愛群餐廳

營業中

休息中

已經光顧愛群很多次了, 一為食物, 二為情意結, 香港已經很少這種古舊西餐廳了.最近見愛群重新裝修, 一定要去支持下, 雖然心中不太認同新的風格:完全沒了古舊西餐廳的味道.7時左右坐下, 心中慶幸還有位子. 全場是差不多全滿. 叫食物. 開餐牌, 發覺食物比未裝修之前貴. 沒有所謂吧, 反正都是支持的, 叫了2個價值92元的鐵板燒: 西冷拼魚肉 及豬扒拼德國腸.等了10分鐘左右, 豬扒拼德國腸先上. 侍應還說小心濺起熱汁. 但熱汁倒在鐵板上時, 完全沒有一點聲音, 證明其實鐵板不熱, 吃一口豬扒, 嘩, 那豬扒已經沒有肉的纖維, 就如爛了的肉, 不用咬已經可以吞. 惟有吃那未發育的德國腸, 它真是小得可憐, 心想不是吧? 後來再上西冷拼魚肉, 無論西冷還是魚肉, 都是入口即化, 完全沒有肉的質感與味道. 而且西冷很薄, 完全不知自己在吃什麼. 大家可以看看相片, 那西冷, 真的情可以堪!!!! 心裡不是忿怒, 而是傷心: 幾十年的老店, 也如香港淪落至此???即時想是不是餐廳已經轉手, 以致食物質素大降, 問伙計, 伙計說沒有轉手. 正在懷疑之際, 我們看見之前的老闆在店子一旁!! 我

裝修後既愛群,面貌全非。但都要黎會一會! 但只此一下,永無下次!雙併加左價。價高左,物量少左!7點半夠膽同客講雙併既牛賣哂!!!!!!星期六晚市你咁搞, 真係唔想做生意咩?????晚餐精選係平左但變相就無左小食!食開既人都知。餐包同湯一向都係足料既。宜加, 自己話係香草焗意大利包。最終就係俾多士, 仲要濕既。湯唔可以再叫做湯, 係水。紅湯係菜加水, 白湯稀到就黎無味。飲緊就已緊秒速上埋鐵板。份量少都無得再少!!!!加28蚊話大蝦皇喎，但隻蝦同牙籤既長度差唔多。鐵板又唔問幾成熟全部鐵板勁熱塊扒變哂全熟雞扒變到燶哂。燶味勁到食唔到!!!!!!以前意粉係茄意, 宜加係白烚意最愛既甜品啫喱已經無左,得返雪糕雪糕一上,已經溶左一半沒有最差, 只有更差!!!!!!!!深水埗又少一個食好野既地方

服務態度差…混亂…勁走單…上菜次序超混亂先上主菜紅酒燴牛尾一半…另一半薯菜…等了一小時都唔到…追單每次馬虎了事…跟住黎湯…落單要紅湯…冇又唔出聲…追單問點解未黎湯…先話冇紅湯…轉南瓜忌廉湯…點知出事…個湯拎埋黎已勁大陣燶味…試少少個少燶味冇可能接受…品質品即時打晒折扣等了一個多小時既薯菜終於黎…點知得幾粒細少的薯粒…都唔知點解要等咁耐…仲要唔熟的…真係氣死我…紅酒燴牛尾…汁味道幾好…但牛尾勁水味…完全唔知想點…以前既愛群餐廳水準幾好…見佢開番諗住唔差得去邊…點知大大失望

港式扒房試過唔少飛鷹, 花園, 金鳳, 第尾, 哥登堡 … etc就係愛群未試過港式扒特色 "鬆肉粉開光 牛味近乎零"呢次尚算有牛味肉當然冇牙都食到 ^^魚扒外脆 肉部份乾身不過嫩滑的魚肉絕對不少有點驚喜份量大 絕對食得飽埋單加一 $91稍貴 尚算物有所值

見到都飽！超大份！汁又多到滿瀉，切都冇切！肉質馬馬地，牛排冇牛味，羊排冇so味！👎 Dessert ice-cream 都 okay, 吾差，但總括，吾值得再去！3.5-4分 / 10分

五點，來吃下午茶。茶餐廳的下午茶來講，不過不失啦！沒有驚喜，但不難吃。主要想講服務態度ok喎！其中一位侍應好有禮貌，亦好有交帶。例如我們3個人叫了3個餐，兒子說只飲水。因此我們點餐飲都用了一陣子，侍應很有耐性地等候。至於餐廳的環境比較昏暗，就如舊式高級餐廳般！

