慧食貓

營業中

休息中

葵廣搵食第三擊，同朋友一齊食又平又抵嘅自選配料手抓餅。呢間手抓餅成日都好好生意，睇定自己想食咩，同老闆講，老闆話要等幾耐，就到時返黎攞果陣比錢再加自行找續就OK啦。我自己揀左雞蛋+肉鬆+豬柳配料嘅手抓餅（$13+$4+$4+$7=$28），不過如果你想食嘅野同餐差唔多，建議就叫餐抵D。叫完之後，老闆叫我地15分鐘後返黎，我地行左陣街，返黎即刻就有得攞。新鮮整起自然熱辣辣，又脆身，餡料又多，一唔小心餅皮同配料都好容易跌出黎，所以我直接企埋一邊直接食。本身D肉都係普通野，但勝在夠熱夠香口，蛋仲要係高質半生熟，番茄同生菜都幾清爽，以呢個價錢真係飽肚又抵食。