拉麵Jo

營業中

休息中

喺附近睇醫生，等到好肚餓，又想食個快晚餐，就過咗嚟呢間拉麵jo!原來都幾出名係米芝蓮！就睇吓係咪真係咁好食！叫咗一個慢煮叉燒，同一個雞白湯拉麵，慢煮叉燒肉量非常豐富有成六大塊，湯都好好飲，雞白湯湯底都好清好味。係食過數一數二好食嘅拉麵！😋😋😋連平時唔係點飲湯底嘅我都飲晒。而且服務好好，一嚟到就俾水😁仲比左暖水我添。上菜都好快，半個鐘內就食完走得，仲要好食同食到好飽，滿足！下次嚟附近都會再食😍

米芝連推薦，緊係要試吓～叫咗特製沾麵，配菜超級豐富，濃厚木魚豚骨，叉燒，椰菜，玉蔥，京蔥，干筍，木魚粉，紫菜，半個日本半熟蛋沾麵用極粗麵，好彈牙，好掛湯，叉燒大大塊，入口即溶，湯底濃而不膩，食到最後都仲好熱，一流👍🏻特製低温叉燒拉麵，叉燒超級粉嫩，湯底係醬油豚骨湯，濃郁小食選擇好多，我地叫左涼伴菠菜，薯仔沙律，自製餃子，蔥花牛舌涼拌菠菜好清爽自製餃子，煎得香脆，餡料好juicy🤤牛舌惹味彈牙👍🏻

朋友話曾經榮獲多次米芝蓮推薦嘅拉麵Jo我竟然未食過有無咁大鄉里呀🤪無辦法啦～香港太多美食只計拉麵都⼀大堆過江龍同本地菁英⼀時間真係未必諗起嘛位於加路連山道嘅呢間拉麵Jo無好華美嘅裝修簡簡單單一輪吧枱位加兩張四人枱拉麵湯底選擇都多又可選沾麵麵豉拉麵口味濃重入口充滿黐笠感特製低溫叉燒拉麵叉燒感覺無普通叉燒咁肥但因為經過低溫慢煮入口同樣軟淋淋唔柴唔乾湯係醬油豚骨豚骨味香濃突出但又唔會有骨湯嘅油膩感👍拉麵Jo係罕有比較多小食選擇嘅拉麵店除左有自家製餃子仲有蔥花牛舌、炸雞、涼拌菠菜等等啱晒我呢啲鐘意多花款嘅人😋蔥花牛舌用上薄切牛舌爽口有嚼勁以豚骨湯拉麵黎講拉麵jo 確係出色難怪會多次得到米芝蓮推介

我唔係惡意批評，我係一個食評家。尋晚突然經過見到幾隻老鼠喺餐廳裡面跑嚟跑去，女待應好似覺得好平常，完全不理！個人覺得一間餐廳衛生最重要，如沒有跟進滅鼠，我或會投訴衛生署和食環，以保障食客安全。

🍜拉麵Jo 係拉麵界始組，應該好多人認識，咁多年都屹立不倒一定有原因🥢特製低溫叉燒沾麵 滾燙嘅醬油豚骨湯絕對係食沾麵必須的，呢到嘅湯非常夠熱，滾到起泡，值得一讚。醬油湯味道濃郁，沾麵麵質粗身，口感彈牙滑嫩。叉燒用低溫烹調，以最佳煮食溫度令肉質保持嫩滑，肥瘦適中。🐔雞白湯拉麵湯底經長時間熬製，非常濃郁，麵條幼身，容易吸湯，比較重口味嘅雞白湯慢煮叉燒同雞胸肉配料，雞胸厚切得黎一d麵唔鞋身。推薦每碗麵都加紫菜，紫菜吸晒湯食超好食🥟自製餃子 餃子即叫即煎熱焫焫，滿滿肉汁，如果外皮煎得再焦香d就更好🥔薯仔沙律沙律香滑軟綿綿，比較清新，好啱夏天食熱拉麵時配搭🥬涼拌菠菜菠菜面鋪滿木魚絲，醬汁味甚香

