慧食貓

營業中

休息中

去葵涌廣場必食的店，位於一樓近電梯的餐廳，很容易找到。蟹籽吞拿魚手抓餅的餅皮煎得很香脆，蟹籽融入在吞拿魚蓉內，增加了層次感，餡料份量亦很足，而且還有生菜和西紅柿都很新鮮。不過因為餡料很多，有些會掉在包裝紙上。

每次去到葵廣都一定要食呢間手抓餅個餅皮熱辣辣整起 食落好脆而食落又唔會覺得好油膩脆得泥夠乾身！而且啲料勁足滿到瀉我最鐘意食有肉鬆個款大大啖咬勁滿足！價錢又合理！必食😍

🌟葵廣名物🌟一定要食手抓餅，食過無限次，次次都咁好食😋每隔一段時間就會掛住佢既美味。慧食貓既手抓餅都系即叫即做，落完order就會叫你周圍行下十至十五分鐘後先返黎拎野食，一手交貨一手比錢，仲係自己找錢🤣百年不變，每次都食B餐-火腿雞蛋肉鬆手抓餅 $26不過今次仲額外加咗蟹柳😋外皮手抓餅脆卜卜咸香咸香，熱辣辣，餡料多都爆出黎，滿滿肉鬆，煎香左既雞蛋連火腿食配搭新鮮生菜，大大份！食既時候要記得小心扔走哂珍貴既肉鬆，醬汁份量岩岩好唔會太多而浸到個手抓餅淋哂，又唔會太少令到每一啖都脆卜卜之餘又juciyjuicy既feel，唔會乾口，依個配搭真系好好食😍😍😍大件夾抵食！🫡就算排長龍，要等好耐都要等阿！橫掂可以行街慢慢等🤣

今次嚟葵廣又又又嚟食慧食貓啦😂 食過香港咁多間手抓餅，慧食貓一路以嚟都係Top 3🥰 全部手抓餅都係即叫即做，所以都要等一段時間，可以行下街之後再返嚟攞返👍🏻S1. 火腿雞蛋蛋芝士豬柳煙肉蟹柳肉鬆 ($38)諗唔到想食咩嘅時候就會叫晒所有配料！一攞上手嘅時候熱辣辣，配料多度滿晒出嚟🤩 手抓餅煎到金黃香脆，層層分明，仲非常之煙靭，加埋配料口感非常之豐富😍 個人最鍾意食豬柳同肉鬆👍🏻 食落因為有沙律醬同芝士，都唔會好乾🥳 食過咁多次水準都一樣咁高，不過要留意係手抓餅份量非常足夠，次次食完都好滿足好飽🥰 變咗未必可以試好多葵廣嘅其他好嘢食🥲

好耐冇食，諗住懷緬吓。之前個老闆哥哥幾忙都有禮貌，今次去到買唔知係親戚朋友定係員工啦，叫完嘢食又要冇單冇牌號，要人死企喺度等，問人問題好似同自己講咁，細細聲又一路整一路望住下面咁講，啲學生哥聽唔到又俾佢鬧，俾佢話咩唔專心，隔籬舖個女人同佢哋好似關係都OK，但係都忍唔住出聲幫個學生哥講句說話。有人唔知佢哋係自己找錢，都俾佢勁唔耐煩同當人低能咁對待。老實講味道仲要超級普通，食咗一啖就冇食，費事嘥quota。而家咁多好嘢食，人哋又用心態度又好，先值得我哋支持，呢間一定唔會再食！

想食慧食貓好耐，一直以黎都人氣高企，但因為太多人，一直都無試！今日放工可能早，唔係太多今等，終於可以食到喇😍叫左- 火腿雞蛋肉鬆手抓餅等10 分鐘返去拎！比錢係自助找贖！熱辣辣既手抓餅終於到手，一啖咬落去口感勁豐富， 雞蛋唔老，配埋肉鬆食一流，個手抓餅香脆，唔油， 一啖接一啖咁食，真心好正！唔慣得咁多人幫襯👍🏻

➲ 葵廣 慧食貓➳ 火腿雞蛋肉鬆手抓餅 ⁽⁸/¹⁰⁾手抓餅好酥脆，一層層分開到，火腿控認為太細塊，雞蛋流心蛋液都令到成件事唔係好乾，肉鬆係中間分量都唔少，好香口，但食食下先發覺有沙律醬，就唔想再食啦，下次會叫走醬。⤵ 葵芳葵富路7號葵涌廣場1樓B01C號舖