朋友話愛群在假日通常要等位，所以6:30pm到，不過都要等5分鐘。朋友又話個龍蝦牛柳餐好大份，所以叫左一份原隻的share，另加一個西冷晚餐。紅湯、餐包，舊式西餐廳風味，湯香濃，包香軟！個晚餐有雞翼做頭盤，剛炸起的，香口！主角出場，好大份啊  肉質肥美的龍蝦大鉗、鋪滿芝士的龍蝦身充滿蝦膏，雖然明知不是新鮮游水海鮮，但仍蝦味濃耶，焗得鮮香味美到不得了！六成熟的牛柳，好腍，但過份香濃的黑椒汁蓋過肉味了。Menu寫是鑊仔牛柳，但沒有用鑊仔上。西冷晚餐都不錯，薯條新鮮炸，西蘭花爽脆，牛扒亦好腍，較牛柳肉味多，但兩個餐的份量實在多了點，最終要將半塊(如手掌般大的)西冷帶回家。餐茶不得不選檸茶消吓滯，驚喜是用有名的奶茶杯，見到＂豬豬＂就不敢笑一個  未完的還有啫喱和雪糕－啫喱一般，朱古力雪糕味香濃，不太甜，好好味

回想起呢到,讀書年代已出現,是正宗的老牌西餐,午餐跟足傳統,先上餐包,再上紅,白湯,最後主菜,今次叫了個鮮茄焗芝士腸雞扒飯,配白湯,麵包熱熱的,配合牛油鬆軟香濃,餐湯是粟米忌廉湯,忌廉味夠濃也好多粟米粒,飯方面,跟足港色焗飯做法,炒飯底,配濃濃的芝士同蕃茄汁,就算淨飯其實都開胃美味,雞扒方面,預先切好件煎香,唔錯,芝士腸就普通凍肉店出品,檸檬就一般,凍太多總結平價得來,美味,可滿足午餐所需,服務也唔錯

自從前幾日飲咗碗好難飲嘅羅宋湯之後，一直都覺得差D咁，好想飲返似樣D嘅羅宋湯！咁啱今日嚟開長沙灣，諗起愛群嘅羅宋湯唔錯，所以就決定係度食個lunch。我之前都有嚟食過幾次，多數都係紅湯加鮮茄焗豬扒飯。不過今日午餐冇焗豬扒飯，所以就叫咗個鮮茄焗雞扒煙肉。傳統老店Lunch Set跟餐都一定係有餐包同湯。餐包雖然係某牌子嘅包，不過餐包上枱時是溫暖的。餐湯一定是點羅宋湯，不知道是否我太早來(太約十二點)，還未煲夠時間，覺得今次嘅湯淡了一點，又唔係唔好味道，只係濃度差一點點，所以顏色都比平日淺一點，但味道基本上都差不多，酸酸地又有少少香辣。可能真的太早來，我見之後出的羅宋湯顏色都比較正常。焗飯都係一樣唔可以話唔好味道，不過就怪怪的，完全冇蕃茄味而且一粒蕃茄都冇，只有洋蔥同蘑菇，而味道方面亦比較似燒汁多D！雖然我好耐冇嚟，但我記憶中的鮮茄焗豬扒飯，有好香濃嘅蕃茄味！不過我見味道方面又好似冇咩問題，所以冇出聲。雞扒就冇咩問題，好厚、好腍、好Juicy！飯都做得好好，係炒飯底，而且時間控制得剛好，軟硬度適中，不會焗得太過乾身。最後叫係茶走，都唔錯！好過好多茶記，夠濃滑又夠茶味，只係香味還差一點點。不

平時成日經過愛群餐廳，今次第一次同屋企人嚟食我地嗌咗幾個餐，唔記得影 都係啲扒餐，冇咩特別，味道都係咁，唔係好好但都唔太差@@呢個係頭盤法式焗田螺，我覺得啲薯蓉仲正，焗得啱啱好，但食到勁飽肚！愛群餐廳正在啲餐仲會送甜品，雖然只係杯雪但我已經好中意XD呢間餐廳啲waiter服務態度好好，而且比起同類餐廳算係好平，值得推介！