銅鑼灣行完街剛剛去完北海渡太掛住熱辣辣拉麵在Openrice 搵到一間米芝蓮推介拉麵廚房是開放式，裝備同日本拉麵店差不多，可睇到師傅煮麵，好有日本Feel，師傅和店員都好有親切感😍睇餐牌除了拉麵還有好多小食飲品👍涼拌菠菜$ 28上面放滿木魚絲菠菜清新開胃自製餃子$48皮薄外脆豬肉餡靚多汁嫩滑炸八爪魚球$52熱辣辣爽口八爪魚，惹味醬汁木魚豚骨拉麵$88軟滑叉燒竹筍/木耳/青蔥幼麵彈牙好味的豬骨濃湯鮮甜飲幾啖先🤭特製低溫叉燒沾麵叉燒勁大片，肉質鬆軟嫩滑，鮮亮糖心蛋已入味，粗身扁拉麵煙韌彈牙香滑，沾麵湯要小心是滾熱，濃郁豬骨木魚湯，超濃味不會太咸，

講起拉麵，我最愛就係雞白湯🍜奶白色湯頭濃厚鮮香，啖啖都充滿純白鮮味🤟🏻香港有唔少出色拉麵店，位於銅鑼灣既拉麵Jo✨更連續多年得到米芝蓮必比登美食推薦🏆今晚收工約埋朋友去嘆返碗熱辣辣拉麵，慰勞一下辛勞工作既大家😚😚🔹雞白湯拉麵超濃厚雞白湯再加入魚介湯及特製雞油，入口濃醇綿滑，香氣超濃郁，帶來濃厚紮實風味，口感卻不失清澈！幼身麵條掛湯一流，更帶點煙韌感，配上嫩滑雞肉及薄切叉燒，入口嫩滑無比💗🔹特製沾麵選用極粗麵，由工場每天新鮮製作，帶點麥香，既彈牙又掛湯～三大片叉燒鮮嫩軟滑、日本半熟蛋，蛋黃味濃郁又夠香～主角之一既濃厚木魚豚骨湯汁濃郁豐腴，質感非常濃稠，再配以Q彈極粗麵、椰菜、玉蔥、京蔥、干筍、木魚粉、紫菜等配料同食，推薦沾麵迷一試💁🏻‍♀️🔹涼拌波菜脆嫩爽口既新鮮菠菜又清又嫩，無澀味、唔嚡口，清甜又鮮美😬🔹炸八爪魚丸外層炸至酥脆又帶點軟綿感，內餡有爽脆煙韌既八爪魚丸粒、香蔥等配料，帶來多重滋味🎉🔹炸雞軟骨粒粒香脆可口既雞軟骨，即叫即炸呈金黃色，食落特別香酥卜卜脆🌟🔹雞皮餃子餡料超飽滿既雞皮餃子金黃酥脆，咬開軟嫩多汁，食落油香十足🔥🔹迷你叉燒黑松露飯日本珍珠米細細粒好有咬口，加入黑松露醬香氣

沾麵麵底可以選擇熱食或冷食麵條係我偏愛嘅粗身麵 冷食口感好彈牙(｡･ω･｡)ﾉ魚介湯底鹹鮮味夠 質感唔算好稠杰較一般沾麵湯稀身少少 食完唔口渴額外加咗竹荀 以為只會有幾條加喺碗麵點知嚟咗成兜😹 竹荀自由不是夢！溏心蛋愛好者表示一定要加蛋食完兩隻好滿足o(≧v≦)o▫️ 特製低溫慢煮叉燒沾麵 | $125▫️薯仔沙律 | $28▫️涼拌菠菜 | $28▫️炸雞軟骨 | $48▫️額外配料: 溏心蛋 $15 竹荀 $10Revisit? Maybe

