慧食貓

營業中

休息中

已經唔知第幾次幫襯 次次黎食都係order B set（火腿、蛋、肉鬆） 真係好正 入面會夾生菜同番茄 可以解油膩 食完一個之後 仲好想食多個 但驚肥死老闆份人超級好 夠直接 其實呢d唔叫串 呢d叫友善 當你自己人咁講 反正一定會再幫襯。

1️⃣蟹籽吞拿魚手抓餅 $25 2️⃣蟹柳肉鬆手抓餅 $24✴️每份手抓餅都係即叫即整，所以唔會怕手抓餅有嗰種擺耐咗嘅油膱味。老細落餡料真係好闊綽，兩款嘅手抓餅啲餡料多到食到最後一啖餅都仲有。除咗啲餡之外，每個手抓餅都仲有配生菜同蕃茄，所以食嘅時候可以中和下，冇咁油膩。但兩款口味對比之下，比較鍾意食肉鬆嗰款，因為吞拿魚沙律真係勁多😂食到最後一啖都仲有剩好多，所以相比之下蟹柳肉鬆食落冇咁濟。雖然葵廣食嘢唔太方便，推薦大家買完之後拎走返屋企食。

B餐. 火腿雞蛋肉鬆手抓餅 （$24）每份手抓餅都係即叫即整，所以拎上手都仲係熱辣酥脆，仲好邪惡咁標緊油老闆亦都唔孤寒咁落足料，滿到爆既肉鬆。煎蛋亦都唔會煎到過老過熟，咬咬下仲會有啲蛋汁湧出黎就連係配角既生菜亦都好爽脆新鮮。呢間舖頭另一個特點就係老闆好好記性😂咁多個客人落單，但係都記得邊個打邊個。我去多幾次之後，老闆直頭記得我嗌開咩餐，佩服佩服👍🏼👍🏼由於實在係好足料，如果係想之後掃街既，最好就同朋友開心些牙喇

.🌮火腿雞蛋肉鬆手抓餅 - $24餅皮超好食 係好香口得黎又煙煙韌韌咁肉鬆係甜肉鬆 由頭食到落尾都勁多肉鬆好啱鍾意食甜既人😋因為份量好充足 食一個都已經飽飽地！📋材料豐富 幾抵食👍🏻👍🏻📋btw平日搞笑既店主最近聲帶受損講唔到嘢住📋希望佢快啲好返啦

🍁 火腿 雞 蛋 肉 鬆 手 抓 餅 ($24)•呢間嘅手抓餅真係我去葵芳必必必食之一，每次都會掙扎到底買一人一份同share食，一份又會食到好飽之後掃唔到太多嘢食，但係share又會覺得唔夠喉😂每次我都淨係會揀呢個B😚餅皮好脆，雖然點都會有啲油，但可以接受，而啲餡好足，有時蛋仲有啲啲流心，成個配搭都好夾好好味🤤

一直沒能去台灣，一直也很想念手抓餅，另外也很想試慧食貓，但常常見到很多人，而且對於落單過程很緊張，但其實只要守規矩就好了，而且老闆好利害，不用寫下也記得🥙 自選材料手抓餅 $26今次我加了個人最喜歡的雞蛋、芝士、肉鬆，店主還在裡面加了生菜，感覺健康了一點，材料滿滿的，cp值極高，再加點醬油膏，味蕾就像飛了一轉台灣

如果有人問我全香港最鍾意去邊個商場我就會講係葵廣又多好西食又可以行街買衫食完再行行完再食食完再行真係無得輸呀今日到訪左十幾間黃小店大家可以準備俾我洗版啦(๑>◡<๑)第一間係老細推薦左好耐既慧食貓我嚟咗咁多次葵廣竟然冇食過今日發現真係走曬寶啦(*´-`)慧食貓係一樓其中一個偏僻嘅角落之前都唔會無啦啦去搵黎食今日就下定決心去食啦一去到已經好多人等緊有選擇困難症嘅我覺得款款都幾正一望左手邊Menu就知大檸樂竟然仲可以自己揀加啲咩餡料俾我揀嘅話揀到黎都食完兩個啦所以我地All In揀咗極上手抓餅火腿雞蛋芝士豬柳煙肉蟹柳肉鬆咩料都有都只係$36真係極上大滿足 抵到爆 平靚正(●´ω｀●)一拎過黎唔會太熱可以即刻食本身個手抓餅已經唔會太油仲要加埋新鮮菜同蕃茄成個感覺好Fresh食完整個都唔會覺得滯同油膩難怪個個都話次次黎都要食啦Encore指數100%呀

