探魚烤魚

營業中

休息中

是日平日，一行4人，較早晚餐時段，周圍食肆都可以輕鬆有位，唔使排隊。沒有訂座情況下，就可以好快入座。睇睇餐牌：🐟酸菜烤凌波魚賣相好吸引，大大盤咁，其實係將條魚兩面都攤開，視覺上就好大份量。熱焫焫嘅烤魚魚肉唔錯，味道酸微少辣，開胃正。🐟雞絲伴伴麵 份量一般，但都幾好味。🐟黃金組合 有娃娃菜，金菇，海帶同薯仔，娃娃菜同薯仔浸係酸菜烤魚湯底裏，好入味。🐟易燃易爆小吃天團 炸椰菜花、炸菇、炸雞粒等等，都唔錯。🐟囂張冰桔桶 一端枱上感覺好震撼，好巨型，有3公升可惜冰好多，實際有嘅柑桔水唔多，但幾好飲。整體上，比想像中好嘅一餐晚餐。

五月頭上深圳食過探魚烤魚，回味無窮。今日行過APM，見到探魚原來有一人烤魚午餐，咁就好啦，以前一大鍋一個人肯定食唔晒，而家有一人一鍋，隨時心血來潮都可以過嚟食！新菜式？ 下次再嚟試吓，今次都係要返一人一鍋。好耐未飲過酸梅湯，佢加咗片檸檬同桂花，有好香嘅桂花味，頭嗰幾啖好濃，要等啲冰融咗淡咗之後就啱啱好 。等緊上菜嘅時候已經急不及待去冰粉吧整定碗冰粉先！上次上深圳，冰粉吧冇咁多選擇，又有好多其他客搶住攞冰粉，有啲混亂。相比之下，觀塘呢度就舒服好多。有齊晒我鍾意嘅桃膠，爆珠燕麥，同埋黑糖麻糬！原來一人餐都幾大份，又有豆皮，豆腐，大白菜 。烤魚仍然係好香，但完全冇骨，啖啖肉。😙但係唔知係廚房唔同定係一人餐嘅關係，整體調味唔係好濃，鍾意清淡啲嘅人就啱晒。可惜我好想食嘅糍粑竟然售罄…唯有點返個香烤花菜作補償。

Bff 因工作關係，經常抱怨不到深圳吃喝，所以，前幾天趁她有半天補假，就帶她到apm的探魚開餐。餐廳以「烤好一條魚」為準則，制定獨家8分鐘烤魚時間，確保烤魚受熱均勻。餐廳內設有自助茶飲區及冰粉自助區，配料極多，包括好像紅糖汁、酒釀、桂花糖、白珍珠、葡萄乾、桃膠、薄荷葉等，可按個人喜好隨意搭配挑選。店內魚款有三款選擇，包括淩波魚、鮰魚及淮王魚，價錢由$298起。而口味方面，餐廳提供七款烤魚口味選擇，當中「鮮青椒爽麻味烤魚」及「重慶豆花烤魚」人氣極高。酸菜味烤魚一人餐午市一人套餐已包括白飯及冰粉，凌波烤魚人口啖啖肉，魚肉白白嫩嫩，最重要是零骨刺，配上充滿酸香的爽脆酸菜，有提鮮作用，能帶出魚肉鮮味，酸爽程度up。金銀蒜香味烤魚一人餐烤魚上鋪了大量炸蒜蓉及鮮蒜蓉，當烤魚加熱後，蒜香味會越濃郁，令本身嫩滑的魚肉充滿蒜香。一把滿足烤羊肉串串串可選擇辣或走辣，聽說是選用羊後腿肉，肥瘦相隔穿在竹籤上，所以肉質份外緊實，味道甘香，無羊羶味。一把滿足牛肉串牛肉串串以 精选牛冧肉泡製，入口帶有孜然香味，肉質鲜嫩筋少，非常惹味。爆漿鴛鴦糍粑糍粑外層酥脆，內層軟糯，有爆漿感覺，味道甜而不膩。低糖黑豆漿及香濃玉米

