扇火鍋

營業中

休息中

大概搬入觀塘最大既好處真係到到都有好西食🤣戒左牛一排，次次聞到啲牛刷鍋味都超想食😭俾自己久唔久放肆下🤣👉🏿✨特選黑毛和牛套餐 Hkd 329 💸📌揀左正宗壽喜燒鍋，一坐底，店員會先示範一次，先係鍋內放入洋蔥，加入豬油爆香，之後可以將牛肉/豚肉放入鍋內，打邊爐搖身一變做燒肉🤣真係一次滿足你兩個願望🤭放入鍋內大概8-10秒，牛肉好快已經熟透，之後可以將雞蛋打入碗內攪勻，將岩岩燒好既牛肉連同蛋汁一齊食！我想講！真係世界之最😭😭嫩到傻，大家唔好怕生雞蛋會腥，因為本身牛味好重，成塊啪落口真係好滿足！📌試過牛肉同豚肉，個人覺得牛肉變成燒肉咁食係好味啲既！真心好正呢😭成個套餐會送個蔬菜藍，牛舌，仲可以係出面自己夾各款配料，野飲免費，冬瓜茶好飲🤣最後仲可以自己整乳酪/雪糕，真係由頭到尾都包辦晒，個姐姐仲要超好人😭服務滿分❤️📌配料一定要拎佢個芝士豆腐！其實好飲魚蛋咁，不過咬到中間會有啲cream cheese，邪惡得黎又令人欲罷不能🤭佢啲豬肉丸彈牙得黎又夠juicy，留肚食多幾粒🤨

今晚約了朋友食飯，網上搵到扇火鍋推出最新壽喜燒，好似幾得意，於是就訂了位，這間餐廳人氣爆燈，原本想book七點半，但是已經滿了，所以改食早場，五點半就開始了。我們準時入座，不一會兒，餐廳都已經full了，所以想食的朋友仔，一定要訂枱喎。餐牌清晰明白，可以選擇一人一鍋，再選你自己鍾意食的牛肉品種，不同牛肉位置，級數，價錢不一樣，而自助吧的所有食物都可以享用，我們選了價錢中等的$249一位的澳洲和牛餐。澳洲和牛，豚肉，牛舌都可以任食，湯底我們選了壽喜燒。店員知道我們第一次食壽喜燒，所以主動過來幫忙，教我們如何食法。餐枱上面都放了一個紙牌，清楚列出教你如何整壽喜燒的步驟。店員非常耐心，先把肥豬肉放到鍋裡，之後可以放洋蔥等配料，等洋蔥出味的時候，就可以放上和牛，再加少少壽喜燒汁，每邊牛肉煎幾秒，就已經熟透，可以食啦。店員教我們可以將牛肉沾日本雞蛋食，牛肉非常新鮮，薄薄的牛肉配埋壽燒汁，非常香甜，又突顯牛肉的味道。我們很快食完一碟和牛，繼續order，上菜的速度也非常迅速，食完燒的牛肉之後，可以通知店員，將它轉成火鍋。火鍋用上堅魚湯底，可以隨意添加壽喜燒汁。除了和牛正之餘，豚肉的質素也很高，還有

we went there to try lunchThe hotpot was goodThey had 60 and 90 mins and we picked the 60 minsThe very was good with many fresh vegetables and 6 soup base to pick fromAlso canned drinks jelly and ice creamThe service was very nice and friendly Good place to try