今天經過葵涌廣場買了一份手抓餅，選了芝士、火腿、蛋，另外預設有生菜。點餐後店員說10分鐘後回來取。手抓餅的皮香脆，加了一些沙律醬，10分Juicy，要趁熱吃，因為攤涼了就沒有那麼脆

🌟🌯慧食貓 手抓餅 8.6/10呢間係必食🥰！台式手抓餅出面好多但呢間真係食過最好味嘅！餅皮香口帶啲煙韌唔會好油，餡料選擇多而且好豐富高質😍 佢有啲set好左嘅組合，或者可以自由搭配，我就最鍾意食火腿雞蛋肉鬆味，肉鬆好多，食到最後都唔驚冇哂餡😚不過建議早少少去因為有時會賣晒🙈🙈 通常老細會落單俾錢之後話俾你聽過幾耐再番去，因為每張單都係即叫即整，同埋得一兩個店員要俾少少耐心，但係食咗就覺得值得🥰

個攞餐安極唔合理，職員跟自己印象去整餅都唔係跟排隊次序，完全係隨心所欲咁派餐 等咗20分鐘都未有，有啲人就就5分鐘左右就拎到！如果唔出聲就一直都唔整比你！ 建議改善下！

約左朋友去左葵芳行下街、都好耐冇去啦、多左好多小食店、見到一間手抓餅、好似好吸引、就買黎試下😂有吞拿魚同蟹籽、食落有三層口感、吞拿魚架gel感、蟹籽嘅爆破脆感、加上生菜、清脆可口、最完美的配搭😆我叫咗火腿雞蛋芝士加埋豬柳、咬落啖啖肉，加埋生菜中和油膩感、爽中肉感、是一個五錯的選擇😆

⭐️芝士蟹柳手抓餅 $27明明自己係屋企都會整到，但係總會覺得出面食嘅好食啲🤣 呢間煎得幾香脆又唔會好油！而且唔係落椒鹽五香粉而係特製醬汁！芝士蟹柳呢個組合其實一定好食🤪

平時都係老細喺度先食，今次得兩個女職員喺度見冇乜人食唔洗等又買黎食下……………………………………………..叫完之後冇耐就無端端好l串咁話 你唔行過黎又點攞啊？叫完野食緊係行埋一邊等啦？我地都係企喺隔離個夾公仔機度好l安靜咁企係度等，唔通塞喺你鋪頭前面左住曬咁等咩？行埋過去又原來未整好，完全唔知條女做乜春，更年期下話？整得又唔好食，勁鹹，完全唔係老細整嗰種味，一肚火食l到……………………………………………….

星期日黎到葵廣掃街，葵廣出名多平價小食檔，經過見到呢間舖仔細細又隱閉，但係店前企滿人，原來係食手抓餅，之前係旺中都見過，不過果次食飽野無食到，今次就試下啦呢度係先同店員落Order講要邊款先，然後10-15分鐘之後再返黎，拎食物既時候先俾錢點左招牌火腿雞蛋肉鬆手抓餅($26)饀料勁豐富仲有生菜同蕃茄餅皮勁酥脆，加埋啲醬料，勁夾勁好食難怪真係咁多人，隔左一個鐘再經過已經見到佢放左塊手抓餅已售罄既牌出嚟果時先係下午三點左右，證明呢間手抓餅真係好受歡迎下次再黎試埋其他口味先

今次行過慧食貓，望到成堆人哩啦哩啦嘅順手就叫咗份火腿雞蛋肉鬆手抓餅。食貨我當然唔會放過美味攻擊啦！心諗，呢卷可愛嘅手抓餅會有啲咩驚喜呢？手上嘅餅熱呼呼、熱氣腾腾嘅，拎住感覺都熱浪滾滾。咬落去，千層酥皮🍞鬆軟得嚟又不失彈牙，每啖都得到滿滿嘅滿足感！嗰肉鬆，估唔到居然咁豐富、咁有層次🌟。細細粒肉鬆粒粒都入味，同火腿嘅咸鮮成為味蕾上嘅絕配。至於雞蛋🍳嘅話，嫩滑得令人擋唔住，夾在酥脆餅皮同鮮嫩肉鬆之間，整個唔會覺得過於乾巴。仲有啲芝士嘅香濃，打咗個滾，不經意咁流淌出嚟。加埋爽口生菜🥬，食落爽口得嚟又清新，咬落啲生菜仲脆生生，解嘅悶。總括黎講，個人覺得慧食貓真係嚟到美食界添咗把活力🔥。從外觀到口感，再到價格，呢間都算係值得一試！有機會過嚟呢邊，唔好錯過啊！👀👍🏼✨