扇火鍋

營業中

休息中

星期日lunch想食個火鍋，呢間假日都可以食定量餐，算環境闊落，揀左牛 豬 餐包自助區配料 飲品$79🥬🍲🐄🐖可以隨便烚下唔同配料😋 今次黎有d驚喜，好似轉左大阪主題，自助區熟食有章魚燒🐙仲有埋章魚燒醬 🤩 再熱d就好

多年前經常幫襯，以前質素都唔錯，估唔到隔咗幾年，完全變質，當日2000入場叫咗419果隻 松日本和牛放題，啲牛非常難食，十分榎身，本身以為比錯左，點知真係咁難食。個餐除左牛，仲有牛舌，豚，羊牛舌係正常，羊應該係最正常，豬同牛都係極榎。除此之外，海鮮蝦同魚都係落左幾次order 都冇，最後要搵店員問先話整緊。相信唔問係唔會有。落 order 就冇咁快話食到2200，2130出面就趕住收工咁，食到2145就過黎收走我個爐。🤡唔會再幫襯。

#20250111 🤍📍 #扇火鍋 觀塘觀塘道414號1亞太中心2樓205號舖➖➖➖➖➖➖➖➖➖➖➖➖➖➖➖➖➖#無肉套餐 $69 🥢 #甘甜壽喜燒湯 +$5💭 一個鐘打邊爐的確係幾趕，最大既優點係夠平，叫個無肉套餐加埋一都係80蚊左右，見有唔少打工仔放飯尼食，老實講出去食個意粉都差唔多啦，而且佢個煲細細地滾得夠快，唔使等好耐就有得食🍲. 🥢 #小食 💭 無肉其實只係無打邊爐果啲生肉，但出面自助區啲野全部都可以任拎，有粟米忌廉湯、燒賣、炸芝心丸、炸薯條、關東煮，仲有今餐唯一既肉類，就係蒜香牛肉，其實質素唔差既，最開心係關東煮入面有鵪鶉蛋，不過每樣試少少都係專心打返邊爐算😂. 🥢 #自助吧 💭 諗諗下無肉邊爐可以瘋狂食菜都幾岩減肥既朋友仔食，因為除左菜就係丸，出面自助吧可以拎既邊爐料都平時啲放題都差唔多，驚唔夠飽都有大把麵可以淥，實行無肉食就食澱粉填飽個肚🥬. 🥢 #飲品 #甜品 💭 野飲同平時放題一樣成個雪櫃可以任君選擇，雪糕就唔係一杯杯果啲有牌子既雪糕，係有得自己唧既乳酪雪糕，唧成點就考驗功力喇，影得好少相因為得一個鐘真係好趕🍦.#觀塘美食 #🐷在觀塘 #🐷_食

我同朋友享用午餐用餐時間1小時。打邊爐嘢食自取嗰個位好多人，成功攞到食物同嘢飲返埋位都已經差唔多15分鐘！佢亦都有熟食嘅，但全部都好難食！我哋傾住偈咁一路keep住食嘢，侍應係嗰一個鐘頭不停加湯，每次等個湯再滾返又差唔多成五分鐘！差唔多一個鐘嘅時候侍應就攞咗張單嚟埋單，本身都冇問題，因為第一次嚟收走啲嘢嗰個侍應都有提我哋盡快食晒啲嘢就離開。因為啲肉未食晒再淥熟啲肉，就過咗少少時間！呢個時候有一個阿嬸嘅侍應突然間過嚟想搶走我哋個煲！跟住口噏噏咁話過晒時間！我哋同佢講但係我哋未食晒！佢就keep住講出邊好多人等緊快啲食！然之後我哋就繼續食，都冇2分鐘佢突然間又走過嚟，要我哋夾晒所有嘢佢收走個煲！再講多咗一句，下次要傾偈食埋嘢先好傾！你哋再唔走我就收你哋每人$50做枱嘅費用！嗰一下覺得呢個Trainee嘅嬸嬸超級唔尊重人同埋冇禮貌！但係因為過咗時間，所以我哋都急急腳快啲食！我同另外一個朋友食完都冇1分鐘，佢就即刻衝過嚟執走晒我哋所有碗，再俾壓力我未食晒嘅嗰個朋友叫佢快啲食！係咁話出邊好多人等你哋過晒鐘！然後我哋急急腳食完就即刻走！再望返時間原來都只係過咗15分鐘…雖然超準時係唔啱，但不至於要