之前喺內地食過探魚覺得唔錯，進駐香港之後，都未食過，呢日中午喺觀塘特登過去再回味一下。探魚午市有烤魚一人餐，限定$98 (包飯同無限探索自助冰粉區)估唔到一人餐嘅烤魚，魚肉好多好厚身，我鍾意酸菜味嘅烤魚，寧波魚都特別滑，鍋入邊有舊皮，豆腐，好多蔬菜配料。自助區嘅冰粉，有桃膠同粒粒爆珠，仲有沙冰可以揀，配料超多選擇！另外仲有免費嘅自助茶水區。午市套餐真係最抵，海陸空串燒乜都有，仲有兒童餐，一家大細嚟食都得。酸菜味烤魚一人餐 $98鮮青椒爽麻味烤魚一人餐 $98兒童套餐 $68爆漿鴛鴦滋 $58海陸空串燒 $68檸檬冰桔茶 $38

超人氣烤魚店，主打海鮮燒烤，店內共有7種烤全魚的口味，魚款有三款選擇，包括淩波魚、黔魚及鮰魚，味道各具特色。酸菜味烤魚肉質白嫩，味道鮮美且營養豐富，醬香烤魚肉厚緊緻，肥美味濃，肥美不腥。除了招牌烤魚以外，也有多款特色食品可供選擇，羊肉串，爆汁烤雞，都是必點之選。還有易燃易爆小吃天團，由椒鹽金菇、嘭嘭小酥肉、脆脆山藥及爆汁炸雞組成，口感酥脆。甜品方面，還有冰粉自助區，客人可按自己喜好添加配料，包括紅糖汁、桂花汁、葡萄乾、桃膠、山楂，冰涼清爽，解辣一流。

探魚又有新分店，係Apm超方便。特別係門面個橙色燈個圓圈⭕️拱門閃下閃下，格調超型。門外餐牌都有多款烤魚選擇。酸菜烤魚做緊$238試食價，都抵。午市限定一人餐$98（星期一至六）包白飯，自取冰粉+熱茶（無限添加）四個烤魚味道選擇，一個人食lunch剛好，份量夠飽又滿足😌。酸菜味&金銀蒜香🧄味。四款既魚都係寧波魚，完全無骨魚肉超嫩滑。酸菜味款式好多酸菜作配料及調味；亦有滑滑入口即溶豆花伴碟，味道👅惹味。金銀蒜香🧄味唔辣亦帶點鹹香好吸引🤩！易燃易爆小吃天團小食拼盤個名都改得特別型格，有幾款小食，全部都即叫即炸好脆口。旁邊加埋七味粉點埋無得輸！最愛蟹柳同爆谷🍿。多人必點：3L一霸氣果汁2-4個人都適合叫，食烤魚同小食口渴時可以飲佢解渴。果汁酸酸地幾開胃，又夠凍傾成晚都仲凍，好抵飲。

今日Lunch 同朋友去咗觀塘APM試下探魚～一入到去地方乾淨企理，啲卡位都幾舒服，好適合三五知己一齊嚟。之後我地叫咗：酸菜味烤魚一人餐($98)鮮青椒爽麻味烤魚一人餐（$98)海陸空把把燒天團（$68)檸檬冰桔茶（$38)香烤花菜（$38)一把滿足烤羊肉串（$58)脆爽魚皮（$38)酸菜味烤魚酸辣爽度適中，好適合香港人口味，青椒麻味烤魚好適合鍾意麻辣嘅朋友，麻香十足。我地都試咗串燒，如果唔係特別鍾意食羊嘅朋友，我比較推薦海陸空把把燒天團，入面有雞軟骨、牛肉、魷魚鬚，一次過滿足幾個願望😆，性價比亦相對高啲，另一個小食脆爽魚皮都非常開胃，食落去好清新，令人越食越想食。飲品方面，熱茶任飲（有兩款茶包揀），我地都叫咗杯檸檬冰桔茶，如果多啲人可以叫有3L嘅囂張冰桔桶，見到都開心，3L都係$78，性價比遠高於單點一杯（$38)😂。最後最後，最驚喜都係冰粉‼️竟然一人餐都可以任食‼️真係超正‼️我地都見到有人叫冰粉外賣，店員姐姐大量製作外賣冰粉～冰粉有好多配料，真係任君選擇，總有一款啱你🫵😋

