挽肉と米

蝦子餅早前提議去「挽肉と米」，窩夫便預先上網訂位。星期日下午5時30分入座，入座前先用點餐機落單和付款，每位最低消費為「挽肉と米套餐」($168)一份。天朗氣清的一天，「背景」太美了。打開抽屜，有一張紙介紹建議享用方式和座位上的特色配料。拿開紙張，放了筷子、碟子和濕紙巾，以及調味的鹽和黑椒等。師傅在客人面前現烤A4九州和牛漢堡扒。先送來現煮白飯和味噌湯，白飯是用羽釜鍋現煮的秋田米，可以無限續添，窩夫與蝦子餅都有添飯。套餐的三件現烤A4九州和牛漢堡扒是逐件上的，確保客人吃到新鮮熱辣的漢堡扒，可見餐廳對食物溫度的執着。第一件漢堡扒嚐嚐原汁原味，肉汁豐富，充滿炭燒的香味和肉香，味道很好，要將美味的肉汁流入白飯中，不要浪費。第二件漢堡扒配蘿蔔泥和自家製柚子醋，味道酸酸的，解解膩再吃第三件。套餐包括日本京都產的雞蛋一隻，吃第三件漢堡扒時用的。成功將蛋黃放在第三件漢堡扒上，當然要相機食先。單用香濃的蛋汁來拌飯已經很好吃，加入生醬油或豆拌醬油後更滋味，吃光第二碗白飯完全沒有難度。加了一杯菠蘿熱情果果蔬梳打($45)，味道清新。…查看更多

琴日終於嚟食到大名鼎鼎嘅挽肉と米！男朋友做一個星期假定鬧鐘book枱，book咗琴日嘅晏晝兩點。其實我嗰陣時隔咗10分鐘再去睇個website都仲有位🤣而家應該冇以前咁難book-一去到門口就有大約10個人排隊等Walk in，book咗枱嘅好處就唔使天時暑熱喺度乾等😛入到去有部自動點餐機點餐，我哋就叫咗兩個set、一個薯仔沙律、一杯生啤、一杯凍烏龍茶一坐落嚟，店員就會問你有冇食過。我哋第一次食，就介紹咗少少食法同埋有啲咩配料，同時都有張紙仔俾你望住每個位置都可以見到師傅喺度燒漢堡扒，燒燶咗嗰啲佢仲會抌咗佢🥺（心諗可唔可以俾我食😆）首先嚟咗個薯仔沙律同埋兩杯飲品。薯仔沙律落咗啲吞拿魚蓉同埋洋蔥，個人認為偏鹹，配埋飲品就剛剛好，但我覺得就唔洗試都得一個餐總共有三舊漢堡扒，食到最尾唔夠你都可以出去點餐機再加漢堡扒都得😋師傅嗰邊有個wooden block mark住你食剩幾多嚿不得不說，個漢堡扒外皮少少焦脆，一咬開入邊好多汁Juicy，調味都剛剛好，一開始食覺得唔使點任何調味料都其實已經好夠味👍🏻-因為食三嚿漢堡扒，每嚿都就咁食就有啲寡，所以其實調味料都好緊要！！我每一隻調味料都試咗，我最鍾意都係豆拌醬油+蒜碎😋我男朋友就強烈推薦豆拌醬油+蒜碎+油漬青唐辛子，無論係配漢堡扒定係撈飯食都好惹味👍🏻最後嗰碗白飯攞咗隻蛋嚟撈飯，記得要分開蛋清同蛋黃，淨係用蛋黃嚟撈飯就夠啦～如果唔係個飯就會太濕。蛋黃都係推薦加埋豆拌醬油同埋蒜碎一齊撈飯，超好味，食10碗飯都得-總結：一開始好肚餓，覺得自己可以食4塊漢堡扒（本人都算係大食個邊），但最後食完3塊其實都好飽（我每塊漢堡扒都配一碗飯嚟食）。所以建議大家食完先再諗使唔使再加點漢堡扒～如果book咗枱嚟嘅話，我覺得非常值得嚟食！要排隊就不了～不過而家咁易book枱，我覺得都可以再encore…查看更多

終於book到IFC位,同fd一齊試下。入座就已經落好order,埋位等食。以第一次去食既用餐體驗黎講其實好正,係你面前用炭爐烤漢堡扒。炭火烤肉既香味不斷傳黎,令人食指大動。上菜個陣,亦會對食材進行簡單既介紹。官方提供3種食法,分別是原味,配蘿蔔蓉＆配生雞蛋。我覺得第一種原味食法就已經好好味。調味唔會太咸,漢堡扒又唔會過於鬆散/緊實,處於一個平衡既狀態。一啖咬落去,炭烤既獨特油香立即充滿整個口腔,配合可以無限續碗既白飯,正😋第二種食法係蘿蔔蓉加柚子醋既組合,酸酸地非常開胃。亦可以清新一下口腔,避免連續食太多肉類過於油膩。最後一種係配生雞蛋,意即生蛋拌飯,非常好送飯,亦提供到飽足同完滿感。我覺得依個順序非常好😋食完3塊岩岩好👍整體用餐體驗都唔錯,起碼IFC個景已經贏左。食物符合預期,套餐包埋既味噌湯都好好飲。最大問題係真心難預約😂@hikiniku.to.come_hongkong有興趣想試,可以預早7日,早上10時到佢地社交平台既link預約。A4九州和牛挽肉と米套餐 $168SAPPORO生啤 $58…查看更多