觀塘一直都係美食雲集，今日唔食工廈既餐廳，轉戰呢間係APM旁既扇火鍋~夜晚6點鐘去食，人流不算多，馬上可以入座。望落餐牌我地都係比佢新出既壽喜燒食法吸引住，原因係除左可以打邊爐之外，仲可以燒下和牛呀!!我地叫左個$249任食澳洲黑毛和牛火鍋套餐，落完單5分鐘左右，個大鍋就黎到我地面前，店員亦企定定好耐心咁同我地講解食法。首先將生雞蛋打好落個碗到，然後就開始燒熱和牛脂肪、洋蔥同京蔥。接著就可以加入和牛炙數十秒，中間可以按自己口味同風格加入壽喜燒甘露，令口感帶有甘甜味。炙好後馬上沾上剛剛打好的生雞蛋就可以進食。生蛋可以粘住肉汁，令和牛、肉汁同蛋香三者混埋一齊，一啖食落口真係好幸福呀!!隨了和牛之外，套餐亦都有牛舌供應，燒落雖然冇燒和牛咁好味，但間中燒幾片黎中和下「食到太多和牛既味」都唔錯! 店員又提醒我地和牛可以夾集剛剛燒卷的洋蔥同京蔥一齊食，會更滋味，可惜我和男友都唔係愛「蔥」之人，所以呢個更上一層的味覺追求就留比大家試下啦燒左 2 ROUND和牛左右，我地就把握時間將燒肉轉變成邊爐~ 店員亦馬上幫我地加入日式清湯，迅間轉變成打邊爐!配料雖然同其他火鍋店大同小異，但係有啲特色配料例如「冰

之前聽人介紹話呢間啲火鍋好好食，所以就約左朋友去試，我地揀左最平個款餐，老實講以百幾蚊一位任飲任食黎計牛肉同豬肉都唔錯，幾好食，仲有好多唔同既飲品揀，仲有唔同口味既軟雪糕食之餘仲會有士多啤梨醬同脆米之類既配料，同埋有唔同既蔬菜或者麪類可以自己出去任夾，整體啲蔬菜都算新鮮，除左啲秋葵有少少唔新鮮之外，所以整體覺得食物質素同價錢都合理，不過時間方面真係比較差，知道星期五食晚飯周圍都人多，好多地方都會要求限時，我地一行5人一入座佢地都講左限時，但係估唔到居然食火鍋既限時得90分鐘，而且仲有半個鐘已經有職員突然衝埋黎一邊經過一邊講左句話：仲有半個鐘。跟住又好快衝埋黎“經過”咁講：仲有15分鐘，再一陣：仲有5分鐘。跟住一夠鐘就又有職員攞埋張單過黎無咩語調：唔好意思各位，已經夠鐘，麻煩埋埋張單。跟住就3個職員衝埋黎係咁收野。其實夠鐘俾返張枱你地係合理既，不過咁既處理手法真心覺得感覺太差，同埋最嬲係我朋友係大肚婆，雖然唔係好明顯但係都已經見到少少肚，佢地3個人係咁亂咁收野，我地見住佢地張啲野完全亂咁疊，隨時會跌既感覺，又用超快既速度個爐去攞走個爐(本身個爐入面仲有好多野食，所以啲湯算好滿)，啲湯左搖

觀塘亞太中心好多食肆，今晚試吓2樓嘅「扇火鍋」～ 我哋早去到，唔駛等位，之後過咗7:30全場滿座，而且要等位添～ 火鍋有好幾款價錢可以選擇，首先我哋揀咗壽喜燒湯底，然後再揀左每人$249嘅澳洲黑毛和牛火鍋套餐，可以任食和牛，黑豚月同牛舌，仲有好多自助火鍋配料可以自己隨便攞，飲品亦都係任飲，仲有雪糕食添～最特別嘅係首先可以燒和牛嚟食，然後先打邊爐～ 首先燒熱和牛脂肪、洋蔥同京蔥，再將和牛炙兩三秒，再加入壽喜燒甘露，再沾雞蛋食～ 咁樣嘅食法真係非常好味😋 首先係因為牛嘅肉質真係好好，牛味濃，而且好腍好滑，加埋壽喜燒甘露，味道非常香🤤 黑豚肉同牛舌亦都非常好味👍🏻 我哋兩個人每樣野都encore左幾次😝因為真係好好味，所以食唔停口🤤 食到最後，我哋先捨得加日式清湯同壽喜燒甘露來做火鍋😝 可以加唔同嘅配料同菜，味道亦係非常好👍🏻又可以食燒肉，又可以食火鍋，一次過滿足晒兩個願望，真係非常滿足☺️ 一定會再去食！