朋友仔大大力推介👦🏻🧒🏻黎慧食貓試下, 可能太耐無食呢類台灣野, 行近聞到手抓餅嘅香味已經流曬口水🤤 款款都好似好好味咁😫 選擇困難好難揀呀~ 因為肉鬆, 最後揀左B仔😆1️⃣ B. 火腿雞蛋肉鬆手抓餅手抓餅係即叫即製, 熱熱地而且餡料好豐富😳👍🏻 一啖咬唔曬🙈😆 外層真係幾酥脆, 無平時食既手抓餅咁油膩, 生菜咬落好爽 火腿同蛋就正常發揮😝 不得不提肉鬆甜甜地好好味呀😍 加埋茄汁同沙律醬呢兩位好拍檔輕輕點綴, 帶黎極強既化學作用😌 唔會感覺好乾, 唔怪之得咁多人揀呢款黎食啦, 係好味道既😋👍🏻店長們有樣幾貼心嘅安排, 落完order會同你講大概幾耐返黎, 咁就唔使咁多人聚埋一齊又可以去行陣街😚 返黎確認order之後就自行找續避免接觸👍🏻 讚👍🏻 會再戰💪🏻

良心店💛黎到葵廣必食既慧食貓🐱當你去落單既時候，老闆就會同你講：8分鐘番黎，唔洗比錢住～係咪有把聲係你腦海度呢🤣記得自己找錢🙈不過琴日黎見到個牌寫住老闆聲線受損，短期內都講唔到野🥺希望可以快啲好返啦😿⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🔺火腿雞蛋肉鬆手抓餅 ($24)雖然有得自選，但每次都係嗌呢個🤤手抓餅皮酥脆，一咬落去有火腿、炒蛋同海量肉鬆😳配埋大大片既生菜🥬同蕃茄，中和翻即刻覺得冇咁邪惡，冇乜油膩感🤓好少何喺香港食到咁足料嘅手抓餅😙要繼續支持老闆💪🔸評分: 8/10💰人均消費: $20-$30

——————————————————————葵芳必食手抓餅！除左抵食之外，老闆態度好熱情！客人仲可以自己擺低錢，自己找續！#吞拿魚肉鬆手抓餅 $28淨系見到個樣已經好吸晴！超級多吞拿魚啊！！入面都好多肉鬆！食極都食唔完🙈手抓餅唔油膩，食完可以唔洗食飯😂好味指數：8.5/10——————————————————————📍地點：慧食貓 (葵芳)葵芳葵富路7號葵涌廣場1樓B01C號舖⏰營業時間：星期二至日13:00-21:00（逢星期一休息）☎️電話：65866386#美食 #相機食先 #香港美食 #葵廣 #葵芳美食 #手抓餅 #黃店 #黃色經濟圈 #hongkong #hongkongfoodie #hongkonggoodfood #food #foodssss___

手抓餅推薦‼️葵廣美食超多選擇 但都一定要留肚食呢個因為水準一直都keep得勁好🤩每次黎都排長龍 老闆即叫即整通常都係嗌放低錢先 等陣反黎拎🤩今次餡料嗌左火腿雞蛋肉鬆😋熱辣辣加外皮夠脆 💯而且餡料勁足勁多肉鬆👍🏻👍🏻加上有生菜蕃茄 食落特別開胃👍🏻佢仲有好多唔同口味可以選擇每款都係勁吸引😋😋😋而且價錢十分合理🤩一啲都唔貴質素又好好 絕對可以媲美台灣既手抓餅👍🏻👍🏻因為香港真好少見甘高質既手抓餅😋

