挽肉と米

營業中

休息中

THE WALKIN LINE IS FAKE YOU WILL NEVER GET IN, AND YOU CANT EVER GET A RESERVATION ONLINE, WORST SYSTEM EVER SEEN. THE GUY AT THE DOOR DOES NOT EVEN LOOK AT THE WALK IN LINE LIKE IT DOES NOT EXIST BUT THEY SET IT UP THERE SO IN CASE A RESERVATION DOES NOT SHOW UP THEY WILL LET YOU SLIP IN SO THEY MAXIMIZE THE UTILIZATION. WORST FKING IDEA EVER, WILL NEVER COME BACK EVER. WISH THIS PLACE COLLAPSE SOON

今朝過嚟中環睇牙醫睇完之後心血來潮諗住嚟睇吓派唔派到隊食呢間漢堡扒我今日冇book枱派咗Walk in隊我排第四個，等咗大約90分鐘先入到去呢間餐廳我想食好耐上次去台灣見到唔使排隊其實都想入去食不過上次太飽冇入到去今次入到去，首先買飛我叫咗杯Lemon Sour再叫個漢堡餐set首先上嘅係麵豉湯同飯店員會每件漢堡扒逐件上坐喺吧枱見着店員喺度燒漢堡扒其實好治癒漢堡扒都幾好食，好有肉汁有好多款調味料全部都幾好食總括嚟講，漢堡扒係好食啲日本米都煮得好好，好好味啲飯一粒粒，我食咗成三碗飯杯酒就差少少，未去到日本居酒屋嘅Standard

星期六朝頭早喺中環嘗試冇Booking Walk in食呢間想試咗好耐嘅「挽肉と米」 因為知道網上Booking一開放已經好難book。運氣好好快就入到去啦！喺門口揀咗要邊個set俾咗錢就入座，我哋都係食咗基本set, 諗住到時唔夠先再加。見着師傅喺面前準備我哋嘅漢堡扒，聞到燒烤嘅味真係好香。首先佢會俾我哋自己攞一隻新鮮雞蛋，陣間撈飯用。店員都細心解釋嗰幾款醬料同埋食嘅次序。基本上白飯係任添，同埋有一碗味噌湯。個set包咗三舊漢堡扒，逐件逐件上。整體嚟講覺得味道好service好，景色又好下次會想試吓佢哋新開尖沙咀分店。🤗

被網民稱為預約困難店，一早較定鬧鐘book星期日同阿媽撐枱腳，原本想book 1pm，點知到俾錢個刻又彈出話時段已滿，來來回回幾次，最後成功book到4pm時段！雖然成功訂座，但都規矩多多，要先付訂金，幾日前取消要扣按金之類，因為冇諗過唔出席，所以都冇細睇條款！不過我哋早到15分鐘，所以都要在門外等一陣，之後差唔多時間就安排入座，店員會問你係唔係第一次嚟，之後就會講解一下應該點食，枱櫃桶亦會有張說明書教你食法！枱上面有好多醬料，大家可以因應自己口味去選擇，我鍾意食佢個豆拌醬油，仲有個漬白菜可以任食！店中只有一個套餐選擇，$138有三塊漢堡扒，再加碗湯同蛋，仲有白飯任添，想再食漢堡可以再加，基本上一定夠飽！ 我跟足規矩第一嚿漢堡原汁原味食，第二嚿就配蘿蔔泥同柚子醋食，最後一嚿就配雞蛋食！ 三嚿肉我食咗兩碗飯，不過佢一碗飯其實唔多，所以都唔算食咗好多飯。而d漢堡全部都喺現場用炭火燒，但現場唔算話好大油煙味，漢堡扒好juicy，好好味，d肉汁湧住出嚟，好正，我同媽咪都食咗兩碗飯，食到好滿足咁離開！點了兩個套餐再加份泡菜，加一合共$342，在IFC來說價錢都合理！