而家唔洗返大陸都可以食到【探魚】🐟啦～今次我去咗觀塘APM店，另外仲有沙田分店我Lunch Time去仲可以叫午市一人餐份量岩岩好，一人一鍋可以食自己喜愛口味🥰🔸酸菜味寧波魚 $98它午市一人套餐會包一碗白飯及一碗冰粉（自助出面取）它固定是寧波魚，但有不同的口味可以選擇酸菜味鍋裡面有鮮豆皮、鮮豆花、大白菜🥬魚的份量是整條魚的一半，以一人食的份量是足夠的如果和其他口味比較，我會比較推薦酸菜口味，酸菜味好突出，也不會好酸，清清地反而會食到魚的鮮甜～🔸香辣味寧波魚 $98喜歡食辣的就要食它，非常濃郁的辣油在裡面越煮越辣，所以要食得辣的好點它😉而這個口味裏面有鮮豆皮、大白菜，比酸菜味少了鮮豆花🔸寬粉 $30火鍋配料要點寬粉，因為我喜歡煙煙韌韌的感覺加入鍋中會吸收湯底精華，好惹味🔸黃金組合 $56要健康點所以叫了蔬菜🥬裡面有大白菜、金針菇、海苔、土豆🥔大白菜是事前煮好的，金針菇和土豆也很好味，吸了湯底精華海苔是厚海苔，所以要煮耐一點，不然會比較硬🔸海陸空把把燒天團 $68每款串燒都想試，所以點了這個拼盤，裡面有四支魷魚鬚、四支牛肉串、四支雞軟骨，每一款都很好吃，味道燒得好惹味，燒得剛剛好保留到水

之前在深圳食過一次探魚，回味無窮，估唔到依家香港都有得食去咗觀塘分店食晏，原來有午市一人餐，我哋點了兩個一人餐（套餐，包括麻煩一碗及任食冰粉)及一些配菜及小食，鮮青椒爽麻味烤魚及酸菜烤魚，(鍋內有配菜包括豆腐，娃娃菜及豆皮)及加點了至愛的薯粉及追加了豆皮。鮮青椒爽麻味烤魚，選了小麻小辣口味，一整條魚肉，口感嫩滑及冇骨，湯底香麻配上薯粉一流。酸菜烤寧波魚，鍾意食酸菜魚嘅朋友一定要點，因為酸菜醃得好入味，加上湯汁，佐飯一流，兩個湯底的配菜吸湯後都十分入味，一個字，正。另外點了兩杯飲品解解渴及解解辣，檸檬冰桔茶及酸梅湯。小食點了三款，牛肋條串，有6串，灑上了孜然粉，一啖一粒，好惹味。爽脆魚皮，連同青紅椒洋蔥一齊食，酸酸辣辣，好開胃。最後一款，一個名字好有氣勢的小食拼盤《易燃易爆小吃天團》，炸到脆卜卜熱辣辣，旁邊有辣粉可以自行添加辣度。最後一定要來一個冰粉放題，有多款不同配料可以選擇，最重要係無限添加飲食，我就鍾意用原味冰粉加入不同的珍珠及紅糖汁，一個完美總結。

餐廳主打烤魚, 午市有多款烤魚一餐, 還有其他主食、小食和燒烤。點了酸菜味烤魚一人餐和金銀蒜香味烤魚一人餐, 套餐包括五常米白飯和在自助解辣冰粉區甜品。烤魚去咗骨, 啖啖肉吃起來好方便, 魚肉肉質幼滑, 魚皮膠質豐富, 酸菜味好醒胃, 辣度適中, 酸菜爽脆。金銀蒜香味不太濃烈, 口感清新。配料還有百頁腐皮、娃娃菜等, 熱鍋盛載保持溫度。香烤花菜花菜烤得香口, 新鮮爽脆。孜然甜辣土豆仔土豆你腍滑中帶嚼勁, 加上孜然 香味, 甜中帶辣, 口感有層次。一把滿足牛肉串 牛肉串肉質幼滑, 焦香可口。爆漿鴛鴦糍粑 片裝糍粑煙韌焦香, 甜度適中。總括來說, 用餐環境闊落舒適, 烤魚鮮味幼滑, 小食精緻有特色。