📍銅鑼灣 《拉麵Jo》薯仔沙律🥔🥗我至愛涼拌菠菜🥬清新開胃菜自製餃子🥟好足料 必點小食😬雞皮餃子🥟雞皮好脆👍🏻特製低溫叉燒沾麵用慢煮方法以66度去煮出香嫩入面嘅嘅叉燒 隨之將其烤烘以帶出食材嘅美味😋一試難忘☺️ 沾麵好彈牙 口感幾好 個湯底不得了 好濃嘅鰹魚味非常足料 飲咗一兩啖🤣🤣都唔想停👍🏻而且份量仲好多呢期仲有期間限定☝🏻特製醬油拉麵🍜以豬肉🐷雞肉🐥蔬菜🥬熬成嘅湯底 配搭多種日本魚乾🐟製成嘅醬汁 再加入自家製嘅海鮮油每一啖都享受到不同層次嘅濃鮮滋味☺️蜜桃梳打🍑

你話米芝蓮推介日本嘅拉麵店，真係一啲都唔出奇。但推介一間位於香港嘅拉麵店，就知道呢間位於銅鑼灣嘅拉麵Jo一啲都唔簡單。拉麵Jo由居港嘅日本人主理，家族幾代經營拉麵店，所以拉麵Jo除咗拉麵仲有沾麵，豚骨湯底之外仲有雞白湯選擇，每一款都充滿驚喜，濃厚度滿分。葱花牛舌牛舌薄切，不失爽口質感。加上大量香濃嘅葱花香味，大大提升牛舌嘅層次。雞皮餃子一咬開餃子，雞皮嘅雞油隨即爆出，雖然邪惡，但真係好好味呀！炸雞軟骨雞軟骨即叫即炸，非常香脆，加上惹味嘅調味，份量十足，食唔停口。特製低溫叉燒拉麵叉燒鋪滿整個碗邊，愛吃肉肉的表示好興奮。至於叉燒用低溫煮理，肉質超嫩滑呢！至於拉麵係幼麵，掛上濃厚嘅醬油豚骨湯底，濃而不油，清香四溢。雞白湯拉麵超正！雞白湯熬到勁creamy，湯色呈乳白色，雞香味濃郁，明顯落咗心機！拉麵係用上粗麵，軟硬度啱啱好；至於配料嘅雞胸，完全唔嚡口，竟然非常嫩滑，打破雞胸一貫嘅形象。

拉麵Jo之前已經食過幾次，今次再返嚟encore，質素依然都係唔錯🤤特製低溫叉燒沾麵沾麵鋪滿咗粉嫩嘅低溫叉燒，麵條用上咗粗麵，魚介沾麵湯用石鍋裝住，就可以維持住溫度，每一條麵條都掛滿咗汁，好入味😆特製低溫叉燒拉麵(醬油豚骨）拉麵嘅湯用上咗醬油豚骨湯，味道清甜唔會太膩，拉麵就係幼麵，而且低溫叉燒都係好嫩滑，不錯🙂‍↕️自製餃子🥟餃子嘅外皮好薄，入面嘅餡好Juicy，每次食拉麵都一定會配埋餃子炸雞🐥經典嘅日本炸雞，炸得香脆軟滑多汁日本蜜桃汁

係香港拉麵界競爭日趨激烈既環境下, Ramen Jo仍然可以站得住腳所以一路都想試吓佢既拉麵今次行過銅鑼灣，一於去試吓😆😆🔸涼伴菠菜口感清新既開胃小菜👍🏻🔸自製餃子皮薄肉餡靚既豬肉餃肉餡非常飽滿好足料調味濃而不太鹹, 風味十足😀🔸炸雞肉配明太子醬一碟有四件炸雞, 大大件, 香噴噴😍外皮炸得金黃爽脆, 內裡食落鮮嫩多汁調味非常恰當, 配埋紫菜, 明太子醬, 檸檬汁非常滿足☺️🔸特製低溫叉燒拉麵六大塊叉燒，份量十足，好吸引😍低溫叉燒既烹調手法, 令叉燒粉嫩軟腍幼麵軟硬適中醬油豚骨湯頭濃厚, 卻不油膩, 唔會太鹹食完唔會好頸渴🔸細叉燒丼叉燒肥瘦均勻, 調味偏濃, 好惹味😀加上少少蔥花吊味, 送飯食十分搭配