今日又搶到飛同老公去食呢間位於ifc人氣日本過江龍既漢堡扒餐廳🤩👍🏻之前喺福岡朋友幫我地book過，都有試過一次。喺香港就試咗幾次，不過之前掛住食冇影相😂😂漢堡排🩷🩷🩷🩷🩷其實佢都幾抵食，一個set有3舊橢圓形既漢堡扒。同埋有六種醬汁俾你點，再加埋有麵豉湯同埋一隻日本生雞蛋比你加埋入去，先至138蚊加一。仲要質素都唔差佢個性價比都好高，因為佢係位於IFC 4樓頂層佢嗰個位可以望到海景，平時我哋去開海景餐廳都唔止百幾蚊啦。難得依家百幾蚊仲要望埋個景食飯。同埋佢啲漢堡扒肉係比較實淨，我見佢員工用人手手打漢堡扒，跟住整成個橢圓形再放落去燒。日本青森蘋果汁🩷🩷🩷🩷🩷因為佢同可樂嘅價錢一樣，但係我唔想飲有氣嘅飲品，所以揀咗蘋果汁試吓。我想話佢呢個牌子嘅蘋果汁超濃蘋果味，完全唔係嗰啲假甜。本身我都有聽過青森呢個地方出產嘅蘋果好好食。不過去食一定要book咗位先去，我見到walk in排隊嗰條龍真係有排等。。。五個心心為咗高分挽肉と米 (中環)中環金融街8號國際金融中心商場4樓4011號舖

聽人講到好好食，連我啲超閹尖日本通朋友都話香港版唔錯，咁真係要試下。閒日來，嚟到先知原來要訂位，Walk-in要排隊等，我嚟到排第三，都要等多廿幾分鐘先入到去。入到去，一定要讚係油煙同油煙味都比預期少啲，希望出門口時身上沾少啲味。坐埋位，可以睇住廚師煎嘢，揸漢堡，有冇高檔餐廳feel就見仁見智，等冇耐已經有嘢食。都係點咗最大路嘅三件肉Set，按照佢哋建議，食原汁原味漢堡先。煎得係幾靚。肉粗幼度好適中，唔會幼滑到冇晒纖維感，又唔會咬到一粒粒散開，肥瘦比例約37啩，都算係食過數一數二好食嘅漢堡扒。佢會睇住你食到第幾塊嚟逐件上。我哋試晒全部醬料，印象最深刻係一款椒麻醬，有啲似麵豉，好重口味。青唐辛子檸檬漬夾落肥肉度好Balance，個人最喜歡配搭。最後佢哋建議加蛋食，如果想影到以下效果，可以先喺件扒上面整個凹位，咁先容易承起隻黃。整體感覺真係幾唔錯，值得嚟多幾次，但等位真係唔易，我估短期內開多啲分店都唔會改善幾多，想食就乖乖哋訂位啦。

專登喺聖誕節前嘅一個星期網上10:00準時book位，book到Boxing Day下午5:00的位置可以試吓呢個炭燒漢堡扒。咁啱聖誕節期間做緊期間限定既A4九州和牛漢堡扒。套餐每人包3塊漢堡扒+1隻生雞蛋+白飯任裝。廚師會因應你進食嘅速度去安排漢堡扒，漢堡扒真係烤得好香好Juicy輕鬆就可以K.O.幾碗飯。期間亦見到廚師因為漢堡扒烤得唔好而掉咗去垃圾桶，真係好認真。店員會介紹每塊漢堡扒唔同嘅食法，唔會咁快食到厭。旁邊嘅醬汁亦都好好味，令人開胃，減輕油膩感。整體嚟講幾好食可以再嚟，但可惜太難book位都要再諗諗先！

位於香港IFC的「挽肉と米」專注於炭燒漢堡扒餐，環境獨特，以吧台為主，圍繞著燒烤爐，營造出熱鬧的用餐氛圍。這裡的漢堡扒以其鮮嫩多汁著稱，每個套餐最多三塊漢堡扒，顧客可以根據不同食法享受獨特風味。第一塊漢堡扒建議直接大口咬下，讓肉汁在口中四溢；第二塊則可以搭配離蔔泥和自製袖子蘭，清新的口感恰到好處，增添了風味層次；第三塊搭配雞蛋，滑嫩的口感與漢堡扒的肉香相得益彰，令人滿足。整體來說，「挽肉と米」不僅提供美味的炭燒漢堡扒，是肉食愛好者的必訪之地。cp值高記得網上預約，每日十點～預約七日後～