其實午餐時份觀塘區好多人鐘意烚吓烚吓所以要食最好訂位，唔係隨時要等半個鐘頭以上。今日嚟呢間食，喺ＯＰＣ樓上，６０分鐘＄１３０／位，全部嘢都係任食。最開心佢有白可樂，方便自我以為減低罪惡感湯底屬小麻辣，味道有啲過淡。牛肉很薄，沒什麼雪花，２個人食咗３碟已冇再ＯＲＤＥＲ；反而豚肉油花較多肉味較重，好食過前者。蔬菜肉丸若有１０多款選擇，不過食落都幾老身。。。甜品係乳酪軟雪糕，甜到爆燈，食咗１／３已宣布投降

今天lunch同朋友去了這間打邊爐，已去過4-5次，因環境坐得舒服又不太貴，丸類品好吃，魚蛋同貢圆彈口同滑，湯底有8種選擇，比較特別有辛辣湯底同飲品，有罐裝薑茶，乳略雪糕不錯

扇火鍋 (觀塘).觀塘亞太中心多嘢食大家都知㗎啦，但除咗放題之外呢其實扇火鍋都係一個唔錯嘅推介！.⚜️泰式冬蔭公鍋⚜️.成日打邊爐嘅我都未試過食冬蔭公湯底嘅火鍋(˶‾᷄ ⁻̫ ‾᷅˵)❤️！ 任叫任食的情況下竟然有來自澳洲嘅穀飼牛任食，兩者crossover下味道出乎預料地好，而蔬菜bar除左平日可見嘅蔬果竟然仲有近年大熱嘅天然健康秋葵，仲有我喜歡嘅泰式象啤飲！ 我睇返近排嘅食評發現呢排仲有羽衣甘藍🥬！.—————————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.大推！(⁎⁍̴̛ᴗ⁍̴̛⁎)📌扇火鍋 (觀塘)觀塘觀塘道414號1亞太中心2樓205號舖

一到冬天就想打邊爐，夜晚打怕肥，lunch就岩岩好喇牛肉厚度適中，壽喜燒湯底百搭，蕃茄湯底鮮味👍🏻最鐘意佢自助吧位多蔬菜既選擇：唐生菜，雲耳，蘿白，菇菌類，羽衣甘藍，粟米，蕃茄......同埋好多配料：魚蛋，魚片頭，獅子狗，貢丸，公仔麵，薯粉，米粉..........每樣試一件都飽晒😂雪糕機可以自己玩，去過幾次見佢不時都會轉下：牛奶、乳酪、抺茶、朱古力......仲有topping可以任灑😌

特登揀最貴嘅套餐——日本黑毛和牛，諗住質素保證，實冇失望🙍🏻起初兩碟的確美輪美奐，對得住日本黑毛和牛呢個餐，之後就開始越俾越差，10碟有8碟都係嗰D肥膏仲多過肉，要自己撇走D脂肪，真係食到嬲嬲哋！試過叫換過碟，反轉放遮住D肥膏，都係俾D咁嘅貨🧐今次真係忍唔住要上黎劣評！希望改善下問題⋯⋯如果唔介意會出現咁嘅情況，都可以去試下，因為頭兩碟日本和牛係有嗰質素喺度，而且午餐放題300以下包括服務費，價錢係算平，但風險比較大！一路撇肥肉一路食，真係浪費好多時間，食得好勞心勞力咁。

