一人餐一人一鍋可以揀自己喜愛口味份量仲唔少，加埋碗冰粉大滿足！✨金銀蒜香味烤魚一人餐$98一人午市餐，唔食辣可以揀呢個金銀蒜香味，全條魚用鐵鍋上枱，魚肉嫩滑！配埋一個白飯，包埋無限探索區可以食一碗冰粉。冰粉超多配料，加$9仲可以任食，正！✨酸菜魚最鍾意食酸菜魚，叫咗一大鍋，份量十足，啖啖肉無骨，仲有好多配料，酸酸辣辣，包你食唔停口😆✨雞絲伴伴麵呢個小食不錯！雞絲嫩滑，最好味係啲幼麵有少少辣🌶️少少甜少少麻香，配搭得好好！✨脆爽魚皮魚皮厚實爽口，口感脆脆爽爽的，加了三色椒和洋蔥，令層次感更豐富！✨低糖紫米豆漿/檸檬冰桔茶紫米豆漿好養生，唔太甜好飲！檸檬冰桔茶解膩解渴！…查看更多

約咗朋友去觀塘Apm 食午餐，探魚裝修格調以橙色為主，室內空間好大，座位舒適，設有無限探索自助區，提供茶水和自助解辣冰粉。餐廳主打烤魚，午市更提供一人烤魚餐，方便返工返學食客選擇。午市套餐有自選烤魚主食（有幾款味道選擇）、五常米飯一碗。還有一次無限自助解辣冰粉。金銀蒜香味烤魚一人餐，配五常米飯：金銀蒜香味烤魚的味道非常突出，以濃郁的蒜香為主，烤魚表面會撒滿金銀蒜，蒜味十分濃郁。 烤魚吃起來肉質嫩滑，香氣撲鼻，配搭埋碗香滑軟熟嘅白飯，非常滿足。醬香味烤魚一人餐：醬香濃郁，鹹香帶甜，魚肉吸收湯汁，既嫩滑又惹味。土豆泥烤雞：烤雞皮脆肉嫩，加埋芝麻特別香口，土豆泥口感順滑。孜然甜辣土豆仔：土豆軟糯中帶有嚼勁，搭配孜然的香氣，甜中帶辣，口感豐富有層次。蔥油拌麵：蔥油香氣濃郁，鹹香適中，麵條彈牙。囂張冰桔桶：飲品一上枱已經吸引晒我嘅目光。用上高身玻璃壺盛載，外觀極之搶眼，壺邊鋪滿新鮮檸檬片同紅肉西柚片，上面再加一大束薄荷葉，賣相非常精緻。入口就感受到柑橘類水果嘅清新酸甜，檸檬同西柚嘅香氣好突出，帶有微微嘅果酸，玻璃壺設有水龍頭設計，自己倒飲好有趣，適合同朋友一齊分享，又可以打咭增添互動樂趣。任食冰粉，有不同配料選擇，味道甜美。…查看更多

Tanyu is a great spot for hearty Sichuan comfort food! Their grilled fish is the star—flavorful, tender, and packed with spicy, aromatic notes. The portion is generous, making it a good value for money.What makes it even better? The free-flow dessert bar! After the fiery main course, you can cool down with sweet treats like jelly and herbal ice shaving. The casual, lively vibe is perfect for a relaxed meal with friends.As a novice foodie, I found Tanyu to be a satisfying choice—great flavors, filling portions, and a fun dessert bonus! …查看更多

午市限定一人餐試咗佢哋招牌 #鮮青椒爽麻味烤魚一人餐28道工序製作果然名不虛傳～ 魚肉鮮嫩無比，青椒同原產地頭子花椒嘅組合麻而不燥，越食越上癮！古法鮮做豆花滑溜溜，吸收晒魚湯精華，撈埋飯食正到爆✨ 下午茶系列#金湯酸菜牛蛙一人餐酸菜湯底夠晒開胃，牛蛙肉質彈牙，配白飯簡直係完美組合🍚兩個套餐都好抵食，午市套餐仲送自助冰粉，清涼解辣一流❄️ 飲品方面檸檬冰桔茶酸甜清爽🍋探魚德式小麥啤酒麥香濃郁🍺同麻辣菜式出奇地夾！ 服務夠貼心，環境又舒服，難怪成日排長龍～ 青椒控同麻辣愛好者一定要嚟挑戰！…查看更多

踏入 探魚烤魚 ，映著 玻璃天印限 的簡約裝潢，氛圍舒適。雖為酸菜魚而來，卻被店員推薦招牌 金銀蒜香味烤魚 ——一人份的鯽魚鋪滿金蒜銀蒜，炭火烤製的魚皮焦脆，肉質鮮嫩帶蒜香，不辣湯底越煮越濃，搭配白飯一流！真心夠飽。朋友叫酸菜味寧波魚 ，多肉，男生食絕對夠飽。而且配上豆腐及腐皮小食 爆漿鴛鴦滋粑 更是驚喜，一邊外脆另一邊軟，甜而不膩。 串燒套裝感覺抵食，座暖食更貼心。香菜烤花要辣可點辣粉，方便唔辣都岩口味#開心吃貨 #炭火烤魚 #蒜香控服務貼心，上菜速度快，人均消費約$200，含服務費，以烤魚質素而言算合理。整體體驗滿意，推薦給愛蒜香味的吃貨，下回再戰酸菜魚！ …查看更多

是日平日，一行4人，較早晚餐時段，周圍食肆都可以輕鬆有位，唔使排隊。沒有訂座情況下，就可以好快入座。睇睇餐牌：🐟酸菜烤凌波魚賣相好吸引，大大盤咁，其實係將條魚兩面都攤開，視覺上就好大份量。熱焫焫嘅烤魚魚肉唔錯，味道酸微少辣，開胃正。🐟雞絲伴伴麵 份量一般，但都幾好味。🐟黃金組合 有娃娃菜，金菇，海帶同薯仔，娃娃菜同薯仔浸係酸菜烤魚湯底裏，好入味。🐟易燃易爆小吃天團 炸椰菜花、炸菇、炸雞粒等等，都唔錯。🐟囂張冰桔桶 一端枱上感覺好震撼，好巨型，有3公升可惜冰好多，實際有嘅柑桔水唔多，但幾好飲。整體上，比想像中好嘅一餐晚餐。…查看更多

五月頭上深圳食過探魚烤魚，回味無窮。今日行過APM，見到探魚原來有一人烤魚午餐，咁就好啦，以前一大鍋一個人肯定食唔晒，而家有一人一鍋，隨時心血來潮都可以過嚟食！新菜式？ 下次再嚟試吓，今次都係要返一人一鍋。好耐未飲過酸梅湯，佢加咗片檸檬同桂花，有好香嘅桂花味，頭嗰幾啖好濃，要等啲冰融咗淡咗之後就啱啱好 。等緊上菜嘅時候已經急不及待去冰粉吧整定碗冰粉先！上次上深圳，冰粉吧冇咁多選擇，又有好多其他客搶住攞冰粉，有啲混亂。相比之下，觀塘呢度就舒服好多。有齊晒我鍾意嘅桃膠，爆珠燕麥，同埋黑糖麻糬！原來一人餐都幾大份，又有豆皮，豆腐，大白菜 。烤魚仍然係好香，但完全冇骨，啖啖肉。😙但係唔知係廚房唔同定係一人餐嘅關係，整體調味唔係好濃，鍾意清淡啲嘅人就啱晒。可惜我好想食嘅糍粑竟然售罄…唯有點返個香烤花菜作補償。…查看更多