探魚一直都好想食探魚 今次終於有機會試到啦😋餐廳環境闊落舒服 仲用咗好多霓虹燈做裝飾😆酸菜味烤魚一人餐🐟第一次試酸菜味嘅烤魚 魚肉烤得外層微焦 內裡鮮嫩多汁😋湯底酸酸辣辣好開胃 酸菜嘅味道滲入魚肉中 成個味道層次好豐富💯配埋啲寬粉同金針菇 吸晒湯汁 真係令人停唔到口🫣 鮮青椒爽麻味烤魚一人餐🫑青椒嘅麻味好特別 唔會太過強烈 但又夠刺激🔥魚肉嫩滑 湯底帶少少鮮甜 麻中帶香 辣中帶爽😍每一啖都好滿足 推介俾鍾意重口味嘅朋友🤓 一把滿足烤羊肉串🔥羊肉串肉質鮮嫩多汁 孜然同辣椒粉嘅比例啱啱好 食落去係滿滿嘅燒烤風味💯令人超滿足 簡直係燒烤迷必點之選🫣一把滿足魷魚須🐙魷魚須烤得外焦內嫩 彈牙有嚼勁鹹香中帶少少辣🔥口感豐富 真係越食越上癮😍 囂張冰桔桶🍹酸酸甜甜嘅桔子味配埋冰涼嘅口感 清新解辣之餘仲好解膩🤩份量夠大 幾個人Share都冇問題 絕對係烤魚嘅完美拍檔💯自助冰粉🍧冰粉滑嫩清涼 配料選擇超多有成13款🥹可以自由配搭自己想食嘅味道🤓食完烤魚之後再嚟一碗冰冰涼涼嘅甜品 真係一流嘅Ending🤪

位於觀塘 Apm 嘅《探魚烤魚》店午市有一人限定套餐更有多種口味烤魚選擇ღ 醬香味烤魚一人餐整條魚被烤得金黃酥脆，淡淡嘅醬香撲鼻而嚟，魚肉鮮嫩多汁，每啖都充滿醬汁嘅醇厚滋味，配上外焦內嫩嘅口感，令人食唔停口ღ酸菜味烤魚一人餐酸香味道恰到好處，酸菜嘅清新與魚肉嘅鮮甜相輔相成，加上酸菜同豆腐等等配料，啖啖酸辣香ღ金針菇金菇菜索滿烤魚嘅醬汁，滿滿滋味ღ 午餐跟一碗飯同冰粉仲可以加$9無限探索，任食冰粉自助解鎖冰粉自由，自助配搭唔同配料食完烤魚食返個冰粉涼浸浸好舒服ღ一把滿足魷魚須魷魚須入口Q彈美味😋ღ囂張巨峰葡萄桶 勁吸睛，大大桶，飲落唔會過甜ღ爆漿鴛鴦糍粑食落軟糯香甜又帶點脆脆嘅口感，正❗️

之前喺大陸經常都好鍾意食探魚，但係每次都好多人排隊，估唔到竟然開咗嚟香港啦，真係好驚喜。今日早放工，咁就梗係早啲嚟啦，聽講呢到七點之後就會要等好耐，勸大家都早啲嚟或者book定位先。一嚟到已經見到隔籬枱飲緊一個好大嘅水果茶，咁我哋梗係即刻跟住叫啦。因為個水果茶好大，好即刻打卡，而且我哋今日三個人，應該飲落啱啱好。好彩時間夠早，所以我哋仲可以叫到午餐，估唔到午餐嘅份量都唔少，而且仲包埋任食嘅冰粉，可以自己出去自助形式咁樣拎。我以為呢度最值得讚嘅仍然係佢嘅烤魚，我哋呢個青花椒麻烤魚一人餐真係好豐富。佢嘅魚雖然唔係原條，但係份量都好多，而且入面仲有好多唔同嘅配料，魚肉好滑，雖然唔係太辣，但係食落好開胃。另外我哋仲叫咗海陸空串燒套餐，我認為入面嘅牛肉最好食，雖然唔係好大串，但係牛味好足夠，唔使好重嘅調味已經好好食。估唔到探魚嚟到香港水準都完全冇跌，非常推薦大家嚟試吓呀。