APM 出番地面，向左邊行，有一座叫 ‘’1 亞太中心‘’的商業大廈，呢邊有十間八間餐廳，今次就黎試下呢間“扇火鍋”食開shabu shabu的一定認得呢個餐牌，同牛陣有9成相似，除咗靚牛的選擇少d之外，連湯底既名同埋圖都一樣，估計佢背後其實係牛陣集團咁就好啦，即係信心既保證。呢間店位置都好充足，除咗一人一鍋之外，中間仲有d枱可以一齊share一個鍋既我地今次揀咗澳洲牛嗰個餐，食90分鐘肉類方面呢，今次試咗澳洲牛肉、豬肉、同埋牛舌。三款當中最好味係牛舌，夠哂軟滑，厚薄適中而牛肉同豬肉都偏瘦，不過shabu shabu 黎講，瘦有瘦好，可以食多幾碟蔬菜既選擇好多，仲要好新鮮添，職員都好落力添加配料丸類，菇類及其他蔬菜都有好多選擇，今日試咗個牛丸超好食，直頭似平時自己會買既濃汁牛丸，另外有款心型魚蛋都好味醬料都有好多款，特別喜歡有好多紅綠辣椒粒、蔥、蒜等呢d新鮮調味料，感覺食落健康d飲品方面，熱茶有不少 twinnings 選擇凍飲有各款汽水、有氣VLT、烏龍茶等可惜，甜品就只有呢2款，烤蕃薯味偏甜，個人喜歡乳酪味多D，個雪糕筒係一般威化筒，食到尾有少少稔，麻麻地整體來說，呢間 shabu

呢排想打邊爐，但想食清啲，2 3百蚊嘅放題唔食肉又唔抵，search到觀塘有間午市邊爐60幾蚊就任食自助吧，啲comment又話菜新鮮，一於試試平日12點幾去到唔洗等枱，職員態度同服務都好好，冇笑我毒毒黎食最平冇肉餐😂輕鬆俾左個舒服二人位我，仲提我得1個鐘快啲出去攞野食出面有生嘅蔬菜同丸類麵類，菜好新鮮！蕃茄個啲都係不停新鮮切出黎，人多嘅時候refill得都好快。麵類都有好幾款。熟食有關東煮，其實都係自助區有嘅魔芋、獅子狗、蘿蔔個啲，不過用左關東煮汁煲，食落係幾舒服，同埋多左鵪鶉蛋。另外仲有日式咖哩汁同飯，我冇試，但聞落幾香，潷落去多料。有炸芝芯丸同薯條，都唔差！脆口熱辣辣！烤蕃薯雪糕幾特別！但唔知點解食落似泰奶味多😂dep落先有少少蕃薯味。乳酪雪糕正！真係清爽，都忍唔住食左兩杯冇影到飲品櫃，種類唔算非常多，但要嘅汽水、茶、韓國牌子飲料個啲都齊備。連加一76蚊，其實加埋定量肉都只係加多10蚊，真係好抵食！

本身年廿九晚上仍然營業，又可online book位的選擇不多，都冇咩特別大期望。去到一坐底，即刻感覺到頭上好大風。估唔到，聲都未出，店員已留意到，仲主動問需唔需要熄冷氣。各種肉類都非常新鮮，菜同飲品的款式雖然唔多，但都鮮甜。兩個人食到好飽。每次要求加湯，店員都非常有禮貌同快手，冇嗰種大時大節要開工的唔情願/hea做的感覺。相比早幾晚消費更貴的餐廳，今個晚餐CP算高。希望特此讚揚當晚盡職工作的各位店員。

好欣賞呢間火鍋店，星期六日同平日一樣價錢。而且呢間火鍋店歡迎一人火鍋，有時自己一個想食就第一時間諗起呢一間，而且火鍋價錢相宜，店員又好有禮貌，蔬菜甜品都有，飲品都有好多選擇。每次去到，店員都好有禮貌好有耐心俾我揀食咩餐，而且呢間火鍋店直接喺APM隔離，價錢亦都平好多

之前耐唔耐都會嚟呢間食火鍋，貪佢啲牛肉正正常常，蔬菜都幾新鮮，乳酪雪糕都唔錯，同埋又有啤酒飲！不過最近一次最平嗰個餐已經開始唔包啤酒，想飲啤酒就要食對上一個餐，感覺上性價比就低咗好多啦！因為如果同一個價錢去其他火鍋店，食物種類仲多啲，大大減低咗個吸引力。以前啤酒係獅威，而家啤酒係Asahi～最近兩次去，舖頭都冇咩客人，其實都係有原因嘅😂同埋啲店員好似唔想做咁，有時當睇你唔到，其實我係想叫碟肉啫🤣

