愛群餐廳

午餐食扒餐，有包（熱烘烘＆軟綿綿），有紅白餐湯選擇（羅宋湯總是最受歡迎），有餐茶（我們叫了一杯熱檸水＆一杯熱菜蜜）本想叫 熱柚子蜜，但要加錢。兩個人選了兩個扒餐，一個選了美式西冷牛扒（黑椒汁）跟薯菜，一個選了鑊仔牛柳（洋蔥汁）跟意粉，還可選擇多意粉。每人$88，這個時勢，如包甜品或免費轉紅豆冰，相信會吸引多客。…查看更多

獲仔牛柳7乘熟，有餐湯，餐飽配餐飮$88/set! 味道濃厚配了黑椒汁。早前去光顧灣仔一間老字號扒餐廳要二百多，質素也不及呢餐！當時失望之極！今次截然不同，抵食有質素。一刀切下去軟綿感覺，七乘熟中間見到微紅肉嫰嘅肉質，胃口大開！來一杯凍O茶，真是絕配。講歷史呢度也不遜色。建立於197* ！忘了是86?79? ！！大家不妨試試！希望質素繼續保持，讓市民街坊都可以享受一頓平靚正港式扒餐。…查看更多

安格斯漢堡包煎熟後OK好食。不過要人提示。佢哋嘅咖啡好好飲。餐湯都唔錯，有餐包跟加個牛油。另外叫咗個三文魚鰭焗忌廉意粉。勁多三文魚鰭，三文魚鰭都炸過嘅。附近一帶開咗好多年嘅餐廳。…查看更多

今日天氣好好，太陽又曬，決定外出去吸引下維他命D 行下行下，想起很久無行去長沙灣，便想去看看這間老店，因為很久無去鋸扒了Order了個西冷牛扒，又order了指定的凍奶茶。看看其他桌的客人，不少是在靠近地方工作的來食午餐，不多遊客，又不多來打卡的青少年人，這樣才是獅子山下的真香港文化。説回食物，個包是個普通的餐包，最小有包傳統的牛油。紅湯是小辣的菜湯。Order 了7成熟的，大家可以看到，可能下次要order well-done 了。今次的彩蛋是「喼汁」。我很細個的時候已經識喼汁是和牛肉match 的，要知道你去扒房傳不傳統，看看有沒有喼汁便知道了…查看更多

嗌咗個T骨 成舊扒 唔係筋就脂肪 🥴🥴total得40%係食到嘅肉 係食到咋 完全係唔好食嘅 T骨係有舊骨係中間 但唔代表要冇乜肉食到囉😠😠好失望 之前食4次都ok 今晚唔知佢哋發生咩事😡😡😡另外都仲叫咗嗰帶子牛柳 叫5成 帶子okay好食嘅 有兩舊肉 嚟到一舊7成 另一舊差唔多熟哂🫠🫠🫠兩舊肉都冇乜肉味 黑椒汁開咗水 淡到冇乜味 節日仲要夾硬要人加價食套餐 加價唔係問題 但係唔好比啲咁嘅嘢我食囉 呢間冇下次 唔求你比好靚嘅肉我 但係唔好差到咁☹️☹️☹️…查看更多

去左愛群餐廳試佢哋嘅蕃茄雞髀飯，話你知啦，以前細個住e到都成日食呢度嘅！食落嘅感覺仲係咁懷舊，真係好溫馨。啲蕃茄雞髀飯煮得啱啱好，啲雞髀肉夠多汁，配上蕃茄嘅酸甜，味道好平衡。飯都係軟糯香，真係好懷舊啊！如果你鐘意蕃茄味嘅飯菜，彩虹愛群餐廳係一個值得一試嘅地方。食完之後，一定會帶返啲美好嘅童年回憶！…查看更多

上次去呢間餐廳食野嘅時候，因為可能坐得太靠近入口,所以感覺有d熱，唔夠冷氣。所以呢次就特別要求店員安排我哋坐喺啲入邊啲位同埋要冷氣係夠充足嘅地方。呢間餐廳嘅湯可以話係非常出眾,他們嘅紅湯真係非常好飲,比其他餐廳嘅紅湯更加濃郁,又酸又辣,好開胃。所以呢我哋一定要試下佢哋嘅紅湯,唔好揀白湯。今次我哋點咗個牛仔骨炸魚柳同薯菜。牛仔骨嘅牛肉香味非常濃厚,而且熟度剛剛好,咬落去非常鬆身。加埋炸魚柳令到個餐點兼備咗兩種唔同質感嘅肉類。不過呢就唔好點西冷牛扒,因為上次試過,個牛扒有啲韌,唔係太容易咬落肚。總括黎講，呢間餐廳嘅午飯菜式質素都算多樣化，而且每日都有唔同嘅lunch Menu，幾有新鮮感。雖然位置同氣氛方面可能有啲小瑕疵，但只要可以安排到我哋坐喺入邊調教好嘅位置，食落都唔會話出哂汗同太熱。…查看更多