一路都想食，最近終於都book咗。一路食覺得幾好玩，望住佢哋燒漢堡扒，跟住食嘅時候又有最少三種方法食，感覺好新鮮幾有儀式感。漢堡扒多肉汁得來唔會過分油膩，唔錯。最後追加多個麵豉湯，好飲。薯仔沙律唔使嗌，冇乜特別。…查看更多

呢間舖頭開咗成年，我而家先第一次去試——佢哋已經開咗第二間分店！單係咁已經知有幾勁。我一直唔嚟，純粹係因為條隊實在太長，排到怕。不過，我好開心終於試到，而且覺得絕對值得。我本身唔係特別鍾意和牛，但今次有驚喜。我叫咗個簡單抵食套餐：三件免治和牛漢堡，任添白飯同湯，只係$168。啲漢堡又多汁又香濃，任裝白飯同湯真係夠晒飽。係一種好滿足嘅comfort food，又唔會太貴。 服務有啲急，啲店員好似好攰咁，雖然明白佢哋咁旺場。另外張枱有啲黐𣲷𣲷，清潔可以再做得好啲。不過整體嚟講，個核心出品真係好正。價錢公道，食得飽，我會再嚟！而家我明點解咁多人排隊啦。…查看更多

今日專登去咗最近幾hit嘅「挽肉と米」試佢哋主打嘅A4九州和牛漢堡扒定食（$168）🍚 定食包括：・3大塊和牛漢堡扒（每塊90g）・白飯任裝・味噌湯1碗・日本生雞蛋1隻🥢 食法好有心思：第一塊試原味—和牛油脂香濃，咬落肉汁爆出，口感軟熟得嚟唔會太油膩！第二塊配白蘿蔔蓉同柚子醋—清新嘅酸味正好平衡油脂感～第三塊撈生雞蛋飯食—蛋漿包裹住漢堡扒同飯，滑溜香濃完美收尾！🍺 另外加咗杯Sapporo啤酒，同漢堡扒都幾夾～成個體驗好滿足，$168可以食到A4和牛質素，白飯任裝絕對夠飽，而且三種食法各有特色唔會悶。環境乾淨企理，服務細心，會主動教客人點食最正。想試嘅朋友建議早少少去排隊，晚市幾旺場㗎！…查看更多

終於俾我喺網上成功訂位，試到日本過江龍挽肉と米，真係好期待！一入門口，店員帶我哋去自助機揀餐同付款，每人都要揀一個漢堡扒套餐。我哋叫咗兩個套餐加兩份沙律同一杯野飲，沙律比較普通，但主角漢堡扒就非常出色！每個套餐有三件漢堡扒、一碗味噌湯同一碗白飯，白飯用秋田縣米，粒粒分明又有米香，仲可以免費添飯！漢堡扒煎得香口多汁，肉味濃郁，食落好滿足。對女仔黎講，其實食兩件扒已經夠飽，第三件就係幸福嘅挑戰！整體體驗好好，食物有水準，價錢又唔貴，值得一試！…查看更多

有外地朋友來香港，所以預訂了晚上吃這家店。之前錯在台北試吃過，整體十分好，所以本是很期待的。當晚去到餐廳，首先看到帶眼鏡的女接待員與一名客人交談，客人越來越生氣並走了….輪到接待我時，過程似是落口供一樣，她問完就直接關門，完全沒有基本的禮貌。及後排在我後面的幾個人不知為何可優先被她帶入座，但那群人嫌棄位置差，坐了另一張枱；那個店員就直接安排我硬食這座位…..當我吃到中段，這個接待員才突然核對預約資料….及後廚師問接待員是不是還有客人未到，那接待員像是忘了她早已氣走客人，讓廚師繼續等。我和朋友的感覺：到底這店請了什麼人….但廚師的態度更是突出；我們要添飯時，當時廚師背向我們，但添飯的人看到並為我們添飯，而廚師竟是叫停添飯人，要先為他面前的客人添飯….到底是如何的小學雞才會這樣做…..客觀一點，食物質素不錯，有3塊漢堡，均有肉汁；只是其中一塊輕微失手，算是不錯的。總括而言，食物質素不錯，但服務水平最多只有茶餐廳水平；若是帶外地朋友或約會的話，是會十分失禮的。…查看更多

