愛群餐廳

營業中

休息中

呢間餐廳歷史悠久，我間唔中都會嚟幫襯，由於近期呢一區好多新樓落成，人口漸漸增多，餐廳食肆嘅數目比以前亦都多咗好多，餐廳之間嘅競爭都好大，有競爭自然係要進步，可能正是呢個緣故，推大約半年前重新裝修，裝修後嘅感覺截然不同，坦白講，感覺係高檔左不少先不要講食物及服務的質素，裝修後嘅格局，我個人是很喜歡的，喺度Hea下，傾吓計，飲杯野，給人一個悠閑舒服的感覺，如果有機會坐係窗邊的位置，你一定會多坐一回，牆壁，及有一些黑板的感覺都會吸引你的視線停留咁嘅格局，相信都值得大家嚟試吓，當然你會問我除咗格局之外食物嘅質素又如何？坦白講食物質素，我個人覺得只是合格，未裝修之前，可能要求沒現在那麼高，今天總是覺得食物質素追不上現時其他餐廳進步的步伐，好像還停留在一些快餐聽的水準左右今天是星期日，但客人亦不算太多，亦無需等候時間，這正正是客人的選擇！早餐都是比較Basic，唯一要讚一讚的就是他們凍飲的杯子，我很喜歡，始終視覺對於我來講都係一種享受最後要提一提的，就是服務員的態度，他們好像也沒有跟上潮流的步伐，這一方面可以改善一下，加多一點點笑容吧！

從來都冇諗過會寫負評😐，但真係好失望。一直以來都係愛群嘅熟客，有咩食大餐嘅時候都會第一考慮。但今日真係。。。😑😑2個人坐低個陣好開心。啱啱飲完湯，餐包切左半邊都未食完，就有人過黎放低豬手嘅同時收走左餐包😧，問都冇問，都阻止唔切🙄，都算啦。個德國咸豬手怪怪地，啲豬肉味好濃，唔係鮮味🤢，重點以前食過幾好味，個陣印象好好！但我唔識形容，但印象唔似平時食開個種咸豬手味。拆左骨，食左啖，已經頂唔順個味，但男朋友冇乜所謂⋯⋯🙄🙄就咁等左好耐，另一個set好耐都未黎，加上又收走左個餐包，豬手又唔好味，淨等越等越唔順氣！覺得自己好委屈，就係咁屈住道氣。終於等到個扒餐，個侍應問都唔問就將黑椒汁倒落盤嘢度！我都唔知可以講乜🤷‍♀️🤷‍♀️，已經阻止唔到！唔通我同佢嘈咩？平時係會問咖，而且本身都冇呢個習慣，我并唔係想食黑椒湯牛薯條囉🙅⋯⋯⋯⋯終於，食左幾啖，條氣唔順，嘢飲都未嗌就走左，買單個陣有問過係咪真係唔食？真係想講，頭先收餐包個陣又唔見你地問下先？總之係一個唔愉快嘅用餐，冇諗過自己會俾負評一間幫襯左咁耐嘅餐廳，so sad。。。最後一肚氣咁走😤😤以後都唔知仲繼唔繼續去。

食早餐我通常都會走包走多土因為我知道一定會食唔哂但食愛群早餐既多士唔走得 因為係蒜蓉多士 脆卜卜加埋早餐個個滑蛋上去 件雞扒都變配角😂愛群餐廳長沙灣青山道177-179號地下

之前起碼來過兩三次愛群快餐店，究竟這間是愛群快餐店定還是愛群餐廳🤔？現在，內裏已經完全裝修到不同，好像有點兒像屋村下面那些百分百餐廳。以往，第一次吃應該是中學好友一同來，那時的感覺，就像說舊式扒房，又有湯、又有鐵板鋸扒、又有飲料，結果最尾還會有啫喱贈送😍。現在，愛群餐廳經已翻新，這次午市內進，人來人往，可能因為價格比較廉宜，無論是辦公一族、定還是地盤工人，均會前來午餐。是日為某一個紀念日，於是專程前來鋸扒，自我慶祝一番。點了一個西冷扒拼炸蝦拼薯菜。先有一個忌廉湯，忌廉湯的賣相比較吸引，內裏內容豐富，有洋蔥、菇菌、黑椒粒等等，味道香濃😀。西冷扒拼大蝦拼薯菜，沒有問過幾多成熟，當然，午餐的牛扒不能要求太高。薯菜看起來也不算太吸引，與平日不同的，就是使用闊薯條🍟，但是不是新鮮炸起，不知放了多久，因此有點兒回氣，外皮比較硬趣，加一點茄汁更加好。西冷扒的質素亦都比較普通，其中一段一切就會發覺有條筋，用刀也切不開，更何況用口咬？而其餘部份的西冷扒也還好，肉質不算太鞋，內裏輕微粉紅，最少不會太乾，味道尚可。炸蝦當然也只是個名字，只有一小條，好像日式甜蝦刺身那一款，然後沾上炸粉，我只把它看作配菜。不用