難得約到姊妹一聚，天氣又凍咗，喺佢提議帶路下，第一次嚟到呢間專食火鍋嘅餐廳一去到，雖然已經預先拎咗籌，但客人始終多，同朋友都係要等一陣位，好在門口已經睇到餐牌，可以趁等位時睇定食乜有好幾種湯底，仲有分唔同時限，同埋定量肉/任食肉，蔬菜及其他配料飲品屬自助放題形式本身餐牌上嘅肉係牛肉，但侍應細心地提示可以改成豚肉，對牛肉一般嘅我，即刻毫不猶豫要豚肉餐廳陣設簡明，有大枱及分間隔嘅細枱，不論係一班人圍埋一爐，定獨立一人一鍋，都可以各適其適侍應喺我哋等位時先問定要咩湯底食邊款SET，提早準備定，等我哋一埋位就上枱我同朋友咁啱被安排坐大卡位，好舒服，LUCKY~我揀咗未食過嘅豆乳湯底，朋友就揀豬骨湯底店方用咗一個分兩格嘅大火鍋煲，一煲兩味而且煲嘅材質導熱但摸落完全感覺唔到熱度，十分安全放低隨身物品，急不及待就去拎配料長長嘅吧枱，放滿林林總總嘅火鍋食材，有麵有薯粉烏冬芋絲，各式迷你丸類、竹輪、脆皮腸、年糕、芝士豆腐，素菜更豐富，芽菜生菜油麥菜菇菌洋蔥豆卜豆腐……應有盡有，淨係睇見已經不自覺心花怒放一路橫掃之際，其中一款食材，吸引住我嘅焦點，令我不禁停低腳步……久仰大名啊！羽衣甘藍！印象中曾經見過有

Thai Tom Yum Goong hotpot buffet with Nice decor@Kung TongMy family and I went to a Japanese shabu shabu restaurant called "Shabu SEN" （扇火鍋) located in Shop 205, 2/F, One Pacific Centre, 414 Kwun Tong Road, Kwun Tong觀塘觀塘道414號1亞太中心2樓205號舖.The restaurant is decorated in elegant Japanese style with wooden decor and spacious booth seatings.Both of us ordered the Thai style Tom Yum Goong hotpot soup base set (冬蔭美鍋) which costs HKD$199.Customers can unlimitedly enjoy Australian grain fed beef(任食澳洲長期穀飼

其實任食牛肉火鍋我首選牛一。不過今晚放工有人請客, 揀左觀塘呢間任食牛肉鍋。仲要話食好 D, 選了澳洲和牛。因為揀左 $249 的澳洲和牛, 可以追加少許海鮮及火鍋配料, 但我又唔覺得有幾高級, 只係追加左響鈴就算了。牛舌一般, 豬肉片不吃也罷。兩個不算大食之人, 胃納有限, 還是專注返和牛就算了。第一碟上枱的和牛肥到不得了, 叫佢換瘦一點的, 後來上枱的就好得多了。不過每次再 order 都要提出要瘦的。但不得不提, 服務真的十分好, 所有侍應都沒有黑面, 非常好笑容。其後的和牛十分驚喜 ~ 很瘦, 帶少許均勻的雪花, 淥一淥就要吃了, 非常嫩滑, 未至於入口即溶, 但牛味濃郁也很鮮甜。不過如果煮得太熟就會又硬又鞋, 所以吃帶點生的, 5 成熟就最正了。其他配菜可以出面自取, 但選擇沒有牛一的多。雪糕及 yogurt 亦只有各一款味道, 不算太吸引。自助飲品區也沒特别, 選擇同樣不多但還可以的。這是觀塘區一個不錯的選擇, 推介!

今日經公司同事介紹，決定晚餐去打邊爐，原本對日式邊爐沒有太大興趣和期望，但今次吃完後完全改觀。首先我在晚上約九點去拿位子，等了大約五分鐘就可以入座，坐下後先叫了一款中等價錢的牛，然後就可以岀去拿蔬菜等等的食物。當然，肥牛就要和侍應下單才有，但是不影響到我們吃牛的數量，因為每次要牛都有求必應。我選擇了甜豉油湯底，一向吃得比較濃味的我，對這湯底十分滿意，因為對我來說夠甜夠味！另外，飲品選擇也不少，有烏龍茶、汽水等，加上也有雪糕做火鍋後甜品，日後必定會再幫襯，希望可以保持水準。