Hikiniku to Come has been launched in IFC more than a year. The hype is finally fading. I easily secured the same-day afternoon appointment.Staff were friendly and sincere. After a brief introduction of the meal, drink and the signature grilled burger meat were served under priceless view of Victoria Harbour.The burger meat was charcoal-grilled in front of the customers. Yet the heat and smoky smell were well handled by the ventilation.The burger meat was juicy and tender and was arguably one of the best burger meat I’ve tasted. Different toppings and sauces can be served with the meat. Though I enjoyed it most when served without any of them.…查看更多

一直都想試挽肉と米但知道難book好full, 老公突然諗起問, 見網上預約系統有得book 一星期後晚市時段。咁岩星期一８號風球中午落波，晚市可以照常去食。去到ifc搵咗一陣，搵到唯一扶手電梯上４樓平台花園，平台花園好大，除咗挽肉仲有其他餐廳例如shake shack，海景景色亦好開揚~門口分兩邊，都有唔少人嚟等walk in食，網上預約好快有得入，直入門口先點餐付款後入座。今期餐廳得一款套餐:A4九州和牛$168，同老公每人點咗一個，額外再要一份免治牛肉沙律同菠蘿熱情果梳打。睇foodie youtuber Alfred Chan介紹先知原來炭爐牌喺香港已好多年冇批出過。不得不大讚挽肉餐廳冷氣抽風設計上好犀利，炭爐燒到火紅起碼20-30件肉餅一直燒，座位同爐大概5-6米係完全唔熱好涼爽，亦完全冇油煙味！由於肉餅偏油膩重味，於是熱情果梳打、梅漬白菜、牛肉薯仔沙律呢啲清爽清新可以平衡到油膩感。白飯真係超好味，水潤粒粒分明有咬口。肉餅一人有３件，侍職會細心留意住客人食嘅進度咁上肉餅。按挽肉建議：第一件肉餅就咁食、第二件加白蘿蔔蓉同柚子醋、第三件加生蛋。我自己個人口味覺得肉餅醃得偏重味，於是挽肉有提供嘅鹽、胡椒、辣椒或醬汁等調味料我幾乎冇落過，只係好奇醬汁味道畢少少出嚟試試，少少可惜，覺得肉餅可以醃淡味少少。食完兩件肉餅已經７—８成飽，我冇添飯，老公食咗３碗飯哈哈。食到第三件加生蛋撈少少飯剛好食得曬～大滿足嘅一天~…查看更多

1️⃣第一块纯享原味：肉汁多到爆！拌米饭香到舔盘​2️⃣第二块配萝卜碎 + 柚子醋：清爽解腻 瞬间打开味蕾​3️⃣第三块加无菌蛋 + 酱油：蛋黄拌米饭绝了！丝滑到起飞（只放蛋黄更绝）​…查看更多

其實是非常之普通的漢堡肉，滾作一團只有視覺和聽覺的效果，整體有點兒造作的流程是快餐廳，沒有煮廚的𩆜魂可言。飯太削（告訴我日本珍珠米這做法，明白的），但連蛋也沒什麼鮮味。配料和 飲料都 實在是快餐類型的吧，有個圖表看是有指度意義，可是沒有驚喜，味道吃不出愉悅。就是要一早訂位，我看都是一個人碰碰運氣有得吃便吃，否則去food court 吃石板飯也是差不多的，我喜歡吃牛肉飯可以到大排檔蒸一個。是見面不如聞名的一餐。…查看更多

我同11歲大嘅女兒大熱天時喺門外排隊，一開始排在我前面的有兩對情侶、一家三口，排左一個半小時，只有一對情侶和一家三口被允許進入用餐，但期間不斷有食客食完後離開，即使內有很多空桌，都不讓排緊隊嘅人進入，我明白要先讓網上預約好的人優先進入，但店員的態度和安排是完全無視排隊的客人，予人的感覺是「排到你就排囉，排唔到就唔X好食」，最後女兒忍唔住，又餓又熱又攰的情況下，喊住話離開求其搵其他餐廳食就算，白白浪費左我地嘅時間順帶一提，這篇投訴是我女兒強烈要求我寫的！…查看更多

幾乎每個月都會嚟一次。跟往常一樣叫嗰份漢堡定食。不過這次卻發現塊漢堡size 比往常細了一個碼，唔通啲牛肉來價貴咗？好彩質素重維持到。最近發現網上book 位比以前容易得多！唔知道係咪個熱潮已過過咗！定係係開始頂唔順佢個訂位制度。…查看更多

漢堡扒造得很好！脂肪和肉的比例恰到好處。自家製的醋汁很配合漢堡扒。價錢也算合理。環境很開陽，能夠看到維港景色，我覺得坐得舒服過海港城店。問題是他的訂位系統及訂位制度卻極需改善！首先IFC 店即日臨時取消要收高昂的罰款已是極不合理！又不設改期。香港人工作繁忙，即日臨時有事去唔到預約餐廳食飯實屬常事。你要明白大多顧客都唔係有心失約！而且你間鋪由開舖到収舖都長期有大批walk in 客喺外面排隊。跟本不構成因預約客人失約而度至餐廳空置坐位或浪費已預備好的食材。…查看更多