炎炎夏日，入咗呢間餐廳食午餐，佢lunch set 最平大約$68。一開始個餐湯揀咗紅湯，非常好飲，夠味又夠辣。但點知愈飲愈熱，出哂汗，冷氣明顯不足，完全一d風都無。不過個湯真係好飲嘅！之後個牛扒嚟咗，好難咬，但薯條好食。飲品叫咗熱菜蜜，都好飲嘅。不過下次唔會再叫扒餐，可能會試下其他。…查看更多

細個住附近，呢間野都叫做由細食到大，就算搬左都會照間唔中返黎回味下。 呢間啲嘢食都算叫做大碟，會有湯、餐包、主菜、甜品同埋飲品。連飲品都算大杯，價錢公道，食完真係會捧住個肚走。唯一唔好既係間嘢真係需要搞搞個冷氣，越食越熱呀大佬，最後要出動埋風扇仔，一路吹一路食，少狼狽😅…查看更多

父親節高高興興來吃一餐晚飯，換來一身汗水和一肚氣。這間餐廳我已可以光顧多年，但今天冷氣系統出問題，又不預先告知客人，所有人都食到大汗踏細汗，人手又不足，極度失望，連出品也有問題，龍蝦湯是有苦味的，應該是煲燶了！😓以為經營多年的餐廳對突發的情況會十分有經驗，但原來也是如此！由於餐廳指定要食父親節套餐，在十分有限的選擇下，還是要吃鐵板餐！🤬在沒有冷氣下吃鐵板餐，真的十分沒趣，職員也沒有安撫吃得大汗淋漓的客戶，只是當客人追問為何餐廳這麼熱的時候，只是輕輕告知冷氣壞了！…查看更多

等左半小時先知漏單仲要同你講其中一個餐已經無哂叫我地轉都算我地其中兩個餐係羅宋湯拎到返屋企淡到顛個色一定溝左水同清湯有咩分別大佬做唔掂就唔好不停放人入去希望改變下…查看更多

港式鐵板~已買少見少,第一次食還吾錯感覺,今次第二次幫襯,原本好期待…但最後好失望~鑊仔牛柳今次肉質(嗱)得太勁😵‍💫😵‍💫😵‍💫,好嗱淋過窿...梳打粉太過勁…羊架肉質又是這樣的淋淋淋…似(梅)~怕怕!對上次食是12月…不會這樣~好好味又抵食!環境不錯、服務還可~但今次~太可惜了~不會再來~…查看更多

1976年開業，一間有歷史嘅港式扒房。星期五晚上，七點去到，唔使排隊就有位，過咗一陣已經坐滿晒人。侍應全部都好有禮貌，好好笑容，倒汁落鐵板時仲提醒我哋小心，驚彈到我哋件衫。同朋友兩個都叫咗唔同嘅雜扒餐，朋友嗰個有羊，我唔食羊，所以叫咗有腸仔煙肉嘅雜扒餐。麵包鬆軟，好欣賞仲有微溫，有整熱過唔係凍冰冰的。呢類型港式扒房，最怕食到啲肉係有好大陣雪藏味同鬆肉粉味，但呢度嘅肉可以接受，當然唔好用高級扒房同比，但呢個價錢算係好好食。薯菜本身以為係薯條，點知係薯粒，但唔係就咁切粒就算，係有調味的，味道似薯仔沙律，就咁食唔點汁都已經好夠味。17號嘅11點至一點咩嚟㗎？幾點呀？ 11-1號呀唔緊要啦，其實佢都未必鍾意出街我哋唔好逼佢做啲唔鍾意嘅嘢。雜菜全部有炒過有調味，整體嚟講鐵板上面所有配菜都好用心，一啲都唔馬虎。另外飲品紅豆冰份量好足大大杯。期待下次再有機會嚟食！…查看更多

呢日同大少小妹去長沙灣影學生相，順道帶佢哋嚟傳統扒房，食個扒餐，等佢哋感受吓媽媽細個去食西餐有幾開心。呢度裝修有懷舊特色，黑色嘅格仔梳化同綠色嘅座椅，有格調得來又有懷舊風。我叫咗兩個精選牛柳餐，同佢兩個食。先來個餐包，熱辣辣，好鬆軟。餐湯我叫咗一紅一白，兩款都好飲！紅湯足料，白湯夠滑。七成熟牛柳好厚又腍好易切，重牛味，配埋特製蒜蓉汁，好入味，因為啖啖肉，佢哋食得好開心。最後亦都係今餐嘅重點——啫喱。啫喱內有雜果，好難得！我教佢哋好似我細個咁，落花奶一齊食，甜甜地又有奶味，佢哋都好鍾意食！…查看更多

叫咗兩個脆煙肉安格斯牛肉芝士漢堡，兩忌廉蘑菇湯。一杯凍華田走飲管，一杯熱咖啡。超快上菜。漢堡包嘅煙肉一啲都唔脆。我唔係好鍾意食煮唔熟嘅漢堡扒。不過有啲人覺得咁先新鮮。…查看更多