昨晚和老婆出外撐枱腳，想食扒便諗起這間老字號扒房，新裝修過，價錢比之前加左少少，但鐵板黎講都算平民，我地6點鬆d就去到，時間還早未算多人唔使等位就入得去坐。我們2人點了雙併餐，穀飼西冷牛扒併鰈魚柳&美國豬鞍扒併鰈魚柳，價錢都係$108 一位另加一，仲有甜品 (雪糕或啫喱), 真係超值餐包：唔夠暖，但好軟林林餐湯：忌廉湯，都幾creamy美國豬鞍扒配燒汁：肉質都幾林又大塊，魚柳都ok, 底下都有很多配菜穀飼西冷牛扒配蒜茸汁： 肉質好嫩又大件，魚柳都係ok, 同樣有很多配菜甜品： 啫喱，一定要加花奶先夠完美

依間野係主打卑人睇波吹水既。我係果度食左個西冷羊扒。佢用左「寶雲」做法，姐係有用麵包糠放在食物表面 再用芥辣夾在中間。食件事好好食。入口好香。果日係同朋友一齊食野加傾下計聚舊咁。果日同朋友傾左好耐都冇卑啲人趕出黎。同時啲Waiter都好專業。會問你幾多成熟，要用咩汁咁。我個人黎講覺得如果想要一個傾計 坐得舒服又啲野食唔太貴既地方既話 依個都係一個唔錯既選擇！

除夕夜想踞扒便想起這間愛群餐廳 - 長沙灣老字號扒房，因價錢合理及份量大件夾抵食，便和家人一行三人去食。 可能我們6點幾去到，時間還早，所以不用等位。我們分別點了2份西冷牛扒及1份什扒，餐包括有餐包、餐湯(羅宋湯或忌廉湯) 、主菜(扒)、餐飲(咖啡或奶茶之類) 及甜品(雪糕或啫喱)｡餐包：唔夠熱或暖，但都好軟熟。羅宋湯：好足料，酸酸辣辣的，好開胃。忌廉湯：感覺一般西冷牛扒：本人因不食太生既野，所以叫了九成熟，但很易切及好林，牛扒夠大塊，配菜亦很多，配上燒汁好好味(這相影之前未淋上汁的)｡什扒：有牛扒，豬扒，雞扒，腸仔，每件扒都好大塊，配菜亦很多，滿到個鐵板都差d裝唔晒總括：大件夾抵食，食物水準ok, 價錢又不太貴。

住喺附近，基本上大家都知道呢間餐廳，老字號！在這一區已經好多年，我當然都食咗好多次不過竟然未為我佢寫過食評，今次就特意寫寫大家都知道其實係普通食扒房茶餐廳，價錢抵食大份，當然食物要求就唔可以咁高，普通貨仔我哋兩個人就叫咗一份羊架同埋牛扒，如我所願都係大大份好抵食！ 不過羊冇蘇味，煮得太淋，好似乸過咁. 不過心諗這個價錢仲想點，算係咁啦而牛扒就正常少少，夠厚，五成熟都做到五成熟兩個餐都有送餐湯餐包，紅湯白湯又係呢啲不過兩個人埋單都係三百幾蚊，點會同佢過唔去！不過附近開咗好多新餐廳，如果要食質素當然就唔會揀佢，可能都係食返茶餐會好啲如果好似九點幾之後仲有折，消夜都可以

呢間餐廳我已經去過好多次， 因為佢訂嘅肉好靚，啲牛、羊、豬扒都好正， 所以我連外國朋友都會帶去，佢哋都話好好食。 我建議食羊扒要叫侍應俾薄荷啫喱， 食鐵板餐嘅時候啲汁要另上， 然後自己淋上面要幾多淋幾多， 因為D汁一次過落曬， 啲肉浸住啲汁，會冇咁好食。有次我同我阿哥去，佢仲話好抵食，話啲嘢好大碟。琴日十號風球想去愛羣，咁就去openrice搵佢哋個電話，睇下佢哋有冇開， 我見到啲人畀comment， 好戥佢哋唔抵， 我見到有人話啲嘢遲嚟，要佢等成個鐘，吓！點會等成個鐘都唔走㗎!仲喺度等? 仲有，佢點會想你等成個鐘， 做多一轉客人好過啦！咁我都有試過要催單嘅經驗，可能人多廚房做唔切，又或者啲單遺失咗，我等咗三四個字就會叫啲侍應幫我跟一跟單。最後一提嘅係啲侍應招呼得好好，呢個亦都係我點解成日會返去幫襯嘅其中之一個原因