首先呢間餐廳係超級難約，要預早一個星期，準時上午10:00入指定網站預約，原本以為過咗幾個月，大家嘅新鮮感已經過，會容易啲book啲🙂‍↕️但係呢單嘢就好似買演唱會飛一樣咁困難。就算準時入到去，預約心儀時間都要有少少運氣成份😀準時7:30PM到達，唔洗等，直接入去㩒飛Order，大家都知佢哋一個餐，另外就揀咗佢哋嘅「免治牛肉薯仔沙律」，大胃王老公一直話好肚餓、好肚餓，叫佢Order左多塊漢堡扒。挽肉と米套餐，已包任食白飯、麵豉湯，一坐低嗰侍應就問我，係咪第一次過嚟？咁我當然就係啦，佢講咗一大輪嘢，我未load得切已經講完😓講咗咁耐，我淨係記得佢叫我第一嚿肉，就咁食，乜嘢醬料都唔好落👌🏼其實坐住喺度睇佢表演燒漢堡扒，個feel其實係幾治癒，但係同時都見到佢個漢堡扒，都落咗幾多鹽下🙂‍↕️呢個漢堡扒我就第一次食，同埋冇試過喺日本食，我都唔知佢係咪真係Original都係咁咸😂不過佢個漢堡扒係幾Juice，我會俾多次機會再試🥸「免治牛肉薯仔沙律」真係唔值得order，份量好細，冇乜牛肉口感又冇乜薯仔口感🙂‍↔️Anyway $138 食到炭燒漢堡扒+ 睇住ifc夜景係幾抵既，可以再試，但係…唔會成

on-site waiting list實際等候時間要超過2小時。但staff對此完全沒有提示，只是機械回覆無法保證，沒有對客人最基本的尊重。為了餐廳自己的利益最大化，而完全不理會排隊的客人的感受，也不理睬排隊的客人，說明這是一家完全不尊重人的餐廳。how can you expect good food and good service if the restaurant show none respect for people?

喺而家呢個市道，中環IFC店開店都開咗半年，都仲係每朝搶演唱會飛咁訂位，都咪話唔誇張!! 想book到正常lunch/ dinner hours，真係要一星期前搭正10AM入佢地inline網頁鬥快搶見到咁犀利，我都加入戰團試試佢，最後終於成功book到平日夜晚7PM嘅2人位套餐包咗3件漢堡扒﹑生雞蛋一隻﹑白飯任加﹑醬料任落，講真係夠飽嘅~ 漢堡扒由你面前搓形﹑放炭爐燒，視覺都係個享受嚟，加上有炭香又保留肉汁，好食嘅，不負咁多人爭住訂座醬料方面，我自己最鍾意青唐辛子鹽漬檸檬同MOU先生的特製麻辣粉!另外另外，杯檸檬特飲有驚喜！好飲呀，推介叫埋！值得一試，祝大家預約順利~! 哈哈!

📍中環IFC - 挽肉と米-本身對呢個日本過江龍漢堡扒無咩興趣，因為賣相一嚿肉咁樣唔吸引，點知食完超有驚喜！而且$138+10%呢個價，豐富嘅一餐，環境又超靚，大推呀！「挽肉と米」套餐 $138(包三件炭火現烤牛肉漢堡扒，一碗味噌湯，白飯任添)炭火現烤牛肉漢堡扒有三種建議食法，各有特色：👉食法1: 原汁原味食～ 超級多肉汁，啲肉好👉食法2: 加柚子醋& 蘿蔔肉食～ 幾清新嘅配搭，無咁沮！👉食法3: 加蛋漿食～ 唔好意思我唔食生蛋，但朋友話加埋會再滑口啲！餐廳仲有6款特色調味，全部都偏咸，但我好鍾意🤣 最like個椒麻醬，會空口食多兩啖～溫馨提示，食完3件真係超級飽，留定個空肚先幾嚟食呀🫶挽肉と米香港店📍中環國際金融中心 IFC Mall4樓4011號店 (花園平台)