葵廣搵食第三擊，同朋友一齊食又平又抵嘅自選配料手抓餅。呢間手抓餅成日都好好生意，睇定自己想食咩，同老闆講，老闆話要等幾耐，就到時返黎攞果陣比錢再加自行找續就OK啦。我自己揀左雞蛋+肉鬆+豬柳配料嘅手抓餅（$13+$4+$4+$7=$28），不過如果你想食嘅野同餐差唔多，建議就叫餐抵D。叫完之後，老闆叫我地15分鐘後返黎，我地行左陣街，返黎即刻就有得攞。新鮮整起自然熱辣辣，又脆身，餡料又多，一唔小心餅皮同配料都好容易跌出黎，所以我直接企埋一邊直接食。本身D肉都係普通野，但勝在夠熱夠香口，蛋仲要係高質半生熟，番茄同生菜都幾清爽，以呢個價錢真係飽肚又抵食。

🌯火腿雞蛋肉鬆手抓餅好耐冇去葵廣掃街啦，前排見得閒就約咗朋友一齊去食嘢😋！而家冇之前要排咁耐隊，落完單等咗差唔多5分鐘就有得食！我叫咗火腿雞蛋肉鬆手抓餅走蕃茄🍅(我唔鍾意食蕃茄🤭)。一攞上手熱辣辣，好足料。有超大片嘅生菜🥬同蛋、加上大量嘅肉鬆同一片火腿。因為太多肉鬆嘅關係，一路食一路跌出嚟🤣！手抓餅好酥脆，好好味。入邊仲有一啲茄汁同沙律醬，咁嘅配搭幾好👍🏻～依個手抓餅真係拍得住台灣食嘅味道💆🏻‍♀️，真心推介比大家！其實佢仲有好多唔同配搭，大家到時去到可以留意吓！💛Support!

葵芳廣場的黃店多到數唔哂,在1樓,2樓,3樓都有,應該超過20間。慧食貓是其中一間最有名的手抓餅店,您來到這店通常都有大量的客人在等候,不過你只要跟老闆落單,然後在他指定的時間回來(例如10分鐘),在取餅的同時自行找續就可以啦。店面細小,餐牌貼在門口,有A至F餐。我今次就選了最簡單及熱門的B餐。B餐手抓餅 - 24元  4/5分火腿肉鬆雞蛋生菜手抓餅,餅底是最有質素的部分,配料就自然是正正常常,今次沙津醬太少,所以就扣了少少分數,如果下次可以多醬就更好味。這個價位在香港的手抓餅店來說算是中價,但味道拍得上在台灣,非常值得各位過來支持,一定不會令你失望。

嚟到葵廣，咁多嘢食，緊係要諗清楚食乜好😛。除咗平時經常會食章魚小丸子，手抓餅絕對係另一個好選擇。慧食貓💛係商場一樓，係芝士烏冬隔離。你可以見到成間鋪頭以粉紅色主，好sharp呀。佢有啲set好咗配料嘅手抓餅，或者可以自選配料散叫。我叫咗手抓餅B(唔使刻意諗要乜餸，又平少少)。由於疫情？!，店主專登擺咗一盤散紙係枱面。客人自己找續，咁店主唔使貼點到$再整手抓餅。散紙旁邊有消毒酒精提供。👍🏻火腿雞蛋肉鬆手抓餅 ($24)一拎上手，熱辣辣，以慧食貓粉紅色包裝紙包好。材料豐富，手抓餅上有茄汁同沙津醬，令你覺得唔會好乾。入面有好多肉鬆🤎，每一啖都可以食到肉鬆+蛋+火腿+菜+手抓餅，十分滿足。手抓餅本身比較油膩，配上生菜則可以平衡，令你自己都認為無咁多罪惡感😂。下次想試加芝士，相信熱溶咗嘅芝士更加正。