今日朋友過咗嚟公司附近搵我食晏，一於就去食探魚啦😋 𓂃𓈒𓐍 *ﾟ. 𓂃𓈒𓐍 *ﾟ𝕨𝕖 𝕠𝕣𝕕𝕖𝕣𝕖𝕕ﾟ*𓐍 𓈒𓂃. ﾟ*𓐍 𓈒𓂃囂張冰桔桶 🍊 真係夠晒浮誇！成jar拎上枱，桔味清新解渴，酸酸甜甜好開胃，飲完成個人都爽晒，大jar到3-4個人飲都夠😌彭彭小酥肉 🥓 外脆內軟，調味啱啱好，食到停唔到口🤤 一把滿足烤羊肉串 🍢 羊肉串烤得香口，肉質嫩滑唔羶，孜然味濃郁，食落好有風味，啱晒鍾意重口味嘅人😍 酸菜味烤魚一人餐 🐟 酸菜味夠晒開胃，魚肉鮮嫩冇骨，配埋酸菜同湯底，酸香惹味，一人份量黎講真係算多👍🏻 午市食一人餐仲可以出去舀自助冰粉😍雞絲伴伴麵 🍜 雞絲嫩滑，麵條彈牙，醬汁香濃得嚟唔會太鹹，少少麻麻辣辣咁😋 棒棒麻辣口水雞 🌶️ 麻辣味夠晒刺激，雞肉嫩滑入味，麻香同辣味平衡得好好 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ 餐廳貼心地為客人準備好圍裙、紙巾、橡筋等，方便客人盡情享用餐點，真係好細心🩷我最鍾意小酥肉外脆內軟，仲有囂張冰桔桶浮誇得黎又幾好飲🤑 人均消費：～$212🤩 推薦指數：8 / 10📍 餐廳資料：探魚烤魚 (觀

今次我來到觀塘APM L3的「探魚」，準備享受一個充滿驚喜的午餐！一走進餐廳，首先映入眼簾的就是那清新簡約的裝潢，讓人感到輕鬆自在。這裡的氛圍真係好chill，適合約埋朋友一齊聚餐。我選擇咗「酸菜烤魚set」，只需$98，就可以享受到一個豐富的午餐！當烤魚端上來嘅時候，首先吸引我嘅係佢的賣相——金黃的魚身上灑滿了酸菜，色澤誘人，令人忍不住想拍幾張靚相📸。魚的香氣撲鼻而來，令人感受到一陣酸酸的清新感，搭配著烤製的煙熏味，真係一個完美嘅開場白！一口咬下去，魚肉鮮嫩多汁，每一口都有濃厚的香氣，酸菜的清香更是為魚肉增添了層次感，酸中帶辣，惹人食指大動。這道菜唔單止好味，仲有唔同的口感，真係好滿足！🥳而「易燃易爆小吃天團」更係一個驚喜！每一口都帶著酥脆的口感，搭配上特製的醬料，味道絕對令人回味無窮。至於「海陸空把把燒天團」，串燒的火香味與海鮮的鮮味交織在一起，搭配上竹籤的方便，令我一口接一口，根本停唔落來！最後來到「棒棒麻辣口水雞」，麻辣的香氣瞬間充滿整個口腔，雞肉滑嫩，辣味適中，令人心情愉悅！食完之後，整個人都覺得飽足又滿足，簡直是一場味蕾的冒險！😍總結來說，「探魚」的午餐體驗絕對值得一試，無