青蛙的舊曆生日, 豬大人特意選了長沙灣有名的''愛群餐廳''食飯慶祝。店內陳設懷舊, 應該有一段歷史~青蛙最喜歡在這樣的餐廳內剧扒,總覺得氣氛才是對的。跟豬大人各自點好餐後不久,香噴噴的餐湯就上檯了~牛味挺突出的什菜湯, 帶有少少酸, 醒胃喔!緊接上檯的炸春卷即炸熱辣辣,非常香口之餘, 內裡的配料爽口又入味~青蛙一人ko了兩條, 呵呵 ^^主菜要來囉~~~青蛙的生日大餐-->鐵板龍蝦豬扒（黑椒汁） 開邊龍蝦上滿佈青蛙大愛的芝士！！！而且一般在外吃到的龍蝦套餐，龍蝦殼比肉都多～不過這裡的龍蝦，想不到肉也蠻多，而且肉質彈牙鮮甜 至於豬扒有成三大塊，青蛙一人根本吃不完，要勞煩豬大人幫口才能完滿解決。不過豬扒肉質偏硬，肉味不重，感覺一般；還有就是如果黑椒汁多一點點會比較好～豬大人的黑椒Ｔ骨牛扒，雖然不是以鐵板上，但見豬大人同樣吃得津津有味。青蛙試了一口，肉汁挺多，牛味濃～意粉需要另加錢，幸好只要了一份～雖然份量多，但極為乾身，而且很酸，不好吃　＞。＜最後就是餐飲與甜品～花奶啫喱不好吃，士多啤梨味像極藥水味；相反朱古力雪糕，既香濃，又不太甜，好吃。

今年元誕日的大餐特別走去玩懷舊, 雖然我小時候並非住在這區, 但我知道凡是這種舊式豉油西餐廳是一定會跟回昔日賣聖誕、除夕、元誕大餐。當走入餐廳, 自然有種時光倒流的感覺, 牆上貼有懷舊的波點牆紙, 左右兩邊牆皆排了寬闊卡座, 中間是普通的餐檯椅。  遠處掛有大電視, 是當日全場的矚目點。有細心留意過卡座上的波形花燈罩, 竟然沒有藏塵!既然走來豉油西餐廳吃扒, 吃的當然是被鬆肉粉殺死的肉扒, 午餐都有$44的西冷牛扒, 但是元誕日想吃得好一點便點了別的, $85一份鐵板餐, 有肉也有海鮮, 真豐富!  最期待就是有甜品, 舊式豉油西餐廳的甜品通常是一球雪糕或者一杯啫喱, 可是那隻滿載童心的高腳鐵杯, 才是戲肉!兩個人叫了兩份相同的餐, 但是餐湯絕對不能一樣 (小時候我喜愛忌廉湯, 長大後在餐廳裏喝的忌廉湯通常已失水準, 因此改喝了紅湯多時, 今次特別要懷舊一下。)紅湯 (相信是雜菜湯) ... 嚐不出有牛味, 所以認為是濃郁的雜菜湯。  一碗載滿雜菜的甜, 味道豐富, 蔬菜已煲至軟腍。有驚喜的忌廉蘑菇湯 ... 湯質可以保持濃稠幼滑, 奶與麵粉的味道皆恰到好處, 可以說是一碗好湯。麵包被

宵夜時間，但係想食肉，所以就冇叫宵夜叫咗個晚餐。點知塊西冷又硬又凍，幾乎零肉味，仲要難咬開，就好似食緊膠咁樣。後尾加多個汁啪晒落口算數。不過侍應態度不錯，係唯一有分既地方。可惜加一之餘，原來個舊白飯居然唔係跟餐既要另收錢，但係侍應又好順口就直接問要飯定意粉。唔係三蚊雞既問題，而且中咗陷阱既感覺。所以冇計，整體負評。

約了友人在此進餐，本來不知是這種有點懷舊feel的餐廳。在這種氣氛下，突然很想食鐵板餐。叫了雜扒鐵板，超大份，加錢叫了杯大啤，十分滿足。餐前的羅宋湯很好味，一直都覺得此類型的餐廳的羅宋湯最好味，味道傳統，也很足料，不會太酸。鐵板是有牛豬雞火腿和腸仔，勁大份，加上黑椒汁，真是回味無窮。甜品再來個雪糕，很完整。穿著傳統侍應服的服務員也很friendly, 會跟我們說笑。

週末的下午三點，倆口子都未吃午餐，到這裡撐枱腳，被安排坐於餐廳的卡位角落處，裝修陳設是有點舊，但其特色是刻意把燈光調暗，隔數張檯便亮著一盞金黃色的罩燈，別有一番情調