慧食貓

今日喺葵涌廣場試咗慧食貓嘅台式鹹牛肉手抓餅，真係令人驚喜！手抓餅一拎到手，香氣撲鼻，餅皮煎得金黃酥脆，層次分明，一咬落去，口感鬆脆又唔會太油膩。牛肉餡料份量十足，肉質嫩滑，調味鹹香濃郁，帶點微辣，配上新鮮生菜同特製醬料，味道層次豐富，每一口都好滿足！店家仲有心思喺餅入面加入少少蔥花同芝麻，增添咗香氣同口感，令人回味無窮。不過，唯一嘅小遺憾係等候時間真係有啲長。因為係即叫即整，現場見到師傅好用心一張張煎餅，但等咗差唔多20分鐘先拎到食物，對於趕時間嘅朋友可能會覺得有啲唔方便。不過，當你咬第一啖嗰陣，覺得呢啲等待都係值得嘅！整體嚟講，呢款台式鹹牛肉手抓餅無論係味道定係用料都好有誠意，價錢亦都合理，係葵涌廣場搵小食嘅好選擇。…查看更多

如果你想食呢間，必須要耐心等待😂首先呢間鋪頭好信任客戶，由客戶自行找續現金，我估基於佢哋要即叫即整嘢食，唔想整污糟對手。呢到嘅「手抓餅」係以咸味為主，食物都算多選擇，佢哋真係由客戶逐個逐個排隊，再落order，所以排隊條龍都好長，但佢哋都算整得快。手抓餅煮得好香口，脆卜卜，熱辣辣，除咗已選擇嘅餡料，每一個手抓餅都加咗生菜🥬，等客人食得冇咁漏，但其實比起平時食嘅手抓餅，佢已經屬於冇咁油膩，食完唔會覺得成口油淋淋嘅感覺。…查看更多

商場本身就係掃街天堂，舖頭密密麻麻，週末人流勁多。粉紅色招牌好搶眼，主打台式手抓餅，即叫即整，熱辣辣出爐，香味四散，仲係葵廣掃街界嘅人氣之選。🍴火腿雞蛋煙肉手抓餅即叫即煎，餅皮煎到酥脆，咬落去真係有「索索聲」！入面餡料超足，煙肉鹹香、火腿厚身、雞蛋半熟滑溜，三重口感夾埋一齊好邪惡但又唔會太膩。餅皮唔會太厚，啱啱好包住晒啲餡，食落層次感好豐富。手抓餅香脆足料，價錢親民（$30左右），食完一件已經好滿足。#葵芳美食 #慧食貓 #手抓餅 #掃街推介 #葵涌廣場…查看更多

呢間落order後，店員(店長?)會大概幾分鐘返嚟，可以行一陣消化吓，🐻🐻‍❄️嗰次行咗5分鐘左右，返到舖頭先俾錢，等多陣就整好攞得～🌮B.火腿雞蛋肉鬆手抓餅$26🐻🐻‍❄️見網上同現場都好多人叫B，於是就一齊叫🤣🤣手抓餅🫓餅皮咬落係脆嘅👍🏽，隻蛋半熟，加埋沙律醬，好味😋肉鬆似比較乾嘅吞拿魚醬（某款即食餅乾配嘅醬🤣），如果舖頭出豪華版配吞拿魚醬會即刻衝去買😛🤣結論：餅皮脆比較少見，呢個價錢性價比好高，下次會試其他配料～…查看更多

6-7-2025（Sun）同老公，男友人NT睇完戲，都已經係晏晝，由於我哋係晏食早餐，所以唔太餓，但都要食返啲嘢嘅，我就問NT去唔去葵廣掃街？佢答可以。於是行嚟，我哋首先上3樓行個圈，原本想介紹佢食貓麵（https://www.openrice.com/zh/hongkong/r-%E8%B2%93%E9%BA%B5-%E8%91%B5%E8%8A%B3-%E6%B8%AF%E5%BC%8F-r501252）但冇開，其他嘅好似不感興趣，我就記得有間食手抓餅嘅，佢有興趣，於是嚟搵，搵到喇，原來都啱啱開舖冇耐，睇完menu，NT好似要$26.00嘅火腿雞蛋肉鬆手抓餅 我就要$27.00嘅蟹籽吞拿魚手抓餅。估唔到，即買即有，但手抓餅仍熱，食落，手抓餅好脆同一啲都唔油膩，吞拿魚餡唔少，雖然蟹籽唔多，但都食到佢嘅味道。NT記讚好味。呢篇食評分只計我嗰份。…查看更多