由開門到而家到爆曬預約嘅餐廳 要搭正12點 望實天文台時間 先有機會book到🫣 首先個景真係超靚💯📸打卡一流 食物點咗最多人揀既3舊和牛漢堡 白飯 麵豉湯飲添 每人可以有一隻雞蛋三種食法分別係直接食用 🐮和牛多汁 入邊保持到少少生 另外可以加一啲柚子醋食 最後係加生🥚一齊食 另外仲有好多種醬汁 調味料俾你試 但係小編覺得直接食係最好食🙈 因為好食嘅原材料 根本唔需要加乜嘢白飯係珍珠米 粒粒煙靭 配和牛漢堡一流😎每位去到都會有一張紙介紹晒所有調味料 食和牛嘅方法 仲有專人同你講解。

由日本過嚟嘅炭燒漢堡扒-挽肉と米喺社交平台見到好多人吹捧，自己都忍唔住想試下佢咩料。前陣子有陣熱潮好多人book，爭唔贏其他人🥺宜家！熱潮減退咗少少，我單拖都攝到位可以一嘗究竟！一入到去首先喺部機揀翻set俾錢，然後入座等食。自問未食過漢堡扒，唔係好知點食，好彩一直都有員工指示，講解食法步驟，哩點真係好Good!講翻嘢食先🤡一set有三塊漢煲扒，白飯任裝，雞蛋隨你拎，三塊扒介紹咗唔同食法。第一塊建議我先原汁原味食一啖，嘩…淨係拮落去嗰下都好多肉汁流出嚟🤪食落去肉味重又多汁，真係好juicy 啊！！！配埋白飯解膩，其實白飯都想讚一讚，因為粒粒分明，軟硬適中，係咪日本米都咁好食🤤第二塊建議我蘿蔔蓉加醬汁一齊食，食落先知原來可以咁夾！第三塊就係大家平時社交平台見到嘅加隻蛋咁食，哩個其實我食得炒炒地，因為我冇蛋黃蛋白分開，成隻蛋車落去，除咗蛋味我都冇乜印象。總括而言，就係原汁原味咁食其實已經好出色，唔需要太多花巧嘢，食出最純粹嘅肉味，我覺得哩間真係做到！最後服務都好周到，環境又靚，價錢講唔上好貴，好值得大家一試！不過排隊就不了🤡

🌟日本超人氣過江龍漢堡店🌟 💰$150 - $200💰挽肉と米套餐 $138 ❣️3件炭火現烤牛肉漢堡 60g免費續碗羽釜鍋新鮮現煮白飯 🍚味噌湯1隻生蛋 🥚米飯🍚秋田縣水晶米 搭配用羽釜鍋現煮 煙韌彈牙可惜米飯過多水份 未能粒粒分明😥🐮漢堡以長備炭火烤爐 即席烤製 ❤️漢堡扒炭火香濃 微微洋蔥香 肉質結實 外層焦香內軟🥰可惜燒至全熟 欠缺滿滿澎湃油脂 肉汁另外調味過重 有點蓋過牛肉本身的香味 略為遜色😥對比日本肉汁豐盛 內軟粉嫩 柔軟口感 濃厚牛肉味 存在一定差距🫣✨Dining Tips🩷第一個漢堡 先品嘗原味🧡第二個漢堡 搭配特製白蘿蔔泥 柚子醋 增添層次💛 第三個漢堡 搭配生雞蛋 生醬油 按喜好為配上特製醬料👍🏻香甜米飯 蛋黃一同入口 濃郁滑順的口感令人難忘🧂多款醬料 配料生醬油 白蘿蔔泥 青唐辛子鹽漬檸檬 香炸蒜碎油漬青唐辛子 特製椒麻醬 梅子醋漬白菜宗旨 🖌️「挽きたて」「焼きたて」「炊きたて」「新鮮現絞」「新鮮現烤」「新鮮現煮」設計🪵劇場型環狀配置 環繞著烤爐的吧台座位享用剛烤好的漢堡排 並欣賞即席漢堡製作 💖Highlights 創辦人山本昇平先生 日本團隊 共同反覆調試還