拉面Jo已經連續多年獲香港米芝蓮推介，據聞連奇洛李維斯都幫襯過，喺元朗同銅鑼灣都有分店；前排去銅鑼灣行街經過，又見到咁岩唔洗排隊，就即刻同朋友入去試下。🍜雞白湯拉麵雞白湯以雞骨同鮮雞肉熬製而成，質地偏creamy濃稠，所以面條非常掛湯，每一啖面都可以食到香濃嘅雞白湯，再配埋嫩滑嘅叉燒同雞胸肉，食完成碗都已經幾飽肚。🍜特製低温叉燒沾麵上網見好多人都推介低溫叉燒，就轉登叫黎試下；餐廳先以66度慢煮叉燒，然後再烤烘，經過低溫烹調嘅叉燒肉質更鬆軟，鮮嫩而多汁，叉燒嘅份量亦都好多，每塊都勁大片。沾麵口感煙韌，非常有口感，而木魚豚骨沾麵湯味道濃郁，但一啲都唔油膩。🥩蔥花牛舌呢款係薄切牛舌，輕輕一咬就已經可以咬開，岩哂我呢啲懶人，肉質嫩滑，同時帶有牛味，每一件牛舌都可以食到濃濃嘅蔥花味，份量亦都頗多。🍗炸雞一碟有四大件炸雞，每件嘅外皮呈金黃色，口感外脆內軟；一咬落去外皮勁卜卜脆，內裡充滿肉汁，肉質柔軟，再配埋美乃滋一齊食，非常滋味！🍑 日本盛桃汁 Fujiya Peach Nectar 平時都好鐘意去759買呢一款嘅蜜桃汁飲，味道唔會係好假既果汁味，因為佢有25%都係新鮮水蜜桃汁，仲要每一啖都可以飲

聽講話呢間拉麵店好好食，所以專程嚟試吓，唔知係咪期望太高，味道只可以話一般般☹️ 特製低溫叉燒拉麵 ($118)無可否認啲叉燒係幾好食，肉質嫩口，不過敗筆係拉麵入口偏軟身，唔係好掛到湯汁🥲另外叫咗碟自製餃子食 ($48有五隻)，外皮都煎得幾香脆，估唔到餃子會好食過拉麵😂

拉麵Jo地址: 銅鑼灣加路連山道3號地舖！夜晚約左班朋友係銅鑼灣飲酒，放工之後一個人要打定底，一定要揀油份足夠的美食。最後搵到間銅鑼灣加路連山道既拉麵Jo。入到餐廳見，先知原來係米芝連推薦過，唔怪得近七點鐘入去坐低沒耐，外面已經排緊人龍。首先，叫左個 特製魚介豚骨拉麵 $105。個面來到，第一眼最吸引既，係個隻深燈色既糖心蛋。薄切豚肉，配合粗麵，口感剛剛好。魚介湯底，濃得來唔會太咸，加埋筍片，幾好食。平日太叫食菜，叫左碟涼拌菠菜 $28。上面一層木魚絲，菠菜有陣淡淡的日式鼓油味，頗清新再來一碟蔥花牛舌 $70。薄薄幾塊，好咬口。加埋檸檬汁，原來同碗拉面好夾。然後，炸雞軟骨 $48。炸出來外層金黃色，仲要熱辣辣。叫埋一罐日本蜜桃汁 $22，25%果汁入面，原來仲有果肉，係幾好飲。