同事呢期進行減肥計劃，所以下午我哋都會選擇一啲比較可以食多一點菜同肉，而唔需要食碳水化合物的午餐呢間有定食量自助餐餐，打邊爐嘅午餐，可以揀一個清湯底唔使加錢肉係定食量，可以揀牛肉豬肉雞肉，但係蔬菜同其他配料都可以無限任食，可算是半自助餐。蔬菜非常新鮮，選擇不少，仲有好多醬料，我哋最鍾意就係勁蒜加花椒油，如果鍾意食飯或者面亦有，仲有日式咖哩飯。百元有找，還包飲品，罐裝汽水同埋其他嘢飲品，仲有熱茶。最後一定要食完乳酪雪糕，超正。另一款紅豆軟雪糕就麻麻地。

lunch同成班同事打邊爐，呢間火鍋底幾多下，最中意個雞白同蕃茄湯。蔬菜都出色，而且幾新鮮，除了大路既生菜，油麥菜，萵筍等等之外，還有皇帝菜，菜苗同羽衣甘藍。。。有時仲有紅紫紅色既羽衣甘藍添，無苦澀味幾甜下。服務員阿姐都幾nice，然後我最中意佢有除了火鍋配料之外既小食，特別系關東煮，有牛筋，蒟蒻，蘿蔔都好甜。。。絕對唔hea,每次我都分個肚俾關東煮，加埋湯更正。更加抵死系有時候仲有薯條炸魚丸呢d 小朋友野食。。。我地次次都點最平99蚊lunch set，因為成班人目標系食菜但系個牛上來都唔算差，有牛味又唔係好肥，不過份量系少左DD.最後梗係食埋個雪糕先，我覺得食落唔係好甜同好多cream，比較似雪芭既口感。。。耐不耐就encore下，不過都係多得鱷魚個邊間牛小人赶客，我地先去左呢間試下。

一直很喜歡扇火鍋，每個月都會吃一兩次，CP值超高，只是最近發現QR Code加單似乎是假的，每次落單都沒人理，一定要舉手叫阿姐才有用，希望能有所改善，會持續幫襯！

火鍋扇同事推介，又近公司，今日午餐食一人一鍋放題。一人一鍋坐位比較窄，店員提議 鴦鍋，一人一半可坐卡位，坐得舒服啲，咁嘅服務要讃吓啦！每人一盆和牛肉，脂肪位不多，肉質軟腍，好味。自助區擺放整齊乾淨，有各種蔬菜，魚類，麵類。還有熟食咖喱飯，小吃.........…. 等。蕃茄湯底啱我胃口，茄味濃厚，配料不少。飲品有各類果汁，汽水，茶。最後係甜品，乳酪雪糕或牛奶味雪糕。一百多元左右，咁嘅質量相當好，推介。

我喜歡這家火鍋店，每人可以自己挑選最適合自己口味的湯底、肉品和蔬菜。我就揀了藥材湯底，偏辣，但每一口湯底都有獨特的風味。每一片肥牛都有獨特的嫩滑口感，每一份蔬菜都新鮮，令我吃得非常滿足。

🍢今次去咗間餐廳，正所謂肉食愛好者嘅天堂！一入到去，氣氛熱鬧得黎舒適得嚟。首先，佢哋嘅黑毛和牛，簡直係牛肉中嘅鑽石！切得薄薄嘅牛肉片，一放上燒熱嘅鐵板，就畫出一幅崩張張嘅油花。我啱啱食咗一口，脂香入口即化，呢個滋味真係咩都換唔到！🥦蔬菜選擇一啲都唔遜色，品質新鮮，份量打得，完美啦！用來拌碟壽喜燒汁，邊個味道，涮邊個滋味，正到爆炸，每個細節都照顧到位！火紅紅嘅蕃茄壽喜燒鍋呢，就又係另一回事。蕃茄湯底一哲入口，清甜夠郁，再啖啖肉，簡直係雙倍滿足！加上，自助區仲有意想不到嘅小食選擇，我就最記得個雪糕，冷冻得啱啱好，吃完飯後一個小甜品，全日嘅疲慮都消失晒！店家服務態度又好，成個食飯過程，享受得好似皇帝咁😋。如果你同我一樣嘅肉愛好者，呢度絕對係你嘅勝地！总之，今次嘅用餐體驗，我係百分百滿足，保證再战！🍲