舊式扒房係香港已經買少見少，今次黎到呢間平民扒房雖然唔太就腳，不過地鐵站行過去都唔算遠，大概5-10分鐘左右就見到。黎到呢到梗係叫個雙拼鐵板餐啦，雞、牛、豬中揀一樣，可以拼魚柳，司華力腸或者加18蚊要king size蝦，最後揀左牛排魚柳。西冷肉質都幾嫩滑，有少少根，同金鳳既西冷相比，略嫌牛味唔夠突出，魚柳就正正常常，可以收貨啦奶茶控既我對奶茶要求比較高，呢度既奶茶茶味唔出，亦唔夠凍，係勝在大杯，不過因為口味唔岩所以都飲唔晒套餐有埋甜品，可以揀啫喱或者雪糕，不過啫喱咁岩冇晒，唯有食雪糕啦，慶幸味道都唔錯對於食物要求高既最好選擇其他扒房，若果追求大件夾抵食既，呢度會好適合你！

半年前吃過一次，冇人招乎及出餐勁耐。等了半年，以為有所改善。但非常失望。坐下來等了十分鍾仍然沒有人給餐牌，服務員直行真過沒有人問一聲，直至忍不住叫服務員給餐牌。點了一個雞飯及一個豬扒套餐。雞非常之冇味，豬扒熟到像豬肉干。真的連投訴也沒心情。買單走人。永遠 blacklist 看見老板走來走去是比較有誠意，但那裡的員工卻在趕客，最慘是食物水準和以前差天共地。現在附近已經開了很多新餐廳。恐怕他們這樣下去生存不了。起碼我已經不會再去

非常邪惡嘅配搭，本來想搵西餐食，見到呢間都算西餐就入去試下。set入餐包係免費贈送的，而餐湯有紅湯同白湯選擇。湯入面餡料唔算多。酥皮焗田螺，配搭突出，味道還相當不錯。原隻法式芝士焗龍蝦，份量都算大，加上芝士味唔算好濃，所以食落唔覺得好漏！鐵板銀雪魚，餐有唔同既汁比你選擇，不過我覺得用黎點好過淋上去，成塊魚柳咁一d骨都冇，就咁食都好夠味！飲唔size都算大價錢都算實惠，而且有甜品送，有雪糕或啫哩比我選擇。

新年頭去長輩家拜年，請佢地食野。一行6人到佢地相熟的愛群餐廳，未裝修以前同佢地食過－次。今次見佢地裝修完，光猛左modern 左，餐牌食物加左少少價，但都仍算抵食。eg. 牛尾飯$45,焗意粉$46，下午茶多士餐$26老闆伙計同長輩們都會傾下計，感覺就是很親切。我不太餓，只叫了豬扒包加杏霜，脆脆外皮，加上好味豬扒(中間有沙拉)，都唔錯，只收$32。最後，我埋單都只係$270,又無新年收加二加三，幾抵食。

和朋友有事忙到十點幾才吃晚飯，想起愛群收得比較夜，所以就選了愛群宵夜作晚餐～宵夜選擇不多，而且要加一😑我們點了3個出前一丁麵餐，但有2個的餸都是錯的(單是正確)，為了不浪費食物惟有照食另外叫了2個墨西哥牛柳粒炒飯，明顯是一起炒的，但我這碟超多牛柳粒，朋友那碟卻沒有牛柳粒😂😂😂，味道不錯，但炒不勻有白飯，而且很細碟這個時段，這個價錢和這個份量老實說我覺得不值～

今晚同男友無咩planing，又唔係好肚餓，諗住求其在附近搵間餐廳食。去完深水埗買嘢，行過長沙灣食飯見到愛群餐廳，見裝修都幾靚，響門口睇到餐牌，晚餐食扒又幾平喎，咁就入去試吓啦。因為我同男朋友都唔肚餓，今晚淨係叫咗一個扒餐share食。真係估唔到都幾大份！我地叫咗龍蝦西冷牛扒餐，好味！連薯菜都唔hea! 真係超有誠意之作！先講跟扒嘅配菜，平時食扒嘅薯菜，通常係配嗰啲好Hea嘅菜，即係永遠都係配頹飯嘅菜，但今次呢間係配翠玉瓜、紫色洋蔥、甘筍等，仲要啲薯條超大條！你條仲要唔會比啲汁搞到林晒，加分！西冷牛扒，我哋叫咗五成熟，加埋鐵板，啱啱好。好厚、多汁而且牛肉味夠，感覺唔會好似落咗好多鬆肉粉咁，正龍蝦就一般水平，不過心諗都好難整得難食本身冇意粉跟餐，加5蚊就有茄汁意粉，意粉都好食喎，好濃茄汁味真係杯奶茶都有得讚，加3蚊，個杯高到同枝茄汁一樣高，利害利害！奶味較濃，鍾意茶味濃啲嘅朋友應該會覺得麻麻。而最值得讚賞嘅係，餐廳嘅服務員真係超好，晚市多客，服務員請我地轉枱，態度好到我地都有點唔好意思，即刻say yes!! 滿足、滿意嘅一餐！